ပြည်တွင်းကုန်သွယ်မှုသတင်း

     ၂၀၂၀ ပြည့်နှစ် ဇူလိုင်လပထမပတ်အတွင်း သထုံမြို့၏ ၄၆ ပေါင်ကိုက် စပါးတင်း ၁၀၀ ဈေးနှုန်းမှာ ဧည့်မထ ကျပ် (၅၆၀၀၀၀)၊ ပေါ်ဆန်း ကျပ် (၈၃၀၀၀၀) ဖြစ်ပြီး ၂၄ ပြည်ပါ ဆန်တစ်အိတ် ဈေးနှုန်းမှာ ဧည့်မထ ကျပ် (၂၇၀၀၀) နှင့် ပေါ်ဆန်း ကျပ် (၃၆၀၀၀) ဖြစ်ရာ ယခင်အပတ်နှင့် နှိုင်းယှဉ်လျှင် ဧည့်မထစပါးဈေးနှုန်းမှာ ကျပ် (၃၀၀၀၀) ခန့်၊ ပေါ်ဆန်းစပါးဈေးမှာ (၈၃၀၀၀) ကျပ်ဖြင့် တည်ငြိမ်လျှက်ရှိကြောင်း သိရှိရပါသည်။

စီးဝင်/စီးထွက်မှု အခြေအနေမှာ အခြားတိုင်းဒေသကြီးများမှ ဆန်ဝင်ရောက်မှုမှာ တစ်နေ့လျှင် ပေါ်ဆန်းဆန်အိတ် (၃၀၀) ခန့်ရှိပြီး သထုံမှ ဘားအံသို့ ဧည့်မထဆန်အိတ် (၃၀၀) ခန့် ထွက်ရှိကြောင်း သိရှိရပါသည်။

မွန်ပြည်နယ်

စားသုံးသူရေးရာဦးစီးဌာန

         မော်လမြိုင်မြို့၏ ဇွန်လ တတိယပတ်တွင် ဖြစ်ပေါ်နေသော အခြေခံစားကုန်ဈေးနှုန်း များမှာ ပေါ်ဆန်း (စပါး) တင်း (၁၀၀) လျှင် (၈၃၀၀၀၀) ကျပ်၊ ပေါ်ဆန်း (ဆန်) ၂၄ ပြည်ပါ တစ်အိတ်လျှင် (၃၆၀၀၀) ကျပ်၊ ဧည့်မထ (စပါး) တင်း (၁၀၀) (၅၃၀၀၀၀) ကျပ်၊ ဧည့်မထ (ဆန်) ၂၄ ပြည်ပါ တစ်အိတ် (၂၇၀၀၀) ကျပ်၊ စားအုန်းဆီ တစ်ပိဿာ (၂၀၀၀) ကျပ်၊ မြေပဲဆီ တစ်ပိဿာ (၈၀၀၀) ကျပ်၊ ကြက်သွန်နီ တစ်ပိဿာ (၁၀၀၀) ကျပ်၊ ကြက်သွန်ဖြူ (ရှမ်း) တစ်ပိဿာ (၄၀၀၀) ကျပ်၊ ကြက်သွန်ဖြူ (ကြူဂုတ်) တစ်ပိဿာ (၃၀၀၀) ကျပ်၊ မန်ကျည်းမှည့် တစ်ပိဿာ (၅၀၀၀) ကျပ်၊ ငရုတ်ခြောက် တစ်ပိဿာ (၆၀၀၀) ကျပ် ၊ ပဲနီလေး (မြန်မာ) တစ်ပိဿာ (၅၀၀၀) ကျပ်၊ ကုလားပဲခြမ်း တစ်ပိဿာ (၃၀၀၀) ကျပ်၊ မြေပဲဆံ တစ်ပိဿာ (၃၀၀၀) ကျပ်၊ မွေးမြူရေးကြက်သားတစ်ပိဿာ (၈၀၀၀) ကျပ်၊ ဝက်သား တစ်ပိဿာ (၁၀၀၀၀) ကျပ်၊ ဆိတ်သားတစ်ပိဿာ (၂၅၀၀၀) ကျပ်၊ အမဲသားတစ်ပိဿာ (၁၂၀၀၀) ကျပ်၊ ငါးကြင်း တစ်ပိဿာ (၉၀၀၀) ကျပ်၊ ငါးမြစ်ချင်း တစ်ပိဿာ (၆၀၀၀) ကျပ်၊ ကြက်ဥ/ဘဲဥ တစ်လုံးလျှင် (၁၅၀/၂၂၀) ကျပ်၊ ရာဘာ RSS 3 တစ်ပေါင်လျှင် (၆၅၀) ကျပ်၊ ရွှေ ၁၆' (၁၂၁၀၀၀၀) ကျပ်၊ ရွှေ ၁၅' (၁၁၁၅၀၀၀) ကျပ်၊ ရွှေ ၁၄' (၁၀၁၀၀၀၀) ကျပ်၊ ဓာတ်ဆီ တစ်ဂါလံ (၂၉၂၅) ကျပ်၊ ဒီဇယ် တစ်ဂါလံ (၂၇၀၀) ကျပ် ဖြစ်ပေါ်လျှက်ရှိကြောင်း သိရှိရသည်။ ဒုတိယပတ်ဈေးနှုန်းနှင့် နှိုင်းယှဉ်လျှင် မွေးမြူရေးကြက်သား၊ ရွှေ၊ ဓာတ်ဆီ၊ ဒီဇယ်ဈေးနှုန်းတို့မှာ အနည်းငယ်မြင့်တက်ကြောင်း သိရှိရပါသည်။

မွန်ပြည်နယ်

စားသုံးသူရေးရာဦးစီးဌာန

       ရှမ်းပြည်နယ်(တောင်ပိုင်း)မှာတော့ ၂ဝ၁၉/၂ဝ၂ဝခုနှစ်ထွက် မိုးအစေ့ထုတ်ပြောင်းများပေါ်ခါစက တစ်ပိသာကို ငွေကျပ် ၂၂ဝမှ ၂၅ဝရှိခဲ့ပေမယ်လို့ မေလဆန်းမှာတော့ ပြောင်းစျေး တဖြည်းဖြည်း စျေးပြန်ကောင်းလာခဲ့ရာမှ ယခုဇွန်လဆန်းမှာတော့ ငွေကျပ် ၄၇ဝမှ ၄၉ဝကျပ်ထိရှိလာခဲ့ပါတယ်။ ပြောင်းစိုက်တောင်သူတွေရဲ့လက်ထဲမှာတော့ ပြောင်းဖူးစေ့လက်ကျန်မရှိသလောက်နည်းသွားပြီး၊ကုန်သည် တွေရဲ့လက်ထဲမှာတော့ စုစုပေါင်းပြောင်းဖူးစေ့ပိုလှျံမှုရဲ့ လေးပုံတစ်ပုံလောက်တော့ ကျန်ရှိနေပါသေးတယ်။ ယခင်နှစ်ကာလတူနဲ့ပြောင်းစျေးနှုန်းကို နှိုင်းယှဉ်မယ်ဆိုရင်တော့ ယခင်နှစ်ကပြောင်း တစ်ပိသာငွေကျပ် ၃၅ဝမှ ၃၆ဝထိသာရှိခဲ့ပါတယ်။ ပြောင်းပေါ်ခါစတုန်းက ဒေသတွင်းအခြောက်ခံ စက်ရုံများ၊ တောင်လေးလုံးရှိ မြနဒီပြောင်းအခြောက်ခံစက်ရုံ၊ အေးသာယာမြို့ရှိဃဏ  အခြောက်ခံ စက်ရုံများမှာ CP ကုမ္ပဏီနှင့် တက်ချောင် အစာစပ်စက်ရုံများမှ ပြောင်းဖူးစေ့တွေကို မန္တလေးမြို့နှင့် ရန်ကုန်မြို့ရှိ အစာစပ်စက်ရုံများ၊ ဒေသတွင်းရှိမွေးမြူရေးလုပ်ငန်းများမှ ပြောင်းဖူးစေ့ကို ဝယ်ယူ ကြပါတယ်။ ပြည်ပတင်ပို့မှုအနေဖြင့် မူဆယ်နယ်စပ် ကုန်သွယ်ရေးစခန်းမှ တရုတ်နိုင်ငံသို့ Quota စနစ်ဖြင့်ရောင်းချခဲ့ကြပြီး၊ ကရင်ပြည်နယ်မြဝတီနယ်စပ် ကုန်သွယ်ရေးစခန်းနှင့် ရှမ်းပြည်နယ် အရှေ့ပိုင်း တာချီလိတ်မြို့နယ်(မယ်ယန်း)ကုန်သွယ်ရေးစခန်းများမှ ထိုင်းနိုင်ငံသို့လည်းကောင်း၊ ပင်လယ်ရေကြောင်းမှလည်း ပြည်ပနိုင်ငံများသို့တင်ပို့ခဲ့တယ်လို့ ပြောင်းစျေးကွက်ကတဆင့်သိရပါတယ်။

ရှမ်းပြည်နယ်(တောင်ကြီး)

စားသုံးသူရေးရာဦးစီးဌာန

ရှမ်းပြည်နယ်(တောင်ပိုင်း) မြို့နယ်များဖြစ်သော တောင်ကြီး၊ အောင်ပန်း၊ ရပ်စောက်၊ ကလော၊ ညောင်ရွှေ၊ ရွာငံမြို့များမှ ဒေသတွင်းနှင့် ရန်ကုန်၊ မန္တလေး၊ မူဆယ်၊ မြဝတီ၊ မြင်းခြံ၊ နေပြည်တော်၊ မုံရွာ၊ ပြည်၊ စစ်တွေ၊ တပ်ကုန်း၊ မိတ္ထီလာ၊ သာစည်၊ တောင်ငူနဲ့ ပဲခူးမြို့များသို့ သီးနှံနှင့် သစ်သီးဝလံ၊ ကုန်စိမ်းမျိုးစုံ စီးထွက်လျှက်ရှိရာ အောင်ပန်းကုန်စည်ဒိုင်၏ မေလတတိယအပတ်အတွင်း ပေးပို့သော စာရင်းများအရ ကြက်သွန်ဖြူတစ်ပိဿာ ၁၀၀၀ ကျပ် မှ ၂၀၀၀ ကျပ်စျေးနှုန်းဖြင့်ကုန်ချိန်(၇၂၀၀၀)၊ အာလူးတစ်ပိဿာလျှင် ၁၀၀ ကျပ်မှ ၆၅၀ ကျပ် စျေးနှုန်းဖြင့်ကုန်ချိန်(၂၈၀၀၀၀)၊ ချင်းတစ်ပိဿာ ၁၀၀၀ကျပ်မှ ၂၈၀၀ ကျပ် စျေးနှုန်းဖြင့် ကုန်ချိန် (၁၁၂၀၀၀)၊ နနွင်းတစ်ပိဿာလျှင် ၁၀၀၀ ကျပ်မှ ၂၂၀၀ ကျပ် စျေးနှုန်းဖြင့် ကုန်ချိန် (၃၅၀၀၀)၊ ချင်းခြောက်တစ်ပိဿာ ၂၂၀၀ ကျပ်မှ ၂၄၀၀ ကျပ် စျေးနှုန်းဖြင့် ကုန်ချိန်(၁၄၀၀၀၀)၊ ဂေါ်ဖီထုပ် တစ်ပိဿာလျှင် ၈၀ ကျပ်မှ ၁၅၀ကျပ် စျေးနှုန်းဖြင့် ကုန်ချိန် (၄၂၀၀၀၀)၊ ပန်းမုံလာတစ်ပိဿာလျှင် ၁၀၀ ကျပ်မှ ၂၈၀ ကျပ်စျေးနှုန်းဖြင့် ကုန်ချိန်(၂၁၀၀၀၀)၊ ခရမ်းချဉ်တစ်ပိဿာ ၁၀၀ ကျပ်မှ ၃၀၀ ကျပ်နှုန်းဖြင့် ကုန်ချိန်(၂၂၀၀၀၀)၊ ပန်းနှမ်း တစ်ပိဿာ ၁၄၀၀ ကျပ်မှ ၁၅၀၀ ကျပ်နှုန်းဖြင့် ကုန်ချိန်(၂၁၀၀၀၀)၊ ပြောင်းတစ်ပိဿာ ၄၁၀ ကျပ်မှ ၄၄၀ ကျပ် စျေးနှုန်းဖြင့် ကုန်ချိန်(၉၈၀၀၀)၊ ကုန်စိမ်းအစုံကုန်ချိန်(၄၈၀၀၀၀) အသီးသီးစီးထွက် သွားကြောင်းသိရပါတယ်။ အောင်ပန်းစျေးကွက်သို့ မိုးဦးကာလဖြစ်၍ ခရမ်းချဉ်၊ ရွှေပဲ၊ ဂေါ်ဖီ၊ ပန်းမုံလာ စသော ကုန်စိမ်းများဝင်ရောက်နေသော်လည်း Covid-19 ကာလအတွင်း အဆွဲနည်း နေသေး၍ စျေးကျနေပါသည်။ ယခင်နှစ်ကာလတူနှင့် နှိုင်းယှဉ်ပါက ကုန်စည်စီးဆင်းမှု ထက်ဝက်ကျော် ကျဆင်းနေကြောင်း စျေးကွက် သတင်းများအရသိရှိရပါသည်။ 

စားသုံးသူရေးရာဦးစီးဌာန

ရှမ်းပြည်နယ် 

        သထုံမြို့နယ်၌ မျိုးကောင်းသည့် ကိုင်းကူးဒူးရင်းများကို မြို့နယ်အတွင်းရှိ ကျိုက္ကော်၊ နောင်ဘို၊ နောင်ကုလား စသည့် ကျေးရွာ ဥယျာဉ်ခြံမြေများတွင် စိုက်ပျိုးလျှက်ရှိကြောင်း သိရှိရသည်။ ဒူးရင်းသီးများသည် မိုးရာသီဝါဆိုလပတ်ဝန်းကျင်တွင် လှိုင်လှိုင်ပေါ်ပြီး ယခုအချိန်တွင် သထုံမြို့မဈေးတွင် ဒူးရင်းသီးတစ်လုံးလျှင် (၃၀၀၀) ကျပ်မှ (၁၅၀၀၀) ကျပ်တန်အထိ အရွယ် အစားအလိုက် ဈေးနှုန်းအမျိုးမျိုးရှိကြကြောင်း၊ တစ်ရက်လျှင် အလုံးရေ (၁၀၀) မှ (၁၅၀) ထိ ဒေသတွင်း စားသုံးသူများသို့ ရောင်းချလျှက်ရှိပြီး ယခင်နှစ်ဈေးနှုန်းများကဲ့သို့ပင် ယခုပေါ်ဦပေါ်စရာသီတွင် တစ်ကီလို (၄၀၀၀) ကျပ်နှုန်းရှိကြောင်းသိရှိရပြီး ရန်ကုန်မြို့ဘက်မှလည်း မှာယူကြ၍ တင်ပို့နေရကြောင်း သထုံမြို့မဈေးရှိ ဒေါ်စိန်မြင့် သစ်သီးဆိုင်မှ ပြောပြချက်အရ သိရှိရ ပါသည်။

မွန်ပြည်နယ်

စားသုံးသူရေးရာဦးစီးဌာန