ပြည်စျေးကွက်သို့ သင်္ကြန်ပြီးစ ပွဲရုံများ စတင်ဖွင့်လှစ်သည့်အချိန်တွင် မြေပဲဆန်အိတ်များ နေ့စဉ်ဝင်ရောက်လျက်ရှိပါသည်။ ဝင်ရောက်လာသော နယ်/မြို့များမှာ တောင်ကုတ်၊ ကံမ၊ရွှေတောင်(ကျွန်းတဲ) နှင့် ပေါက်ခေါင်းဘက်မှ တစ်အိတ်လျှင် ပိဿာချိန် (၃၀)ဝင်အိတ် (၆၀၀-၇၀၀)ခန့် ဝင်ရောက်လာတာ တွေ့ရပါသည်။ ဝင်ရောက်လာသော မြေပဲဆန်များဖြစ်သော လုံးဆန် (အနီ)ကို မန္တလေးဝယ်လက်များနှင့် မြို့တွင်း ပဲကြော်ဖိုသမားများက ဝယ်ယူမှုရှိသလို လုံးဆန် (အဖြူ)ကို မြဝတီသို့ တင်ပို့ရန် ဝယ်ယူမှုရှိသဖြင့် နေ့စဉ်အရောင်းအဝယ်ဖြစ်မှုမှာ အိတ်(၄၀၀-၅၀၀)ခန့်ရှိသည်ဟု သိရပါသည်။ ဆီကြိတ်မြေပဲဆန်ကို မြို့တွင်းဆီစက်သမားများက နေ့စဉ်ဝယ်ယူမှုရှိသဖြင့် အရောင်းအဝယ်ဖြစ်လျက်ရှိပါသည်။ မြေပဲဆန်စျေးနှုန်းများအနေဖြင့် ဆီကြိတ်မြေပဲဆန်(အဖြူ)တစ်ပိဿာလျှင် (၅၇၀၀)ကျပ် ၊ ဆီဆန်(အနီ) တစ်ပိဿာလျှင် (၆၇၀၀) ကျပ်ဖြင့် သင်္ကြန်မတိုင်မီစျေးနှင့် နှိုင်းယှဉ်ပါက စျေးအနည်းငယ် ကျလာသော်လည်း နေ့စဉ်အရောင်းအဝယ်ဖြစ်လျက်ရှိပါသည်။ မြေပဲဆန် လုံးဆန် (အဖြူ)တစ်ပိဿာလျှင် (၆၅၀၀)ကျပ်၊ လုံးဆန်(အနီ) တစ်ပိဿာလျှင် (၇၄၀၀၀)ကျပ်ဖြင့် သင်္ကြန်မတိုင်မီစျေးနှင့် နှိုင်းယှဉ်လျှင် တစ်ပိဿာလျှင် (၃၀၀-၄၀၀)ခန့် စျေးနှုန်းများ မြင့်တက်လာကြောင်း သိရပါသည်။ မြေပဲဆီစျေးမှာ တစ်ပိဿာလျှင် (၁၃၀၀၀) ကျပ်ဖြင့် စျေးငြိမ်နေကြောင်း တွေ့ရပါသည်။
DOCA(ပဲခူး)