သတင်းနှင့် လှုပ်ရှားမှုများ

    စားသုံးသူရေးရာဦးစီးဌာန၊ ညောင်ဦးခရိုင်တာဝန်ခံသည် စက်တင်ဘာလ(၂၃)ရက်နေ့၊ နံနက် ၀၉:၀၀ နာရီအချိန်၌ ညောင်ဦးမြို့၊ မြို့မအခြေခံပညာအထက်တန်းကျောင်းတွင် ကျင်းပပြုလုပ်သော ကလေးသူငယ်များအတွက် သဘာဝဘေးအန္တရာယ်လျော့ချရေးနှင့်တုံ့ပြန်ဆောင်ရွက်ရေး အသိ ပညာပေး(KAERU CARAVAN) အစီအစဉ် ကျင်းပပြုခဲ့ရာတွင် ပူးပေါင်းပါဝင်ဆောင်ရွက်ခဲ့ပါသည်။

          အခမ်းအနားတွင် ရှေးဦးစွာ ညောင်ဦးခရိုင်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဌ က အဖွင့်အမှာစကားပြောကြားပြီး ခရိုင်မီးသတ်ဦးစီးမှူးက ကလေသူငယ်များ သဘာဝဘေးအန္တရာယ်နှင့် တွေ့ကြုံလာလျှင် မိမိပတ်ဝန်းကျင်ရှိ ပစ္စည်းများဖြင့် မည်ကဲ့သို့အသုံးပြုနိုင်သည်ကို သိရှိစေရန် ရည်ရွယ်၍ ဆောင်ရွက်ခြင်းဖြစ်ကြောင်း ရှင်းလင်းပြောကြားခဲ့ပါသည်။ ဆက်လက်၍ အသိပညာပေး အစီအစဉ်များနှင့်လက်တွေ့ရှင်းလင်းပြသမှုများကို အခမ်းအနားတက်ရောက်လာသူများ ကြည့်ရှု့ အားပေးခဲ့ကြောင်းနှင့် အဆိုပါအခမ်းအနားနှင့် အသိပညာပေးအစီအစဉ်တွင် စားသုံးသူရေးရာဦးစီးဌာန၊ ညောင်ဦးခရိုင်မှ တက်ရောက်ပူးပေါင်းဆောင်ရွက်ခဲ့ကြောင်း သိရသည်။

DOCA (မန္တလေး)   

        မအူပင်ခရိုင်၊ ညောင်တုန်းမြို့နယ် ဈေးကွက်အတွင်း Danone Specialized Nutrition (Thailand) မှ ထုတ်လုပ်သည့်  DUMEX DUPRO အမှတ်တံဆိပ် ကလေးငယ်ဖော်စပ်စာ ၆၅၀ ဂရမ်အား ဈေးကွက်အတွင်း အတုပြလုပ်ရောင်းချနေမှု ရှိ/ မရှိကို ၂၁-၉-၂၀၂၅ ရက်နေ့ နံနက် (၁၀း၀၀)နာရီအချိန်တွင် ညောင်တုန်းမြို့နယ် ကုန်စုံဆိုင်ကြီးများအား ကွင်းဆင်းစစ်ဆေးဆောင်ရွက်ခဲ့ကြသည်။

          ကွင်းဆင်းစစ်ဆေးဆောင်ရွက်ရာတွင်ညောင်တုန်းမြို့နယ်စားသုံးသူရေးရာဦးစီးဌာနမှ ဦးအောင်လွင်နှင့် ဝန်ထမ်းများ၊ မြို့နယ် ကျန်းမာရေးဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ် စည်ပင်သာယာရေးအဖွဲ့တို့က ပူးပေါင်းစစ်ဆေးခဲ့ကြပြီး ညောင်တုန်းမြို့နယ် ကုန်စုံဆိုင်ကြီး ၆ဆိုင်တွင် ရောင်းချနေသော  DUMEX DUPRO အမှတ်တံဆိပ် ရောင်းချခြင်းမရှိကြောင်း စစ်ဆေးတွေ့၇ှိရပြီး အခြားသော ကလေးဖြည့်စွပ်စာ အမှတ်တံဆိပ်များသာ ရောင်းချနေကြောင်းတွေ့ရှိရပြီး သက်ဆိုင်ရာအစိုးရဌာန၊ အစိုးရအဖွဲ့စည်းများ၏ ထောက်ခံချက်ပါဝင်သော ကုန်စည်များသာရောင်းချနေကြောင်း တွေ့ရှိရပြီး ဆိုင်ရှင်များကို စီးပွားရေးလုပ်ငန်းရှင် တာဝန်များအကြောင်း အသိပေးရှင်းလင်းမှာကြားခဲ့ကြောင်း သိရှိရပါသည်။

DOCA(ဧရာဝတီ)

          ဧရာဝတီတိုင်းဒေသကြီး၊ မအူပင်ခရိုင်၊ စားသုံးသူရေးရာဦးစီးဌာနမှ ညောင်တုန်းမြို့နယ်ဦးစီးမှူးရုံးမှ တာဝန်ရှိသူများသည် မြို့နယ်အတွင် စားအုန်းဆီရောင်းချသည့် လုပ်ငန်းရှင်များကို မြို့နယ်ဦးစီးမှူးရုံးတွင် ၂၁-၉-၂၀၂၅ ရက်နေ့ နံနက် (၀၉း၃၀)နာရီအချိန်တွင် စားအုန်းဆီရောင်းချမှုဈေးနှုန်းနှင့် စပ်လျဉ်း၍ အသိပညာပေး ဆွေးနွေးခဲ့ကြသည်။

          စားအုန်းဆီ လက်ကား/ လက်လီ ‌ရောင်းချသော ညောင်တုန်းမြို့နယ်မှ လုပ်ငန်းရှင်များကို ညောင်တုန်း မြို့နယ်ဦးစီးမှူး ဦးအောင်လွင်က အသိပေးပြောကြားရာ  မိမိတို့ ဝန်ကြီးဌာနသည် စားသုံးဆီ တင်သွင်းသိုလှောင် ဖြန့်ဖြူးခြင်းလုပ်ငန်းကြီးကြပ်ရေးကော်မတီကိုဖွဲ့စည်းကာ ပြည်ပမှတင်သွင်းလာသည့် စားအုန်းဆီများကို သတ်မှတ်အရည်အသွေး စံချိန်စံညွှန်းများနှင့် ပြည့်မီစေရေး၊ စားသုံးသူများ၊ ကျန်းမာရေးနှင့် ညီညွတ်သော စားသုံးဆီများကို သုံးစွဲနိုင်ရေး၊ ဈေးနှုန်းတည်ငြိမ်စွာဖြင့် ဝယ်ယူစားသုံးနိုင်ရေး အတွက် ထိန်ကြောင်းဆောင်ရွက်လျက်ရှိပြီး FOBဈေးနှုန်းများကို စောင့်ကြည့်ကာ သယ်ယူပို့ဆောင်ခ ကုန်ကျစရိတ်များ၊ အခွန်အခ ထည့်သွင်းတွက်ချက်၍ ပြည်တါင်းဈေးကွက်၌ ရောင်းဝယ်ဖောက်ကားရမည့် အခြေခံလက်ကားရည်ညျွန်းဈေးနှုန်း အပတ်စဉ်ထုတ်ပေးလျက်ရှိရာ ရောင်းချသူလုပ်ငန်း၇ှင်များမှ ဒေသတွင်း ဈေးနှုန်းမြှင့်တင်ရောင်းချခြင်း၊ မသမာသောနည်းလမ်းဖြင့် ဈေးကွက်အတွင်း ဖြန့်ဖြူးရောင်းချခြင်းများအား စစ်ဆေးတွေ့ရှိပါက သက်ဆိုင်ရာလုပ်ငန်းကြီးကြပ်ရေးကော်မတီများသို့ တင်ပြပြီး ဥပ‌ဒေအရ အရေးယူဆောင်ရွက်သွားမည်ဖြစ်ကြောင်း လုပ်ငန်းရှင်များကို အသိပေးရှင်းလင်း ဆွေးနွေးခဲ့ကြောင်း သိရှိရပါသည်။  

DOCA(ဧရာဝတီ)

   ရှမ်းပြည်နယ်(တောင်ပိုင်း)၊ စားသုံးသူရေးရာဦးစီးဌာန၊ လွိုင်လင်ခရိုင်ဦးစီးမှူးရုံးမှ ဝန်ထမ်းများသည် ၂၀၂၅ ခုနှစ် ၊စက်တင်ဘာလ (၁၉) ရက်နေ့၊ နေ့လယ် (၁3:၀၀)နာရီအချိန်တွင်  လွိုင်လင်မြို့ပေါ်ရှိ စားအုန်းဆီရောင်းချနေသော အရောင်းဆိုင်များအား ကွင်းဆင်းစစ်ဆေးခဲ့ပါသည်။

       ထိုသို့ကွင်းဆင်းစစ်ဆေးရာတွင် စားသုံးသူများနေ့စဉ် အသုံးပြုလျက်ရှိသော ကုန်စည်နှင့် ဝန်ဆောင်မှုများကို ဘေးအန္တရာယ်ကင်းရှင်းစွာ အသုံးပြုနိုင်စေရန်ရည်ရွယ်၍ ဈေးကွက်အတွင်း ရောင်းချနေသည့် စားအုန်းဆီအရောင်းဆိုင်များအား ဈေးနှုန်းမြှင့်တင်ရောင်းချခြင်းရှိ/မရှိ၊ အချိန် အတွယ်မှန်ကန်မှုရှိ/မရှိ ကွင်းဆင်းစစ်ဆေးခဲ့ပြီး လုပ်ငန်းရှင်များအနေဖြင့် ဈေးကစားရန်ရည်ရွယ်ပြီး သိုလှောင်ခြင်းများ၊ ဈေးနှုန်းမြှင့်တင်ရောင်းချခြင်းပြုလုပ်ပါက ဥပဒေအရ အရေးယူခံရနိုင်ကြောင်း အသိပညာပေးဆွေးနွေးခဲ့ပါသည်။

DOCA(ှရှမ်း)

    ၂၂.၉.၂၀၂၅ ရက်နေ့ နံနက် (၀၈း၀၀) နာရီအချိန်တွင် မွန်ပြည်နယ်၊ သထုံမြို့နယ်ရှိ သထုံခရိုင်ပြည်သူဆေးရုံကြီးဝင်းအတွင်း အငြိမ်းစားနိုင်ငံ့ဝန်ထမ်းများအား အခမဲ့ကျန်းမာရေး စောင့်ရှောက်မှုပေးခြင်း၊ အခြေခံစားသောက်ကုန်များအား သက်သာသောစျေးနှုန်းဖြင့် ရောင်းချနေခြင်းတို့ကို သထုံမြို့နယ်တာဝန်ခံသည် တာဝန်ရှိသူများနှင့်ပူးပေါင်း ဆောင်ရွက်ခဲ့ကြသည်။

     ထိုသို့ ဆောင်ရွက်ရာတွင် သထုံခရိုင်စီမံအုပ်ချုပ်ရေး ဥက္ကဋ္ဌ ဦးဇော်မိုးစိုး၊ ခရိုင်နှင့် မြို့နယ် စီမံအုပ်ချုပ်ရေးအဖွဲ့ဝင်များ၊ ခရိုင်ဆေးရုံအုပ်ကြီး ဒေါက်တာကျော်ဝင်းဇော် ဦးဆောင်သည့် အထူးကုဆရာဝန်ကြီးများ၊ သမားတော်များ၊ ခွဲစိပ်ဆရာဝန်များ၊ ကျန်းမာ‌ရေးဝန်ထမ်းများမှ ကျန်းမာရေးစစ်ဆေးခြင်း၊ ကုသခြင်းနှင့်လိုအပ်သည့် ဆေးဝါးများအခမဲ့ပေးခြင်း၊ သထုံမြို့နယ် စားသုံးသူရေးရာဦးစီးဌာနမှ သထုံမြို့နယ်တာဝန်ခံ ဦးထိန်လင်းထွန်းနှင့် ဝန်ထမ်းများက ကြီးကြပ်ဆောင်ရွက်ပြီး Myat Ah Kan စားအုန်းဆီကုမ္ပဏီမှ ပိသာ (၄၄၀) အား တစ်ပိသာလျှင် (၇၃၅၈) ကျပ်ဖြင့် တစ်ပိသာလျှင် တစ်ဦးနှုန်းဖြင့် ရောင်းချပေးခဲ့ခြင်း၊ မြို့နယ်စည်ပင် သာယာရေးအဖွဲ့၊ မြို့နယ်ဆန်ကုန်သည်ကြီးများအသင်းမှ တာဝန်ရှိသူများ ပူးပေါင်းကာ သက်သာသောစျေးနှုန်းဖြင့် ဆန်၊ ဆီ၊ ကြက်ဥ စသည့် အခြေခံစားသောက်ကုန်များ‌ ရောင်းချပေးခြင်း၊ မြို့နယ်အမျိုးသမီးရေးရာအဖွဲ့၊ မိခင်နှင့် ခလေးစောင့်ရှောက်ရေးအသင်းနှင့် ရပ်ကွက်၊ ကျေးရွာအုပ်ချုပ်ရေးအဖွဲ့တို့မှ လိုအပ်သည်တို့ကို ကူညီဆောင်ရွက်ပေးခဲ့ကြောင်း သိရှိရပါသည်။

DOCA (မွန်)