စားသုံးသူရေးရာဦးစီးဌာန၊ ဘီးလင်းမြို့နယ်ရုံးမှ ဘီးလင်းမြို့နယ်တာဝန်ခံနှင့် ဝန်ထမ်းများသည် (၈-၅-၂၀၂၃) ရက်နေ့တွင် ဘီလင်းမြို့၊ ဘိုးရာဇာရပ်ကွက်ရှိ (ဦးကိုကိုကြီး+ဒေါ်ကြည်ကြည်အေး) ဆီစက်လုပ်ငန်းရှင်နှင့် တွေ့ဆုံဆွေးနွေးခဲ့ပါသည်။
ထိုသို့ တွေ့ဆုံဆွေးနွေးရာတွင် တစ်ရက်ကြိတ်ခွဲနှုန်း၊ ဆီထွက်ရှိမှု၊ ကုန်ကြမ်းဝယ်ယူမှုအခြေအနေများအား ဆွေးနွေးခဲ့ရာ လုပ်ငန်းရှင်က (၁)ရက်လျှင် မြေပဲဆီ(၁၂၀)ပိဿာခန့်ကြိတ်ခွဲထွက်ရှိကြောင်း၊ မြေပဲဆံ(၁)ပိဿာလျှင် ဆီ(၄၀)သားခန့်ထွက်ရှိကြောင်း၊ မြေပဲဆံဝယ်ယူရာတွင် (၁)ပိသာလျှင် (၅၀၀၀/-)ကျပ်ဖြင့်ဝယ်ယူရပြီး ကြိတ်ခွဲထွက်ရှိသောမြေပဲဆီကို (၁)ပိဿာလျှင် (၁၄၀၀၀/-)ကျပ်နှုန်းဖြင့် ဘီလင်းမြို့နယ်အတွင်း၌သာ ဖြန့်ဖြူးရောင်းချကြောင်း၊ မြေပဲဆီကြိတ်ခွဲရာတွင် ထွက်ရှိသောမြေပဲဖတ်အားလည်း (၁)ပိဿာလျှင် (၃၀၀၀)ကျပ်နှုန်းဖြင့်ရောင်းချရပြီး အခြားစွန့်ပစ်ပစ္စည်းများအား စိုက်ပျိုးရေးလုပ်ငန်းသုံးရန်အတွက် မီးရှို့လောင်စာအဖြစ် အသုံးပြုခြင်း၊ မြေပဲဖတ်ငါးပိပြုလုပ်ခြင်းနှင့် နွားစာကျွေးခြင်းတို့တွင် အသုံးပြု၍အသုံးပြုမရသောစွန့်ပစ်ပစ္စည်းများအား စနစ်တကျမီးရှို့ဖျက်ဆီးစွန့်ပစ်ကြောင်း ပြန်လည်ဆွေးနွေးခဲ့ပါသည်။ ဈေးကွက်အတွင်းတွင် ၎င်းတို့နည်းတူ ဆီစက်များမှ မြေပဲဆီများမှာ ကျန်းမာရေးနှင့်ညီညွတ်သည့်အတွက် အခြားမှ တင်သွင်းလာသောမြေပဲဆီများထက် ဈေးမြင့်မားသော်လည်း ပုံမှန်စားသုံးသူများရှိနေသည့်အတွက် မြေပဲဆီများပိုလျှံမှုမရှိကြောင်း သိရှိရပါသည်။
DOCA(မွန်)