မကွေးတိုင်းဒေသကြီးသည် "မြန်မာနိုင်ငံ၏ ဆီအိုးကြီး"ဟု တင်စားရလောက်အောင် ဆီထွက်သီးနှံများဖြစ်သော နှမ်း၊ မြေပဲတို့အား အဓိကထားစိုက်ပျိုးကြသော်လည်း စပါးကို ဆည်ရေရရှိသည့် တောင်တွင်း၊ မြို့သစ်နှင့် မြစ်အနောက်ဘက်ရှိ ပွင့်ဖြူနှင့် စလင်းမြို့များတွင်သာ အများအပြားစိုက်ပျိုးကြ၍ ဆန်လိုတိုင်းဒေသကြီးဖြစ်၍ စပါးအဓိကစိုက်ပျိုးထွက်ရှိသော အခြားတိုင်း/ပြည်နယ်များမှ တင်သွင်းရပါသည်။ နိုင်ငံတော်ဝန်ကြီးချုပ်၏ နိုင်ငံစီးပွားရေးအခြေအနေကောင်းများ ဖန်တီးနိုင်မှသာလျှင် နိုင်ငံတော်ဖွံ့ဖြိုးတိုးတက်အောင် ဆောင်ရွက်နိုင်မည်ဟူသော လမ်းညွှန်မှာကြားချက်နှင့်အညီ မကွေးတိုင်းဒေသကြီးအတွင်း နိုင်ငံ့စီးပွားမြှင့်တင်ရေးရန်ပုံငွေဖြင့် (၂၀၂၂-၂၀၂၃) ဘဏ္ဍာနှစ်တွင် နွေစပါးစီမံကိန်းဧက (၂၅၀၀၀) ဧကစိုက်ပျိုးရန် စီမံဆောင်ရွက်လျက်ရှိပါသည်။
၂၀၂၃ခုနှစ်၊ မတ်လအတွင်း စပါးအဓိကစိုက်ပျိုးထွက်ရှိသည့် ဧရာဝတီတိုင်းမှ ဆန်(၁၆၆၆၀) အိတ်၊ မန္တလေးတိုင်းမှ (၁၉၄၀)အိတ်၊ ရန်ကုန်တိုင်းမှ (၆၇၂)အိတ်၊ စစ်ကိုင်းတိုင်းမှ (၁၂၉၀)အိတ်၊ ပဲခူးတိုင်းမှ (၃၀၀)အိတ်၊ စုစုပေါင်း (၂၀၈၆၂)အိတ်၊ (၁၀၄၃)တန်စီးဝင်ခဲ့ကြောင်းနှင့် ဒေသတွင်း အရောင်းအဝယ်ဖြစ်နေသော ဆန်စျေးနှုန်းများမှာ ဧရာပဒေသာ(ပွင့်ဖြူ) (၂၄)ပြည်ပါ တစ်အိတ်လျှင် ကျပ်(၇၂၀၀၀-၇၆၀၀၀)၊ ဧရာပဒေသာ(မြောင်းမြ) (၂၄)ပြည်ပါ တစ်အိတ်လျှင် ကျပ်(၆၂၀၀၀-၆၈၀၀၀)၊ ပေါ်ဆန်းမွှေး(ရွှေဘို) (၂၄)ပြည်ပါ တစ်အိတ်လျှင် ကျပ်(၈၅၀၀၀-၉၀၀၀၀)၊ ပေါ်ဆန်းမွှေး (မြောင်းမြ) (၂၄)ပြည်ပါ တစ်အိတ်လျှင် ကျပ်(၇၀၀၀၀-၇၅၀၀၀)၊ မနောသုခ(မြောင်းမြ) (၂၄)ပြည်ပါ တစ်အိတ်လျှင် ကျပ်(၆၀၀၀၀-၆၃၀၀၀)နှင့် ဖန်သီး(၂၄)ပြည်ပါ တစ်အိတ်လျှင် ကျပ်(၆၂၀၀၀-၆၅၀၀၀)တို့ဖြင့် အရောင်းအဝယ်ဖြစ်နေကြကြောင်း သိရှိရပါသည်။
DOCA(မကွေး)