စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရံးမှ ပြည်နယ်ဦးစီးမှူးဦးသန်းဦးနှင့် ပြည်တွင်း၊ မူဝါဒဌာနခွဲတာဝန်ခံနှင့် ဝန်ထမ်းများသည် ၉-၄-၂၀၂၃ ရက်နေ့ (၁၀:၀၀) နာရီအချိန်တွင် ကရင်ပြည်နယ်၊ ဘား အံမြို့၊ အမှတ် ၇ ရပ်ကွက်ရှိ ရွှေကံထူး ပဲမျိုးစုံရောင်းဝယ်ရေး ပွဲရုံသို့ ပဲဈေးနှုန်း၊ ဈေးကွက်အခြေအနေများကို ကွင်းဆင်းလေ့လာခဲ့ရပါသည်။
ကရင်ပြည်နယ်အတွင်း ပဲမျိုးစုံပေါ်ချိန် ရာသီကုန်ဆုံးတော့မည်ဖြစ်သော်လည် ဈေးကွက်အတွင်း ကုန်ပစ္စည်းလက်ကျန်ရှိသေးကြောင်းနှင့် ယခုနှစ်တွင်ပဲမျိုးစုံမှာ ပေါ်ဦးပေါ်စအချိန်တွင် ဈေးမြောက်ခဲ့ပြီး ဈေးကွက်ဝယ်လိုအားများပြားခဲ့သော်လည်း ရာသီပိတ်သိမ်းချိန်နီးခါတွင် အရောင်းအဝယ်အီ၍ တန့်နေခဲ့သောကြောင့် ယခုနှစ် ပဲရာသီပိတ်သိမ်းချိန် နောက်ကျနိုင်ကြောင်း သိရသည်။
လက်ရှိ ပဲမျိုးစုံ ၁ ပိဿာ ဈေးကွက်ပေါက်ဈေးမှာ ထောပတ်ပဲ ၄၀၀၀ ကျပ်၊ ပဲကြီး ၃၇၀၀ ကျပ်၊ ပဲလွန်းဖြူ ၁၉၀၀ ကျပ်၊ ဘိုကိတ် ၂၄၀၀ ကျပ်၊ မတ်ပဲ ၃၀၀၀ ကျပ်၊ ရွှေဝါ ၃၂၅၀ ကျပ်၊ ပဲတီစိမ်း ၂၁၀၀ ကျပ်နှင့် ပဲပုပ် ၂၈၀၀ ကျပ်ဖြစ်ကြောင်း သိရသည်။
DOCA(ကရင်)