ပြည်ဈေးကွက်တွင် ဂေါ်ဖီထုပ်ဈေးနှုန်းများ မြင့်တက်လာတာတွေ့ရပါသည်။ ဂေါ်ဖီထုပ်စိုက်ပျိုးချိန် မဟုတ်သေးပေမယ့် ရှမ်းပြည်နယ်တောင်ပိုင်းတွင် အနည်းငယ်သာစိုက်ပျိုးမှုရှိပြီး ထိုင်းဘက်မှဂေါ်ဖီထုပ်များကို ဝယ်ယူမှုရှိသဖြင့် ယခုအချိန်တွင် ဈေးနှုန်းများမြင့်တက်လာရခြင်းဖြစ်သည်ဟု သိရပါသည်။ ဂေါ်ဖီထုပ်ထွက်ရှိမှုနည်းပြီး ဝယ်လိုအားများသည့်အတွက်ကြောင့် ဈေးနှုန်းများမြင့်တက်လာခဲ့ပါသည်။ ပြည်ဈေးကွက်ရှိ ဂေါ်ဖီထုပ်ဈေးနှုန်းများမှာ တစ်ထုပ်လျှင် (၃၀၀၀ မှ ၄၀၀၀)ကျပ်အထိ ဈေးများမြင့်တက်လာခဲ့ပါသည်။ ယခင်ကဂေါ်ဖီထုပ်ဈေးမှာ တစ်ထုပ်လျှင် (၃၀၀-၄၀၀)ကျပ်အထိဈေးရှိခဲ့ကာ ယခုအခါတွင် ပြည်ဈေးကွက်သို့ ဝင်ရောက်မှုနည်းပြီး စားသောက်ဆိုင်များ၊ အသုပ်ဆိုင်များမှ ဝယ်လိုအားရှိလာသဖြင့် ဈေးနှုန်းမှာ အဆမတန်မြင့်တက် လာခဲ့ပါသည်။
DOCA(ပဲခူး)