သတင်းနှင့် လှုပ်ရှားမှုများ

သုံးခွမြို့နယ်၊ မတ်လ  (၃) ရက်

          ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ် စည်ပင်သာယာမြို့မဈေး အတွင်း၊ အပြင်ရှိ ဆန်ဆိုင်များတွင် ရွှေဘိုပေါ်ဆန်း၊ ဧရာဝတီပေါ်ဆန်း ဆန်ချောများတွင် ဆန်ကြမ်းများ ရောနှော ရောင်းချခြင်းရှိ/မရှိ ဖေဖော်ဝါရီလ (၂၇)ရက်နေ့၊ နေ့လည် (၁၁:၀၀)နာရီအချိန်တွင် ကွင်းဆင်းစစ်ဆေးခဲ့ ကြောင်း သိရသည်။

အဆိုပါကွင်းဆင်းစစ်ဆေးမှုတွင် မြို့နယ်စားသုံးသူရေးရာဦးစီးဌာနမှ ဝန်ထမ်းများ၊ မြို့နယ်ဆန်စပါး နှင့်ဆန်ကုန်သည်ကြီးများအသင်းမှ ဥက္ကဌ၊ ဧရာမင်းဆန်ဆိုင်၊ ကျော်ဆန်ဆိုင်၊ ငြိမ်းချမ်းဆန်ဆိုင်၊ မွှေးဆန် ဆိုင်နှင့် ကိုမျိုးဇော်ဆန်ရောင်းဝယ်ရေးဆိုင်များသို့ ရွှေဘိုပေါ်ဆန်းနှင့် ဧရာဝတီပေါ်ဆန်း ဆန်များတွင် ဆန် ကြမ်းများ ရောနှော၍ရောင်းချနေခြင်းရှိ/မရှိ ကွင်းဆင်းစစ်ဆေးခြင်း၊ ဆန်ကြမ်းဆန်ချောများအား သတ်မှတ် ရည်ညွှန်းဈေးထက် ပိုမိုရောင်းချခြင်းမရှိစေရေး အသိပညာပေးခြင်းများ ဆောင်ရွက်ခဲ့ကြောင်း၊ ဆန်ချော များမှာ ဘုရင့်နောင်ပွဲရုံမှ ဝယ်ယူ၍ရောင်းချကြကြောင်းနှင့် ဆန်ကြမ်းများအား ဒေသတွင်းမှ ဝယ်ယူရောင်း ချလျက်ရှိကြောင်း သိရသည်။

DOCA(ရန်ကုန်)

            စစ်ကိုင်တိုင်းဒေသကြီးဉီးစီးမှူးရုံးအနေဖြင့် စားသုံးသူပြည်သူများ ထုတ်ကုန်လုံခြုံစိတ်ချရမှုရှိစေရန်၊ စားသုံးသူအခွင့်အရေးများ အပြည့်အဝရရှိစေရန် စီးပွားရေးလုပ်ငန်းရှင်များ စီးပွားရေး ကျင့်ဝတ်၊ စည်းကမ်းနှင့်အညီဖြောင့်မတ်မှန်ကန်စွာ ဆောင်ရွက်နိုင်ရန်အတွက် တိုင်း၊ ခရိုင်၊ မြို့နယ် အလိုက် စားသုံးသူကာကွယ်ရေးအသိပညာပေးလုပ်ငန်းများ၊ စားသုံးသူတိုင်ကြားမှုဖြေရှင်းခြင်း လုပ်ငန်းများအား ဆောင်ရွက်လျက်ရှိရာ စစ်ကိုင်းတိုင်းဒေသကြီးဉီးစီးမှူးရုံးအနေဖြင့် မုံရွာမြို့၊ တိုင်းဒေသကြီး အသေးစားစက်မှုလက်မှုလုပ်ငန်းဉီးစီးဌာန၌ ကျင်းပပြုလုပ်သည့် “ဒီဂျစ်တယ် အသိပညာခံယူချက်နှင့် အလေ့အကျင့်ဆိုင်ရာသင်တန်း”တွင် အသိပညာပေးဟောပြောခြင်း၊ တိုင်းဒေသကြီး အသေးစားစက်မှုလက်မှုလုပ်ငန်းဉီးစီးဌာန၌ ကျင်းပပြုလုပ်သည့်  မုန့်လုပ်နည်း သင်တန်းတွင်လည်းကောင်း၊ မုံရွာမြို့၊ ပြည်ထောင်စုဈေးတွင် ဈေးသည်များအား အသိပညာပေး ဟောပြောခြင်း၊  ကလေးခရိုင်ဉီးစီးမှူးရုံးအနေဖြင့် ကလေးခရိုင်၊ ဟုမ္မလင်းမြို့၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနတွင် Online စနစ်ဖြင့် ရောင်းချခြင်းဆိုင်ရာ ‘Talk Show’ ပြုလုပ်ခြင်း၊ ကလေးဝမြို့၊ သစ်ချောက်ကျေးရွာရှိ အလကကျောင်းတွင်လည်းကောင်း၊ ကန့်ဘလူခရိုင်ဉီးစီးမှူးရုံး အနေဖြင့် ‘Hsu’ ကိုယ်ပိုင်အထက်တန်းကျောင်းတွင်လည်းကောင်း၊ ကန့်ဘလူခရိုင်၊  ကျွန်းလှမြို့၊ စံပြကျေးရွာရှိ အ‌လကကျောင်းတွင်လည်းကောင်း၊ စစ်ကိုင်းခရိုင်ဉီးစီးမှူးရုံးအနေဖြင့် စစ်ကိုင်းခရိုင် စစ်ကိုင်းမြို့၊ ပတ်ဝန်းကျင်ထိန်းသိမ်းရေးဉီးစီးဌာနတွင်လည်းကောင်း၊ စစ်ကိုင်းမြို့၊ အသေးစား စက်မှုလက်မှုလုပ်ငန်းဉီးစီးဌာန လူသုံးကုန်ထုတ်လုပ်မှုနည်းပညာသင်တန်းတွင်လည်းကောင်း၊ မုံရွာခရိုင်ဦးစီးမှူးရုံးအနေဖြင့် မုံရွာမြို့၊ တိုင်းဒေသကြီးပတ်ဝန်းကျင်ထိန်းသိမ်းရေးဦးစီးဌာနတွင် လည်းကောင်း၊ မုံရွာမြို့၊ ရက်ကန်းနှင့် သက်မွေးပညာသင်တန်းကျောင်းတွင် လည်းကောင်း၊  မုံရွာခရိုင်၊ ပြန်ကြားရေးနှင့် ပြည်သူ့ ဆက်ဆံရေးဉီးစီးဌာနတွင်  Consumer Call Center 1535 တွင် စားသုံးသူနစ်နာမှုများနှင့်စပ်လျဉ်း၍ တိုင်ကြားနိုင်ရေး အသိပညာပေး Talk Show ပြုလုပ်ခြင်း၊ ရွှေဘိုခရိုင်ဦးစီးမှူးရုံးအနေဖြင့် ရွှေဘိုမြို့၊ အမှတ်(၁၀)ရပ်ကွက် ဂေါက်ကွင်းလမ်းရှိ မြို့ပြနှင့် အိမ်ရာ ဖွံ့ဖြိုးရေးဉီးစီးဌာန၊ တန်ဖိုးမြှင့်စားသောက်ကုန် ထုတ်လုပ်မှုနည်းပညာသင်တန်းတွင်လည်းကောင်း၊ ရွှေဘိုမြို့၊ စည်ပင်သာယာဈေးတွင်လည်းကောင်း အသိပညာပေးဟောပြောခြင်း စုစုပေါင်း (၁၄)ကြိမ်နှင့် ၂၀၂၅ ခုနှစ်၊ ဖေဖော်ဝါရီလအတွင်း အသိပညာပေးဟောပြောဆွေးနွေးခဲ့ရာ ဌာန၏ မျှော်မှန်းချက်များ၊ ရည်မှန်းချက်တာဝန်များ၊ စားသုံးသူအခွင့်အရေးများ၊ တာဝန်များ၊ ဌာနသို့ ဆက်သွယ်တိုင်ကြားနိုင်သည့်နည်းလမ်းများ၊ ဖြေရှင်း ဆောင်ရွက်ပေးခဲ့သည့် စားသုံးသူတိုင်ကြားမှု ဖြစ်စဉ်များကို အသိပညာပေးဟောပြောခဲ့ကြပြီး လက်ကမ်းစာစောင်များ ဖြန့်ဝေပေးခဲ့ပါသည်။

          လုပ်ငန်းရှင်များနှင့်  တွေ့ဆုံဆွေနွေးအသိပညာပေးမှုများကိုလည်း တိုင်းဒေသကြီးဦးစီးမှူးရုံး အနေဖြင့်(၂)ကြိမ်၊ ကလေးခရိုင်ဦးစီးမှူးအနေဖြင့်(၄)ကြိမ်၊ ကသာခရိုင်ဦးစီးမှူးရုံးအနေဖြင့်(၂)ကြိမ်၊ ကန့်ဘလူမြို့နယ်တာဝန်ခံရုံးမှ(၂)ကြိမ်၊ စစ်ကိုင်းတိုင်းခရိုင်ဦးစီးမှူးရုံးအနေဖြင့်(၇)ကြိမ်၊ မုံရွာခရိုင် ဦးစီးမှူးရုံးမှ(၂)ကြိမ်၊ ယင်းမာပင်ခရိုင်ဦးစီးမှူးရုံးအနေဖြင့်(၂)ကြိမ်၊ ရွှေဘိုခရိုင်ဦးစီးမှူးရုံးအနေဖြင့် (၄)ကြိမ်၊ စုစုပေါင်း(၂၅)ကြိမ် ဆောင်ရွက်နိုင်ခဲ့ပါသည်။ ထိုသို့တွေ့ဆုံဆွေးနွေးဆောင်ရွက်ခြင်းများ ပြုလုပ်ရာတွင် စီးပွားရေးလုပ်ငန်းရှင်တို့၏တာဝန်များ၊ လိုက်နာရမည့်အချက်များ၊ ကုန်စည်နှင့် စပ်လျဉ်း၍ ဖော်ပြရမည့်အာမခံများ၊ ရိုးရှင်းမှန်ကန်သောသတင်းအချက်အလက်များ ပြည့်စုံစွာ ပေးရန် စီးပွားရေးလုပ်ငန်းလုပ်ကိုင်ရာတွင် စီးပွားရေးကျင့်ဝတ်၊  စည်းကမ်းနှင့်အညီ ဖြောင့်မတ်      မှန်ကန်စွာ ဆောင်ရွက်ရန်အချက်များကို ရှင်းလင်းဆွေးနွေးအသိပညာပေးခြင်း၊ ရည်ညွှန်းဈေး သတ်မှတ်ထားသောကုန်စည်များအား သတ်မှတ်ရည်ညွှန်းဈေးဖြင့် ရောင်းချစေရေးဆွေးနွေးဟော ပြောခြင်းများဆောင်ရွက်ခဲ့ပြီး စီးပွားရေးလုပ်ငန်းရှင်နှင့်သက်ဆိုင်သော လက်ကမ်းစာစောင်များ၊ စားသုံးသူကာကွယ်ရေးဥပဒေစာအုပ်များ ဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)

ခရမ်းမြို့နယ်၊ ဖေဖော်ဝါရီလ (၂၇) ရက်

စားသုံးသူရေးရာဦးစီးဌာနသည် စားသုံးသူကာကွယ်ရေးဥပဒေတွင် ကုန်အညွှန်းအမှတ်အသား ဖော်ပြ ခြင်းဖြင့် စားသုံးသူများ၊ ကုန်သည်များ စားသုံးအသုံးပြုရာတွင် လိုအပ်သော သတင်းအချက်အလက်များ ပြည့်စုံ မှန်ကန်စွာရရှိ၍ ဘေးအန္တရာယ်ကင်းရှင်းနိုင်စေရေးအတွက် ဈေးကွက်စောင့်ကြည့်စစ်ဆေးလျက်ရှိရာ ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ် တာဝန်ခံသည် မိတ်ဖက်ဌာနများဖြစ်သည့် မြို့နယ်ပြည်သူ့ ကျန်းမားရေးဦးစီးဌာန၊ မြို့နယ်စည်ပင် သာယာရေးအဖွဲ့တို့ ပါဝင်သောပူးပေါင်းအဖွဲ့ဖြင့် (၂၅.၂.၂၀၂၅)ရက်နေ့၊ နံနက်(၁၁:၀၀)နာရီအချိန်တွင် ခရမ်းမြို့အမှတ် (၁၁)ရပ်ကွက်၊ ရွာမလမ်းရှိ AA အမှတ်တံဆိပ်ဖြင့် ထုတ်လုပ် သော ပေါင်မုန့်၊ ကိတ်မုန့်မျိုးစုံ အလုပ်ရုံသို့ သွားရောက်၍ ဈေးကွက်စောင့်ကြည့်စစ်ဆေးခဲ့သည်။

            ထိုသို့ဈေးကွက်စောင့်ကြည့်စစ်ဆေးရာတွင် AA အမှတ်တံဆိပ်ပေါင်မုန့်၊ ကိတ်မုန့်များတွင် ကုန်အညွှန်းအမှတ်အသားဖော်ပြချက်များတွင် မြန်မာဘာသာဖြင့်ဖော်ပြရမည့်အချက်များနှင့်ကိုက်ညီမှု ရှိကြောင်း စစ်ဆေးတွေ့ရှိရပြီး မုန့်များထုတ်လုပ်ရာတွင်လည်း သန့်ရှင်းမှုရှိပြီး ကျန်းမာရေးဌာန၏ အချက်များ နှင့်ကိုက်ညီမှုရှိကြောင်း တွေ့ရှိရပြီး မြို့နယ်တာဝန်ခံမှ ကုန်အညွှန်းအမှတ်အသားများ ပြည့်စုံစွားဖော်ပြထား ခြင်းကြောင့် စားသုံးသူများသည် သတင်းအချက်အလက်မှန်ကန်စွာရရှိ၍ စိတ်ကျေနပ်မှုများ ရရှိ၍ မိမိတို့ လုပ်ငန်းများလည်း ပိုမိုတွင်ကျယ်စွာ ဆောင်ရွက်လာနိုင်မည်ဖြစ်ကြောင်း ပြောကြားခဲ့ကြောင်း သိရသည်။

DOCA(ရန်ကုန်)

ကော့မှူးမြို့နယ်၊ ဖေဖော်ဝါရီလ (၂၇) ရက်

            ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် စည်ပင်သာယာမြို့မဈေး အတွင်း/အပြင်ရှိ ဆန်နှင့်ဆန်ထွက်ပစ္စည်းများ ဖြန့်ဖြူးရောင်းချပေးလျက်ရှိသော ဆန်ဆိုင်များသို့ ဖေဖော်ဝါရီလ (၂၅)ရက်နေ့၊ နံနက် (၀၉:၃၀)နာရီအချိန်တွင် ပူးပေါင်းအဖွဲ့ဖြင့် ဆန်အမျိုးအစားအလိုက် ဖြန့်ဖြူးရောင်းချလျက်ရှိသော ဈေးနှုန်းအခြေအနေအား ကွင်းဆင်းစစ်ဆေးခဲ့ကြောင်း သိရသည်။

          ထိုသို့ဈေးကွက်အတွင်း ကွင်းဆင်းစစ်ဆေးခဲ့ရာတွင် ဖေဖော်ဝါရီလအတွက် သင့်တင့် မျှတသော ဆန်ဈေးကွက်ဈေးနှုန်းနှင့် Consumer Packaging ဖြင့် ရောင်းချမှုများတွက် စားသုံးသူရေးရာဦးစီးဌာန အနေဖြင့် ထုတ်ပြန်ကြေငြာခဲ့ရာ သင့်တင့်မျှတသည့် ဆန်ဈေးကွက် ဈေးနှုန်းအတိုင်း Super Market၊ Mini Mart ၊ များအပါအဝင် မြို့နယ်များရှိ ဈေးကွက်အတွင်း ပြန်လည်ဖြန့်ဖြူးရောင်းချနိုင်ရေးကို ကြပ်မတ်ဆောင်ရွက်နိုင်ရန် ကော့မှူးမြို့နယ်စီမံ အုပ်ချုပ်ရေးအဖွဲ့မှ ညွှန်ကြားချက်နှင့်အညီ မြို့နယ် စည်ပင်သာယာရေးအဖွဲ့မှ အမှုဆောင် အရာရှိ ဦးတင်ထွန်းအောင်နှင့် ဝန်ထမ်းများ၊ စားသုံးသူရေးရာဦးစီး ဌာနမှ မြို့နယ်တာဝန်ခံ ဦးတင်မင်းတို့ ပူးပေါင်းအဖွဲ့သည် ကော့မှူးမြို့နယ်စည်ပင်သာယာမြို့မဈေး အတွင်း/အပြင်ရှိ ဖြန့်ဖြူးရောင်းချလျက်ရှိသော ဆန်ဆိုင်ပိုင်ရှင် စီးပွားရေးလုပ်ငန်းရှင်များအား ဆန်အမျိုးအစား အလိုက် သတ်မှတ်ထားသော သင့်တင့်မျှတသည့် ဆန်ဈေးနှုန်းများထက်ကျော်လွန်ပြီး ဖြန့်ဖြူး ရောင်းချခြင်းများ မပြုလုပ်ကြရန်၊ ဆန်ဈေးနှုန်းတည်ငြိမ်မှုမရှိစေရေးနှင့် ဈေးကစားရန် ရည်ရွယ် ချက်ဖြင့် သိုလှောင်ထားခြင်းများ မပြုလုပ်ကြရန် အသိပညာပေးဟောပြောခဲ့ပြီး ဆန်အမျိုး အစားအလိုက် ယခင်လဈေးနှုန်း၊ ယခုလဈေးနှုန်းတို့အား စာရင်းကောက်ယူ ရှောင်တခင် ကွင်းဆင်း စစ်ဆေးခဲ့ကြောင်း သိရသည်။

DOCA(ရန်ကုန်)

၂၀၂၅ ခုနှစ်၊ ဖေဖော်ဝါရီလ ၂၄ ရက်နေ့၊ နေ့လည်(၁၃:၀၀)နာရီ အချိန်တွင် စားသုံးသူရေး ရာဦးစီးဌာန၊ အရှေ့ပိုင်းခရိုင်ဦးစီးမှူးရုံးမှ တာဝန်ရှိဝန်ထမ်းများသည် အထွေထွေအုပ်ချုပ်ရေးဦးစီး ဌာန၊ အထူးစုံစမ်းစစ်ဆေး‌ရေးဦးစီးဌာန၊ အစားအသောက် နှင့်ဆေးဝါးကွပ်ကဲရေးဦးစီးဌာန၊ မြို့နယ် စည်ပင်သာယာရေးအဖွဲများဖြင့်ပူးပေါင်း၍  ပြည်တွင်းစားဆန်စျေးနှုန်းများ သင့်တင့်မျှတစွာဖြင့် တည်ငြိမ်မှန်ကန်စေရေးနှင့် ပြည်တွင်းထုတ်စားသုံးဆီများတွင် ရောနှောဆီများ၊ FDA ထောက်ခံ ချက်များ ပါရှိမှု ရှိ/မရှိ မြောက်ဒဂုံမြို့နယ်အတွင်းရှိ ဆန်အရောင်းဆိုင်ကြီးများနှင့် စားသုံးဆီရောင်း ချသည့် ကုန်စုံဆိုင်များအားကွင်းဆင်းစစ်ဆေးခြင်း ဆောင်ရွက်ခဲ့ပါသည်။

      ထိုသို့ ပူးပေါင်းအဖွဲ့ဖြင့်စစ်ဆေးရာတွင် ပြည်တွင်းစားဆန်စျေးနှုန်းများ သင့်တင့်မျှတစွာဖြင့် တည်ငြိမ်မှန်ကန်စေရေးအတွက် ဆန်စျေးနှုန်းများ စျေးနှုန်းမြှင့်တင် ရောင်းချမှုများ ရှိ/မရှိ၊ အလေး ချိန်မှန်ကန်စွာဖြင့် ချိန်တွယ်ရောင်းချမှုများ ရှိ/မရှိနှင့် ဝိသမလောဘဖြင့် သိုလှောင်မှုများ ရှိ/မရှိ စစ် ဆေးခြင်း၊ စားသုံးဆီများအား စစ်ဆေးရာတွင် ရောနှောဆီများအား သတ်မှတ်ချက်များနှင့်အညီ ရောင်းချနေမှုများ ရှိ/မရှိ၊ ပြည်တွင်းစားသုံးဆီများတွင် FDA ထောက်ခံချက်များ ပါရှိမှု ရှိ/မရှိ စစ်ဆေး ခြင်းများ ဆောင်ရွက်ခဲ့ကြောင်းသိရှိရပါသည်။

DOCA(ရန်ကုန်)