“မိတ္ထီလာစျေးကွက်မှ ယခုတစ်ပတ် ကြက်သွန်နီတင်ပို့မှုနည်း”

       မိတ္ထီလာစျေးကွက်အတွင်း ဇန်နဝါရီလ လလယ်ပိုင်း၌ နယ်ဝေးဒေသများသို့ ကြက်သွန်နီတင်ပို့မှုနည်းနေကြောင်းသိရပါသည်။ မိတ္ထီလာခရိုင်အတွင်း မိုးကြက်သွန်ကို မလှိုင်မြို့နယ်တွင်ဧက (၆၅၀)ကျော်နှင့် ဝမ်းတွင်းမြို့နယ်တွင် ဧက (၂၀၀၀)ကျော်စိုက်ပျိုးကာ မိုးကြက်သွန်နီမှာ ဒီဇင်ဘာလအတွင်း ရိတ်သိမ်းခဲ့ပြီးဖြစ်ပါသည်။ ယခုနှစ်တွင် ကြက်သွန်နီစျေးကောင်းလာခြင်းကြောင့် တောင်သူများမှာ အကျိုးအမြတ်များခဲ့ကြောင်းသိရပါသည်။ ဇန်နဝါရီလ တတိယပတ်အတွင်း ရန်ကုန်သို့ (၁၇) တန်ဆံ့ (၁၂) ဘီးကား(၂) စီးနှင့် ပဲခူးသို့ ကုန်ချိန် (၇) တန်ဆံ့ (၆) ဘီးကား (၃) စီးတင်ပို့ခဲ့ပါသည်။ ကားတင်ခအနေဖြင့် ရန်ကုန်သို့ တစ်ပိဿာလျှင် (၁၀၀ိ/-)ကျပ်၊ ပဲခူးသို့ တစ်ပိဿာလျှင် (၁၁၀ိ/-)ကျပ်ရှိကာ ကုန်တင်ခနှုန်းများမှာ စျေးငြိမ်နေပါသည်။ ကြက်သွန်နီစျေးမှာ ယခင်တစ်ပတ်နှင့်နှိုင်းယှဉ်ပါက တစ်ပိဿာလျှင် (၂၅၀ိ/-)ကျပ်ဝန်းကျင်စျေးနှုန်းကျဆင်းလာပြီး လက္ကားဂျွန်စျေးမှာ ၂၁၀၀ိ/-ကျပ်ရှိကြောင်း စျေးကွက်မှသိရပါသည်။

DOCA(မန္တလေး)