တောင်ငူခရိုင် ဖြူးမြို့တွင် အခြေခံစားသောက်ကုန်အချို့ ဈေးနှုန်းအနည်းငယ်အတက်အကျရှိ

       တောင်ငူခရိုင်၊ ဖြူးမြို့တွင် ဧပြီလဆန်းပိုင်းက ရွှေဘိုပေါ်ဆန်း တစ်အိတ်လျှင် ၈၅၀၀၀ ကျပ်ရှိရာမှ ယခုလကုန်ပိုင်းတွင် ၉၅၀၀၀ ကျပ်၊ ဧည့်မထဈေးနှုန်းမှာ ဧပြီလဆန်းပိုင်းက တစ်အိတ်လျှင် ၅၇၀၀၀ ကျပ် ယခုလကုန်ပိုင်းတွင် တစ်အိတ်လျှင် ၆၀၀၀၀ ကျပ်ဖြင့် ဈေးနှုန်း မြင့်တက်လာပါသည်။

          မြေပဲဆီမှာ တစ်ပိဿာလျှင် ၁၄၀၀၀ ကျပ်၊ စားအုန်းဆီမှာ တစ်ပိဿာလျှင် ၇၄၀၀ ကျပ်မှ ယခုအပတ်တွင် တစ်ပိဿာလျှင် ၆၈၀၀ ကျပ် ဖြင့် ဧပြီလဆန်းပိုင်းကအတိုင်း ဈေးနှုန်း တည်ငြိမ်နေပါသည်။

          ကြက်သွန်နီမှာ အသေး တစ်ပိဿာ ၁၀၀၀ ကျပ်၊ အကြီးတစ်ပိဿာလျှင် ၁၃၀၀ ကျပ်၊ အကြီးမှာ တစ်ပိဿာလျှင် ၁၇၀၀ ကျပ်၊ ကြက်သွန်ဖြူမှာ ယခင်အပတ်က အသေး တစ်ပိဿာလျှင် ၄၀၀၀ ကျပ်၊ အလတ် ၄၅၀၀ ကျပ်နှင့် အကြီး ၅၀၀၀ ကျပ် တို့ဖြင့် ဧပြီလဆန်းပိုင်းအတိုင်း ဈေးနှုန်း ကွာခြားကြောင်း သိရှိရပါသည်။

        ငရုတ်သီး အရှည်တောင့်မှာ ဧပြီလဆန်းပိုင်းက တစ်ပိဿာလျှင် ၁၂၅၀၀ ကျပ်မှ ၁၃၀၀၀ ကျပ်ရှိရာမှ ယခုအပတ်တွင် တစ်ပိဿာလျှင် ၁၃၅၀၀ ကျပ်မှ ၁၄၀၀၀ ကျပ်ဖြင့် ဈေးနှုန်းအနည်းငယ် မြင့်တက်ခဲ့ပါသည်။ အာလူးမှာလည်း တစ်ပိဿာလျှင် ၂၀၀၀ ကျပ်မှ ၂၂၀၀ ကျပ်အထိဖြင့် ဧပြီ လဆန်းပိုင်းကအတိုင်း ဈေးနှုန်းတည်ငြိမ်နေပါသည်။

       မြေပဲဆံအနီမှာ  ဧပြီလဆန်းပိုင်းက တစ်ပိဿာလျှင် ၇၆၀၀ - ၈၀၀၀ ကျပ်ရှိရာမှ ယခု လကုန်ပိုင်းတွင် တစ်ပိဿာလျှင် ၈၀၀၀ ကျပ်၊ မြေပဲဆံအဖြူမှာ တစ်ပိဿာ လျှင် ၇၀၀၀ ကျပ် တို့ဖြင့် ဈေးနှုန်းတည်ငြိမ်နေပြီး ကုလားပဲခြမ်းမှာ ဧပြီလဆန်းပိုင်းက တစ်ပိဿာလျှင် ၅၀၀၀ ကျပ်မှ ယခုအပတ်တွင် ၅၂၀၀ ကျပ်၊ ကုလားပဲလုံးမှာ ဧပြီလဆန်းပိုင်းက တစ်ပိဿာလျှင် ၄၀၀၀ ကျပ်မှ ယခုလကုန်ပိုင်းတွင် တစ်ပိသာလျှင် ၄၄၀၀ ကျပ်ဖြင့် ဈေးနှုန်းအနည်းငယ်မြင့်တက်ကြောင်း သိရပါသည်။

DOCA(ပဲခူး)