ပြည်တွင်းကုန်သွယ်မှုသတင်း

    မန္တလေးတိုင်းဒေသကြီး၊ ကျောက်ဆည်ခရိုင်တွင် သီးနှံမျိုးစုံစိုက်ပျိုးဖြစ်ထွန်းပြီး ရာသီအလိုက် စိုက်ပျိုးသောသီးနှံများအနက် ပဲသီးနှံတစ်မျိုးဖြစ်သည့် ထောပတ်ပဲကိုလည်းစိုက်ပျိုးကြပါသည်။ ခရိုင်အတွင်း ထောပတ်စိုက်ဧကအနေဖြင့်ကျောက်ဆည်မြို့နယ်တွင် (၉၈၀)ဧက၊ မြစ်သားမြို့နယ်တွင် (၁၆၀) ဧက၊ စုစုပေါင်း (၁၁၄၀)ဧကစိုက်ပျိုးထားရှိပြီး စိုက်ဧကအားလုံးရိတ်သိမ်းပြီးစီးပြီဖြစ်ကြောင်း ခရိုင်ကြေးတိုင်နှင့် မြေစာရင်းဦးစီးဌာန၏ စာရင်းများအရသိရှိရပါသည်။ထောပတ်ပဲစိုက်ပျိုးမှု (၁)ဧကကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် စုစုပေါင်း(၁၃၀၀၀၀/-)ကျပ်ခန့်ကုန်ကျပြီး အထွက်နှုန်းအနေဖြင့် (၈)တင်းခန့်ထွက်ရှိကြောင်း၊ ယခင်နှစ် ထောပတ်ပဲစျေးနှုန်းအနေဖြင့် တစ်တင်းလျှင် (၇၇၀၀၀/-)ကျပ်၊ ယခုနှစ် ထောပတ်ပဲတစ်တင်းလျှင် (၈၅၀၀၀/-)ကျပ်ဖြင့် ရောင်းဝယ်လျက်ရှိပါသည် ။ (၁)ဧကအကျိုးအမြတ်အနေဖြင့် (၆၈၀၀၀၀/-)ကျပ်ရရှိကြောင်း၊ ထောပတ်ပဲရောင်းဝယ်မှုအနေဖြင့် မြို့ပေါ်ရှိပွဲရုံများသို့ သွားရောက်ရောင်းချကြကြောင်း၊ ထို့ကြောင့် စိုက်ပျိုးစရိတ်သက်သာပြီး အကျိုးအမြတ်ဖြစ်ထွန်းသော ထောပတ်ပဲသီးနှံကို တိုးချဲ့စိုက်ပျိုးသင့်ပါကြောင်း ရေးသားတင်ပြလိုက်ရပါသည်။

DOCA(မန္တလေး)

၈.၄.၂၀၂၄ ရက်နေ့တွင်  တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

     ပြင်ဦးလွင်မြို့သည် ပင်လယ်ရေမျက်နှာပြင်အထက် အနိမ့်ဆုံးနေရာ၌ (၂၀၅)ပေရှိ၍ အမြင့်ဆုံးနေရာ၌ (၄၂၉၅)ပေရှိပြီး ဟင်းသီးဟင်းရွက်နှင့် သစ်သီးဝလံပေါင်းစုံစိုက်ပျိုးဖြစ်ထွန်းသော ဒေသဖြစ်ပါသည်။ ၄င်းသီးနှံများအနက် မက်မန်းပင်မျာ ပင်လယ်ရေမျက်နှာပြင်အထက် ပေ(၃၅၀၀) တွင် ကောင်းမွန်စွာဖြစ်ထွန်းလျက်ရှိသောကြောင့် ၎င်းကို ပြင်ဦးလွင်ဒေသတွင် အများဆုံးစိုက်ပျိုးလျက်ရှိပါသည်။ မက်မန်းပင်ကို ဇူလိုင်လနှင့် သြဂုတ်လများတွင် စတင်စိုက်ပျိုးပြီး မေလနှင့် ဇွန်လများတွင် အသီးခူးဆွတ်နိုင်ပါသည်။ မက်မန်းသီးကို မက်မန်းယို၊ တော်ဖီ၊ မက်မန်းချို၊ မက်မန်းချဉ်၊ မက်မန်းဝိုင်ပြုလုပ်ပြီး ပြည်တွင်းစျေးကွက်တွင်ရောင်းချသည့်အပြင် နယ်စပ်မှတစ်ဆင့် မလေးရှားသို့လည်းတင်ပိုကြောင်း မက်မန်းလုပ်ငန်းရှင်များထံမှတစ်ဆင့်သိရှိရပါသည်။ မက်မန်းသီးကို အကြမ်းအားဖြင့် သီးစားမျိုးနှင့် ဆားရည်စိမ်ဟူ၍ (၂)မျိုးခွဲခြားနိုင်ပါသည်။ မက်မန်းကုန်ကြမ်းကို ပြင်ဦးလွင်ရှိ အင်းထိပ်၊ ပန်းဥတောင်၊ ဆင်ဖြူအင်း၊ မျှော့တောကျေးရွာများအပြင် နောင်ချိုနှင့် အခြားမက်မန်းစိုက်တောင်သူများထံမှလည်းဝယ်ယူရရှိနိုင်ပါဿည်။ ယခင်နှစ်၌ မက်မန်းသီးအစိမ်း(၁)တင်းလျှင် (၇၀၀၀-၈၀၀၀)ကျပ်စျေးနှုန်းနှင့် ဆားစိမ်(၁)တင်းလျှင် (၁၆၅၀၀-၁၇၀၀၀)ကျပ်စျေးနှုန်းတို့ဖြင့်ဝယ်ယူရပါသည်။ စျေးကွက်တွင် မက်မန်းချို၊ မက်မန်းချဉ်၊ မက်မန်းယို၊ တော်ဖီတစ်ထုပ်လျှင် (၂၀၀-၅၀၀-၁၀၀၀)ကျပ်စျေးနှုန်းရှိပြီး မက်မန်းဝိုင် 750ml လျှင် (၁၂၀၀၀)ကျပ်၊ မက်မန်းဝိုင် 550ml လျှင် (၈၀၀၀)ကျပ်စျေးနှုန်းတို့ရှိကြောင်း၊ ပြင်ဦးလွင်တွင် မက်မန်းအပါအဝင် ယိုစုံလုပ်ငန်းရှင် (၃၇)ဦးရှိပါသည်။ ယခုအချိန်တွင် မက်မန်းထွက်ရှိမှုမရှိသေးသော်လည်း လာမည့်မေလတွင် စတင်ထွက်ပေါ်မည့် မက်မန်းစျေးနှုန်းများမှာ အနည်းငယ်မြင့်တက်ဖွယ်ရှိပါကြောင်း မက်မန်းလုပ်ငန်းရှင်များထံမှသိရှိရပါသည်။

DOCA(မန္တလေး)

       စစ်ကိုင်းတိုင်းဒေသကြီးအတွင်းရှိ  ဆန်ပိုဒေသများဖြစ်သော ကလေး၊ ကသာ၊ ကန့်ဘလူ၊ ရွှေဘိုနှင့် ရေဦး၊ ကသာခရိုင်(အင်းတော်မြို့နယ်)နှင့် မုံရွာခရိုင်များအနေဖြင့် စပါး၊ ဆန် အသစ်များပေါ်လာပြီး  ဈေးနှုန်းများမြင့်တက်နေကြောင်းသိရှိရပါသည်။

    စစ်ကိုင်းတိုင်းဒေသကြီးအတွင်း ဧပြီလ  (ပထမပတ်)တွင် ဖြစ်ပေါ်နေသော စပါး/ ဆန်ဈေးနှုန်းများမှာ ရွှေဘိုခရိုင်၊ ရွှေဘိုမြို့နယ်မှ ရွှေဘိုပေါ်ဆန်း (စပါး)(သစ်)  တင်း၁၀၀လျှင် ကျပ်၄၀၀၀၀၀၀၊ ပေါ်ဆန်း (ဆန်) (သစ်)၂၄ပြည်ပါ တစ်အိတ်လျှင် ၁၅၀၀၀၀ကျပ်၊ ရွှေဘိုဧရာမင်း(စပါး)(သစ်)  တင်း၁၀၀လျှင် ကျပ်၃၂၀၀၀၀၀၊ ဧရာမင်း (ဆန်)(သစ်) ၂၄ပြည်ပါ တစ်အိတ်လျှင် ၁၄၀၀၀၀ကျပ်ဖြင့် အရောင်းအဝယ်ဖြစ်နေကြောင်းသိရပါသည်။

     ရေဦးခရိုင်၊ ရေဦးမြို့နယ်မှ ပေါ်ဆန်း (စပါး)(သစ်)  တင်း၁၀၀လျှင် ကျပ်၄၀၀၀၀၀၀၊ ပေါ်ဆန်း (ဆန်) (သစ်)၂၄ပြည်ပါ တစ်အိတ်လျှင် ၁၅၀၀၀၀ကျပ်၊ ရွှေဘိုဧရာမင်း(စပါး)(သစ်)  တင်း ၁၀၀လျှင် ကျပ်၃၂၀၀၀၀၀၊ ဧရာမင်း (ဆန်)(သစ်) ၂၄ပြည်ပါ တစ်အိတ်လျှင် ၁၄၀၀၀၀ ကျပ်ဖြင့် အရောင်းအဝယ်ဖြစ်နေကြောင်းသိရပါသည်။

      ကလေးခရိုင်၊ ကလေးမြို့နယ်မှ ဧည့်မထ(စပါး) (သစ်)တင်း၁၀၀လျှင် ကျပ်၂,၆၅၀,၀၀၀၊ ဧည့်မထ (ဆန်) (သစ်)‌၂၄ပြည်ပါ တစ်အိတ်မှာ ကျပ်၈၅,၀၀၀၊ ငစိန်(စပါး)(သစ်)တင်း၁၀၀လျှင် ကျပ်၂၄၅၀,၀၀၀၊ ငစိန် (ဆန်)(သစ်)၂၄ပြည်ပါ တစ်အိတ်မှာ ကျပ်၇၀,၀၀၀၊ ဧရာမင်း(စပါး)(သစ်) တင်း၁၀၀လျှင် ကျပ်၂,၇၀၀,၀၀၀၊ ဧရာမင်း(ဆန်)(သစ်)၂၄ပြည်ပါ တစ်အိတ်မှာ ကျပ်၉၅,၀၀၀ဖြင့် အရောင်းအဝယ်ဖြစ်နေကြောင်းသိရပါသည်။

      ကသာခရိုင်၊ အင်းတော်မြို့နယ်မှ ဆင်းဧကရီ(၃)(စပါး) (သစ်) တင်း၁၀၀လျှင် ကျပ်၁,၆၅၀,၀၀၀၊ ဆင်းဧကရီ-၃ ဆန် (သစ်) ၂၄ပြည်ပါ တစ်အိတ်မှာ ကျပ်၈၅,၀၀၀ဖြင့် အရောင်းအဝယ်ဖြစ်နေကြောင်းသိရပါသည်။

      မုံရွာခရိုင်၊ မုံရွာမြို့တွင် ဧရာမင်း(စပါး)(သစ်)တင်း၁၀၀လျှင် ကျပ်၃,၀၀၀,၀၀၀၊  ဧရာမင်း (ဆန်)(သစ်) ၂၄ပြည်ပါ တစ်အိတ်မှာ ကျပ်၁၂၅၀၀၀၊ ရွှေဘိုပေါ်ဆန်း(စပါး) (သစ်) တင်း၁၀၀ လျှင် ကျပ်၃၈၀၀၀၀၀၊ ရွှေဘိုပေါ်ဆန်း (ဆန်)(သစ်) ၂၄ပြည်ပါ တစ်အိတ်မှာ ကျပ်၁၅၀၀၀၀ဖြင့် အရောင်းအဝယ်ဖြစ်နေကြောင်းသိရပါသည်။

    မတ်လ  (တတိယပတ်) တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့  ဆန်စီးထွက်မှုမှာ ရန်ကုန်သို့ အိတ်ရေ ၃၀၅၀၀၊ မန္တလေးသို့ အိတ်ရေ ၃၃၀၀၀၊ နေပြည်တော်သို့ အိတ်ရေ ၄၅၀၀၊ ရှမ်း (တောင်)သို့ အိတ်ရေ ၂၈၀၀၊ မွန်သို့ အိတ်ရေ ၆၀၈၀၊ ကချင်သို့ အိတ်‌ရေ ၉၅၃၅ ပခုက္ကူသို့ အိတ်ရေ ၃၀၀၀  စုစုပေါင်းအိတ်ရေ (၈၉၄၁၅)  အိတ်၊ တန်အားဖြင့် (၄၄၇၀)တန်စီးထွက်ခဲ့ပြီး ယခုဧပြီလ  (ပထမပတ်) တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့  ဆန်စီးထွက်မှုမှာ ရန်ကုန်သို့ အိတ်ရေ ၂၆၀၀၀၊ မန္တလေးသို့ အိတ်ရေ ၃၂၅၀၀၊ နေပြည်တော်သို့ အိတ်ရေ ၅၅၀၀၊ ရှမ်း (တောင်)သို့ အိတ်ရေ ၂၅၀၀၊ မွန်သို့ အိတ်ရေ ၃၁၀၀၊ ကချင်သို့ အိတ်‌ရေ ၅၂၁၀၊ ပခုက္ကူသို့ အိတ်ရေ ၃၀၀၀၊ ချင်းသို့ အိတ်ရေ ၁၂၀၀  စုစုပေါင်းအိတ်ရေ (၇၉၀၁၀)  အိတ်၊ တန်အားဖြင့် (၃၉၅၀) တန်စီးထွက်ခဲ့သည့်အတွက်  ယခင်အပတ်နှင့်နှိုင်းယှဉ်လျှင် ယခုအပတ်တွင် အိတ်ရေ (၁၀၄၀၅) အိတ်၊ တန်အားဖြင့် ( ၅၂၀ ) တန်လျော့နည်းစီးထွက်ခဲ့ကြောင်းသိရှိရပါသည်။

DOCA(စစ်ကိုင်း)

        မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့ပေါ်တွင် အစေ့လွတ်နှင့် အစေ့ပါ မန်ကျည်းသီးမှည့်များ ဝင်ရောက်အရောင်းအဝယ်ဖြစ်လျက်ရှိပြီး အဓိကအားဖြင့် ယောနယ်ဒေသများနှင့် ကျောက်ပန်းတောင်းမြို့၊ ဆိပ်ဖြူမြို့၊ မြိုင်၊ ကမ္မနှင့် မြစ်ခြေမြို့များမှထွက်ရှိ၍ နေ့စဉ်ဝင်ရောက်အရောင်းအဝယ်ဖြစ်လျက်ရှိပါသည်။

   ၂၀၂၄ခုနှစ်၊ မတ်လ (စတုတ္ထပတ်) တွင် မန်ကျည်းသီးမှည့်ဈေးနှုန်းများမှာ မန်ကျည်းသီးအစေ့ပါ တစ်ပိဿာလျှင် ကျပ်(၂၅၂၀)၊ မန်ကျည်းသီးအစေ့မပါ တစ်ပိဿာလျှင် ကျပ်(၄၀၀၀-၄၂၀၀)ရှိကြောင်းသိရှိရပြီး ယခင်မတ်လ(တတိယပတ်)ထက် ဈေးနှုန်းအနည်းငယ်ကျဆင်း၍ အရောင်းအဝယ်ဖြစ်လျက်ရှိပြီး မန်ကျည်းသီးမှည့်များ လှိုင်လှိုင်ဝင်ရောက်လျက်ရှိကြောင်း၊ အစေ့ပါနှင့် အစေ့လွတ်မန်ကျည်းသားများကို ပခုက္ကူမြို့ပေါ်ရှိ စားသောက်ကုန်လုပ်ငန်းရှင်နှင့် လှောင်လက်သမားများကဝယ်ယူကြောင်း၊ အကြော်ဆိုင်၊ အကင်ဆိုင်များက မန်ကျည်းသီးအချဉ်ရည်များပြုလုပ်ရန်အတွက်ဝယ်ယူခြင်း၊ မန်ကျည်းဖျော်ရည်လုပ်ငန်းများနှင့် မန်ကျည်းတော်ဖီလုပ်ငန်းရှင်များကလည်း အများအပြားဝယ်ယူသည့်အပြင် ရန်ကုန်မြို့နှင့် မန္တလေးမြို့များသို့လည်း တင်ပို့လျက်ရှိကြောင်းသိရှိရပါသည်။

DOCA(မကွေး)