သတင်းနှင့် လှုပ်ရှားမှုများ

          စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ သာယာဝတီခရိုင်၊ မိုးညိုမြို့နယ်ဈေးလမ်း ကုန်မျိုးစုံရောင်းဝယ်ရေးလုပ်ငန်းရှင်ဦးခင်နိုင်(၂၆ .၂.၂၀၂၅ )ရက်နေ့၊ နံနက်( ၁၀:၀၀)နာရီအချိန်တွင် 

  မြို့နယ်တာဝန်ခံ   ဦးမောင်မောင်အေး နှင့်တွေ့ဆုံ၍ စားသုံးသူ ကာကွယ် ရေး ဥပဒေအခန်း (၁၈)ပါ ကုန်စည်များပေါ်တွင် ကုန်အညွှန်းအမှတ်  အသား ‌ဖော်ပြခြင်းနှင့် စပ်လျဉ်း၍  ကုန်စည်အမျိုးအစား အလိုက်  သတ်မှတ်ချက်များနှင့်  အညီဖြန့်ဖြူးရောင်းချရန်၊ ကုန်စည်၏ အရည်အသွေး၊ ထုတ်လုပ် ရက်စွဲ ၊ သက်တမ်းကုန် ဆုံးရက်စွဲများ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်းများအား လည်းကောင်း၊ ဥပဒေ  အခန်း(၁၀) ပါစီးပွားရေး  လုပ်ငန်းရှင်၏  တာဝန်များ၊ ဥပဒေအခန်း (၁၁) ပါ ကုန်စည်နှင့်စပ်လျဉ်း၍   အာမခံချက်ပေးခြင်းဖြင့် စားသုံးသူ လက်ခံနိုင်သည့်အရည်အသွေးရှိခြင်းကို အထူးအလေးထား  ဆောင်ရွက်ရန်အသိပညာပေး  ဆွေးနွေးဆောင်ရွက်ခဲ့ပြီးလက်

ကမ်းစာ‌စောင်များ ဖြန့်ဝေခဲ့ပါသည်။

DOCA(ပဲခူး)

          မြန်မာနိုင်ငံတွင် ဆန်ကိုချက်ပြုတ်၍ ထမင်းအဖြစ် လူတိုင်းနေ့စဉ်စားသုံးကြပါသည်။ ထိုသို့စားသုံးခြင်းအပြင် မုန့်ပဲသရေစားများပြုလုပ်၍လည်း စားသုံးလျက်ရှိကြပါသည်။ ဆန်ဖြင့် ပြုလုပ်သော မုန့်များမှာ များပြားစွာရှိပြီး လူသိများသောမုန့်များမှာ မုန့်ဟင်းခါးဖတ်၊ ဆန်မရွေး၊ မုန့်ကျွဲသဲ၊ မုန့်စိမ်းပေါင်း၊ မုန့်ကြီး စသည်ဖြင့် များစွာရှိပါသည်။ မြန်မာလူမျိုးတို့သည် နံနက်စာ အစားအစာအဖြစ် လူတိုင်းလိုလို မုန့်ဟင်းခါးကို စားသုံးကြပါသည်။ မုန့်ဟင်းခါးဖတ် လုပ်ငန်းသည် အိမ်တွင်းမှု လုပ်ငန်းတစ်မျိုးဖြစ်ပြီး MSMEs လုပ်ငန်းများထဲတွင် တစ်ခု အပါအဝင်ဖြစ်ပါသည်။ မုန့်ဟင်းခါးဖတ်သည် ဆန်ကြမ်းကို အခြေခံ၍ ပြုလုပ်ရပြီး ဆန်ကြမ်းတစ်အိတ်လျှင် မုန့်ဟင်းခါး ဖတ်(၆)ပိဿာ ခန့်ထွက်ရှိကြောင်း သိရပါသည်။ ထိုအတူ ဆန်မရွေးလုပ်ငန်းသည်လည်း ဆန်ကို အခြေခံ၍ ပြုလုပ်ကြပြီး မြန်မာ့ရိုးရာ အစားအစာ ဖြစ်သည့် အတွက် တောနေ၊ မြို့နေ လူတန်းစားမရွေး ကြိုက်နှစ်သက်သည့် အစားအစာဖြစ်ပါသည်။ ဆန်မရွေးကို ဒီထက်မက အဆင့်မြှင့် တင်ပြီး ဆန်ကွဲမှတစ်ဆင့် တန်ဖိုးမြှင့်ထုတ်ကုန်အဖြစ် ထုတ်လုပ်လာနိုင်မည်ဆိုပါက လုပ်ငန်းများ ပိုမိုတိုးတက်လာမည်ဖြစ်ပြီး အကျိုးအမြတ်လည်း ပိုမိုရရှိလာနိုင်မည်ဖြစ်ပါသည်။ နိုင်ငံတော်မှလည်း အသေးစား၊ အလတ်စား၊ အငယ်စား စီးပွားရေးလုပ်ငန်းများ ဖွံ့ဖြိုးတိုးတက်စေရေးအတွက် ကူညီပံ့ပိုးပေးလျက်ရှိပါသည်။ ထို့ကြောင့် ဆန်မှတစ်ဆင့် တန်ဖိုးမြှင့်ထုတ်ကုန်များ ထုတ်လုပ် ရောင်းချနိုင်ရေး လုပ်ငန်းရှင်များအနေဖြင့်လည်း ကြိုးပမ်းဆောင်ရွက်လျက် ရှိကြပါသည်။ ထိုအပြင် မုန့်ဟင်းခါးဖတ်ကို တန်ဖိုးမြှင့်ထုတ်ကုန်အဖြစ် ကြာရှည်စွာ အထားခံနိုင်စေရန် အတွက် မုန့်ဖတ် ခြောက်လုပ်ငန်း များလည်းရှိသလို ဆန်ကြမ်းကို အဆင့်မြှင့်တင်ပြီး ဆန်ကြမ်းမရွေး၊ မန်းမရွေး ပြုလုပ်၍ ရောင်းချကြသဖြင့် အကျိုးအမြတ်များလည်း ရရှိလာနိုင်မည် ဖြစ်ပါသည်။ အခြားမြန်မာမုန့် များစွာကိုလည်း တာရှည်အထားခံပြီး အဆင့်မြှင့်တင်၍ ထုတ်လုပ်ရောင်းချနိုင်မည်ဆိုပါက တန်ဖိုး ရှိသော ထုတ်ကုန်များရရှိနိုင်မည် ဖြစ်ပါသည်။

          ပြည်ခရိုင်အနေဖြင့် ဆန်မှတစ်ဆင့်  တန်ဖိုးမြှင့်ထုတ်ကုန်များဖြစ်သော မုန့်ဟင်းခါးဖက် လုပ်ငန်း၊ ဆန်မရွေးလုပ်ငန်းများရှိသဖြင့် MSMEs အသေးစား၊ အလတ်စား၊ အငယ်စား ဖွံ့ဖြိုးတိုးတက်ရေးအတွက် လုပ်ငန်းများတိုးချဲ့ဆောင်ရွက်နိုင်ရန်အတွက် အတိုးနှုန်းသက်သာစွာဖြင့် နိုင်ငံတော်မှလည်း အရင်းအနှီးများထုတ်ချေးပေးလျက်ရှိပါသည်။ ထို့ကြောင့် လုပ်ငန်းများ တိုးတက် အောင်မြင်စေရေးအတွက် လုပ်ငန်းရှင်များအနေဖြင့်လည်း လုပ်ငန်းများ ယခင်ကထက် ပိုမိုတိုးတက်စေရန်အတွက် တန်ဖိုးမြှင့်ထုတ်ကုန်များကို တိုးတက်ဆောင်ရွက်သွားမည်ဆိုလျှင် ကိုယ်ကိုတိုင်လည်း အကျိုးအမြတ်များစွာ ရရှိနိုင်သလို နိုင်ငံတော်အတွက်လည်း အသေးစား၊ အငယ် စား၊ အလတ်စားလုပ်ငန်းများ တိုးတက်ဖွံ့ဖြိုးလာနိုင်မည် ဖြစ်ပါ၍ ပြည်ပဈေးကွက်သို့ ပြည်တွင်းရှိ ထုတ်ကုန်များကို တင်ပို့ရောင်းချနိုင်မည်ဖြစ်ပြီး နိုင်ငံတကာ ကုန်သွယ်မှုဖွံ့ဖြိုး တိုးတက်လာနိုင်မည် ဖြစ်ပါသည်။  

DOCA(ပဲခူး)

          ပန်းဂေါ်ဖီစိမ်းသည် ၁၉၈၀ပြည့်နှစ်မှစ၍ မြန်မာပြည်တွင် စိုက်ပျိုးလာသောမျိုး ဖြစ်ပါသည်။ ပန်းဂေါ်ဖီစိမ်းသည် ပိုမိုနူးညံ့ပြီးဗီတာမင်ကေ ပါဝင်မှုအထူးများပြားပြီး နှလုံးသွေးကြောကျဉ်းရောဂါ၊ အစာအိမ်ရောဂါနှင့် ရင်သားကင်ဆာတို့ကို ပျောက်ကင်းစေနိုင်ပါသည်။ ပန်းဂေါ်ဖီစိမ်းသည် ပန်းဂေါ်ဖီအဖြူစတင်ဖြစ်ထွန်းရာ ဒေသများဖြစ်သော အီတလီနိုင်ငံ၊ အမေရိကန်နိုင်ငံတို့တွင် ၁၉၄၅ခုနှစ်နောက်ပိုင်း ထုတ်လုပ်ရာမှ ကမ္ဘာတွင် ကျယ်ကျယ်ပြန့်ပြန့် စိုက်ပျိုးလာခြင်းဖြစ်သည်။ ပန်းဂေါ်ဖီစိမ်းတွင် အဓိကအားဖြင့် အစိမ်းရောင်ပန်းပွင့်နှင့် ခရမ်းနီရောင်ပန်းပွင့်ဟူ၍ နှစ်မျိုးရှိပါသည်။ ပန်းပွင့်၏အချင်းသည်(၈-၁၀)လက်မခန့်ရှိပြီး သက်တမ်း(၇၅-၉၀)ရက်ခန့််တွင် ဆွတ်ခူးနိုင်သည်။ ထူးခြားချက်မှာပန်းဂေါ်ဖီအဖြူကဲ့သို့ ထိပ်ပန်းပွင့်တစ်ခုထဲကိုသာ စားသုံးခြင်း မဟုတ်ဘဲ ဘေးတက်များမှဖြစ်ပေါ်လာသော ပန်းပွင့်များကိုပါ စားသုံးရခြင်းဖြစ်သည်။ အေးမြ ခြောက်သွေ့သောဒေသများတွင် ပန်းဂေါ်ဖီစိမ်းအပင်များကို အပင်သက်တမ်း(၁၁)လခန့်အထိ ကြာရှည်စွာ ခူးဆွတ်ရရှိနိုင်ပါသည်။ တစ်ဧကလျှင် မျိုးစေ့ပေါင်ဝက်ခန့်လိုအပ်ပါသည်။  မြေပြန့် ဒေသတွင် စက်တင်ဘာလမှ ဒီဇင်ဘာလအထိ စိုက်ပျိုးနိုင်၍ တောင်ပေါ်ဒေသတွင် တစ်နှစ်ပတ်လုံး စိုက်ပျိုးနိုင်သည်။ ပန်းဂေါ်ဖီစိမ်းသည် ကင်ဆာရောဂါများကို သက်သာစေပါသည်။ ပန်းဂေါ်ဖီစိမ်း  သည် အိုမီဂါ၃ပါဝင်သောကြောင့် ရောင်ရမ်းခြင်းများကိုလည်း သက်သာစေပါသည်။ ထို့အပြင် အဆစ်ရောဂါရှိသူများအတွက်လည်း အဆစ်ကိုက်ရောင်ရမ်းခြင်းများကိုလည်း လျော့နည်းစေပါ သည်။ နှလုံးရောဂါအခံရှိသူများ အနေဖြင့်လည်း ပန်းဂေါ်ဖီစိမ်းစားပေးရန်လိုအပ်ပါသည်။

DOCA(ပဲခူး)

စားသုံးသူရေးရာဦးစီးဌာန၊ စစ်ကိုင်းခရိုင်၊ ခေတ္တခရိုင်ဦးစီးမှူးမှ ဦးဆောင်၍ ခရိုင်ရုံမှ ဝန်ထမ်း(၄)ဦး သည် ခရိုင်အထွေထွေအုပ်ချုပ်ရေးဦးစီးဌာန၊ ခရိုင်ပြည်သူ့ကျန်းမာရေးဦးစီးဌာန၊ ခရိုင်အထူးစုံစမ်း စစ်ဆေးရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ ၂၀၂၅ ခုနှစ်၊ ဖေဖေါ်ဝါရီလ (၂၅)ရက်နေ့တွင် စစ်ကိုင်းမြို့၊ ပါရမီရပ်ကွက်ရှိ စိန်ကြည်”ခေါက်ဆွဲစက်ရုံမှ ထုတ်လုပ်သည့် ကုန်စည် များကို ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ဈေးကွက်မရောက်မီ စောင့်ကြည့်စစ်ဆေး ခြင်းလုပ်ငန်း ဆောင်ရွက်ခဲ့ကြောင်း သိရှိရသည်။

ထိုသို့ဆောင်ရွက်ရာတွင် “စိန်ကြည်”ခေါက်ဆွဲစက်ရုံမှ “စိန်ကြည်”အမှတ်တံဆိပ် ဂျုံခေါက်ဆွဲ (နန်းလုံး)(၃၆၀)ဂရမ်နှင့် ကြက်ဥဂျုံခေါက်ဆွဲ(နန်းလုံး)(၄၀၀)ဂရမ် ကုန်စည်အမျိုးအစား(၂)မျိုး ထုတ်လုပ် ဖြန့်ဖြူးရောင်းချသည်ကို စစ်ဆေးတွေ့ရှိရပြီး ၎င်းကုန်စည်(၂)မျိုး၏ ထုတ်ပိုးမှုပေါ်တွင် ကုန်အညွှန်း အမှတ်အသားဖော်ပြခြင်းနှင့်စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်က ထုတ်ပြန် ထားသည့် ညွှန်ကြားချက်အမှတ်(၂/၂၀၁၉)နှင့်အညီ ကိုက်ညီမှုရှိကြောင်း စိစစ်တွေ့ရှိရသည်။ စားသုံးသူ ရေးရာဦးစီးဌာနမှ တာဝန်ရှိသူက ဥပဒေ အခန်း (၁၀)ပါ စီးပွားရေးလုပ်ငန်းရှင်၏ တာဝန်များ၊ ဥပဒေ အခန်း(၁၁)ပါ ကုန်စည်နှင့်စပ်လျဉ်း၍ အာမခံချက်ပေးခြင်းဆိုင်ရာ အချက်အလက်များအကြောင်း ဆွေးနွေး ပြောကြားခဲ့ပြီး ဌာနဆိုင်ရာပူးပေါင်းအဖွဲ့မှ စက်ရုံ၏ လုပ်ငန်းလည်ပတ်နေမှုအား ကြည့်ရှု့စစ်ဆေးခဲ့ ကြောင်း သတင်းရရှိပါသည်။

DOCA(စစ်ကိုင်း)

              စားသုံးသူရေးရာဉီးစီးဌာနမှ ပြည်သူများကို မိမိတို့စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များ သိမြင်နားလည်စေရန်အတွက် ရည်ရွယ်၍ Talk Show အစီအစဉ်များ ကျင်းပပြုလုပ်လျက်ရှိပါသည်။ စားသုံးသူကာကွယ်ရေးဆိုင်ရာ Talk Show ကို ဟုမ္မလင်းမြို့နယ် မြို့နယ်တာဝန်ခံ ဒေါ်ခင်စန်းဝင်း(ဒု-ကြီးကြပ်ရေးမှူး)၊ ပြန်ကြားရေးနှင့် ပြည်သူ့ဆက်ဆံရေး ဉီးစီးဌာနမှ ဒေါ်မဉ္ဇူအေး(ဒု-မြို့နယ်မှူး)တို့သည်  ( ၂၆.၂.၂၀၂၅ ) ရက်နေ့၊ နံနက် ( ၁၀  : ၃၀ ) နာရီ အချိန်တွင် ပြန်ကြားရေးနှင့်ပြည်သူ့ဆက်ဆံရေးဉီးစီးဌာနရုံး အစည်းအဝေးခန်းမတွင် ကျင်းပပြု လုပ်ရာ စားသုံးသူရေးရာဦးစီးဌာန၊ မြို့နယ်တာဝန်ခံ  ဒေါ်ခင်စန်းဝင်းမှ “ကုန်စည်/   ဝန်ဆောင် စိတ်ချရမှုအစ ကုန်အညွှန်းအမှတ်အသားက” ခေါင်းစဉ်ဖြင့်  Talk Show ကျင်းပပြုလုပ်ရာတွင် ကုန်စည်သို့မဟုတ် ဝန်ဆောင်မှုများ ဘေးအန္တရာယ်ကင်းရှင်းပြီး လုံခြုံစိတ်ချမှုရှိစေရေးအတွက် လိုအပ်ပါကသက်ဆိုင်ရာ  စားသုံးသူကာကွယ်ရေးဆိုင်ရာ အသင်းအဖွဲ့များနှင့်  ပူးပေါင်း ဆောင်ရွက် ခြင်း၊ စားသုံးသူများ  အသုံးပြုမည့်ကုန်စည်များ  ထုတ်လုပ်ခြင်းအပေါ် ဘေးအန္တရာယ်  ကင်းရှင်း စေရေး  ဆောင်ရွက်ခြင်းတို့ကို သိရှိစေရန် ပြောကြားခဲ့ကြောင်း သတင်းရရှိရပါသည်။

DOCA(စစ်ကိုင်း)