.jpg?itok=NRSxOQXn)
အိမ်သုံးလျှပ်စစ်ပစ္စည်းသုံးစွဲမှုအန္တရာယ် ကင်းဝေးရလေအောင်
အိမ်သုံးလျှပ်စစ်ပစ္စည်း လျှပ်စစ်ဝါယာကြိုးသုံးစွဲနှင့်ပတ်သက်၍ အန္တရာယ်ကင်းဝေးနိုင်ရန်နှင့် ပစ္စည်းများ ဝယ်ယူသုံးစွဲရာတွင် စားသုံးသူများဘက်မှ နစ်နာမှုမရှိစေရန် အရည်အသွေးမီပစ္စည်းများ ဝယ်ယူအသုံးပြုနိုင်ရေးအတွက် စားသုံးသူတိုင်း သိထားသင့်သော လျှပ်စစ်ဆိုင်ရာ အခြေခံအချက်အလက်များကို တင်ပြလိုပါတယ်။
TTZ(သတင်းနည်းပညာ/အရည်အသွေး)
စားသုံးသူကိုအကျိုးပြုမည့် PAT 450
စားသုံးသူအကာအကွယ်ပေးရေးနယ်ပယ်၌ ပါဝင်ဆောင်ရွက်နိုင်ရန်အတွက် သတင်းအချက်အလက်နည်းပညာနှင့်အရည်အသွေးစီမံခန့်ခွဲရေးဌာနခွဲ၊ အင်ဂျင်နီယာဌာနစိတ်(စက်ဆန်း)တွင် အိမ်သုံးလျှပ်စစ်ပစ္စည်းများ စမ်းသပ်စစ်ဆေးရေးဓါတ်ခွဲခန်း တည်ထောင်ထားရှိပြီး ဓါတ်ခွဲခန်းရှိ လျှပ်စစ်စမ်းသပ်စစ်ဆေးရေးကိရိယာများအနက် အင်္ဂလန်နိုင်ငံ Megger Instruments Co.,ltd မှ ထုတ်လုပ်သော Portable Appliance Tester (PAT 450)ဖြင့် Watt 1000 အောက်ရှိ အိမ်သုံးလျှပ်စစ်ပစ္စည်းများအား စစ်ဆေးပေးနိုင်မှုအခြေအနေကို ဖော်ပြလိုက်ရပါတယ်။
မြန်မာနိုင်ငံမှတင်ပို့ခဲ့သော ဆန်တန်ချိန် (၁၈၀၀၀)ကို အိုင်ဗရီကို့စ်အာဏာပိုင်များက စားသုံးရန်မသင့်ဟု ကြေညာ၍ ဖျက်ဆီးခဲ့သည်ဟု ပြည်ပသတင်းဌာနများတွင် မကြာသေးမီက ဖော်ပြခဲ့သည့်သတင်းနှင့် ပတ်သက်၍ ၂၀၁၉ ခုနှစ် ဧပြီလ ၂၃ ရက်နေ့တွင် စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနနှင့် စက်မှုလက်မှုလုပ်ငန်း ရှင်များအသင်းချုပ်၊ မြန်မာနိုင်ငံဆန်စပါး အသင်းချုပ်မှ ကိုယ်စားလှယ်များ၊ ဆန်များရောင်းချခဲ့သည့် ပြည်တွင်းကုမ္ပဏီများနှင့် သင်္ဘောတင်မှုတွင် အရည်အသွေးစစ်ဆေးသည့် ကုမ္ပဏီများမှ ကိုယ်စားလှယ်များ တွေ့ဆုံ ဆွေးနွေးခဲ့ပြီး အများပြည်သူသိရှိစေရန်အတွက် ထုတ်ပြန်သည့် သတင်းထုတ်ပြန်ချက်
၂၀၁၉ ခုနှစ်၊ ဧပြီလ ၃ ရက်နေ့၊ နံနက် ၁၀: ၀၀ နာရီတွင် ရန်ကုန်မြို့၊ အမှတ်(၆)၊ ကမ္ဘာအေးဘုရားလမ်းရှိ ပညာရေးဝန်ကြီးဌာန၊ သုတေသနနှင့် တီထွင်ဆန်းသစ်မှုဦးစီးဌာန၌ စိုက်ပျိုးရေး အခြေခံထုတ်ကုန် စံချိန်စံညွှန်းရေးဆွဲရေး နည်းပညာဆပ်ကော်မတီ (၂/၂၀၁၉) ကြိမ်မြောက် လုပ်ငန်းညှိနှိုင်းအစည်းအဝေးကျင်းပ ပြုလုပ်ခဲ့ပါသည်။
အဆိုပါအစည်းအဝေးတွင် စိုက်ပျိုးရေး အခြေခံထုတ်ကုန် စံချိန်စံညွှန်းရေးဆွဲရေး နည်းပညာ ဆပ်ကော်မတီ ဥက္ကဌ စားသုံးသူရေးရာဦးစီးဌာနမှ ဒုတိယညွှန်ကြားရေးမှူးချုပ် ဦးအောင်မောင်း၊ နည်းပညာဆပ်ကော်မတီ အတွင်းရေးမှူး ဦးမြင့်ဝေ(ညွှန်ကြားရေးမှူး)၊ သက်ဆိုင်ရာဌာနအသီးသီးနှင့် အသင်းအဖွဲ့များမှ နည်းပညာဆပ်ကော်မတီအဖွဲ့ဝင်များနှင့် အထူး ဖိတ်ကြားထားသူများတက်ရောက်ခဲ့ပါသည်။
၎င်းအစည်းအဝေးတွင် မြန်မာနိုင်ငံနှင့်သင့်လျော်သည့် အာဆီယံ စံချိန်စံညွှန်းကို ကိုးကား ပြုစုထားသည့် မြေပဲ မြန်မာစံချိန်စံညွှန်း(မူကြမ်း)ကို စံချိန်စံညွှန်းလုပ်ငန်းကော်မတီသို့ ဆက်လက်တင်ပြနိုင်ရေးအတွက် ညှိနှိုင်းဆွေးနွေး အတည်ပြုချက် ရယူမှုများ ပြုလုပ်ခဲ့ကြောင်း သတင်းရရှိပါသည်။
ITQM
၂၀၁၉ ခုနှစ်၊ ဧပြီလ၂ရက်နေ့နံနက် ၁၀ : ၀၀ နာရီတွင် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနဒုတိယညွှန်ကြားရေးမှူးချုပ် ဦးမြင့်ချိုဦးဆောင်သောအဖွဲ့သည်Myanmar Innovation Life Sciences – MILS ကုမ္ပဏီမှ အမှုဆောင်အရာရှိဦးကျော်သူထက် ဦးဆောင်သည့် ကိုယ်စားလှယ်အဖွဲ့အားစားသုံးသူရေးရာဦးစီးဌာနရုံးအမှတ်(၅၂)၊ အစည်းအဝေးခန်းမ၌ လက်ခံတွေ့ဆုံခဲ့ပါသည်။
ITQM
မြန်မာနိုင်ငံတွင် ဆန်စပါးအစိုဓာတ်တိုင်းတာခြင်းအပေါ် နောက်ကြောင်းပြန် ခြေရာခံစနစ် တည်ထောင်ခြင်းဆိုင်ရာ ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ (JICA) ၏ အကူအညီဖြင့် ပညာရေးဝန်ကြီးဌာန၊ သုတေသနနှင့်တီထွင် ဆန်းသစ်မှုဦးစီးဌာန၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူ ရေးရာဦးစီးဌာန၊ မြန်မာနိုင်ငံဆန်စပါးအသင်းချုပ် နှင့် Kett Electric Laboratory တို့ ပူးပေါင်းဆောင်ရွက်လျက်ရှိပါသည်။ ဆန်စပါးအစိုဓာတ် တိုင်းတာခြင်းအပေါ် နောက်ကြောင်းပြန် ခြေရာခံစနစ်တည်ထောင်ခြင်းဆိုင်ရာ အသိပညာပေး ဟောပြောပွဲကို ၂၀၁၉ ခုနှစ်၊ ဧပြီလ ၁ ရက်နေ့၊ နေ့လည် ၁၃:၀၀ နာရီတွင် ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး၌ ကျင်းပပြုလုပ်ခဲ့ပါသည်။
အဆိုပါဟောပြောပွဲတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ နေပြည်တော် နှင့် ပဲခူးတိုင်းတို့မှ တာဝန်ရှိသူများ၊ ပညာရေးဝန်ကြီးဌာန၊ သုတေသနနှင့် တီထွင်ဆန်းသစ်မှုဦးစီးဌာနမှ တာဝန်ရှိသူများ၊ မြန်မာနိုင်ငံဆန်စပါး အသင်းချုပ်ဗဟိုနှင့် ပဲခူးတိုင်းမှ တာဝန်ရှိသူများ၊ Kett Electric Laboratory နှင့် Japan Development Service တို့မှ စီမံကိန်း တာဝန်ရှိသူများ၊ ဖိတ်ကြားထားသော ဒေသခံ တောင်သူ၊ တောင်သူ၊ ပွဲစားနှင့် စက်ပိုင်းများ စုစုပေါင်း ၅၀ ဦးခန့် တက်ရောက်ခဲ့ပါသည်။
ITQM
မြန်မာနိုင်ငံတွင် ဆန်စပါးအစိုဓာတ်တိုင်းတာခြင်းအပေါ် နောက်ကြောင်းပြန် ခြေရာခံစနစ် တည်ထောင်ခြင်းဆိုင်ရာစီမံကိန်းကို ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ (JICA) ၏ အကူအညီဖြင့် ပညာရေးဝန်ကြီးဌာန၊ သုတေသနနှင့်တီထွင်ဆန်းသစ်မှုဦးစီးဌာန၊ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၊ စားသုံးသူရေးရာ ဦးစီးဌာန၊ မြန်မာနိုင်ငံဆန်စပါးအသင်းချုပ် နှင့် Kett Electric Laboratory တို့ ပူးပေါင်းဆောင်ရွက်လျက်ရှိပါသည်။ ဆန်စပါးအစိုဓာတ် တိုင်းတာခြင်း အပေါ် နောက်ကြောင်းပြန်ခြေရာခံစနစ်တည်ထောင်ခြင်းဆိုင်ရာ အသိပညာပေး ဟောပြောပွဲကို ၂၀၁၉ ခုနှစ်၊ မတ်လ ၃၀ ရက်နေ့၊ နံနက် ၉:၀၀ နာရီတွင် ပဲခူးတိုင်းဒေသကြီး၊ တောင်ငူမြို့၊ ဘိုးဘွားရိပ်သာ၌ ကျင်းပပြုလုပ်ခဲ့ပါသည်။ အဆိုပါဟောပြောပွဲတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူ ရေးရာဦးစီးဌာန၊ နေပြည်တော်နှင့် ပဲခူးတိုင်း၊ တောင်ငူခရိုင်တို့မှ တာဝန်ရှိသူများ၊ ပညာရေးဝန်ကြီးဌာန၊ သုတေသနနှင့် တီထွင်ဆန်းသစ်မှုဦးစီး ဌာနမှ တာဝန်ရှိသူများ၊ မြန်မာနိုင်ငံဆန်စပါး အသင်းချုပ်ဗဟိုနှင့် ပဲခူးတိုင်းမှ တာဝန်ရှိသူများ၊ Kett Electric Laboratory နှင့် Japan Development Service တို့မှ စီမံကိန်း တာဝန်ရှိသူများ၊ ဖိတ်ကြားထားသော ဒေသခံ တောင်သူ၊ တောင်သူ၊ ပွဲစားနှင့် စက်ပိုင်းများ စုစုပေါင်း ၄၇ ဦးတက်ရောက်ခဲ့ပါသည်။
ITQM
၂၀၁၉ ခုနှစ်၊ မတ်လ ၂၉ ရက်နေ့တွင် စားသုံးသူရေးရာဦးစီးဌာနရုံးအမှတ်(၅၂) ၌ ဂျပန်နိုင်ငံJapan Development Service နှင့် Kett Electric Laboratory တို့မှ စီမံကိန်းတာဝန်ရှိသူများ က စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန ညွှန်ကြားရေးမှူးချုပ် ဦးဆောင်သော အဖွဲ့အား လာရောက်တွေ့ဆုံခဲ့ပါသည်။ အဆိုပါတွေ့ဆုံပွဲတွင် JICA, Kett Electric Laboratory, ပညာရေးဝန်ကြီးဌာန၊ သုတေသနနှင့်တီထွင်ဆန်းသစ်မှုဦးစီးဌာနနှင့် စားသုံးသူရေးရာဦးစီးဌာနတို့ပူးပေါင်းဆောင်ရွက်လျက်ရှိသည့် ဆန်စပါးအစိုဓာတ်တိုင်းတာခြင်းအပေါ် နောက်ကြောင်းပြန်ခြေရာခံစနစ် တည်ထောင်ခြင်း စီမံကိန်းဆိုင်ရာတိုးတက်မှုများကိုရှင်းလင်းတင်ပြခဲ့ပါသည်။ ထိုသို့ဆွေးနွေးတင်ပြခဲ့ခြင်းအပေါ် ညွှန်ကြားရေးမှူးချုပ်မှ ၎င်းစီမံကိန်းပြီးမြောက်သည်အထိစားသုံသူရေးရာဦးစီးဌာနမှ ပူးပေါင်းပါဝင်ဆောင်ရွက်သွားမည်ဖြစ်ကြောင်းပြောကြားခဲ့ပါသည်။
ITQM
၂၀၁၉ခုနှစ် မတ်လ ၁၅ ရက်နေ့တွင် နိုင်ငံတော်သမ္မတက လက်မှတ်ရေးထိုးပြဌာန်းလိုက်သည့် စားသုံးသူကာကွယ်ရေးဥပဒေကို စားသုံးသူများနှင့် လုပ်ငန်းရှင် အသင်းအဖွဲ့များ သိရှိနိုင်စေရန် အသိပေးတင်ပြအပ်ပါသည်။
အောက်ပါ Consumer Protection Law.pdf ဖိုင်တွင် ဖတ်ရှုနိုင်ပါသည်။
ITQM
