သတင်းနှင့် လှုပ်ရှားမှုများ

         မွန်ပြည်နယ်ရာဘာကဏ္ဍဖွံ့ဖြိုးတိုးတက်ရေးတွေ့ဆုံဆွေးနွေးပွဲကို ၁၀.၉.၂၀၁၈ ရက်နေ့က မွန်ပြည်နယ်အစိုးရအဖွဲ့ရုံး၊ ဟင်္သာခန်းမ၌ ကျင်းပပြုလုပ်ခဲ့ရာ မွန်ပြည်နယ်ဝန်ကြီးချုပ် ဒေါက်တာ အေးဇံ မှ တက်ရောက်အမှာစကားပြောကြားခဲ့ပြီး ထို့နောက် မွန်ပြည်နယ်ရာဘာကဏ္ဍဖွံ့ဖြိုးတိုးတက်မှု လုပ်ငန်းအဖွဲ့ အတွင်းရေးမှူးနှင့် GRO Myanmar Project Director Ms.Sarah Elizabeth Constance မှ လုပ်ငန်းဆောင်ရွက်မှုအခြေအနေများအား ရှင်းလင်းတင်ပြပါသည်။

              ဆက်လက်၍ ရာဘာကဏ္ဍဖွံ့ဖြိုးတိုးတက်ရေးအတွက် လိုအပ်ချက်များကို ကဏ္ဍအလိုက် အုပ်စုဖွဲ့၍ ဆွေးနွေးကြပြီး ဆွေးနွေးရရှိချက်များအပေါ် သက်ဆိုင်ရာဌာနအသီးသီးမှ ပြန်လည် ရှင်းလင်းဆွေးနွေးခဲ့ကြပါသည်။

          ထို့နောက် မွန်ပြည်နယ်ရာဘာကဏ္ဍဖွံ့ဖြိုးတိုးတက်မှု လုပ်ငန်းအဖွဲ့ ဥက္ကဌ (ကရင်တိုင်းရင်းသား လူမျိုးရေးရာဝန်ကြီး) ဦးစောအောင်မြင့်ခိုင် မှ အစုအဖွဲ့ (၇) စု မှ ဆွေးနွေးခဲ့သော လိုအပ်ချက်များအား ရာဘာ ကဏ္ဍဖွံ့ဖြိုးတိုးတက်မှုလုပ်ငန်းအဖွဲ့ ညှိနှိုင်းအစည်းအဝေးတွင် တင်ပြဆောင်ရွက်သွားမည် ဖြစ်ကြောင်း နိဂုံးချုပ်စကားပြောကြားခဲ့ပါသည်။ ဆွေးနွေးပွဲသို့ မွန်ပြည်နယ်ဝန်ကြီးချုပ်၊ ကရင် တိုင်းရင်းသားလူမျိုးရေးရာဝန်ကြီး၊ ဌာနဆိုင်ရာတာဝန်ရှိပုဂ္ဂိုလ်များ၊ မြန်မာနိုင်ငံရာဘာစိုက်ပျိုးထုတ် လုပ်သူများအသင်း၊ မွန်ပြည်နယ်ရာဘာကဏ္ဍဖွံ့ဖြိုးတိုးတက်ရေးအဖွဲ့ အဖွဲ့ဝင်များ၊ မွန်ပြည်နယ် အတွင်းရှိ ရာဘာစိုက်ပျိုးထုတ် လုပ်သူများအသင်း အသင်းဝင်များ၊ ရာဘာလုပ်ငန်း ဆောင်ရွက်နေ သော အဝယ်ဒိုင်၊ စက်ရုံ၊ အလုပ်ရုံနှင့်ရာဘာသစ်ထုတ်လုပ်နေသော လုပ်ငန်းရှင် များတက်ရောက် ခဲ့ကြပြီး ဆွေးနွေးပွဲအား (၁၆:၀၀) နာရီတွင် ရုတ်သိမ်းခဲ့ကြောင်း သတင်းရရှိပါသည်။

ကသာခရိုင်တွင် စားသုံးသူအငြင်းပွားမှုဖြေရှင်းရေးအဖွဲ့၏ (၁၉)ကြိမ်မြောက် လုပ်ငန်းညှိနှိုင်း အစည်းအဝေးကို သြဂုတ်လ(၂၉)ရက် ကသာခရိုင် စီမံခန့်ခွဲမှုကော်မတီဥက္ကဌရုံးခန်းတွင် ကျင်းပပြု လုပ်ခဲ့ရာ စားသုံးသူအငြင်းပွားမှုဖြေရှင်းရေးအဖွဲ့မှ အဖွဲ့ဝင်(၁၀)ဦး၊ အခြားတက် ရောက်သူ (၄)ဦး၊စုစုပေါင်း(၁၄)ဦးတက်ရောက်ခဲ့ပါသည်။

          အစည်းအဝေးတွင် ခရိုင်အငြင်းပွားမှုဖြေရှင်းရေးအဖွဲ့ အတွင်းရေးမှူးလက်ထောက်ညွှန်ကြား ရေးမှူး ဦးကျော်အုန်းက ကသာခရိုင်စားသုံးသူရေးရာဦးစီးဌာအနေဖြင့် ကွင်းဆင်းအသိပညာပေးဟော ပြောပွဲ(၂၉) ကြိမ်၊ကွင်းဆင်းစစ်ဆေးမှု(၂၄) ကြိမ်၊ လုပ်ငန်းရှင်းများနှင့် တွေ့ဆုံဆွေးနွေးခြင်း(၈)ကြိမ်၊ SME လုပ်ငန်းများ တိုးတက်ဖွံ့ဖြိုးရေးအတွက် ဆွေးနွေးခြင်း(၇)ကြိမ်၊ စုစုပေါင်း(၆၁)ကြိမ် ဆောင်ရွက်ခဲ့ပါကြောင်း၊ ဇူလိုင်လ(၁၈)ကြိမ်မြောက် အစည်းအဝေးဆုံးဖြတ်ချက်များအပေါ် ဆောင်ရွက်ပြီးစီးမှုနှင့် ဆောင်ရွက်ရန်ကျန်ရှိသည်များကို အသေးစိပ်ရှင်းလင်းဆွေးနွေးခဲ့ပြီး ထီးချိုင့်မြို့ နယ် မောင်းကုန်းကျေးရွာမှ Oxygen သောက်ရေသန့်ထုတ်လုပ်နေမှုသည် တရားမဝင်ထုတ်လုပ်နေ ကြောင်း ထီးချိုင့်မြို့နယ် လွတ်တော်ကိုယ်စားလှယ်မှ ခရိုင်အစားအသောက်ဆေးဝါးကွပ်ကဲရေးဦးစီးဌာ နသို့ သတင်းပေးမှုအပေါ် ရှေ့ဆက်လက်ဆောင်ရွက်ရမည့် ကိစ္စရပ်များအား ဆွေးနွေးခဲ့ပြီး သြဂုတ်လ အတွင်း  ကသာမြို့ဆေးဆိုင်များမှ သိမ်းဆည်းထားသည့် သက်တမ်းလွန်ဆေးဝါးများ၏ တန်ဖိုး(၄၉၁၈၀၀/-)ကျပ်တန်ဖိုးရှိ ကုန်ပစ္စည်းများကို ခရိုင်စားသုံးသူရေးရာဦးစီးဌာနရုံးရှေ့တွင် ခရိုင် အငြင်းပွားမှုဖြေရှင်းရေးအဖွဲ့၏ ဆုံးဖြတ်ချက်အရ အဖွဲ့စုံဖြင့် (၆)ကြိမ်မြောက် မီးရှို့ဖျက်ဆီးခဲ့ကြောင်း သတင်းရရှိပါသည်။

လှလှခိုင်(ကသာ)

ယခုတစ်ပတ်အတွင်း အောင်ပန်းစျေးကွက်နှင့် ဟိုပုံးစျေးကွက်တို့တွင် ချင်း(စို) စျေးနှုန်းမှာ ယခင်အပတ်အတွင်းစျေးကျသွားသော်လည်း ယခုတစ်ပတ်အတွင်းတွင် တစ်ပိဿလျှင် ၁၀၀ိ/ မှ ၃၀၀ိ/ အထိ စျေးနှုန်းမြင့်တက်လာပါတယ်။ ပြည်ပတင်ပို့ဖို့ရှိသည့်အတွက် စျေးတက်လာခဲ့ကြောင်း သိရပါတယ်။ ချင်းဥမ တွေက လက်ကျန်သိပ်မရှိတော့ပဲ အဝင်နည်းပါးနေတယ်လို့လည်း သိရပါတယ်။ ဘင်္ဂလားဒေ့ရှ်ကို တင်ပို့ဖို့ အတွက် စစ်တွေ၊ တောင်ကုတ်၊ ရန်ကုန် ဝယ်လက်တွေက အဝယ်ရှိနေသလို အိန္ဒိယကို တင်ပို့ဖို့အတွက် တမူးဝယ်လက်တွေကလည်း ဝယ်ယူနေတယ်လို့ သိရပါတယ်။ ချင်း(ဥမ)တွေစျေးကောင်းလာတော့ အရင်က မဖော်ဘဲထားခဲ့တဲ့ချင်း(တက်) တွေကို လည်းတူးဖော်လာပြီးစျေးကွက်ဝင်လာပါတယ်။ အဲဒီ့အခက်လှကြီးတွေကတော့ ပြည်တွင်းသုံး အတွက် ဝယ်ယူကြတယ်လို့လည်းသိရပါတယ်။ ဝယ်လက်တွေက ဝယ်ယူမှုများနေပြီး ပစ္စည်းလက်ကျန် နည်းနေတာကြောင့် စျေးကလည်း တက်လာပါတယ်။ ဥမ လက်ကျန်ကလည်း နည်းသွားပြီဖြစ်ပြီး ချင်းတက် (သစ်)တွေက စျေးကွက်ကိုဝင်လာဖို့ လိုပါသေးတယ်။ နောက်နှစ်ဆန်းလောက်မှသာ ဝင်လာနိုင်တယ်လို့လည်း သိရပါတယ်။

          ဟိုပုံးစျေးကွက်မှာလည်း ချင်းအဝင်နည်းသွားပြီးစျေးတက်လာပါတယ်။ ယခုအပတ် ချင်းစို ပေါက်စျေးတွေကတော့ အောင်ပန်းစျေးကွက်မှာ ချင်း (ဥမ) က တစ်ပိဿကို ၇၅၀ိ/ မှ ၈၈၀ိ/ စျေးရှိပြီး ချင်းတက် ကတော့ တစ်ပိဿကို ၁၁၀၀ိ/ မှ ၁၀၅၀ိ/ ရှိပါတယ်။

ဧဧခိုင်(တောင်ကြီး)

စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး၊ မုံရွာမြို့၌ (၉.၈.၂၀၁၈) ရက်နေ့တွင် လျှော်ဖြူစိုက်ပျိုးထုတ်လုပ်တင်ပို့ရောင်းချသူများအသင်းခွဲ ဖွဲ့စည်းရန် ညှိနှိုင်းအစည်းအဝေးပြု လုပ်ခဲ့ပါသည်။ အဆိုပါအစည်းအဝေးတွင် စားသုံးသူရေးရာဦးစီးဌာနမှ တိုင်းဒေသကြီးဦးစီးမှူးနှင့် ဝန်ထမ်းများ၊ လျှော်ဖြူစိုက်ပျိုးထုတ်လုပ်သူ တောင်သူ(၃၀)ဦး တက်ရောက်ခဲ့ပါသည်။

အစည်းအဝေးတွင် စစ်ကိုင်းတိုင်းဒေသကြီး စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး ဦးခင်မောင်လှိုင်မှ နှုတ်ခွန်းဆက်စကားပြောကြား၍  လျှော်ဖြူစိုက်ပျိုးထုတ်လုပ်သူတောင်သူများ များနေ ပြီဖြစ်ပြီး အသင်းဖွဲ့စည်းရန်လိုအပ်ပါကြောင်း၊ အခက်အခဲ တစ်စုံတစ်ရာရှိပါက စည်းလုံးညီညွတ်စွာ  အသင်းအဖွဲ့ဖြင့် ဆောင်ရွက်ရမည်ဖြစ်ပါကြောင်း၊ တစ်ဦးတစ်ယောက်ချင်းတင်ပြခြင်းထက် အသင်း အဖွဲ့အနေဖြင့် တင်ပြခြင်းက ပိုမိုထိရောက်စွာ ဆောင်ရွက်ပေးနိုင်မည်ဖြစ်ကြောင်း၊ ခရိုင်များရှိ လျှော်ဖြူ စိုက်ပျိုးထုတ်သူများကိုလည်း အသင်းတွင်ပါဝင်နိုင်ရေး ဖိတ်ခေါ်သွားရမည်ဖြစ်ပါကြောင်း၊ မြန်မာနိုင်ငံ လျှော်ဖြူအသင်းဥက္ကဌမှလည်း လာရောက်ဆွေးနွေးပေးရန်လိုအပ်ကြောင်းပြေကြားခဲ့ပါသည်။ ဆက်လက်၍ ယခင်က စစ်ကိုင်းတိုင်းဒေသကြီး လျှော်ဖြူအသင်းဟူ၍ မဖွဲ့စည်းရသေးဘဲ မြန်မာနိုင်ငံလျှော်ဖြူအသင်း၏ တိုက်ရိုက်ကွပ်ကဲမှုဖြင့် စစ်ကိုင်းတိုင်း တာဝန်ခံများသာရွေးချယ်ထားခြင်းမှ စစ်ကိုင်းတိုင်းလျှော်ဖြူအသင်း အဖြစ် ဖွဲ့စည်းလိုကြောင်းတင်ပြရာတွင် တိုင်းဒေသကြီးဦးစီးမှူးမှ လိုအပ်သည်များ ကူညီဆောင်ရွက်ပေး မည်ဖြစ်ပါကြောင်း၊ အသင်းဖွဲ့စည်းရေးအတွက် အသင်းဖြစ်မြောက်ရေးကော်မတီကို ဦးစွာဖွဲ့စည်းရန် လိုအပ်ကြောင်း၊ အသင်းဥက္ကဌကို အသင်းသားများ၏ မဲအရေအတွက်ဖြင့် ရွေးချယ်မည်ဖြစ်ပြီး ဒု-ဥက္ကဌများ ကိုခရိုင် (၇)ခုမှ (၁)ဦးနှုန်းဖြင့် ဒု-ဥက္ကဌ (၇)ဦးရွေးချယ်တင်မြှောက်ပြီး၊ အတွင်းရေးမှူး၊ တွဲဖက်အတွင်းရေးမှူး၊ ဘဏ္ဍာရေးမှူးများကို မဲဖြင့် ရွေးချယ်သွားရန် စီစဉ်ထားပါကြောင်း၊ အသင်းဖွဲ့စည်းပြီးစီးပါက  ဝန်ကြီးဌာနသို့ အမည်ပေါက်စာရင်းသွင်း မှတ်ပုံတင်နိုင်ရေး ကူညီဆောင်ရွက်ပေးသွားမည်ဖြစ်ပါကြောင်း၊ အသင်းအနေဖြင့် လိုအပ်ပါက သက်ဆိုင်ရာဌာနများနှင့် ချိတ်ဆက်ဆောင်ရွက်နိုင်ရေး ပူးပေါင်းဆောင်ရွက်ပေးမည်ဖြစ်ပါ ကြောင်း၊ အသင်းတွင် အမြဲတမ်း EC အဖွဲ့ဝင်ပါဝင်နိုင်ရေးကို ခရိုင်များသို့လည်းအကြောင်းကြား အမည် စာရင်းကောက်ယူ မည်ဖြစ်ပါကြောင်း၊ အမည်စာရင်းပေးထားသည့် EC အဖွဲ့ဝင်များအနေဖြင့် အစည်းအဝေး ကျင်းပ ရာတွင် မပျက်မကွက် တက်ရောက်စေလိုကြောင်း ဆွေးနွေးပြောကြားပါသည်။

တက်ရောက်လာကြသော လျှော်ဖြူစိုက်ပျိုးထုတ်လုပ်သူများမှ မြန်မာနိုင်ငံလျှော်ဖြူအသင်း၏ လက်အောက်တွင် စစ်ကိုင်းတိုင်းဒေသကြီးလျှော်ဖြူအသင်းခွဲဖွဲ့စည်းရန် ဆန္ဒရှိကြပါကြောင်း ပြောကြား ခဲ့ပါသည်။ သို့ဖြစ်ပါ၍ ယင်းအစည်းအဝေးတွင် လျှော်ဖြူစိုက်ပျိုးထုတ်လုပ် တင်ပို့ရောင်းချသူများ အသင်းခွဲ ဖြစ်မြောက်ရေးအတွက် ကော်မတီဝင်(၁၃)ဦးရွေးချယ်နိုင်ခဲ့ပါသည်။ ဆက်လက်၍ အစည်းအဝေး သို့တက်ရောက်လာကြသော လျှော်ဖြူစိုက်ပျိုးထုတ်လုပ်သူများအနေဖြင့် ဩဂုတ်လ (၁၆)ရက်နေ့၊ (၁၇)ရက် နေ့နှင့် (၁၈)ရက်နေ့များတွင် ကျင်းပသည့်(SMEs)ပြပွဲတွင် စစ်ကိုင်းတိုင်းဒေသကြီး လျှော်ဖြူစိုက်ပျိုး ထုတ်လုပ်သူများပူးပေါင်း၍ မြန်မာနိုင်ငံလျှော်ဖြူအသင်းအမည်ဖြင့် ပြခန်း(၂)ခန်း ပြသသွားကြမည်ဖြစ် ကြောင်းသိရှိရပါတယ်။

                  ကလေးမြို့တွင် ယခုလက်ရှိ နိုင်ငံခြားသို့ နွားတင်ပို့မှုတွင် ကုမ္ပဏီ JT Kalay Company Limited  နှင့် Wai Hlan Oo Company Limited ( ၂ ) ခု တည်ထောင်ပြီး၊ ကလေးမှ မူဆယ်သို့ နွားများတင်ပို့ရန် ယာယီစုဆောင်းနေဆဲဖြစ်ပြီး JT Kalay Company Limited မှ ၆/၂၀၁၈ လအတွင်း တရုတ်နိုင်ငံသို့  နွားအကောင် ( ၁၀၀ ) တင်ပို့ရောင်းချပြီး ဖြစ်ကြောင်း၊ လက်ရှိတွင် နွားများကို စုဆောင်း လျှက်ရှိရာ မျှောစာရရှိရေးဆောင်ရွက်လျှက်ရှိကြောင်း၊ မျှောစာကြပါက ကုမ္ပဏီ (၂) ခုတွင် နွားများ တင်ပို့မည့် အခြေအနေသို့ ရောက်ရှိနေပြီးဖြစ်ပါကြောင်း၊ နွားတင်ပို့မှုနှင့်ပတ်သက်၍ မိမိနိုင်ငံအတွက် နွားအကောင်         ( ၁၀၀ )  တင်ပို့လျှင် သိန်း ( ၅၀ ) ခန့် အခွန်ငွေရရှိပြီး နွားများစုဆောင်းဝယ်ယူချိန်တွင် နွားခြံတစ်ခြံတွင် လူဦးရေ ( ၁၀ ) ဦးခန့် စရိတ် ငြိမ်းလုပ်အားခတစ်ဦးလျှင် ( ၆၀၀၀ ) နှုန်းဖြင့် ပေးချေရသည့်အတွက် နွားခြံ      ( ၂ ) ခြံတွင် လူဦးရေ ( ၂၀ ) ဦးအလုပ်အကိုင်အခွင့်အလမ်းများရရှိပါကြောင်း၊ ကုမ္ပဏီတာဝန်ရှိသူမှ ပြောပြချက်အရ သိရှိရပါသည်။

                  တောင်သူများအနေဖြင့်လည်း မိမိ၏ခိုင်းနွားများကို ရောင်းချခြင်းများမဟုတ်ကြောင်း ပိုလျှံသည့် နွားများကိုသာ ရောင်းချကြပါကြောင်း၊ နွားရောင်းဝယ်သူများထံမှ မေးမြန်းသိရှိရပါသည်။ ကလေးမြို့တွင် လက်ရှိမွေးမြူရေးနှင့်ကုသရေးဦးစီးဌာန၏စာရင်းအရ ကျွဲ၊ နွားများ မွေးမြူထားရှိမှု အခြေအနေများမှာ ကျွဲ     ( ၇၀၀၀ ) ကောင်၊ နွား ( ၇၀၀၀၀ ) ကောင် ဝန်းကျင် မြေပြင်အနေအထားတွင် မွေးမြူထားရှိပါကြောင်း လေ့လာသိရှိရပါသည်။

                  နွားများကို ဝယ်ယူစုဆောင်းရာတွင် ကလေးနယ်တစ်ဝိုက်ဖြစ်သည့် ကလေး၊ နတ်ချောင်း၊ ထောက်ကြန့်၊ ကျောင်းတိုက် ကျေးရွာများတွင် ဝယ်ယူစုဆောင်းပါကြောင်း၊ ဝယ်ယူ စုဆောင်းမှုကာလမှာ ( ၂ ) လမှ ( ၄ ) လ ကြာမြင့်ပြီး ဝယ်ယူစျေးနှုန်းမှာ နွား ( ၅ ) နှစ်သားမှ (၁၃ ) နှစ်သားအထိ တစ်ကောင်လျှင် ( ၁၁ ) သိန်းမှ ( ၁၃ ) သိန်းထိပေး၍ ဝယ်ယူရပြီး တရုတ်နိုင်ငံသို့ ရောင်းစျေးနှုန်းမှာ တစ်ကောင်လျှင် ယွမ် (၈၀၀၀/- မှ ၉၀၀၀/-  မှ ၁၀၀၀၀/-)ရောင်းချရပါကြောင်း နွားရောင်းဝယ်သူများထံမှ မေးမြန်းသိရှိရပါသည်။

                  ကလေးမြို့၊ မွေးမြူရေးနှင့်ကုသရေးဦးစီးဌာနအနေဖြင့် မွေးမြူရေးတောင်သူများလိုအပ် သော နို့စားနွား (Friesian) ၊ အသားစားနွား (Brahmin) ခိုင်းနွားများဖြစ်သော ပြာစိမ်းနှင့် ရွှေနီမျိုးစပ်များကို မေထုံမဲ့သားစပ်ခြင်းဖြင့် ဆောင်ရွက်နိုင်တော့မည်ဖြစ်ပါကြောင်း၊ မွေးမြူရေးနှင့် ကုသရေးဦးစီးဌာနမှ ပြောကြားချက်အရ သိရှိရပါသည်။

                  ကလေးခရိုင်အတွင်းရှိ ကျွဲ၊ နွားအရှင်များ ပြည်ပသို့တင်ပို့နေမှုအခြေအနေများကို သိရှိနိုင်ပါရန် တင်ပြလိုက်ရပါသည်။

                                                                                                                                                                                                                                                                                                     စန္ဒာမွန်

                                                                                                                                                                                                                                                                                                    ( ကလေး )