ကယားပြည်နယ်သည် ပြောင်းကိုအဓိကစိုက်ပျိုးပြီး အစေ့ထုတ်ပြောင်းနှင့် ဖူးစားပြောင်း(၂)မျိုးစလုံးစိုက်ပျိုးကြပါသည်။ ဖူးစားပြောင်းတွင် ရှမ်းပြောင်းဖူးနှင့် သကြားပြောင်းဖူးဟူ၍ရှိရာ အစေ့ထုတ်ပြောင်းကို မိုးရာသီနှင့် ဆောင်းရာသီတွင်စိုက်ပျိုးကြပြီး ဖူးစားပြောင်းများကို (၁၂) ရာသီစိုက်ပျိုးကြပြီး (၃)လကြာလျှင်ဈေးကွက်သို့ရောင်းချနိုင်၍ ငွေပေါ်လွယ်သောသီးနှံဖြစ်ပါသည်။
ရှမ်းပြောင်းဖူးနှင့် သကြားပြောင်းဖူးကို လွိုင်ကော်မြို့ရှိ မှုံပြာကျေးရွာ၊ လင်ဖုံလေးကျေးရွာ၊ လောပိတမြို့ရှိ မိုက်ကန်းကျေးရွာ၊ လောပိတရှမ်းရွာများနှင့် နန်းမယ်ခုံမြို့ရှိ ကျေးရွာများတွင် စိုက်ပျိုးထွက်ရှိလျက်ရှိပြီး ယခု ၂၀၂၃ခုနှစ်၊ မေလ(ဒုတိယပတ်)တွင် ဈေးကွက်အတွင်း ရှမ်းပြောင်းဖူးတစ်ဖူးလျှင် (၂၀၀) (၃၀၀) ကျပ်၊ သကြားပြောင်းဖူးတစ်ဖူးလျှင် (၅၀၀၊ ၆၀၀)ကျပ်တို့ဖြင့် ရောင်းချလျက်ရှိ၍ ယခင်ဧပြီလ(စတုတ္ထပတ်)နှင့် ဈေးနှုန်းနှိုင်းယှဉ်လျှင် အတက်အကျမရှိဘဲ ဈေးနှုန်းတည်ငြိမ်လျက်ရှိရာ ပြောင်းဖူးစိုက်ပျိုးရောင်းချသူများမှာ ဈေးကောင်းရ၍ အရောင်းအဝယ်သွက်လျက်ရှိကြောင်း နောင်ယားဈေးရှိ ပြောင်းဖူးရောင်းချသူတစ်ဦးထံမှ သိရှိရပါသည်။
DOCA(ကယား)