သတင်းနှင့် လှုပ်ရှားမှုများ

ဧရာဝတီတိုင်းဒေသကြီးဝန်ကြီးချုပ် ဦးတင်မောင်ဝင်းနှင့် တိုင်းဒေသကြီးအစိုးရအဖွဲ့ဝင် ဝန်ကြီးများသည် (၂၀.၄.၂၀၂၅) ရက်နေ့တွင် မြန်အောင်ခရိုင်၊ ဟင်္သာတခရိုင် တို့တွင် ပြုလုပ်သည့် မြေဆီလွှာဖွံ့ဖြိုးတိုးတက်ရေးအတွက် သစ်စိမ်းမြေဩဇာ(ပိုက်ဆံလျှော်) မျိုးစေ့ပေးအပ်ပွဲနှင့် ကြဲပက်ခြင်းကွင်းသရုပ်ပြပွဲ အခမ်းအနားသို့တက်ရောက်၍ တောင်သူများနှင့်အတူ သစ်စိမ်း မြေဩဇာ (ပိုက်ဆံလျှော်) မျိုးစေ့များကြဲပက်ပေးခဲ့သည်။

ဦးစွာ တိုင်းဒေသကြီးဝန်ကြီးချုပ်နှင့်အဖွဲ့သည်  မြန်အောင်ခရိုင်၊ အင်္ဂပူမြို့နယ်၊ ရွှေတောင်စု ကျေးရွာရှိ တောင်သူဦးသိန်းထွန်း၏ စိုက်ဧက(၁)ဧက၌ပြုလုပ်သည့် မြေဆီလွှာဖွံ့ဖြိုးတိုးတက်ရေး အတွက် သစ်စိမ်းမြေဩဇာ (ပိုက်ဆံလျှော်) မျိုးစေ့ပေးအပ်ပွဲနှင့် ကြဲပက်ခြင်းကွင်းသရုပ်ပြပွဲ အခမ်း အနားသို့တက်ရောက်ခဲ့ပြီး တောင်သူများထံသို့ မျိုးစေ့များပေးအပ်ခဲ့ကာ ဌာနဆိုင်ရာများ၊ တောင်သူ များနှင့်အတူ သစ်စိမ်းမြေဩဇာ(ပိုက်ဆံလျှော်) မျိုးစေ့များကြဲပက်ပေးခဲ့ပြီးနောက်  တောင်သူများ နှင့် တွေ့ဆုံ၍ မိုးစပါးပန်းတိုင်အထွက်နှုန်းရရှိစေရေး၊ မြေဆီလွှာ ဖွံ့ဖြိုးတိုးတက်ရေး အတွက် ရေတော်မိုးတော်စိုက်ဧကများတွင် မိုးစပါးမစိုက်ပျိုးမီ ပိုက်ဆံလျှော် ထည့်သွင်းစိုက်ပျိုးနိုင်ရေး၊ သစ်စိမ်းမြေဩဇာ (ပိုက်ဆံလျှော်) မြေခံစိုက်ပျိုးခြင်းဖြင့် မြေဆီသြဇာပိုမိုကောင်းမွန်စေပြီး သွင်းအားစု ဓာတ်မြေသြဇာများ လျော့ချသုံးစွဲနိုင်မည်ဖြစ်ကာ ကုန်ကျစရိတ်သက်သာပြီး အထွက် နှုန်း ပိုမိုတိုးတက်လာနိုင်မည့်အခြေအနေများနှင့် တောင်သူများ၏စိုက်ပျိုးရေးလုပ်ငန်း ဆောင်ရွက် နေမှုအခြေအနေများအား မေးမြန်းဆွေးနွေးခဲ့ပြီး တောင်သူများ ၏ တင်ပြချက်များအပေါ် ညှိနှိုင်း ပေါင်းစပ်ဆောင်ရွက်ပေးခဲ့သည်။

ထို့နောက် တိုင်းဒေသကြီးဝန်ကြီးချုပ်နှင့်အဖွဲ့သည် ဟင်္သာတခရိုင်၊ ဟင်္သာတမြို့နယ်၊  ဒူးယားမြို့၊ အမှတ် (၃)ရပ်ကွက်တောင်သူ ဦးကြည်စိုး ၏စိုက်ဧက(၃)ဧကတွင်ပြုလုပ်သည့် ၂၀၂၅ ခုနှစ်၊ မိုးစပါးရာသီတွင် မြေဆီလွှာဖွံ့ဖြိုးတိုးတက်ရေးအတွက် သစ်စိမ်းမြေဩဇာ (ပိုက်ဆံလျှော်) မျိုးစေ့ပေးအပ်ပွဲနှင့် ကြဲပက်ပွဲသို့ တက်ရောက်၍  တောင်သူများထံသို့ မျိုးစေ့များ ပေးအပ်ခဲ့ကာ ဌာနဆိုင်ရာများ၊ တောင်သူများနှင့်အတူ သစ်စိမ်းမြေဩဇာ (ပိုက်ဆံလျှော်) မျိုးစေ့များကြဲပက် ပေးခဲ့ပြီး သစ်စိမ်း မြေသြဇာ (ပိုက်ဆံလျှော်) မျိူးစေ့များ ကြဲပက်ခဲ့ကြပြီး တောင်သူများအား မိုးစပါးပန်းတိုင် အထွက်နှုန်းရောက်ရှိရေးကြိုးပမ်းဆောင်ရွက်ကြရန်၊ ဒေသရေမြေနှင့်ကိုက်ညီ သည့် အထွက်တိုး မျိုးကောင်းမျိုးသန့်များ စိုက်ပျိုးကြရန်၊ မြေဆီလွှာဖွံ့ဖြိုးတိုးတက်ရေးမြေဆီလွှာဖွံ့ဖြိုးတိုးတက်ရေးအတွက် သစ်စိမ်းမြေသြဇာ (ပိုက်ဆံလျှော်) ထည့်သွင်းစိုက်ပျိုးခြင်းဖြင့် ရရှိလာမည့်အကျိုးကျေးဇူးများအား ဆွေးနွေး ပြောကြားခဲ့သည်။

DOCA(ဧရာဝတီ)

 ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် မြောင်းမြမြို့နယ် တာဝန်ခံဦးလှထွဠ်ဦးသည် (၁၈.၄.၂၀၂၅)ရက်နေ့၊ နံနက်(၁ ;၀၀)အချိန်တွင် ခွေးလေးကြီးကျေးရွာရှိ ကြက်ခြေနီ သင်တန်းသားများအား စားသုံးသူကာကွယ်ရေးအသိပညာပေးဟောပြောဆောင်ရွက်ခဲ့ပါသည်။

   ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ မြောင်းမြမြို့နယ် တာဝန်ခံမှ မိတ်ဆက်စကားပြောကြားပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေး ဥပဒေ (၂၀၁၉)ပါ ပြဌာန်းချက်များမှ စားသုံးသူ၏ အခွင့်အရေးနှင့် တာဝန်များ၊ စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များ၊ စားသုံးသူ ကာကွယ်ရေးဥပဒေ အခန်း(၁၈)ပါ ပုဒ်မ(၄၁) ပုဒ်မခွဲ(ခ)နှင့်(ဂ)တို့ပါ ကုန်စည်၏ အမျိုးအမည်၊ အရွယ်အစား၊ အရေအတွက်နှင့် အသားတင်အလေးချိန်၊ သုံးစွဲပုံနည်းလမ်းနှင့်ထုတ်လုပ်သည့်ရက်စွဲ၊ သက်တမ်းကုန်ဆုံးသည့်ရက်စွဲ၊ ထုတ်လုပ်မှုအမှတ်စဉ်တို့အား အသေးစိတ်ရှင်းလင်းဟောပြောခဲ့ပြီး၊ မိမိတို့စားသောက်နေသော အစား အသောက်များတွင် ဓါတုဆိုးဆေးများအလွန်အကျူးပါဝင်နေခြင်း၊ သက်တမ်းလွန်အစားအသောက်များအား မိမိ၏အသိဖြင့်ဆင်ခြင်ဝယ်ယူစားသောက်ကြရန် ဟောပြောခဲ့ပါသည်။ ဟောပြောပွဲသို့ သင်တန်းသား စုစုပေါင်း(၄၅)ဦး တက်ရောက်ခဲ့ကြောင်း သိရှိရပါသည်။

DOCA(ဧရာဝတီ)

     မအူပင်ခရိုင်၊ ပန်းတနော်မြို့နယ်အတွင်း  ကုန်စည် (၁၀)မျိုးထဲမှ ကော်ဖီမစ်အမျိုးမျိုးနှင့် ကလေးအသုံး အဆောင်ပစ္စည်း အမျိုးမျိုးအား  ဘေးအန္တရာယ် ကင်းရှင်းမှုရှိ၊ မရှိ၊ ကုန်အညွှန်းအမှတ်အသားပါဝင်မှု ရှိ/မရှိ အခြေ အနေတို့ကို ၁၄.၅.၂၀၂၅ရက်နေ့  ၉နာရီအချိန်က မြို့နယ် စည်ပင်သာယာရေးအဖွဲ့နှင့်အတူ ကွင်းဆင်းစစ်ဆေးကြသည်။

     ထိုသို့ကွင်းဆင်းရာတွင် ပန်းတနော်မြို့နယ်တာဝန်ခံ နှင့်ဝန်ထမ်းများ ပန်းတနော်ဈေးကွက်အတွင်း ရောင်းချနေသော အသင့်သောက် အသင့်ဖျော်ကော်ဖီနှင့် လက်ဖက်ရည် ထုပ်ကုန်ပစ္စည်းများ၊ ကလေးအသုံးအဆောင်ပစ္စည်းအမျိုးမျိုး ဘေးအန္တရာယ်ရှိ၊ မရှိအခြေအနေများ၊ ရောင်းချနေသည့် ကုန်အညွှန်းအမှတ် အသားများ ပါရှိမှုရှိ၊ မရှိအခြေအနေများကို ကွင်းဆင်းစစ်ဆေးကြပြီး ဈေးအတွင်းရှိ ဆိုင်ပိုင်များအား  ကလေးအသုံးအဆောင်ပစ္စည်းများနှင့် ပတ်သက်၍ မှာယူရောင်းချ ရာတွင် ကုန်စည်အမျိုးအမည်၊ ထုတ်လုပ်သည့် ကုမ္ပဏီ၊ လိပ်စာပါရှိသော အရည်အသွေးစံချိန်စံညွှန်း ပြည်မှီသော ကုန်စည်များကိုသာ ရောင်းချရန်၊ ကလေူငယ်များအတွက် ထိခိုက်စေမည့်် အန္တရာယ်ရှိကုန်စည်များကို ရောင်းချခြင်းမပြုရန်၊ ကုန်အညွှန်းအမှတ်အသားပါရှိသော ကုန်စည်များကိုဦးစားပေး ရောင်းချရန်နှင့် စီးပွားရေးလုပ်ငန်းရှင်၏ တာဝန်များအကြောင်းကို အသိပညာပေး ဆွေးနွေးခဲ့သည်။

DOCA(ဧရာဝတီ)

   စားသုံးသူရေးရာဉီးစီးဌာန၊ မြောက်ပိုင်းခရိုင်ဉီးစီးမှူးရုံးမှ ဝန်ထမ်းများသည် စားသုံးသူပြည်သူများ ဘေးကင်းလုံခြုံစိတ်ချရမှုရှိသော ကုန်စည်၊ ဝန်ဆောင်မှုများ ဝယ်ယူသုံးစွဲနိုင်ရေးအတွက် ဈေးကွက်အတွင်း ရောင်းချလျက်ရှိသော အမှတ်တံဆိပ်ဖြင့် စားသုံးဆီအမျိုးမျိုးအား (၁၆.၅.၂၀၂၅) ရက်နေ့ နံနက်(၁၀:၃၀)အချိန်တွင် ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

   ထိုသို့ကွင်းဆင်းစစ်ဆေးရာတွင် City Mart (ဖော့ကန်)၊ အင်းစိန်မြို့နယ် စားသုံးဆီအမျိုးမျိုး အရောင်းကောင်တာ၌ ရွှေအုံ၊ ဧရာဝတီ၊ ငွေသဇင်မင်း၊ ရန်ကုန်၊ အမေထွား၊ Fortune နှင့် စံချိန်အမှတ် တံဆိပ်နေကြာဆီ၊ မြေပဲဆီ၊ ဟင်းသီးဟင်းရွက်ဆီတို့၌ ကုန်အညွှန်းအမှတ်အသားများ ပြည့်စုံစွာ ဖော်ပြထားပြီး သက်ဆိုင်ရာဌာန၏ ထောက်ခံချက်လည်းရှိကြောင်း တွေ့ရှိရပါသည်။ မိမိတို့ဌာနမှ လည်း ကုန်အညွှန်းအမှတ်အသား မပြည့်စုံသော ကုန်ပစ္စည်းများအား ရောင်းချခြင်းမပြုရန် ရောင်းချ ပါက ဥပဒေအရ အရေးယူဆောင်ရွက်သွားမည်ဖြစ်ကြောင်း တာဝန်ခံအား ပြောကြားခဲ့ကြောင်း သိရှိရ ပါသည်။

DOCA (ရန်ကုန်)

   (၁၅.၅.၂၀၂၅)ရက်နေ့ ညနေ(၃:၀၀)နာရီအချိန်တွင် လှိုင်သာယာ(အရှေ့ပိုင်း)မြို့နယ်၊ မြို့နယ် အထွေထွေအုပ်ချုပ်ရေးဉီးစီးဌာနမှ မြို့နယ်စီမံအုပ်ချုပ်ရေးအဖွဲ့ ဥက္ကဌ ဉီးဆောင်၍ ဌာနဆိုင်ရာများ ပူးပေါင်း၍ အမှတ်(၆)ရပ်ကွက်၊ အမှတ်(၇)ရပ်ကွက်အတွင်းရှိ ဆန်ဆိုင်(၄) ဆိုင်နှင့် စားအုန်းဆီဆိုင် (၅)ဆိုင်တို့အား ကွင်းဆင်းစစ်ဆေးခြင်းလုပ်ငန်းများ ဆောင်ရွက် ခဲ့ပါသည်။

     အဆိုပါ ပူးပေါင်းအဖွဲ့များက ဆန်ဆိုင်များတွင် ဆန်အိတ်(၅၀၀)နှင့်အထက် သိုလှောင်မှု ရှိလျှင် (MyRo)တွင် မှတ်ပုံတင်ပြုလုပ်ကြရန်နှင့် မသမာသော နည်းလမ်းဖြင့် ဈေးကစားရန် အလို့ငှာ သိုလှောင်ခြင်း၊ ဈေးနှုန်းမြှင့်တင်ရောင်းချခြင်းများ မပြုလုပ်ရန်နှင့် စားအုန်းဆီဆိုင် များအား ရည်ညွှန်း ဈေးနှုန်းသာ ရောင်းချရန် သိုလှောင်ခြင်း၊ ဈေးနှုန်းမြှင့်တင်ရောင်းချခြင်း များရှိပါက အရေးယူဆောင် ရွက်သွားမည်ဖြစ်ကြောင်း မြို့နယ်စီမံအုပ်ချုပ်ရေးအဖွဲ့ ဥက္ကဌ ဉီးအောင်ဘော်မှ အသိပေးပြောကြားခဲ့ကြောင်း သိရှိရပါသည်။

DOCA (ရန်ကုန်)