သတင်းနှင့် လှုပ်ရှားမှုများ

          ဧရာဝတီတိုင်းဒေသကြီး၊ စားသုံးသူရေးရာဦးစီးဌာန မြောင်းမြခရိုင် မော်ကျွန်းမြို့နယ် တာဝန်ခံ ဦးမင်းဇော်လတ်နှင့်ဝန်ထမ်းများသည် (၂၅.၂.၂၀၂၅) ရက်နေ့  နံနက် (၁၀:၀၀) နာရီအချိန်တွင် မော်ကျွန်းမြို့နယ် ကျွန်းကလေးကျေးရွာရှိ သုခစံလောင်စာတောင့်စက်ရုံ လုပ်ငန်းရှင်နှင့် တွေဆုံ၍ ဈေးနှုန်းဈေးကွက်အား ကွင်းဆင်းစစ်ဆေးခဲ့ပါသည်။

          ထို့သို့ကွင်းဆင်းစစ်ဆေးရာတွင် မော်ကျွန်းမြို့နယ်တာဝန်ခံမှ ကျွန်းကလေးကျေးရွာရှိ လောင်စာတောင့်လုပ်ငန်းတွင် ထုတ်လုပ်လျက်ရှိသောလောင်စာတောင့်များအား ထုတ်လုပ်တင်ပို့ ရောင်းချမှုများအားမေးမြန်းစစ်ဆေးပြီး ရောင်းချသောလောင်စာတောင်များ၏ ဈေးနှုန်းဈေးကွက်များကိုလည်း အသေးစိတ်စုံစမ်းဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

           ဧရာဝတီတိုင်းဒေသကြီး၊ စားသုံးသူရေးရာဦးစီးဌာန မြောင်းမြခရိုင် ဝါးခယ်မမြို့နယ် တာဝန်ခံဦးအောင်မိုးနှင့် ဝန်ထမ်းများသည် (၂၄.၁.၂၀၂၅) ရက်နေ့ နံနက် (၁၁:၀၀)နာရီအချိန်တွင် ဝါးခယ်မမြို့နယ် ထော်ကနွတ်ရပ်ကွက်ရှိ AB ဆန်စက်လုပ်ငန်းရှင်နှင့်တွေဆုံ၍ ဈေးနှုန်းဈေးကွက် အားကွင်းဆင်းစစ်ဆေးခဲ့ပါသည်။

          ထို့သို့ကွင်းဆင်းစစ်ဆေးရာတွင် ဝါးခယ်မမြို့နယ်တာဝန်ခံမှ ထော်ကနွတ်ရပ်ကွက်ရှိ AB ဆန်စက်မှဆန်များအား ဈေးကစားရန်ရည်ရွယ်ချက်ဖြင့် ဆန်များသိုလှောင်ထားခြင်းမပြုကြရန်၊ မြန်မာနိုင်ငံဆန်၊ စပါး အသင်းချုပ်(MRF) မှထုတ်ပြန်ထားသော ရည်ညွှန်းဈေးဖြင့်သာရောင်းချကြ ရန်၊ ဆန်စက်များအနေဖြင့် ဈေးနှုန်းမြင့်တင်ရောင်းချခြင်း၊ ဈေးကစားရန်ရည်ရွယ်ချက်ဖြင့်သိုလှောင် ထားရှိခြင်းများစစ်ဆေးတွေ့ရှိပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင် ရွက်သွားမည်ဖြစ်ကြောင်း ရှင်းလင်းပြောကြားခဲ့ကြောင်း သိရှိရပါသည်။

DOCA(ဧရာဝတီ)

           ၂၀၂၅ ခုနှစ်၊ မတ်လ ၂ ရက်နေ့ ၊ နံနက် (၁၁း၃၀) နာရီအချိန်တွင် စားသုံးသူရေးရာဦးစီးဌာန၊ တနင်္သာရီတိုင်းဒေသကြီးဦးစီးမှူးရုံးမှ တိုင်းဒေသကြီးဦးစီးမှူးနှင့်ဝန်ထမ်းများသည် ထားဝယ်မြို့၊ ဇလွန်းကျေးရွာရှိ ကျော်ကျော်မုန့်တိုက်သို့သွားရောက်၍ အသင့်စားမုန့်မျိုးစုံထုတ်လုပ်ဖြန့်ဖြူးရောင်း ချသည့်လုပ်ငန်းများအား သွားရောက်ကြည့်ရှုစစ်ဆေးခဲ့ပါသည်။

          အဆိုပါ စစ်ဆေးခြင်းဆောင်ရွက်ရာတွင် စားသုံးသူပြည်သူများ‌ ဘေးအန္တရာယ်ကင်းရှင်း စွာ ဝယ်ယူသုံးစွဲနိုင်စေရေးအတွက် သန့်ရှင်းသပ်ရပ်စွာ ထုတ်လုပ်ဖြန့်ဖြူးထုတ်လုပ်ရောင်းချနေမှုများ ရှိ/ မရှိ၊ မြန်မာဘာသာနှင့်ဖြစ်စေ၊ အခြားဘာသာတစ်ခုခုနှင့် ဖြစ်စေတွဲ လျက်ဖော်ပြထားသော ကုန် အညွှန်းအမှတ်အသားများ ပြည့်စုံမှန်ကန်စွာပါရှိမှု ရှိ/မရှိ စစ်ဆေးခြင်း၊ သက်တမ်းလွန်စားသောက် ကုန်ပစ္စည်းများ ရောင်းချနေမှုရှိ/မရှိ စစ်ဆေးခြင်း၊ သက်ဆိုင်ရာဌာနဆိုင်ရာများ၏ ထောက်ခံချက် များ ရယူဆောင်ရွက်ထားရှိမှု ရှိ/မရှိ နှင့် ထုတ်ယူရရှိသောစက်မှုကုန်ကြမ်းသုံးဆီများကို အမှန်တကယ်သုံးစွဲခြင်းရှိ/ မရှိစစ်ဆေးခဲ့ကြောင်း သိရှိရပါသည်။

DOCA(တနင်္သာရီ)

           ၂၀၂၅ ခုနှစ်၊  ဖေဖော်ဝါရီလ ၂၈ ရက်နေ့၊ နေ့လယ်(၁၃း၀၀)နာရီအချိန်တွင်  စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရုံးချုပ်မှ ကျင်းပပြုလုပ်သော (၂/၂၀၂၅) ကြိမ်မြောက် ဝန်ထမ်းထုဆန္ဒဖော်ထုတ်ပွဲ အခမ်းအနားသို့ စားသုံးသူရေးရာဦးစီးဌာန၊ တနင်္သာရီတိုင်းဒေသကြီးဦးစီးမှူးရုံးနှင့် ခရိုင်ရုံးများရှိဝန်ထမ်းများမှ online virtual ဖြင့် တက်ရောက်ခဲ့ကြောင်းသိရသည်။  

          အစည်းအဝေးတွင် ညွှန်ကြားရေးမှူးချုပ်မှ အဖွင့်အမှာစကား ပြောကြားခဲ့ပြီး ရုံးချုပ်၊ စီမံရေး ရာဌာနခွဲမှ ညွှန်ကြားရေးမှူးမှ ဝန်ထမ်းထုဆန္ဒဖော်ထုတ်ပွဲမှ ဆုံးဖြတ်ချက်များအပေါ် ဆောင် ရွက် ထားရှိမှု အခြေအနေများအား ရှင်းလင်းပြောကြားခဲ့ပါသည်။

          ဆက်လက်၍ ရုံးချုပ်၊ဌာနခွဲများနှင့်တိုင်းဒေသကြီး/ ပြည်နယ်ဦးစီးမှူးရုံးမှ အရာထမ်း/ အမှုထမ်းများမှ လိုအပ်သည်များအား ဆွေးနွေးတင်ပြခဲ့ပြီး ညွှန်ကြားရေးမှူးချုပ်မှ နိဂုံးချုပ်အမှာစကား ပြောကြားခဲ့ကာဝန်ထမ်းထုဆန္ဒဖော်ထုတ်ပွဲအခမ်းအနားအား နေ့လယ်(၁၅း၀၀) နာရီအချိန်တွင် ရုတ်သိမ်းခဲ့ကြောင်း သိရှိရပါသည်။

DOCA(တနင်္သာရီ)

              စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် ၂၀၁၉ ခုနှစ်၊ မတ်လ(၁၅)ရက်နေ့တွင် ပြည်ထောင်စုလွှတ်တော်ဥပဒေအမှတ်(၉)ဖြင့် အတည်ပြုပြဌာန်း ခဲ့သည့် စားသုံးသူကာကွယ်ရေးဥပဒေအရ ကုန်စည် သို့မဟုတ် ဝန်ဆောင်မှုနှင့်စပ်လျဉ်း၍ စားသုံးသူ နစ်နာဆုံးရှုံးမှုများ ဖြစ်ပေါ်တိုင်ကြားလာပါက ဥပဒေနှင့်အညီ ညှိနှိုင်းဖြေရှင်း အရေးယူ ဆောင်ရွက်လျက်ရှိပါသည်။

             မန္တလေးတိုင်းဒေသကြီးအတွင်း စားသုံးသူနစ်နာဆုံးရှုံးမှုများအပေါ် ဖြေရှင်းဆောင်ရွက် ထားရှိမှုအခြေအနေများနှင့် ဖြေရှင်းရန်ကျန် တိုင်ကြားမှုများအပေါ် ဆောင်ရွက်ထားရှိမှု အခြေ အနေများ၊  ဈေးကွက်အတွင်း ဦးစားပေးကုန်စည်များ သတ်မှတ်၍ ဈေးကွက်စောင့်ကြည့်စစ်ဆေး မှုအခြေအနေများအား ညှိနှိုင်းဆွေးနွေးရန်အတွက် (၂၇-၂-၂၀၂၅) ရက်နေ့ နေ့လယ်(၁၃:၀၀) နာရီ အချိန်တွင် စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံး အစည်းအဝေးခန်းမ၌ မန္တလေးတိုင်းဒေသကြီးစားသုံးသူရေးရာကော်မတီအစည်းအဝေး ကျင်းပပြုလုပ်ခဲ့ပြီး ဥက္ကဌ၊ အတွင်းရေးမှူးနှင့် အဖွဲ့ဝင် စုစုပေါင်း(၉) ဦး တက်ရောက်ခဲ့ကြပါသည်။

             မန္တလေးတိုင်းဒေသကြီးစားသုံးသူရေးရာကော်မတီ၊ ဥက္ကဌ က အဖွင့်အမှာစကား ပြောကြား ခဲ့ပြီး ဆက်လက်၍ အတွင်းရေးမှူးက စားသုံးသူကာကွယ်ရေးလုပ်ငန်း ဆောင်ရွက်ချက်များအား အမှာစာဖြင့် ရှင်းလင်းတင်ပြခဲ့ရာတွင် ယခင်(၁/၂၀၂၅) စားသုံးသူရေးရာ ကော်မတီအစည်းအဝေး ဆုံးဖြတ်ချက်များအပေါ် လိုက်နာဆောင်ရွက်ထားရှိမှုအခြေအနေများ၊ ၂၀၂၄-၂၀၂၅ ဘဏ္ဍာနှစ်၊ ဧပြီလမှ ဖေဖော်ဝါရီလ (၁၅)ရက်နေ့ထိ စားသုံးသူကာကွယ်ရေးအသိပညာပေးဆောင်ရွက်နိုင်ခဲ့မှု အခြေအနေများ လုပ်ငန်းဆောင်ရွက်မှုမှတ်တမ်းဓာတ်ပုံများ၊ ဈေးကွက်စောင့်ကြည့်စစ်ဆေးခြင်း ဆောင်ရွက်မှုအခြေအနေများ၊ ကုန်အညွှန်းအမှတ်အသားနှင့်စပ်လျဉ်း၍ စိစစ်ဆောင်ရွက်ပေးခဲ့မှု အခြေအနေများ၊ ဘဏ္ဍာနှစ်အလိုက်စားသုံးသူတိုင်ကြားမှု၊ ဖြေရှင်းဆောင်ရွက်ပြီးစီးမှုနှင့် ဆောင် ရွက်ရန်ကျန် တိုင်ကြားမှုများ၊ တိုင်ကြားမှုအပေါ် ဖြေရှင်းဆောင်ရွက်ပြီးစီးမှုအခြေအနေများ ဖြေရှင်းဆောင်ရွက်ရန်ကျန်ရှိသည့်အမှုများအပေါ်ဆောင်ရွက်ထားရှိမှုအခြေအနေများ၊ရှေ့ဆက်လက် ဆောင်ရွက်သွားမည့်လုပ်ငန်းစဉ်များအား တင်ပြဆွေးနွေးခြင်း၊ ဈေးကွက်စောင့်ကြည့်စစ်ဆေးရာ တွင်ဦးစားပေးဆောင်ရွက်မည့် ကုန်စည်အမျိုးအစားနှင့်ပတ်သက်၍ ဆက်လက်ဆောင်ရွက်နိုင်ရေး နှင့်မှတ်တမ်းတင်ထားရှိနိုင်ရေး တင်ပြဆွေနွေးခြင်း၊၂၀၂၅ ခုနှစ်၊မတ်လ (၁၅)ရက်နေ့တွင် ကျရောက် မည့် ကမ္ဘာ့စားသုံးသူအခွင့်အရေးများနေ့အခမ်းအနားကို (၁၁-၃-၂၀၂၅) ရက်နေ့တွင် မန္တလေး မြို့တော်စည်ပင်သာယာရေးကော်မတီ (မြို့တော်ခန်းမ)၌ ဆောင်ရွက်မည့်အစီအမံတို့အား တင်ပြ ဆွေးနွေးခဲ့ပြီး တက်ရောက်လာကြသည့် ဥက္ကဌ၊ ဒုတိယဥက္ကဌနှင့် အဖွဲ့ဝင်များမှ ဝိုင်းဝန်းဆွေးနွေး ခဲ့ကြပြီး အစည်းအဝေးအား နေ့လယ် (၁၄:၂၀) နာရီအချိန် ပြီးစီးခဲ့ကြောင်း သိရှိရပါသည်။

DOCA(မန္တလေး)