ပြည်ဈေးကွက်အတွင်း ကြက်သွန်နီသီးနှံများ ဈေးနှုန်းမြင့်တက်လျက်ရှိပြီး တစ်ပိဿာလျှင် ပျမ်းမျှတစ်ပတ်ကို ကျပ် (၂၀၀)ခန့် ဧပြီလဆန်းပိုင်းမှစ၍ တရိပ်ရိပ်မြင့်တက်လျက်ရှိပါသည်။ ယခင် ဧပြီလဆန်းပိုင်းတွင် တစ်ပိဿာကို လက်လီဈေး ကျပ် (၁၂၀၀-၁၄၀၀)ရှိရာမှ ယခုကာလတွင် ကျပ် (၁၈၀၀-၂၀၀၀)ထိ မြင့်တက်လျက်ရှိပြီး ဝင်ရောက်မှုမှာလည်း မြင်းခြံ၊ ဆိပ်ဖြူ၊ မုံရွာဘက်မှ တစ်ပတ်လျှင် ပိဿာချိန် (၅၅၀၀၀)ခန့် အဝင်ရှိနေကြောင်းသိရသည် ။ ပွဲရုံလက်ကား ဈေးတစ်ပိဿာကို(ကြီး/လတ်/သေး)ကျပ် (၁၅၀၀-၁၆၀၀-၁၇၀၀)တို့ရှိပြီး လက်လီဈေးများတွင် ကျပ်(၁၇၀၀-၁၉၀၀-၂၁၀၀) တို့ဖြင့် အသီးသီးရောင်းဝယ်မှုရှိနေသည်။ အရောင်းအဝယ်မှာလည်း ခြောက်သွေ့ကာလဖြစ်သည့်အတွက် ကြက်သွန်နီအရည်အသွေးကောင်းသဖြင့် ဒေသတွင်း ဝယ်လက်များ၊ အိတ်ဆွဲဝယ်ရောင်းသမားများ၊ ဧရာဝတီတိုင်း (ကြံခင်း၊ မြန်အောင်)၊ ရခိုင် (တောင်ကုတ်)တို့သို့ စီးဆင်းမှုများအပါအဝင် ဝင်ရောက်မှု၏ ထက်ဝက်ကျော်ခန့် ရောင်းဝယ်မှုရှိနေပါသည်။
DOCA(ပဲခူး)