သတင်းနှင့် လှုပ်ရှားမှုများ

          မွန်ပြည်နယ်စားသုံးသူရေးရာဦးစီးဌာန၊ ပြည်နယ်ဦးစီးမှူးရုံး အစည်းအဝေးခန်းမ၌ ဇွန်လ ၂၈ ရက်နေ့၊ နေ့လည်(၂:၀၀)နာရီအချိန်က မွန်ပြည်နယ် စားသုံးသူရေးရာကော်မတီ(၂/၂၀၂၂) လုပ်ငန်းညှိနှိုင်းအစည်းအဝေး ကျင်းပခဲ့ပါသည်။

          မွန်ပြည်နယ် စားသုံးသူရေးရာကော်မတီ(၂/၂၀၂၂) လုပ်ငန်းညှိနှိုင်းအစည်းအဝေး၌ မွန်ပြည်နယ် စားသုံးသူရေးရာကော်မတီဥက္ကဌ၊ စီးပွားရေးရာဝန်ကြီး၊ ဦးနိုင်လယိတမက အဖွင့် အမှာစကား ပြောကြားကြောင်း၊ မွန်ပြည်နယ် စားသုံးသူရေးရာကော်မတီ အတွင်းရေးမှူး၊ စားသုံးသူရေးရာဦးစီးဌာန ပြည်နယ်ဦးစီးမှူး ဦးဝင်းထွန်းက ၂၀၂၁-၂၀၂၂ ဘဏ္ဍာနှစ်နှင့် ၂၀၂၂-၂၀၂၃ ဘဏ္ဍာနှစ်၏ ပထမ(၃)လပတ်အတွင်း လုပ်ငန်းဆောင်ရွက်ချက်များ စားသုံးသူ ကာကွယ်ရေး အသိပညာပေးခြင်း၊ ဈေးကွက်စောင့်ကြည့်စစ်ဆေးခြင်း၊ လုပ်ငန်းရှင်များနှင့် တွေ့ဆုံဆွေးနွေးမှုများ၊ ကုန်အညွှန်းအမှတ်အသားများဆောင်ရွက်နိုင်မှု၊ တိုင်ကြားမှုနှင့် ဖြေရှင်းဆောင်ရွက်ချက်များအား Power Point  ဖြင့် ကော်မတီအဖွဲ့ဝင်များသို့ တင်ပြခဲ့ပါသည်။

          အဆိုပါတင်ပြချက်များအား မွန်ပြည်နယ်စားသုံးသူရေးရာကော်မတီအဖွဲ့ဝင်များမှ အတည် ပြုရန်အချက်များ၊ အကြံပြုချက်များ၊ ဆုံးဖြတ်ရန်အချက်အလက်တို့ကို ကော်မတီအဖွဲ့ဝင် အသီးသီးမှ ပြန်လည်ဆွေးနွေး၍ အတည်ပြုခြင်း၊ အကြံပြုခြင်းနှင့် ဆုံးဖြတ်ရန်အချက်တို့အား ယခုအစည်းအဝေးတွင် ဆုံးဖြတ်ခဲ့ကြောင်း၊ရှေ့ဆက်လက်ဆောင်ရွက်မည့် စားသုံးသူကာကွယ်ရေး လုပ်ငန်းများတွင် ကော်မတီအဖွဲ့ဝင်အားလုံး ပူးပေါင်းပါဝင်ဆောင်ရွက်မည်ဖြစ်ကြောင်းနှင့် အစည်းအဝေးကို နေ့လည်(၃:၂၀)နာရီတွင် ရုတ်သိမ်းခဲ့ကြောင်း သတင်းရရှိပါသည်။

DOCA(မွန်)

            စစ်ကိုင်းတိုင်းဒေသကြီးသည် ဇွန်လ(နောက်ဆုံး)ပတ်၌ စပါး/ဆန်ဈေးနှုန်းများမှာ ဆန်ပို့ဒေသများဖြစ်သော မုံရွာခရိုင်တွင် စပါးဈေး အနည်းငယ်တက်နေပြီး၊ ကျန်ခရိုင်များတွင် ဈေးအေးနေပါသည်။

            စစ်ကိုင်းတိုင်းဒေသကြီးအတွင်း ဇွန်လ(နောက်ဆုံးပတ်)တွင် ဖြစ်ပေါ်နေသော အခြေခံစားကုန်ဈေးနှုန်းများမှာ ရွှေဘိုခရိုင်တွင် ရွှေဘိုပေါ်ဆန်း(စပါး) တင်း၁၀၀လျှင် ကျပ်(၁၅၅၀၀၀၀)၊ ပေါ်ဆန်း(ဆန်) ၂၄ ပြည်ပါ တစ်အိတ်လျှင်ကျပ်  ၅၅၀၀၀၊ ဧရာမင်း(စပါး)တင်း ၁၀၀ လျှင် ၁၀၅၀၀၀၀၊ ဧရာမင်း(ဆန်) ၂၄ ပြည် ပါ တစ်အိတ် ကျပ် ၄၄၀၀၀၊ ရေဦးမြို့မှ ပေါ်ဆန်း (စပါး) တင်း ၁၀၀လျှင် ကျပ် ၁၃၅၀၀၀၀၊ ပေါ်ဆန်း (ဆန်) တစ်အိတ်လျှင်ကျပ် ၅၂၀၀၀၊  ဧရာမင်း (စပါး) တင်း၁၀၀ လျှင် ၉၀၀၀၀၀၊ ဧရာမင်း (ဆန်)၂၄ ပြည် ပါ တစ်အိတ်  ၄၀၀၀၀ ကျပ်များဖြင့် အရောင်းအဝယ်ဖြစ်နေကြောင်း သိရပါသည်။

          ကလေးခရိုင်၊ ကလေးမြို့နယ်မှ ဧည့်မထ(စပါး) တင်း ၁၀၀ လျှင် ၈၅၀၀၀၀၊ ဧည့်မထ(ဆန်)‌ ၂၄ ပြည်ပါ တစ်အိတ်မှာ ကျပ် ၂၇၀၀၀၊ ငစိန်(စပါး) တင်း ၁၀၀ လျှင် ၈၀၀၀၀၀ ၊ ငစိန်(ဆန်)၂၄ပြည်ပါ တစ် အိတ်မှာ ၂၆၅၀၀၊ ဧရာမင်း (စပါး)တင်း ၁၀၀ လျှင် ကျပ် ၁၀၀၀၀၀၀၊ ဧရာမင်း(ဆန်)၂၄ပြည်ပါ တစ်အိတ် မှာကျပ် ၃၇၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

 ကသာခရိုင်၊ အင်းတော်မြို့နယ်မှ မှော်ဘီ(၂)(စပါး) တင်း ၁၀၀လျှင် ကျပ်၈၀၀၀၀၀၊ မှော်ဘီ(၂) ဆန် ၂၄ပြည် တစ်အိတ် လျှင် ကျပ် ၃၅၀၀၀၊ ဆင်းဧကရီ(၃)(စပါး) တင်း၁၀၀ လျှင် ကျပ် ၇၀၀၀၀၀၊ ဆင်းဧကရီ-၃ဆန် ၂၄ပြည်တစ်အိတ်မှာကျပ် ၃၀၀၀၀၊ ဧရာမင်း (စပါး) တင်း ၁၀၀ လျှင် ကျပ် ၉၅၀၀၀၀၊ ဧရာမင်းဆန် ၂၄ ပြည်ဆန်တစ်အိတ်လျှင် ကျပ် ၄၅၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

မုံရွာခရိုင်၊ မုံရွာမြို့တွင် ဧရာမင်း(စပါး)တင်း ၁၀၀ လျှင် ကျပ် ၁၀၇၀၀၀၀၊  ဧရာမင်း(ဆန်) ၂၄ပြည် တစ်အိတ်မှာ ကျပ် ၄၂၀၀၀၊ ပေါ်ဆန်း(စပါး) တင်း ၁၀၀လျှင် ကျပ် ၁၄၅၀၀၀၀၊ ပေါ်ဆန်း(ဆန်) ၂၄ပြည် တစ်အိတ်လျှင် ကျပ် ၅၅၀၀၀၊ မနောသုခ (စပါး)တင်း ၁၀၀လျှင် ကျပ် ၈၀၀၀၀၀၊ မနောသုခ(ဆန်) ၂၄ ပြည် တစ်အိတ်လျှင် ကျပ်၃၀၀၀၀ ဖြင့် အရောင်းအဝယ် ဖြစ်နေကြောင်း သိရပါသည်။

ကန့်ဘလူခရိုင်၊ ကန့်ဘလူမြို့တွင် ဧရာမင်း(စပါး)တင်း ၁၀၀ လျှင် ကျပ် ၉၅၀၀၀၀၊  ဧရာမင်း (ဆန်)၂၄ပြည် တစ်အိတ်မှာ ကျပ် ၃၇၀၀၀၊ ပေါ်ဆန်း(စပါး) တင်း ၁၀၀လျှင် ကျပ် ၁၄၀၀၀၀၀၊ ပေါ်ဆန်း (ဆန်) ၂၄ပြည် တစ်အိတ်လျှင် ကျပ် ၄၈၀၀၀ဖြင့် အရောင်းအဝယ် ဖြစ်နေကြောင်း သိရပါသည်။

စစ်ကိုင်းတိုင်း ဒေသကြီးမှ အခြားတိုင်း ဒေသကြီးများသို့ ဇွန်လ(စတုတ္တ)ပတ်တွင် စစ်ကိုင်းတိုင်း ဒေသကြီးမှ အခြားတိုင်းဒေသကြီးများသို့ ဆန် စီးထွက်မှုမှာ ရန်ကုန်သို့ အိတ်ရေ ၃၀၅၀၀၊ မန္တလေးသို့ အိတ်ရေ ၃၉၇၀၀၊ မကွေး သို့ အိတ်ရေ ၁၀၀၀၊ နေပြည်တော်သို့ အိတ်ရေ ၉၀၀၀၊ ရှမ်း(တောင်)သို့ အိတ် ရေ ၇၀၀၀၊ ရှမ်း (မြောက်)သို့အိတ်ရေ ၆၅၀၀၊ စုစုပေါင်းအိတ်ရေ (၉၃၇၀၀) အိတ်၊ တန်အားဖြင့် (၄၆၈၅) စီးထွက်ခဲ့ပြီး၊ ယခု ဇွန်လ(နောက်ဆုံး)ပတ်တွင် စစ်ကိုင်းတိုင်းဒေသကြီးမှ အခြား တိုင်းဒေသကြီး များသို့ ဆန်စီးထွက်မှုမှာ ရန်ကုန်သို့ အိတ်ရေ ၄၀၀၀၀၊ မန္တလေးသို့ အိတ် ရေ ၅၄၃၀၀၊ မကွေး သို့ အိတ်ရေ ၁၀၀၀၊ နေပြည်တော်သို့ အိတ်ရေ ၈၀၀၀၊ ရှမ်း(တောင်)သို့ အိတ်ရေ ၇၀၀၀၊ ရှမ်း (မြောက်)သို့အိတ်ရေ ၇၀၀၀၊ စုစုပေါင်းအိတ်ရေ (၁၁၇၃၀၀) အိတ်၊ တန်အားဖြင့် (၅၈၆၅) စီးထွက်ခဲ့သည့်အတွက် ယခင်ပတ်နှင့် နှိုင်းယှဉ်လျှင် ယခုပတ်တွင် အိတ်ရေ (၂၃၆၀၀)တန်အားဖြင့် (၁၁၈၀) ပိုမိုစီးထွက်ခဲ့ပါကြောင်း သိရှိရ ပါသည်။

DOCA(စစ်ကိုင်း)

          စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာနအနေဖြင့် ထုတ်ကုန်လုံခြုံစိတ်ချရမှုရှိစေရန်၊ ကုန်စည်နှင့်ဝန်ဆောင်မှုများ၏ အရည်အသွေးစီမံခန့်ခွဲမှုသုတေသနဖွံ့ဖြိုးရေးလုပ်ငန်းများ ဆောင်ရွက်နိုင်ရန် ရည်မှန်း၍ စီးပွားရေးလုပ်ငန်းရှင်များ စီးပွားရေးကျင့်ဝတ်နှင့်အညီ လုပ်ကိုင်ဆောင်ရွက်တတ်စေရန် လုပ်ငန်းရှင်တွေ့ဆုံ၍ အသိပညာပေးဆောင်ရွက်မှုများကို တိုင်းဒေသကြီး ဦးစီးမှူးရုံးနှင့် ခရိုင်/မြို့နယ်အလိုက်ဆောင်ရွက်ရာ လျာထားချက်ထက် ပြည့်မီကျော်လွန်၍ လုပ်ငန်းရှင်တွေ့ဆုံခြင်း (၂၅)ကြိမ်ကိုဆောင်ရွက်နိုင်ခဲ့ပါသည်။

            တိုင်းဒေသကြီးဦးစီးမှူးရုံးမှ တိုင်းဒေသကြီးဦးစီးမှူးဦးဆောင်၍ (၅.၆.၂၀၂၂)ရက်နေ့တွင် မုံရွာကုန်စည်ဒိုင်လုပ်ငန်းရှင်များ (၂၁)ဦးအား တွေ့ဆုံဆွေးနွေးပြောကြားရာတွင် ကုန်စည်များအား ထုတ်လုပ်ခြင်း၊ ပြုပြင်ခြင်း၊ ရောင်းချခြင်းများဆောင်ရွက်ရာတွင် မိမိတို့၏ကုန်စည်များအား အရည်အသွေး၊ အရေအတွက်၊ အချင်အတွယ်မှန်ကန်စေရေး၊ စီးပွားရေးလုပ်ငန်းရှင်များ၏ တာဝန်များနှင့် အညီ ဆောင်ရွက်နိုင်စေရန် ပညာပေးဆွေးနွေးခြင်း၊ တိုင်းဒေသကြီးအတွင်းရှိ ခရိုင်ဦးစီးမှူးရုံး များမှလည်း ကလေးခရိုင်ဦးစီးမှူးရုံးမှ (၁၆.၆.၂၀၂၂)ရက်နေ့တွင် ကလေးမြို့၊ မြို့သာရပ်ကွက် “ရွှေဗဟို”ဆီစက် လုပ်ငန်းရှင်နှင့်လည်းကောင်း၊ တမူးမြို့၊ စော်ဘွားရပ်ကွက် “ဇေယျာဝင်း”   ဆီစက်လုပ်ငန်းရှင်နှင့် လည်းကောင်း၊ (၂၁.၆.၂၀၂၂)ရက်နေ့တွင် ကလေးမြို့၊ မြို့သာရပ်ကွက် “ရွှေတော်ဝင်” ဆန်စက် လုပ်ငန်းရှင်နှင့်လည်းကောင်း လုပ်ငန်းရှင်တွေ့ဆုံခြင်း စုစုပေါင်း(၃)ကြိမ်၊ ကသာခရိုင်ဦးစီးမှူးရုံးမှ (၁၇.၆.၂၀၂၂)ရက်နေ့တွင် ကသာမြို့၊ ရပ်ကွက်(၁)  “လာဘ်ကောင်း” သောက်ရေသန့်လုပ်ငန်းရှင်နှင့်လည်းကောင်း၊ (၂၀.၆.၂၀၂၂) ရက်နေ့ ခရိုင်ဦးစီးမှူးရုံးတွင် “Fast Power” သောက်ရေသန့်လုပ်ငန်းရှင်နှင့်လည်းကောင်း လုပ်ငန်းရှင်တွေ့ဆုံခြင်း စုစုပေါင်း(၂)ကြိမ်၊ ကန့်ဘလူခရိုင်ဦးစီးမှူးရုံးမှ (၁၁.၆.၂၀၂၂)ရက်နေ့တွင် ကန့်ဘလူမြို့၊ အမှတ်(၂)ရက်ကွက် “ရွှေဝါဝင်း” ဆီဆိုင်လုပ်ငန်းရှင် နှင့်လည်းကောင်း၊ (၁၆.၆.၂၀၂၂)ရက်နေ့တွင် ကျွန်းလှမြို့၊ သစ်ရာမြိုင်ရပ်ကွက်တွင် “လင်းရောင်ဝင်း” စက်သုံးဆီအရောင်းဆိုင်လုပ်ငန်းရှင်နှင့်လည်းကောင်း လုပ်ငန်းရှင် တွေ့ဆုံခြင်း စုစုပေါင်း(၂)ကြိမ်၊  (၂.၆.၂၀၂၂)ရက်နေ့တွင် စစ်ကိုင်းခရိုင်ဦးစီးမှူးရုံးမှ စစ်ကိုင်းမြို့၊ အိုးဘိုရပ်ကွက်ရှိ လက်ရက်ကန်းလုပ်ငန်းရှင်နှင့်လည်းကောင်း၊ (၈.၆.၂၀၂၂)ရက်နေ့တွင် မြောင်မြို့၊ တောင်ရပ်ကွက်ရှိ “ဒေါ်အုန်းခ”ပေါင်မုန့်လုပ်ငန်းရှင်နှင့်လည်းကောင်း၊ (၉.၆.၂၀၂၂)ရက်နေ့တွင် စစ်ကိုင်းခရိုင်၊ မြင်းမူမြို့၊ ကျန်စစ်သားရပ်ကွက်ရှိ “ရွှေပြည်စိုး” ပေါင်မုန့်လုပ်ငန်းရှင်နှင့်လည်းကောင်း၊ (၁၄.၆.၂၀၂၂) ရက်နေ့တွင် မြောင်မြို့၊ အလယ်ရပ်ကွက် ဆီစက်လုပ်ငန်းရှင်နှင့်လည်းကောင်း၊ (၁၇.၆.၂၀၂၂) ရက်နေ့တွင် စစ်ကိုင်း ခရိုင်၊ စစ်ကိုင်းမြို့၊ ဘော်ဂါရပ်ရှိ ကျောက်စိမ်းအချောထည် လုပ်ငန်းရှင်နှင့်လည်းကောင်း၊ (၂၁.၆.၂၀၂၂) ရက်နေ့တွင် စစ်ကိုင်းမြို့၊ မန်ကျည်းကုန်းရပ်ရှိ “ရွှေလရောင်” ကြိမ်အချောထည် လုပ်ငန်းရှင်နှင့် လည်းကောင်း၊ မြင်းမူမြို့၊ ကျန်စစ်သားရပ်ကွက်ရှိ “ချစ်စု” ကိတ်နှင့်မုန့်မျိုးစုံ လုပ်ငန်းရှင်နှင့် လည်းကောင်း လုပ်ငန်းရှင်တွေ့ဆုံခြင်း စုစုပေါင်း(၇)ကြိမ်၊ (၆.၆.၂၀၂၂)ရက်နေ့တွင် မုံရွာခရိုင်၊ ချောင်းဦးမြို့နယ်၊ အောင်ချမ်းသာကျေးရွာရှိ “အောင်ချမ်းသာ” ဒိန်ချဉ်လုပ်ငန်းရှင်နှင့်လည်းကောင်း၊ (၈.၆.၂၀၂၂)ရက်နေ့တွင် မုံရွာမြို့၊ ကွေ့ကြီးရပ် “သိန်းသန်းစိုး” ယိုမျိုးစုံ လုပ်ငန်းရှင်နှင့် လည်းကောင်း၊ (၉.၆.၂၀၂၂)ရက်နေ့တွင် မုံရွာမြို့၊ ကွေ့ကြီးရပ် ပေါင်မုန့်လုပ်ငန်းရှင်နှင့်လည်းကောင်း၊ (၁၇.၆.၂၀၂၂)ရက်နေ့တွင် ဘုတလင်မြို့နယ်၊ မြဝတီရပ်ကွက် “ဂျူပီတာ” ဂျင်း၊လက်ဖက် လုပ်ငန်းရှင်နှင့်လည်းကောင်း လုပ်ငန်းရှင်တွေ့ဆုံခြင်း စုစုပေါင်း (၄)ကြိမ်၊ ယင်းမာပင်ခရိုင် ဦးစီးမှူးရုံးမှ (၁၅.၆.၂၀၂၂)ရက်နေ့တွင် ပုလဲမြို့၊ တောင်ရပ်ကွက်ရှိ ဆန်စက်လုပ်ငန်းရှင်နှင့်လည်းကောင်း၊ (၁၆.၆.၂၀၂၂)ရက်နေ့တွင် ယင်းမာပင်မြို့၊ (က)ရပ်ကွက်ရှိ “လင်းရတနာ” ဆီစက်လုပ်ငန်းရှင်နှင့် လည်းကောင်း လုပ်ငန်းရှင်တွေ့ဆုံခြင်း စုစုပေါင်း(၂)ကြိမ်၊ ရွှေဘိုခရိုင်ဦးစီးမှူးရုံးမှ (၁၅.၆.၂၀၂၂) ရက်နေ့တွင် ရွှေဘိုမြို့နယ်၊  ဇီးကုန်းကျေးရွာ “မြတ်ပွင့်ခိုင်” ဆန်စက်လုပ်ငန်းရှင်နှင့်လည်းကောင်း၊ ရွှေဘိုမြို့နယ်၊ တဂဏန်းကျေးရွာရှိ “ရွှေမိ” စက်သုံးဆီ အရောင်းဆိုင်လုပ်ငန်းရှင်နှင့်လည်းကောင်း၊ ရွှေဘိုခရိုင်ဦးစီးမှူးရုံးတွင် ဆီလုပ်ငန်းရှင်အသင်း ဥက္ကဌနှင့်လည်းကောင်း ရေဦးမြို့နယ်၊ အောင်ချမ်းသာ ရပ်ကွက်ရှိ “ဖြူစင်”ဆန်စက်လုပ်ငန်းရှင်နှင့်လည်းကောင်း လုပ်ငန်းရှင်တွေ့ဆုံခြင်း စုစုပေါင်း (၄)ကြိမ်ဖြင့် ဆောင်ရွက်ခဲ့ကြပြီး လုပ်ငန်းရှင်များအား စားသုံးသူကာကွယ်ရေးဥပဒေပါ စီးပွားရေး လုပ်ငန်းလုပ်ကိုင်ရာတွင် စီးပွားရေးကျင့်ဝတ်၊ စည်းကမ်းနှင့်အညီ ဖြောင့်မတ်မှန်ကန်စွာ ဆောင်ရွက် နိုင်ရန် အသိပညာပေးဆွေးနွေးခြင်းနှင့် ပညာပေးလက်ကမ်းစာစောင်များအား ဖြန့်ဝေခဲ့ပါသည်။

DOCA(စစ်ကိုင်း)

               စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ တမူးခရိုင်၊ တမူးမြို့နယ်တာဝန်ခံသည် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့်ပူးပေါင်း၍ စားသုံးသူအကာအကွယ်ပေးရေးအသိပညာပေး Talk Show အား တမူးခရိုင်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Centre ခန်းမတွင် ၂၃.၆.၂၀၂၂ရက်နေ့၊ နံနက်(၁၀:၀၀)နာရီအချိန်တွင် ပြုလုပ်ခဲ့ကြောင်း သိရှိရပါသည်။

               အဆိုပါ Talk Show တွင် စားသုံးသူရေးရာဦးစီးဌာန၊ တမူးမြို့နယ်တာဝန်ခံ ဦးစွမ်းရည်မှ စီးပွားရေးလုပ်ငန်းရှင်များ လိုက်နာဆောင်ရွက်ရမည့် စားသုံးသူကာကွယ်ပေးရေးဥပဒေပါ ကုန်အညွှန်းအမှတ်အသားဖော်ပြခြင်းနှင့်ပတ်သက်သော ပြဌာန်းချက်များနှင့် စားသုံးသူအခွင့်အရေး များနှင့်တာဝန်များ၊ စားသုံးသူများအနေဖြင့် ကုန်စည်နှင့်ဝန်ဆောင်မှုများကို ဝယ်ယူသုံးစွဲရာတွင် နစ်နာဆုံးရှုံးမှုများကြုံရပါက အရေးဆိုတိုင်ကြားနိုင်မှုများ ပြုလုပ်နိုင်ကြောင်းနှင့် စားသုံးသူရေးရဦဦးစီးဌာနသို့ ဆက်သွယ်တိုင်ကြားနိုင်သည့် နည်းလမ်းများစသည်တို့ကို  အကျယ်တဝင့်ရှင်းလင်းဆွေးနွေးခဲ့ကြောင်း သတင်းရရှိပါသည်။

DOCA(စစ်ကိုင်း)

          လျှော်ဖြူပင်ကို မြန်မာနိုင်ငံအလယ်ပိုင်းမိုးနည်းရပ်ဝန်းဒေသများတွင် အဓိကစိုက်ပျိုးကြ သည်။ လျှော်ဖြူပင်သည် ရေငတ်ဒဏ်၊  ပူပြင်းသောရာသီဥတုဒဏ်ကို ခံနိုင်သောအပင်မျိုးဖြစ်သည်။ နှစ်ရှည်ပင်အမျိုးအစားတွင် ပါဝင်သော လျှော်ဖြူပင်ကို စစ်ကိုင်းတိုင်း၊ မန္တလေးတိုင်းနှင့် မကွေးတိုင်း ဒေသကြီးတို့တွင် အများဆုံးစိုက်ပျိုးထုတ်လုပ်အောင်မြင်လျှက်ရှိသည်။ စစ်ကိုင်းတိုင်း‌ဒေသကြီးတွင် ခရိုင် (၇)ခုမှ လျှော်ဖြူစိုက်ဧကပေါင်း (၂၇၆၂၃)ဧကရှိကြောင်း၊ ၎င်းစိုက်ဧကများမှ လျှော်ဖြူစေး ကုန်ကြမ်း(၄၅၃၆)ဧကအား ထုတ်ယူနေကြောင်းလေ့လာသိရှိရပါသည်။ လျှော်ဖြူပင်ကို တစ်နိုင်တစ်ပိုင် စိုက်ပျိုးရာမှ စီးပွားဖြစ်စိုက်ပျိုးသည်ထိ စိုက်ပျိုးလာကြောင်းတွေ့ရသည်။

          လျှော်ဖြူပင်ကို “နည်းစနစ်တကျ စိုက်ပျိုးခြင်း၊ ပြုစုပျိုးထောင်ခြင်း နှင့် အစေးထုတ်ယူခြင်း” ဟူ၍အချက်(၃)ချက်ဖြင့် ပြုစုစိုက်ပျိုးထုတ်လုပ်ရသည်။ ရှေးယခင်က လျှော်ဖြူစေးကို အလေ့ကျပေါက် လျှော်ဖြူပင်များမှ ဆေးဝါးဓာတ်စာသဘောမျိုးအဖြစ်သာ သမရိုးကျထုတ်ယူကြသော်လည်း ယခုအခါ တစ်နိုင်တစ်ပိုင်စိုက်ပျိုးခြင်း၊ စီးပွားဖြစ်စိုက်ပျိုးခြင်း၊ တရုတ်နိုင်ငံမှ ဝယ်ယူလိုအားများလာခြင်း၊ အလှကုန်၊ အစားအသောက်၊ ပြည်တွင်းထုတ်ကုန်များတွင် ကုန်ကြမ်းအဖြစ်ဝယ်ယူစုဆောင်းခြင်းနှင့် အခြားပြည်တွင်းသုံးစွဲမှု များလာခြင်းတို့ကြောင့် လျှော်ဖြူစိုက်တောင်သူများ ပိုမိုများပြားလာခြင်းနှင့် အတူ စိုက်ဧကများလည်း တိုးချဲ့စိုက်ပျိုးလာကြောင်း သိရသည်။

          လျှော်ဖြူစေ့မှ လျှော်ဖြူပျိုးပင်ပေါက်များကိုအိတ်ဖြင့် ပျိုးထုပ်ထည့်သွင်းစိုက်ပျိုးရာတွင် နှုန်းမြေနှင့် ရွံစေးမြေဖြင့် စိုက်ပျိုးရသည်။ ပျိုးပင်များကို မြေချစိုက်ပျိုးရာတွင် တစ်ပင်နှင့် တစ်ပင်အကွာအဝေးမှာ (၁၂)ပေမှ (၁၅)ပေအတွင်းဖြစ်၍ လျှော်ဖြူစေ့မှ လျှော်ဖြူပျိုးပင်များ အပင်ပေါက်လာစေရန် အချိန်ကာလအားဖြင့်( ၂ )ပတ်ခန့် ကြာသည်။ လတ်တလောဖြစ်ပေါ်နေသော လျှော်ဖြူပျိုးပင်ပေါက်  ဈေးနှုန်းမှာတစ်ပင်လျှင် (၂၀၀) ကျပ်မှ (၃၀၀)ကျပ်အထိရှိကြောင်းသိရသည်။ လျှော်ဖြူပင်ကို (၅)နှစ်သားမှ စ၍အစေးထုတ်ယူနိင်ပြီး နယုန်လမှ သီတင်းကျွတ်လအထိ ထုတ်ယူ နိုင်သည်။

          မုံရွာခရိုင်၊ အရာတော်မြို့နယ်ရှိ လျှော်ဖြူစိုက်တောင်သူတစ်ဦး၏ပြောပြချက်အရ လျှော်ဖြူ တစ်ဧကလျှင် မြေ၊ ပျိုးပင်၊ ရေတွင်းနှင့် ပြုစုပျိုးထောင်စရိတ်အတွက် ကျပ်သိန်း (၁၈၀)ခန့် ရင်းနှီး ရကြောင်း၊ ယခု လက်ရှိတွင် ဖြစ်ပေါ်နေသောလျှော်ဖြူဈေးများမှာ အစင် (အသန့်)တစ်ပိဿာလျှင် (၇၀၀၀)ကျပ်၊ အဖျင်း(မသန့်)တစ်ပိဿာလျှင် (၅၀၀၀) ကျပ် ပေါက်စျေး ရှိကြောင်း၊ လတ်တလော အ‌ခြေအနေအရ တရုတ်နိုင်ငံနှင့် ထိုင်းနိုင်ငံများမှ ဝယ်ယူမှုရပ်နားထားသဖြင့် ဝယ်လိုအားနည်းနေ၍ ပြည်တွင်း၌သာ အရောင်းဝယ်ဖြစ်နေကြောင်း သိရှိရပါသည်။

DOCA(စစ်ကိုင်း)