သတင်းနှင့် လှုပ်ရှားမှုများ

       စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၏ လမ်းညွှန်ချက်အရ စားသုံးသူများအားလုံး ကုန်စည်နှင့်ဝန်ဆောင်မှုများကိုအသုံးပြုရာတွင် ဘေးအန္တရာယ်ကင်းရှင်းစွာသုံးစွဲနိုင်ရေးအတွက် ခရိုင်အတွင်း ထုတ်လုပ်လျက်ရှိသော ကုန်စည်များနှင့်စပ်လျဉ်း၍ အာမခံချက်ပေးခြင်းနှင့် ကုန်အညွှန်းအမှတ်အသားများပြည့်စုံမှန်ကန်စွာဖော်ပြမှုရှိစေရေးရည်ရွယ်၍ ဆောင်ရွက်လျက်ရှိရာ ပြည်ခရိုင်အတွင်း ၂၀၂၄ခုနှစ်၊ ဩဂုတ်လ(၁၆)ရက်နေ့မှ (၃၁)ရက်နေ့အတွင်း ပြည်မြို့၊ နဝဒေးရပ်ကွက်ရှိ ဦးစောမင်းနိုင်၏ TMTစက်သုံးဆီဆိုင်သို့လည်းကောင်း၊ ခေတ္တရာမြို့သစ်ဈေးအတွင်းရှိ ဦးအောင်မြတ်သူ၏ စားသုံးဆီအရောင်းဆိုင်သို့လည်းကောင်း၊ ဆံတော်ရပ်ကွက်ရှိ ဒေါ်သန်းသန်းဌေး၏ ခိုင်ရွှေပွင့်ဆန်ဆိုင်သို့လည်းကောင်း၊ အောင်ဆန်းပြည်သာယာရပ်ကွက်ရှိ ဦးဝင်းသိန်း၏ လင်းရောင်ခြည်စက်သုံးဆီဆိုင်သို့လည်းကောင်း၊ ရွှေတောင်မြို့၊ ရန်ကုန်-ပြည်လမ်း ကြာနီကန်ရပ်ကွက်ရှိ ဦးဇော်မင်းထွန်း၏ ဆီစက်သို့လည်းကောင်း၊ ဆေးရိုးတန်း၊ ကြာနီကန်ရပ်ကွက်ရှိ ဦးခင်မောင်သန်း၏ ဧဝရက်ဆီစက်သို့လည်းကောင်း၊ ယွန်းတန်းရပ်ကွက်၊ လမ်းမတော်လမ်းရှိ ဦးမျိုးသိန်း၏ ဒေါ်ခင်မြင့်ဆီစက်သို့လည်းကောင်း၊ ပန်းတောင်းမြို့၊ ဥသျှစ်ပင် လမ်းမတော်လမ်းရှိ ဦးဝင်းထက်၏ ဘရဏီစက်သုံးဆီဆိုင်သို့လည်းကောင်း၊ ဥသျှစ်ပင်ဈေးရှိ ဦးပြည့်ဝန်းနှင့် ဒေါ်မိုးမိုး၏ စားသုံးဆီအရောင်းဆိုင်များသို့လည်းကောင်း၊ ပေါက်ခေါင်းမြို့၊ အမှတ်(၃)ရပ်ကွက်ရှိ ဇွဲဓနမြေပဲယို၊ နှမ်းယိုလုပ်ငန်းသို့လည်းကောင်း၊ အမှတ်(၃)ရပ်ကွက်ရှိ ဦးဖိုးရွှေအေးဆီရောင်းဝယ်ရေးသို့လည်းကောင်း၊ အမှတ်(၂) ရပ်ကွက်၊ ဦးဇင်ဦးဆီရောင်းဝယ်ရေးသို့လည်းကောင်း၊ သက်ဆိုင်ရာမြို့နယ်တာဝန်ခံနှင့် ဝန်ထမ်းများသွားရောက်၍ မိမိတို့ဖြန့်ဖြူးရောင်းချလျက်ရှိသော ကုန်စည်များတွင် အရည်အသွေး၊ အလေးချိန်၊ အချင်အတွယ်၊ ပမာဏနှင့် အမျိုးအစားများ မှန်ကန်စွာဖြန့်ဖြူးရောင်းချမှုရှိစေရေး၊ စီးပွားရေးကျင့်ဝတ်၊ စည်းကမ်းနှင့်အညီ ထုတ်လုပ်ရောင်းချမှုရှိစေရေး၊ ကုန်စည်အလိုက်ဖော်ပြရမည့် ကုန်အညွှန်းအမှတ်အသားများ၊ ပြည့်စုံမှန်ကန်စွာဖော်ပြမှုရှိစေရေး လိုက်နာဆောင်ရွက်ကြရန်နှင့် နောက်ပိုင်းကာလများတွင် ကွင်းဆင်းစစ်ဆေးမှုများနှင့်အတူ အရေးယူဆောင်ရွက်မှုများပြုလုပ်ဆောင်ရွက်သွားမည်ဖြစ်သည့်အတွက် စီးပွားရေးလုပ်ငန်းရှင်များအနေဖြင့် အထူးအလေးထားလိုက်နာဆောင်ရွက်ကြရန် ရှင်းလင်းဆွေးနွေးပြောကြားခဲ့ကြောင်း သတင်းရရှိပါသည်။

DOCA(ပဲခူး)

         မကွေးတိုင်းဒေသကြီး၊ မင်းဘူးခရိုင်ဦးစီးမှူးရုံးမှ ခရိုင်ဦးစီးမှူးနှင့်ဝန်ထမ်းများသည် (၉.၉.၂၀၂၄) ရက်နေ့၊ နံနက်(၁၀:၀၀)နာရီအချိန်တွင် မင်းဘူးမြို့ စည်ပင်ဈေးအတွင်းရှိ ဆေးနှင့် ဆေးပစ္စည်း အရောင်းဆိုင်(၃)ဆိုင်အား မြို့နယ်စည်ပင်သာယာရေးအဖွဲ့နှင့်ပူးပေါင်း၍ အသိပညာပေး ဆွေးနွေးခဲ့ကြောင်း သိရသည်။

       ခရိုင်ဦးစီးမှူး‌က မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)ဖြင့် ထုတ်ပြန်ထားသော ကုန်စည်အုပ်စု(၈)အုပ်စုတွင် ပါဝင်သော ကုန်စည်အုပ်စု(င) ဆေးဝါးနှင့် ဖြည့်စွက်စာများတွင် ကုန်အညွှန်းအမှတ်အသားဖော်ပြရမည့်အချက်များ ထည့်သွင်းဖော်ပြထားသည့် ဆေးနှင့်ဆေးပစ္စည်းများအား ရောင်းချစေရေးနှင့် သက်တမ်းလွန်ဆေးများ ရောင်းချမှုမရှိစေရေး အသိပညာပေးရှင်းလင်းပြောကြားခဲ့ကြောင်း သိရှိရပါသည်။

DOCA(မကွေး)

      ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ ပန်းတနော်မြို့နယ် တာဝန်ခံရှိမှ ၊ ဦးအောင်ကျော်သက် (အငယ်တန်းစာရေး)သည် ပြန်ကြားရေးနှင့်ပြည်သူ့ ဆက်ဆံ ရေးဦးစီးဌာနနှင့် ပူးပေါင်း၍ စားသုံးသူကာကွယ်ရေး အသိပညာပေး Talk Showကို ၂၀၂၄ခုနှစ် စက်တင်ဘာလ ၁၀ရက်နေ့၊ နေ့လယ်(၁၀:၀၀)နာရီအချိန်တွင် ပန်းတနော်လူထုအခြေပြုဗဟိုဌာန Community Center ခန်းမ၌ ကျင်းပပြုလုပ်ခဲ့ကြပါသည်။

     ဆွေးနွေးပွဲတွင်  အသိပညာပေး Talk Show မှတဆင့် စီးပွားရေးလုပ်ငန်းရှင်များ ကုန်စည်နှင့် ဝန်ဆောင်မှု များကို အွန်လိုင်းစနစ်ဖြင့် ရောင်းချခြင်းလုပ်ငန်းအဓိပ္ပါယ်မှာ ကုန်စည်ကိုဖြစ်စေ၊ ဝန်ဆောင်မှုကိုဖြစ်စေ အွန်လိုင်း(Online)စနစ်မှတစ်ဆင့် ဝန်ဆောင်မှုပေး၍ ရောင်းချသည့်လုပ်ငန်းကို ဆိုသည်။ (အမိန့်ကြော်ငြာစာအမှတ် ၅၁/၂၀၂၃)၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန) မှ ထုတ်ပြန်ထားသည့်ကိုလည်းကောင်း၊ စားသုံးသူအခွင့်အရေးနှင့် တာဝန်များအချက်ကိုလည်းကောင်း၊ အွန်လိုင်းမှ ဝယ်ယူရခြင်း၏ အားသာချက်ဖြစ်သည့် အချိန်ကုန်သက်သာ၍ အိမ်အရောင်းစနစ်ဖြင့်ဝယ်ယူ ရခြင်း၊ မိမိလိုချင်သော ကုန်စည်များကို အင်တာနက်ပေါ်တွင် ရှာဖွေဝယ်ယူရခြင်းတို့ဖြစ်ကြောင်း၊ အားနည်းချက်အနေဖြင့် ပို့ဆောင်ခ ပိုမိုကုန်ကျခြင်း၊ ပစ္စည်းလဲလှယ်ရန် အခက်အခဲများရှိခြင်း၊ မရိုးဖြောင့်သော၊ တရားမဝင်သောအွန်လိုင်းဆိုင်များ၏ လိမ်လည်မှု ခံရနိုင်ခြင်း၊ အွန်လိုင်းမှ ဝယ်ယူရာတွင် လိမ်လည်မှု ပုံစံ ၂မျိုးရှိကြောင်း၊ စားသုံးများသိရှိနိုင်ရန် အကျယ်တဝင့် ရှင်လင်းဆွေးနွေးပြီး စားသုံးသူများအနေဖြင့် ကုန်စည်/ ဝန်ဆောင်မှုများကို ဝယ်ယူရာ၌ နစ်နာဆုံးရှုံးမှုများ ဖြစ်ပေါ်လာပါက စားသုံးသူရေးရာဦးစီးဌာန၏ ဝက်ဘ်ဆိုက်ဖြစ်သည့်  (www.doca.gov.mm) တွင်လည်းကောင်း၊ ဦးစီးမှူးရုံးများ၏ CICC များနှင့် ၊Facebook Pages၊ DOCA Myanmar Mobile Application တို့တွင်လည်းကောင်း ၊Consumer Call Center Hotline – 1535 သို့ ခေါ်ဆို၍ တိုင်ကြားနိုင်ကြောင်းကို ရှင်းလင်းဆွေးနွေးခဲ့ကြောင်း သိရပါသည်။

DOCA(ဧရာဝတီ)

        စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန ၊ စားသုံးသူရေးရာဦးစီးဌာန ၊ ဧရာဝတီတိုင်းဒေသကြီး ၊  မြောင်းမြခရိုင်ဦးစီးမှုးရုံးမှ မြို့နယ်ဦးစီးမှုး ဦးလှထွဋ်ဦးနှင့် ဝန်ထမ်းများသည်  မြို့နယ်စည်ပင်သာယာရေးအဖွဲ့ ၊ ပြည်သူ့ကျန်းမာ၊တိုင်းရင်းဆေးအဖွဲ့ နှင့် ပူးပေါင်း၍ (၁၀.၉.၂၀၂၄)ရက်နေ့၊ နံနက် (၁၀:၃၀)အချိန်တွင် မြို့ပေါ်ရှိဆေးဆိုင်များအား ဆေးဝါးပြတ်လပ်မှု ရှိ/မရှိနှင့် ဈေးနှုန်းအခြေအနေများအား ကွင်းဆင်းစစ်ဆေးခြင်း ဆောင်ရွက်ခဲ့ပါသည်။

      ထိုသို့ကွင်းဆင်းဆောင်ရွက်ရာတွင် မြို့နယ်ဦးစီးမှုးမှ မြို့ပေါ်ရှိ ဆေးနှင့်ဆေးပစ္စည်းအရောင်းဆိုင်  ပိုင်ရှင်များအား မေးမြန်းခဲ့ရာ ဆေးများကို ရန်ကုန်ကုမ္ပဏီများမှာ ဝယ်ယူရရှိပြီး ယခင်ထက် (၅)ရာခိုင်နှုန်းခန့်သာ ဈေးနှုန်းများ အနည်းငယ်မြင့်တက်ကြောင်းနှင့် ဝယ်ယူသူများအနေဖြင့်  ဆေးဝါးပြတ်လပ်မှုမရှိဘဲ မိမိတို့လိုအပ်သောဆေးများကို အခက်အခဲမရှိဝယ်ယူရရှိနေကြောင်း ဈေးနှုန်းမြှင့်တင်ရောင်းချခြင်း ဈေးကစားရန်ရည်ရွယ်ချက်ဖြင့် သိုလှောင်ထားရှိခြင်းများ  စစ်ဆေးတွေ့ရှိပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း ဆေးဆိုင်ပိုင်ရှင်များအား ရှင်းလင်းပြောကြားခဲ့ကြောင်း သိရှိရပါသည်။

DOCA(ဧရာဝတီ)

      ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် ဝါးခယ်မမြို့နယ် တာဝန်ခံဦးအောင်မိုးနှင့်ဝန်ထမ်းများသည် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ အားကစားနှင့်ကာယပညာဦးစီးဌာနတို့နှင့် ပူးပေါင်း၍ (၁၁.၉.၂၀၂၄)ရက်နေ့၊ နံနက်(၁၀:၃၀)နာရီက ဝါးခယ်မမြို့နယ်၊ ကျွန်းကုန်း အထကကျောင်းတွင် ဆရာ/ဆရာမ၊ ကျောင်းသား/သူများအား စားသုံးသူကာကွယ်ရေးအသိပညာပေး ဟောပြောဆောင်ရွက်ခဲ့ပါသည်။

        ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ ဝါးခယ်မမြို့နယ် တာဝန်ခံမှ မိတ်ဆက်စကား ပြောကြားပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေးဥပဒေ ၂၀၁၉ ပါ ပြဌာန်းချက်များမှ စားသုံးသူ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များ၊ စားသုံးသူကာကွယ်ရေးဥပဒေ အခန်း(၁၈)ပါ ပုဒ်မ ၄၁ ပုဒ်မခွဲ(ခ)နှင့်(ဂ)တို့ပါ ကုန်စည်၏ အမျိုးအမည်၊ အရွယ်အစား၊ အရေအတွက်နှင့် အသားတင်အလေးချိန်၊ သုံးစွဲပုံနည်းလမ်းနှင့် ထုတ်လုပ်သည့်ရက်စွဲ၊  သက်တမ်းကုန်ဆုံးသည့်ရက်စွဲ၊ ထုတ်လုပ်မှုအမှတ်စဉ်တို့အား အသေးစိတ်ရှင်းလင်း ဟောပြောခဲ့ပြီး၊ မိမိတို့စားသောက်နေသော အစားအသောက်များတွင် ဓါတုဆိုးဆေးများအလွန်အကျုး ပါဝင်နေခြင်း၊ သက်တမ်းလွန် အစားအသောက်များအား မိမိ၏အသိဖြင့် ဆင်ခြင်ဝယ်ယူစားသောက်ကြရန် ဟောပြောခဲ့ပြီး ကျောင်းမုန့်ဈေးတန်းအဖွဲ့ ဖြင့် မုန့်ဆိုင်များအား စစ်ဆေးဆောင်ရွက်ခဲ့ပါသည်။ အဆိုပါ ဟောပြောပွဲသို့ ဆရာ/ဆရာမ၊ ကျောင်းသား/သူ စုစုပေါင်း (၃၉၁)ဦး တက်ရောက်ခဲ့ပါသည်။

DOCA(ဧရာဝတီ)