ဖြူးမြို့နယ်တွင် နွေစပါးစိုက်ဧက ၁၇၃၈၉ဧကစိုက်ပျိုးထားရှိရာ ယခုအခါ အချို့နေရာများ၌ စတင်ရိတ်သိမ်းနိုင်ပြီဖြစ်ပါသည်။ ရွာတန်းရှည်ကျေးရွာအုပ်စု၊ ခြံကြီးမြိုင်ရှိ တောင်သူကြီးဦးစိန်ဝင်းသည် ထိုင်းမျိုးဖြစ်သော RD 43 နှင့် Jasmine 5 အမျိုးအစားနှစ်မျိုးကို ၎င်းပိုင်လယ်မြေ (၁၂) ဧကတွင် စိုက်ပျိုးခဲ့ပါသည်။
၎င်း RD 43 နှင့် Jasmine 5 စပါးနှစ်မျိုးမှာ ၉၅ရက်သက်တမ်းမျိုးများဖြစ်ပါသည်။ ယခု ဧပြီလလယ်တွင် စတင်ရိတ်သိမ်းပြီးကြောင်း သိရှိရပါသည်။ အထွက်နှုန်းမှာလည်း တင်း၁၀၀ခန့်ရှိကြောင်း သိရပါသည်။
ဖြူးမြို့နယ်မှ နွေစပါးအထွက်နှုန်းမှာ တစ်ဧကလျှင် ၈၀တင်းမှ ၁၀၀တင်းအထိရှိမည်ဟု သက်ဆိုင်ရာက ခန့်မှန်းထားပါသည်။ လက်ရှိ နွေစပါးပေါ်ခါစတွင် စပါးဈေးနှုန်းမှာ တင်းတစ်ရာလျှင် ကွင်းဈေး ကျပ်၁၄သိန်းနှင့် စက်အရောက်ဈေးမှာ စပါးတင်းတစ်ရာလျှင် ကျပ်၁၅သိန်းရှိကြောင်း လေ့လာသိရှိခဲ့ရပါသည်။
DOCA(ပဲခူး)