ပြည်တွင်းကုန်သွယ်မှုသတင်း

    မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့မဈေးအတွင်းရှိ အခြေခံစားသောက်ကုန်များရောင်းချလျက်ရှိသော အရောင်းဆိုင်များတွင် နေ့စဉ်နှင့်အမျှ ကုန်စိမ်းဟင်းသီးဟင်းရွက်များအပြင် အခြေခံစားသောက်ကုန်တစ်မျိုးဖြစ်သော ခေါက်ဆွဲခြောက်ထုပ်များလည်း  အရောင်းအဝယ်သွက်လျက်ရှိကြောင်း၊ ရွှေဒင်္ဂါး (အဝါရောင်)ခေါက်ဆွဲခြောက်နှင့် စွမ်းထက်(အဖြူရောင်) ခေါက်ဆွဲခြောက်များလည်းဝင်ရောက်လျက်ရှိကြောင်း ပခုက္ကူမြို့မဈေးအတွင်းရှိ ရောင်းဝယ်ရေးလုပ်ငန်းရှင်တစ်ဦးထံမှသိရှိရပါသည်။

     ခေါက်ဆွဲခြောက်ဈေးကွက်အနေဖြင့် ၂၀၂၄ခုနှစ်၊ မတ်လ(ဒုတိယပတ်)တွင်  ရွှေဒင်္ဂါး (အဝါရောင်) (၂၅)စည်းပါ တစ်ထုပ်လျှင် ကျပ်(၁၄၅၀၀)၊ တစ်စည်းလျှင် ကျပ်(၆၀၀)၊ စွမ်းထက်(အဖြူရောင်) ခေါက်ဆွဲခြောက် (၅၀)ကျပ်သားတစ်စည်းလျှင် ကျပ်(၃၀၀၀)၊ (၂၅)ကျပ်သားတစ်စည်းလျှင် ကျပ်(၁၅၀၀)၊ (၂၀) ကျပ်သားတစ်စည်းလျှင် ကျပ်(၁၃၀၀)၊ ခေါက်ဆွဲစက်ကျ အကျိုးတစ်ပိဿာထုပ်တစ်စည်းလျှင် ကျပ်(၄၀၀၀)၊ (၁၀)ကျပ်သားတစ်စည်းလျှင် ကျပ်(၄၀၀)စသည့်ဈေးနှုန်းအသီးသီးဖြင့် အရောင်းအဝယ်ဖြစ်နေကြောင်း၊ ယခင်ဖေဖော်ဝါရီလ(ဒုတိယပတ်)တွင် ရွှေဒင်္ဂါး(အဝါရောင်)(၂၅)စည်းပါ တစ်ထုပ်လျှင် ကျပ်(၁၄၀၀၀)၊ တစ်စည်းလျှင် ကျပ် (၅၅၀)၊ စွမ်းထက်(အဖြူရောင်)ခေါက်ဆွဲခြောက် (၅၀)ကျပ်သားတစ်စည်းလျှင် ကျပ်(၂၇၀၀)၊ (၂၅) ကျပ်သားတစ်စည်းလျှင် ကျပ်(၁၃၀၀)၊ (၂၀)ကျပ်သားတစ်စည်းလျှင် ကျပ်(၁၂၀၀)၊ ခေါက်ဆွဲစက်ကျ အကျိုးတစ်ပိဿာထုပ်တစ်စည်းလျှင် ကျပ်(၃၅၀၀)၊ (၁၀)ကျပ်သားတစ်စည်းလျှင် ကျပ်(၃၅၀) ဈေးနှုန်းဖြင့် အရောင်းအဝယ်ဖြစ်ခဲ့၍ ယခုမတ်လ(ဒုတိယပတ်)တွင် ဈေးနှုန်းအနည်းငယ်မြင့်တက်၍ အရောင်းအဝယ်ဖြစ်နေကြောင်းသိရှိရသည်။

    ခေါက်ဆွဲခြောက်များမှာ မုံရွာမြို့မှ နေ့စဉ်ဝင်ရောက်လျက်ရှိကြောင်း၊ စားသုံးသူများအနေဖြင့် ဈေးနှုန်းချိုသာ၍  အလွယ်တကူစားသုံးနိုင်သည့်အတွက် ဝယ်ယူစားသုံးမှုများကြောင်း၊ စားသောက်ကုန်စီးပွားရေးလုပ်ငန်းရှင်များ၊ အသုပ်ဆိုင်များ၊ ကျောင်းဈေးတန်းရောင်းချသူဈေးသည်များအပြင် ပခုက္ကူကျွန်းကျေးရွာများမှ ဒေသခံများ၊ အခြေခံလူတန်းစားများအနေဖြင့်လည်း ဈေးနှုန်းသင့်တင့်မျှတမှုရှိခြင်းကြောင့် တစ်ရက်လျှင် ပိဿာ(၅၀-၇၀)၊ တစ်လလျှင် ပျမ်းမျှပိဿာ (၁၀၀၀)ခန့်အရောင်းအဝယ်ဖြစ်လျက်ရှိကြောင်း ပခုက္ကူမြို့မဈေးအတွင်းရှိ ဈေးသည်တစ်ဦးထံမှ သိရှိရပါသည်။

DOCA(မကွေး)

     မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူကုန်စည်ဒိုင်ကြက်သွန်နီဈေးကွက်သို့ မတ်လ (ဒုတိယပတ်) တွင် နွေကြက်သွန်နီ(ပင်စိုက်)အသစ်များ တစ်ရက်လျှင် ကုန်ချိန်(၁)သိန်းမှ (၂)သိန်းအထိ ဒေသတွင်း ကြက်သွန်နီအများဆုံးစိုက်ပျိုးသော ဆိပ်ဖြူမြို့၊ ရွာသစ်ရပ်ကွက်၊ ကိုးတောင့်အုပ်နှင့် ကံတွင်း၊ ရေပုတ်ကျေးရွာများမှ အများဆုံးဝင်ရောက်မှုရှိပြီး တစ်ပတ်အတွင်း ကုန်ချိန်ပိဿာ(၆)သိန်းခန့်ဝင်ရောက်လျက်ရှိကြောင်း ဈေးကွက်မှသိရှိရသည်။

      ကြက်သွန်နီဈေးကွက်အနေဖြင့် ၂၀၂၄ခုနှစ်၊ မတ်လ(ဒုတိယပတ်)တွင် ဈေးနှုန်းအနည်းငယ်ကျဆင်းလျက် အရောင်းအဝယ်ဖြစ်လျက်ရှိသည်။ နွေကြက်သွန်နီ(ပင်စိုက်)(ဂျွန်)တစ်ပိဿာလျှင် အမြင့်ဈေး (ထိပ်စရှယ်) ကျပ်(၂၂၅၀)၊ အလတ်စဈေး ကျပ်(၂၁၅၀)၊ အသေးစ ကျပ်(၁၆၅၀) ဈေးနှုန်းအသီးသီးဖြင့် အရောင်းအဝယ်ဖြစ်ခဲ့ပြီး ယခင်မတ်လ(ပထမပတ်)တွင် ထိပ်စအမြင့်ဈေး ကျပ်(၂၅၇၅)၊ အလတ်စ ကျပ်(၂၃၇၅)၊ အသေးစ ကျပ်(၁၈၀၀)ဖြင့် အရောင်းအဝယ်ဖြစ်ခဲ့ပါသည်။

      ယခင်မတ်လ(ပထမပတ်)ဈေးနှုန်းများနှင့်နှိုင်းယှဉ်ရမည်ဆိုလျှင် ယခုမတ်လ(ဒုတိယပတ်)တွင် အမြင့်ဈေး(ထိပ်စ) ကျပ်(၃၂၅)၊ အလတ်စ ကျပ်(၂၂၅)၊ အသေးစ ကျပ်(၁၅၀) စသည်ဖြင့်ဈေးနှုန်းအသီးသီးကျဆင်းသွားကြောင်း၊ ဈေးအနည်းငယ်ကျဆင်းရခြင်းမှာ ကြက်သွန်နီဈေးကွက်သို့ ကုန်ချိန်ဝင်ရောက်မှုများခြင်းနှင့် ပြည်ပဝယ်လိုအားဈေးကွက်နည်းခြင်းကြောင့် ဈေးနှုန်းကျဆင်းသွားရခြင်းဖြစ်ကြောင်းသိရှိရပါသည်။

        ဆိပ်ဖြူမြို့မှ ကြက်သွန်နီများကို မတ်လ(ဒုတိယပတ်)တွင် ရန်ကုန်ဘုရင့်နောင်ပွဲရုံသို့ မော်တော်ယာဉ်(၂၆)စီး၊ မြဝတီမြို့သို့ တွဲကား(၂၁)စီး၊ ပြည်မြို့သို့ (၆)ဘီး (၅)စီး၊ ပုသိမ်မြို့သို့  (၆)ဘီး (၄)စီး၊ စုစုပေါင်းကုန်ချိန်ပိဿာ(၆)သိန်းခန့်၊ တန်ချိန်အားဖြင့် တန်(၉၈၀)ခန့် မော်တော်ယာဉ်များဖြင့် ကုန်စည်စီးဆင်းခဲ့ကြောင်း ကြက်သွန်နီကုန်စည်ဒိုင်ဈေးကွက်မှသိရှိရပါသည်။

DOCA(မကွေး)

    မကွေးတိုင်းဒေသကြီး၊ ပခုက္ကူခရိုင်အတွင်းရှိ ဆိပ်ဖြူမြို့နယ်သည် စိုက်ပျိုးရေးကိုအခြေပြု၍ စီးပွားဖြစ် နှစ်စဉ်သီးနှံမျိုးစုံစိုက်ပျိုးလျက်ရှိရာ ကုလားပဲသီးနှံကို ဒုတိယအများဆုံး စိုက်ပျိုးလျက်ရှိသည်။ ဆိပ်ဖြူမြို့အနောက်ပိုင်း၊ ရွာသစ်ရပ်ကွက်နှင့် ကိုးထောင့်၊ အောက်ဆိပ်၊ ချင်တောင်၊ မြင်ကဝ၊ ဂွေးပင်၊ ကူရှည်၊ အလယ်စု/ရွာမ၊ လိပ်ခြံအုပ်စုအတွင်းရှိ ကျေးရွာများတွင် ဆောင်းသီးနှံကုလားပဲကို မြစ်ရေဝင်ကိုင်းကျွန်းမြေများ၊ ကြက်သွန်ခင်းကျွတ်များ၊ လယ်ကွဲမြေ စပါးခင်းကျွတ်များတွင် နှစ်စဉ်စိုက်ဧက(၃၀၀၀)ခန့်စိုက်ပျိုးပြီး ထိုင်ဝမ်ကုလားပဲလုံးကြီး(အဖြူ)မျိုးကို အများဆုံးစိုက်ပျိုးကြောင်း၊ ကုလားပဲသီးနှံစိုက်ပျိုးရာတွင် လွယ်ကူပြီး ကုန်ကျစရိတ်နည်း၍ အထွက်နှုန်းကောင်းမွန်ခြင်းအပြင် ဈေးကွက်ခိုင်မာမှုရှိ၍ ယခုဘဏ္ဍာနှစ်(၂၀၂၃-၂၀၂၄)တွင် စိုက်ဧက(၄၀၀၀)ခန့်ထိတိုးချဲ့၍ စိုက်ပျိုးထားရှိကြောင်း၊ အောက်တိုဘာလကုန် နိုဝင်ဘာလထိစိုက်ပျိုးပြီး ဖေဖော်ဝါရီလကုန် မတ်လထိ သီးနှံရိတ်သိမ်းကြောင်း၊ မြေအောက်ရေအပြင် ရေဖြန်းစနစ်ဖြင့် စိုက်ပျိုးကြောင်းသိရှိရပါသည်။

    ကုလားပဲသီးနှံတစ်ဧကစိုက်ပျိုးလျှင် အထွက်တင်း(၂၀-၂၂)ထိထွက်ရှိပြီး တစ်ဧကကုန်ကျစရိတ်မှာ ကျပ်(၆၀၀၀၀၀)ကုန်ကျကြောင်း၊ ယခုနှစ် သီးနှံပေါ်ချိန်၌ ဒေသတွင်းကုလားပဲဈေးကွက်တွင် တစ်တင်းလျှင် ကျပ်(၈၂၀၀၀)ဖြင့်ရောင်းချရ၍ ဝင်ငွေမှာ ကျပ်(၁၆၄၀၀၀၀)ရရှိပြီး အကျိုးအမြတ်အနေဖြင့် ကျပ်(၁၀၄၀၀၀၀)ခန့်ရရှိကြောင်း  ဒေသခံစိုက်တောင်သူထံမှ သိရှိရပါသည်။

  ကုလားပဲဈေးကွက်အနေဖြင့် သီးနှံပေါ်စမှ ရာသီကုန်ချိန်ထိ ဈေးကွက်ခိုင်မာမှုရှိ၍ တောင်သူများအကျိုးအမြတ်ရရှိလျက်ရှိသည်။ ဈေးနှုန်းဈေးကွက်အနေဖြင့် ကုလားပဲလုံးကြီး(အဖြူ)တစ်တင်းလျှင် အမြင့်ဈေးမှာ (၂၀၂၁)ခုနှစ်တွင် ကျပ်(၃၆၀၀၀)၊ (၂၀၂၂)ခုနှစ်တွင် ကျပ်(၇၂၀၀၀)၊ (၂၀၂၃)ခုနှစ်တွင် ကျပ်(၉၀၅၀၀)၊ (၂၀၂၄)ခုနှစ်တွင် သီးနှံပေါ်စ ဖေဖော်ဝါရီလလယ်တွင် ကျပ်(၈၈၀၀၀)ပေါက်ဈေးရှိပြီး ပြည်တွင်းဝယ်လိုအားဈေးကွက်နည်း၍ တစ်တင်းလျှင် ကျပ်(၇၈၀၀၀)ထိကျဆင်းသွားပြီး မတ်လ (ဒုတိယပတ်)တွင် လှောင်လက်သမားများ အဝယ်လိုက်လာ၍ ကုလားပဲအုပ်စုအနည်းငယ်ဈေးတက်လာပြီး တစ်တင်းလျှင် ကျပ်(၈၂၀၀၀)ထိဈေးနှုန်းမြင့်တက်လာကြောင်း၊ ယခုနှစ်တွင် ကုလားပဲဈေးကွက်အနည်းငယ်ကျဆင်းသော်လည်း အထွက်နှုန်းကောင်း၍ စိုက်တောင်သူများ အကျိုးအမြတ်ရရှိနေကြောင်းသိရှိရပါသည်။

      မြန်မာနိုင်ငံတွင် ကုလားပဲသီးနှံကို တစ်နှစ်လျှင် ဆောင်းတစ်ရာသီသာစိုက်ပျိုးပြီး ပြည်တွင်းသုံးသီးနှံဖြစ်၍ ကုလားပဲကုန်ကြမ်းမှ တန်ဖိုးမြင့်ထုတ်ကုန်ဖြစ်သော ကုလားပဲခြမ်း၊ ကုလားပဲမှုန့်အစိမ်း/ အကျက်၊ ဘရာကျော်မှုန့်ထုတ်ကုန်အမျိုးမျိုးကို ပြည်တွင်းစားသောက်ကုန်စီးပွားရေးလုပ်ငန်းရှင်များက ထုတ်လုပ်ဖြန့်ဖြူးရောင်းချခြင်းဖြင့် ပြည်တွင်း SMEs အသေးစားစက်မှုလုပ်ငန်းများဖွံ့ဖြိုးတိုးတက်ခြင်းအပြင် ပြည်တွင်းစားသုံးမှုပိုမိုမြင့်မားလာ၍ ကုလားပဲဈေးနှုန်းဈေးကွက်ခိုင်မာမှုရှိခြင်းကြောင့် စိုက်တောင်သူများအနေဖြင့် နှစ်စဉ်မပြတ်တိုးချဲ့စိုက်ပျိုးလျက်ရှိကြောင်းသိရှိရပါသည်။

DOCA(မကွေး)

       ၂၀၂၄ ခုနှစ်၊ မတ်လတတိယပတ်တွင် မွန်ပြည်နယ်၊ မော်လမြိုင်မြို့ရှိ ငါးဒိုင်တွင် အရောင်းအဝယ် ဖြစ်လျက်ရှိသော ငါးဈေးနှုန်းများမှာ ငါးတန်တစ်ပိဿာလျှင် ကျပ် ၃၈၀၀၊ ငါးခုံးမ တစ်ပိဿာလျှင် ကျပ် ၃၃၀၀၊ ငါးကြင်း တစ်ပိဿာလျှင် ကျပ် ၄၅၀၀၊ ငါးကြင်းဖြူ(ဗိုက်ခွဲ) တစ်ပိဿာလျှင် ကျပ် ၁၂၅၀၀၊ ပါကူး တစ်ပိဿာလျှင် ကျပ် ၄၀၀၀၊ တီလားပီးယား တစ်ပိဿာလျှင် ကျပ် ၈၄၀၀၊ ပလာတူး တစ်ပိဿာလျှင် ကျပ် ၃၀၀၀၊ ပလာလန်း တစ်ပိဿာလျှင် ကျပ် ၅၆၀၀၊ ရွှေငါး တစ်ပိဿာလျှင် ကျပ် ၃၄၀၀၊ ငါးနှပ် တစ်ပိဿာလျှင် ကျပ် ၂၅၀၀၊ ငါးမုတ်မဲ တစ်ပိဿာလျှင် ကျပ် ၅၈၀၀၊ ငါးကွမ်းရှပ် တစ်ပိဿာလျှင် ကျပ် ၁၁၅၀၀၊ ငါးရွှေကြီး တစ်ပိဿာလျှင် ကျပ် ၁၂၀၀၀၊ ငါးပျက် တစ်ပိဿာလျှင် ကျပ် ၅၀၀၀၊ ငါးပူတင်း တစ်ပိဿာလျှင် ကျပ်  ၅၂၀၀၊ ငါးပုဏ္ဏားထီး တစ်ပိဿာလျှင် ကျပ် ၈၅၀၀၊ ငါးပုဏ္ဏားဥ တစ်ပိဿာလျှင် ကျပ် ၁၆၈၀၀ ဖြင့် အရောင်းအဝယ်ဖြစ်လျက်ရှိသည်။ ယခင်အပတ် ဈေးနှုန်းများနှင့် နှိုင်းယှဉ်လျှင် ငါးဈေးနှုန်းများအနည်းငယ်မြင့်တက်လျက်ရှိကြောင်း ငါးဒိုင်များမှ သိရှိရပါသည်။ 

DOCA(မွန်)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူ မြို့နယ်တာဝန်ခံရုံးအနေဖြင့် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ် ငန်းများဖြင့် နိုင်ငံ့စီးပွားရေးဖွံ့ဖြိုးတိုးတက်ရန်”ဆိုသည့် ဌာန၏ မျှော်မှန်းချက်တာဝန်ကိုလည်း အကောင်အထည်ဖော်ဆောင်ရွက်လျက်ရှိရာ ကန့်ဘလူမြို့၊ မြို့မဈေးတွင် ငါးမျိုးစုံရောင်းချလျက် ရှိပြီး မတ်လတတိယပတ်အတွင်းဖြစ်ပေါ်နေသော ငါးလက်လီဈေးနှုန်းများမှာ ငါးရံ့အကောင် လိုက်တစ်ပိဿာလျှင် (၁၂၀၀၀)ကျပ်၊ တီလားဗီးယားအကောင်သေးတစ်ပိဿာလျှင် (၆၀၀၀) ကျပ်၊ တီလားဗီးယားအကောင်ကြီးတစ်ပိဿာလျှင် (၈၀၀၀)ကျပ်၊ ငါးကြင်းတစ်ပိဿာလျှင် (၉၅၀၀)ကျပ်၊ ငါးဖယ်တစ်ပိဿာလျှင် (၁၂၀၀၀)ကျပ်၊ ငါးမုတ်တစ်ပိဿာလျှင် (၆၅၀၀)ကျပ်၊ ငါးမြင်းတစ်ပိဿာလျှင် (၆၅၀၀)ကျပ်၊ ငါးဘတ်တစ်ပိဿာလျှင် (၂၀၀၀၀)ကျပ်၊ ငါးဂျောင်းတစ် ပိဿာလျှင် (၁၂၀၀၀)ကျပ်၊ ငါးအုံတုံတစ်ပိဿာလျှင် (၁၁၀၀၀)ကျပ်၊ ငါးအုံတုံခုတ်သားတစ်ပိ ဿာလျှင်  (၁၈၀၀၀)ကျပ်၊ ငါးမြင်းခုတ်သားတစ်ပိဿာလျှင် (၁၀၀၀၀)ကျပ်၊ ငါးကြင်းခုတ်သား တစ်ပိဿာလျှင် (၁၆၀၀၀)ကျပ်၊ ငါးဖယ်ခြစ်တစ်ပိဿာလျှင် (၂၀၀၀၀)ကျပ်၊  ပုစွန်ထုပ်တစ်ပိ ဿာလျှင် (၄၀၀၀၀)ကျပ်ဖြင့် အရောင်းအဝယ်ဖြစ်လျက်ရှိပါသည်။

         ငါးဈေးနှုန်းများအား မတ်လ ဒုတိယပတ်နှင့်နှိုင်းယှဉ်ပါက ငါးဖယ်တစ်ပိဿာလျှင် (၄၀၀၀)ကျပ်၊ ငါးဘတ်တစ်ပိဿာလျှင် (၁၀၀၀)ကျပ်၊ ငါးအုံတုံတစ်ပိဿာလျှင် (၁၀၀၀)ကျပ်၊ ငါးဖယ်ခြစ်တစ်ပိဿာလျှင် (၂၀၀၀)ကျပ် ဈေးနှုန်းမြင့်တက်ပြီး ကျန်ငါးဈေးနှုန်းများမှာ ပုံမှန်အ တိုင်းအရောင်းအဝယ်ဖြစ်လျက်ရှိကြောင်း ကန့်ဘလူမြို့မဈေးအတွင်း ရောင်းချလျက်ရှိသော ငါးဒိုင်များမှ သတင်းရရှိပါသည်။

DOCA(စစ်ကိုင်း)