စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးမှ ပြည်တွင်းဌာနတာဝန်ခံ ဦးမျိုးဝင်းနိုင်(ဦးစီးအရာရှိ)နှင့် ဝန်ထမ်းများသည် (၁၂-၅-၂၀၂၃) ရက်နေ့၊ နံနက် (၁၁:၀၀) နာရီအချိန်တွင် ကရင်ပြည်နယ်၊ ဘားအံမြို့၊ ထုံးအိုင်စံပြကျေးရွာရှိ ဆန်တန်(၆၀)ကျ အောင်ဆန်းငွေလာဆန်စက်သို့သွားရောက်၍ စပါး/ဆန်ဈေးနှုန်း/ဈေးကွက်အခြေအနေများကို ကွင်းဆင်းလေ့လာခဲ့ကြောင်း သိရပါသည်။
ထိုသို့ ကွင်းဆင်းလေ့လာကြရာ ကရင်ပြည်နယ်အတွင်း စပါး/ဆန်သီးနှံ၏ ရာသီပိတ်ဈေးနှုန်းဖြစ်ပေါ်မှု၊ ဈေးကွက်ပေါက်ဈေးနှင့် စီးဝင်/စီးထွက်မှုအခြေအနေများ၊ ဈေးကွက်ဝယ်လိုအားနှင့် ဆန်/စပါးလက်ကျန်အခြေအနေများကို ကွင်းဆင်းလေ့လာခဲ့ကြောင်းနှင့် အောင်ဆန်းငွေလာဆန်စက်ပိုင်ရှင် ဦးအောင်ဇော်ထက်က ဒေသတွင်း ဆန်/စပါးမြင့်တက်လာမှုအခြေအနေနှင့် ဒေသထွက်စပါးများ ပြည်နယ်တွင်း စီးဝင်/စီးထွက်မှုနှင့် ကုန်ကြမ်းဝယ်ယူရရှိမှုအခြေအနေများကိုလည်းကောင်း ပြန်လည်ဆွေးနွေးခဲ့ပါသည်။
ကရင်ပြည်နယ်တွင် နွေစပါးရာသီပြီးဆုံးခဲ့ပြီး နွေစပါး(ကောက်သစ်)ဈေးနှုန်းများမှာ မြင့်တက်ခဲ့ကြောင်းနှင့် နွေစပါးလက်ကျန်မရှိတော့ဘဲ ပစ္စည်းပြတ်လပ်သည်အထိ ဈေးကွက်ဖြစ်ပေါ်ခဲ့ကြောင်း သိရှိရပါသည်။
DOCA(ကရင်)