သတင်းနှင့် လှုပ်ရှားမှုများ

         ဧရာဝတီတိုင်းဒေသကြီး၊ ဟင်္သာတခရိုင်၊ ဟင်္သာတမြို့နယ်၊ ကျုံတုံးအုပ်စု၊ မကျီးကုန်းကျေးရွာ၊ ဘုန်းကြီးကျောင်းတွင် (၁၈.၇.၂၀၂၂) ရက်နေ့ နံနက်(၁၀:၀၀) နာရီအချိန်တွင် စားသုံးသူရေးရာဦးစီးဌာန၊ ဟင်္သာတမြို့နယ်တာဝန်ခံက စားသုံးသူပြည်သူ (၅၀) ဦးအား စားသုံးသူကာကွယ်ရေးအသိပညာပေးဟောပြောခြင်းကို ဆောင်ရွက်ခဲ့သည်။

          ဟောပြောပွဲတွင် စားသုံးသူရေးရာဦးစီးဌာန၊ မြို့နယ်တာဝန်ခံ ဦးမိုးကျော်မှ စားသုံးသူကာကွယ်ရေးဥပဒေကို ၂၀၁၉ ခုနှစ် မတ်လ (၁၅) ရက်နေ့တွင် အခန်း (၂၅) ခန်း၊ ပုဒ်မ (၈၄) ခုဖြင့် ပြဌာန်းခဲ့ကြောင်း၊ စားသုံးသူကာကယ်ရေးနည်းဥပဒေကို စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ အမိန့်ကြော်ငြာစာအမှတ် (၉/၂၀၂၂) ဖြင့် ပြဌာန်းပြီးဖြစ်ကြောင်းတို့ကို ဟောပြောခဲ့ပြီး၊ ဥပဒေတွင်ပါရှိသော စားသုံးသူအခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏ တာဝန်များအကြောင်း၊ ကုန်အညွှန်းအမှတ်အသားဖော်ပြခြင်းအကြောင်းနှင့် ပြစ်မှုနှင့်ပြစ်ဒဏ်များအကြောင်း၊ စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များအကြောင်းသိရှိလိုပါက www.doca.gov.mm Website တွင် ဝင်ရောက်လေ့လာနိုင်ကြောင်း  စည်သည်တို့ကို ဟောပြောခဲ့ပြီး၊ တက်ရောက်သူများမှလည်း သိလိုသည်များကို မေးမြန်း၍ စားသုံးသူကာကွယ်ရေးဥပဒေစာအုပ်နှင့် လက်ကမ်းစာစောင်များ ပေးဝေခဲ့ကြကြောင်း သိရှိရပါသည်။

DOCA(ဧရာဝတီ)

          နေပြည်တော်ကောင်စီ ဆီကုန်သည်နှင့်ဆီလုပ်ငန်းရှင်များအသင်းက နေပြည်တော်ကောင်စီ နယ်မြေအတွင်းရှိ စားသုံးသူပြည်သူများ စားသုံးဆီကိုသက်သာသည့် ဈေးနှုန်းဖြင့် ဝယ်ယူနိုင်ရန် ရည်ရွယ်၍ စားသုံးဆီတစ်ပိဿာလျှင် ငွေကျပ် ၃၉၀၀ နှုန်းဖြင့် ဖြန့်ဖြူးရောင်းချပေးလျက်ရှိသည်။

          “ မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်းရဲ့ စီစဉ်ကြီးကြပ်မှုနဲ့ ကျွန်တော်တို့ အသင်းနှင့် စားသုံးသူရေးရာဦးစီးဌာနမှ ဝန်ထမ်းများပူးပေါင်း၍ နေပြည်တော်ကောင်စီနယ်မြေ အတွင်းမှာရှိတဲ့ စားသုံးသူပြည်သူတွေကို လက်ဝယ်အရောက် စားသုံးဆီတစ်ပိဿာကို ငွေကျပ် ၃၉၀၀နှုန်းနဲ့ရောင်းချပေးတာဖြစ်ပြီး၊ ယနေ့မှာတော့ ဇမ္ဗူသီရိမြို့နယ်၊ တောင်ညိုကျေးရွာ၌ ဈေးကားတစ်စီးဖြင့် ဆီပိဿာချိန် (၆၆၀)ရောင်းချပေးတာဖြစ်ပြီး၊ ဆီလုပ်ငန်းရှင် ဦးသူရဇော်ဇော်မှ တပ်ကုန်းမြို့၊ ‌နောင်သင်ခါကျေးရွာတွင်ဈေးကားတစ်စီးဖြင့် ဗူးအပါစားသုံးဆီတစ်ပိဿာလျှင် (၄၀၀၀)ကျပ်နှုန်းဖြင့် ဆီပိဿာချိန်(၅၅၀) ရောင်းချပေးခဲ့သည်”ဟု နေပြည်တော်ကောင်စီ ဆီကုန်သည်နှင့် ဆီလုပ်ငန်းရှင် များအသင်းအဖွဲ့ဝင်များမှသိရှိရပါသည်။

          “ ရပ်ကွက်၊ ကျေးရွာဆိုင်တွေမှာ စားသုံးဆီတစ်ပိဿာလျှင် ငွေကျပ် (၈၅၀၀)နှင့် ကျပ်(၉၀၀၀) အကြား ဝယ်ယူနေရချိန်မှာ ယခုလိုရွာထဲသို့ တစ်ပိဿာလျှင် ငွေကျပ် ၃၉၀၀  နှုန်း   ဖြင့် လာရောက်ရောင်းချသည့်အတွက် ဝမ်းသာကြောင်း၊ ယခုလိုအစီအစဉ်ဖြင့်လည်း မကြာခဏ ရောင်းချ ပေးမည်ဆိုပါက စားသုံးသူပြည်သူများအတွက် အလွန်အဆင်ပြေမည်ဖြစ်ကြောင်း၊ အသင်းဥက္ကဌနှင့် ရောင်းချပေးသည့် အဖွဲ့ဝင်ကိုလည်းကောင်း၊ ကူညီဆောင်ရွက်ပေးသည့် စားသုံးသူ ရေးရာဦးစီးဌာနမှ ဝန်ထမ်းများကိုလည်း အထူးပင်ကျေးဇူးတင်ရှိကြောင်း၊ ယခုလိုရောင်းချခြင်းသည် အခြေခံ လူတန်းစားများအတွက် အမှန်တကယ်အဆင်ပြေအကျိုးရှိပါတယ်” ဟု တောင်ညိုကျေးရွာ မှ စားသုံးဆီလာရောက်ဝယ်ယူသူ ဒေါ်ညွှန့်မေက ပြောပါသည်။

          နေပြည်တော်ကောင်စီ ဆီကုန်သည်နှင့်ဆီလုပ်ငန်းရှင်များအသင်းအနေဖြင့် ယခင်က နေပြည်တော်ကောင်စီနယ်မြေအတွင်းရှိ ဈေးများတွင်သက်သာသောဈေးနှုန်းဖြင့် စားသုံးဆီများကို အလှည့်ကျရောင်းချပေးခဲ့သော်လည်း အမှန်တကယ်စားသုံးသူပြည်သူများထံ တိုက်ရိုက်မရောက်ရှိ သည့်အတွက် ယခုကဲ့သို့ ရပ်ကွက်၊ ‌ကျေးရွာများထံဈေးကားများဖြင့် လက်ဝယ်အရောက်လာရောက် ရောင်းချပေးရခြင်းဖြစ်ကြောင်းနှင့် စားသုံးသူပြည်သူများအတွက် အသင်းအစီအစဉ်ဖြင့် ကျန်ရှိသည့် ဝန်ထမ်းအိမ်ရာများနှင့် ကျေးရွာများကိုလည်း သက်သာသောဈေးနှုန်းဖြင့် ထပ်မံလှည့်လည်ရောင်းချ ရန်အစီအစဉ်များရှိကြောင်း သိရှိရပါသည်။

DOCA(နေပြည်တော်)

          စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ၂၀၂၂ခုနှစ်၊ ဇူလိုင်(၂၁)ရက်နေ့၊ နံနက် (၁၀:၀၀)နာရီအချိန်တွင် စားသုံးသူရေးရာဦးစီးဌာနမှ ဝန်ထမ်း(၅)ဦးသည် လွိုင်ကော်မြို့၊ ဈေးပိုင်းရပ်ကွက်ရှိ ပြည်နယ်မီးသတ်ဦးစီးဌာန၌ မီးသတ်ဝန်ထမ်းနှင့် ဝန်ထမ်းမိသားစု စုစု ပေါင်း(၅၅)ဦးအား စားသုံးသူကာကွယ်ရေးအကြောင်း အသိပညာပေးဟောပြော ဆွေးနွေးခဲ့ပါသည်။ 

          အဆိုပါဟောပြောပွဲတွင် စားသုံးသူရေးရာဦးစီးဌာန၊ ဦးမိုးညွန်ဦး (ဦးစီးအရာရှိ) က စားသုံးသူ များအနေဖြင့် မိမိတို့၏ အခွင့်အရေးကို အပြည့်အဝ နားလည်ပြီး တောင်းဆိုရယူ တက်စေရန်နှင့် နစ်နာဆုံးရှုံးမှုများနှင့် စပ်လျဉ်း၍ တိုင်ကြားနိုင်ရန်အတွက် စားသုံးသူအခွင့် အရေးများနှင့် တာဝန်များကိုလည်းကောင်း၊ စီးပွားရေးလုပ်ငန်းရှင်များ၏ တာဝန်များကို လည်း ကောင်း၊ ကုန်အညွန်းအမှတ်အသားနှင့် စပ်လျဉ်း၍ ကုန်ပစ္စည်းများဝယ်ယူသုံးစွဲခြင်း မပြုမီ သတိပြုရမည့် အချက်များကို လည်းကောင်း၊ စားသုံးသူကာကွယ်ရေးဥပဒေပါ  စီမံခန့်ခွဲရေး နည်းလမ်းအရ အရေးယူခြင်းများကိုလည်းကောင်း၊ တားမြစ်ချက်နှင့် ပြစ်မှုပြစ်ဒဏ်များကို လည်းကောင်း၊ ကြော်ငြာခြင်းနှင့် အရောင်းမြှင့်တင်ခြင်းဆိုင်ရာ တားမြစ်ချက်နှင့် ပြစ်မှုပြစ်ဒဏ် များကိုလည်းကောင်း အကျယ်တဝင့် ရှင်းလင်းပြောကြားခဲ့ပြီး စားသုံးသူအခွင့်အရေးနှင့် စပ်လျဉ်း၍ နစ်နာဆုံးရှုံးမှုများ ရှိပါက စားသုံးသူသတင်းပြန်ကြားရေးနှင့် တိုင်ကြားမှုလက်ခံ ဆောင်ရွက်ရေးဌာနသို့ လူကိုယ်တိုင်ဖြစ်စေ၊ ဖုန်းဖြင့်ဖြစ်စေ၊ Website မှဖြစ်စေ၊ Doca Myanmar application များမှဖြစ်စေ ဆက်သွယ်တိုင်ကြားနိုင်ပါ ကြောင်းနှင့် တက်ရောက်လာ သော မီးသတ်ဝန်ထမ်းများက သိရှိလိုသည့် မေးမြန်းမှုများကို ရှင်းလင်းဖြေကြား၍ အပြန်အလှန် ဆွေးနွေးခဲ့ကြောင်း သတင်းရရှိပါသည်။

DOCA(ကယား)

          ရှမ်းပြည်နယ်(မြောက်ပိုင်း)၊ စားသုံးသူရေးရာဦးစီးဌာန၊ ကျောက်မဲခရိုင်၊ နောင်ချိုမြို့နယ် ရုံးမှ စားသုံးသူကာကွယ်ပေးရေးဆိုင်ရာ ကုန်စည် (သို့မဟုတ်) ဝန်ဆောင်မှုကဏ္ဍအား စားသုံးသူ ပြည်သူများ သိရှိစေရန်အတွက် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ နောင်ချိုမြို့နယ်ရုံး၌ (၁၅.၇.၂၀၂၂)ရက်နေ့ နံနက်(၁၀)နာရီအချိန်တွင် Talk Show  အစီအစဉ်ပြုလုပ်၍ ဆောင်ရွက်ခဲ့ကြောင်း သိရပါသည်။

          အဆိုပါ Talk Show  တွင် မြို့နယ်တာဝန်ခံ ဦးပေါင်လန်ခန့်မှ အခန်း(၁၁)ပါ ပုဒ်မ(၂၂)နှင့် ပုဒ်မ(၂၃)အရ စီးပွားရေးလုပ်ငန်းရှင်သည် ကုန်စည်နှင့်စပ်လျဉ်း၍ ဖော်ပြရမည့်အချက်အလက် အကြောင်းအရာများအား ထည့်သွင်းရှင်းလင်းဆွေးနွေးခဲ့ကြောင်း သိရှိရပါသည်။

DOCA(ရှမ်း)

            ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်ဦးစီးမှူးရုံး၊ ခရိုင်ဦးစီးမှူး ဦးဇော်လင်းအောင်နှင့် မြို့နယ်ဦးစီးမှူး ဦးလှထွဋ်ဦးတို့သည်(၁၅.၇.၂၀၂၂)ရက်နေ့ နံနက်(၁၂;၀၀) နာရီက မြောင်းမြခရိုင်ဦးစီးမှူးရုံးခန်းမ၌ စားသုံးဆီဖြန့်ဖြူးရောင်းချနေသော လုပ်ငန်းရှင်နှင့် ကိုယ်စားလှယ်များအား ခေါ်ယူတွေ့ဆုံဆွေးနွေးခဲ့ပါသည်။

            ထိုသို့ဆွေနွေးရာတွင် ခရိုင်ဦးစီးမှူးဦးဇော်လင်းအောင်မှ စားသုံးဆီတင်သွင်း၊ ရောင်းချဖြန့်ဖြူးသည့် လုပ်ငန်းရှင်နှင့်ကိုယ်စားလှယ်များအား စားသုံးဆီများ သယ်ဆောင်၊ သိုလှောင်၊ ဖြန့်ဖြူးရာတွင် စားသုံးသူ ပြည်သူများဘေးဥပါဒ်အန္တရာယ်ကင်းရှင်းစေရန်အတွက် ဆီကန်မှထုတ်ယူသော စားသုံးဆီများအား ၂၀၂၂ ခုနစ်၊ မေလ(၁)ရက်နေ့မှစတင်၍ Food Grade အဆင့်ရှိ အဝါရောင်ပေပါ အသစ်(သို့)သန့်စင်ပြီးပေပါများ၊ စားသုံးဆီသယ်ဆောင်သော Food Grade Bowser Truck များဖြင့်  စတင်အသုံးပြုရန် ဈေးကွက်အတွင်း ဖြန့်ဖြူးရာ၌ ဓါတုဗေဒပစ္စည်းများ ထည့်သွင်းအသုံးပြုထားသည့် Deum များတွင် စားသုံးဆီများ ထည့်သွင်း အသုံးပြုခြင်းမပြုရန်၊ ဈေးကွက်အတွင်းဖြန်ဖြူးမည့် ထုတ်ပိုးပစ္စည်းများအပေါ်တွင် စားသုံးဆီတင်သွင်း၊ သိုလှောင်ဖြန့်ဖြူးခြင်းလုပ်ငန်း ကြီးကြပ်ရေး ကော်မတီထံမှ ခွင့်ပြုချက်ရရှိပြီး၊ သက်ဆိုင်ရာကုမ္ပဏီ၏ Cap Seal များဖြင့် ချိတ်ပိတ်ပြီး၊ ကုန် အမှတ်တံဆိပ်( Logo) ခပ်နိပ်၍ ပြည်ပမှစားသုံးဆီတင်သွင်းခြင်း၊ သိုလှောင် ခြင်း၊ ဖြန့်ဖြူးခြင်းလုပ်ငန်းများ ထိန်းကျောင်းကြပ်မတ်ဆောင်ရွက်လျှက်ရှိကြောင်း ပြောကြားဆွေးနွေးခဲ့ပါ သည်၊ မြို့နယ် ဦးစီးမှူးဦးလှထွဋ်ဦးမှ ဟင်းသီးဟင်းရွက်ဆီ Vegetable  Oil , Cooking Oil များတွင် ကုန်အညွှန်း အမှတ်အသားပြည့်စုံစွာဖော်ပြရန် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန် ထားသောအမိန့်ကြော်ငြာစာ ၁/၂၀၂၁ အား လိုက်နာဆောင်ရွက်ကြရန်၊ အမိန့်ကြော်ငြာစာပါ ဈေးကွက် အတွင်းဖြန့်ဖြူးရောင်းချနေသည့်ဟင်းသီးဟင်းရွက်ဆီအမျိုးအစားနှင့်စပ်လျဉ်း၍ ကုန်အညွန်းအမှတ်အသား ဖော်ပြရာတွင် ပါဝင်ပစ္စည်းကိုအခြေခံသောကုန်စည်၏အမျိုးအမည်ကို တိကျစွာမြန်မာဘာသာဖြင့် ဖော်ပြ ရမည်၊ ကုန်စည်၏အသားတင် ပမာဏနှင့်အရွယ်အစားတို့ကို မြန်မာ အလေးချိန်ယူနစ်ဖြစ်သော ပိဿာ၊ ကျပ်သားတို့ကို မြန်မာဘာသာဖြင့်ဖော်ပြရပါမည်၊ ဤညွှန်ကြားချက်သည် (၂၀.၁၂.၂၀၂၁)ရက်နေ့မှ ထုတ် ပြန်ပြီး(၆)လပြည့်မြောက်ပြီးသည့်နေမှ စတင်ကာအာဏာသက်ရောက်မည်ဖြစ်ပြီး၊ ဤညွှန်ကြားချက် အမိန့်အပိုဒ်(၄)ကို လိုက်နာမှုမရှိပါက စားသုံးသူ ကာကွယ်ရေးဥပဒေ ၂၀၁၉ ပါ ဥပဒေအခန်း(၂၃)ပါ တားမြစ် ချက်များ၊ ဥပဒေ အခန်း(၂၄)ပါ ပြစ်မှု မြစ်ဒဏ်များအား အသေးစိတ် Projector ဖြင့် ရှင်းလင်းဆွေးနွေးခဲ့ပြီး၊ တက်ရောက်လာသော လုပ်ငန်းရှင်များအား အသိပညာပေးလက်ကမ်းစာစောင်များဖြန့်ဝေပေးခဲ့ပြီး လုပ်ငန်းရှင်များမှသိရှိလိုသည်များအား ခရိုင်ဦးစီးမှူးမှ ပြန်လည်ရှင်းလင်းဆွေးနွေးခဲ့ကြောင်းသိရှိရပါသည်။

DOCA(ဧရာဝတီ)