ပြည်တွင်းကုန်သွယ်မှုသတင်း

   စီးပွား‌‌ရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးလုပ်ငန်းများအပြင် အခြေခံစားသောက်ကုန်ဈေးနှုန်းများကို အပတ်စဉ် မေးမြန်းတင်ပြလျက်ရှိရာ ၂၀၂၃ခုနှစ်၊ ဒီဇင်ဘာလ ဒုတိယပတ်တွင် ရွှေဘိုမြို့၌ စားသုံးဆီဈေးနှုန်းများအနည်းငယ်ကျဆင်းလျက်ရှိကြောင်း စားသုံးဆီအရောင်းဆိုင်များမှသိရှိရပါသည်။

     ရွှေဘိုမြို့ပေါ်တွင် စားသုံးဆီ လက်လီ/လက်ကားရောင်းချသောဆိုင် (၁၂)ဆိုင်ရှိပြီး ဒီဇင်ဘာလ ပထမပတ်တွင် စားအုန်းဆီတစ်ပိဿာလျှင် (၅၁၀၀)ကျပ်၊ ပဲဆီသန့်တစ်ပိဿာလျှင် (၁၃၀၀၀)ကျပ်၊ နှမ်းဆီသန့်တစ်ပိဿာလျှင် (၁၃၀၀၀)ကျပ်ဖြင့် အရောင်းအဝယ်ဖြစ်ခဲ့ပြီး ယခုဒီဇင်ဘာလ ဒုတိယပတ်တွင် စားအုန်းဆီတစ်ပိဿာလျှင် (၅၄၀၀) ကျပ်၊ ပဲဆီသန့်တစ်ပိဿာလျှင် (၁၃၀၀၀)ကျပ်၊ နှမ်းဆီသန့်တစ်ပိဿာလျှင် (၁၃၀၀၀)ကျပ်ဖြင့် အရောင်းအဝယ်ဖြစ်နေသောကြောင့် စားသုံးဆီတစ်ပိဿာဈေးနှုန်းတို့ကိုနှိုင်းယှည်ကြည့်ပါက ပဲဆီသန့်နှင့် နှမ်းဆီသန့်ဈေးနှုန်းတို့မှာ   ယခင်အပတ်နည်းတူ ဈေးနှုန်းတည်ငြိမ်လျက်ရှိပြီး စားအုန်းဆီဈေးနှုန်းမှာ  တစ်ပိဿာလျှင် (၃၀၀)ကျပ်ဈေးနှုန်းအနည်းငယ်မြင့်တက်လျက်ရှိကြောင်း စားသုံးဆီ လက်ကားအရောင်းဆိုင်များမှ သတင်းရရှိပါသည်။

DOCA(စစ်ကိုင်း)

    ပဲခူးတိုင်းဒေသကြီး၊ သာယာဝတီခရိုင်၊  မင်းလှမြို့နယ်ရှိ မြို့မဈေးကြီးအတွင်း နေ့စဉ်ရောင်းချလျက်ရှိသော ကြက်ဥနှင့်ဘဲဥဈေးနှုန်းများမှာ ၂၀၂၃ခုနှစ်၊ နိုဝင်ဘာလ ဒုတိယပတ်အတွင်း၌ ကြက်ဥအကြီးတစ်လုံးလျှင် ၂၆၀ကျပ်၊ ကြက်ဥအလတ်တစ်လုံးလျှင် ၂၅၀ကျပ်၊ ကြက်ဥအသေးတစ်လုံးလျှင် ၂၂၀ကျပ်ဈေနှုန်တို့းဖြင့် အသီးသီးရောင်းချလျက်ရှိရာ ယခုဒီဇင်ဘာလ ဒုတိယပတ်၌ ကြက်ဥအကြီးတစ်လုံးလျှင် ၂၅၀ကျပ်၊ ကြက်ဥအလတ်တစ်လုံးလျှင် ၂၂၀ကျပ်၊ ကြက်ဥအသေးတစ်လုံးလျှင် ၂၀၀ကျပ်ဈေးနှုန်းရှိနေသဖြင့် ဈေးနှုန်းအနည်းငယ်ကျဆင်းလာခဲ့ပါသည်။

       ဘဲဥဈေးနှုန်းအနေဖြင့်လည်း နိုဝင်ဘာလ ဒုတိယပတ်၌ ဘဲဥအကြီးတစ်လုံးလျှင် ၃၇၀ကျပ်၊ ဘဲဥအလတ်တစ်လုံးလျှင် ၃၅၀ကျပ်၊ ဘဲဥအသေးတစ်လုံးလျှင် ၃၂၀ကျပ်ဈေးနှုန်းအသီးသီးတို့ဖြင့်ရောင်းချလျက်ရှိပြီး  ဒီဇင်ဘာလ ဒုတိယပတ်၌ ဘဲဥအကြီးတစ်လုံးလျှင် ၃၅၀ကျပ်၊ ဘဲဥအလတ်တစ်လုံးလျှင် ၃၂၀ကျပ်၊ ဘဲဥအသေးတစ်လုံးလျှင် ၃၀၀ကျပ်ဈေးနှုန်းတို့ဖြင့် အသီးသီးရောင်းချလျက်ရှိရာ ဘဲဥဈေးနှုန်းများလည်းအနည်းငယ်ကျဆင်းသွားကြောင်း ဈေးကွက်အတွင်းမှသိရှိရပါသည်။

DOCA(ပဲခူး)

     တောင်ငူမြို့တွင် ဥစားကြက်မွေးမြူရေးခြံများ၊ ဘဲမွေးမြူရေးခြံများမှ ကြက်ဥ၊ ဘဲဥများရောင်းရသကဲ့သို့ တောင်ကြီး၊ ပြင်ဦးလွင်ဒေသများမှလည်း ကြက်ဥများဝင်ရောက်လျက်ရှိပါသည်။ ကြက်ဥမှာ တစ်လုံးလျှင် အသေး ၂၄၀ကျပ်၊ အလတ် ၂၆၀ကျပ်နှင့် အကြီး ၂၈၀ကျပ်ဖြင့် ယခင်လဝက်ခန့်အတိုင်း ဈေးနှုန်းတည်ငြိမ်နေပါသည်။

      ဘဲဥမှာ ယခင်နိုဝင်ဘာလ လဝက်ခန့်တွင် တစ်လုံးလျှင် အသေး ၂၆၀ကျပ်၊ အလတ် ၂၈၀ကျပ်နှင့် အကြီး ၃၀၀ကျပ်ရှိခဲ့ရာမှ ယခုဒီဇင်ဘာလ လဝက်တွင် အသေး ၂၈၀ကျပ်၊ အလတ် ၃၀၀ကျပ်နှင့် အကြီး ၃၂၀ကျပ်ဖြင့် ဈေးနှုန်းအနည်းငယ်မြင့်တက်လာခဲ့ပါသည်။

       ကြက်ဥ၊ ဘဲဥများမှာ အလွယ်တကူချက်ပြုတ်နိုင်သည့် ဟင်းလျာတစ်မျိုးဖြစ်သည့်အပြင် အာဟာရဓာတ်လည်းကြွယ်ဝခြင်း၊ အသားငါးများထက် ဈေးနှုန်းချိုသာခြင်းတို့ကြောင့် ရောင်းအားကောင်းလျက်ရှိကြောင်းသိရပါသည်။

DOCA(ပဲခူး)

    ပဲခူးတိုင်းဒေသကြီးအစိုးရအဖွဲ့၏ လမ်းညွှန်ချက်အရ တောင်ငူမြို့၊ ဘုရင့်နောင်ဈေးအနီးတွင် ကိုယ်တိုင်စိုက်ပျိုးမွေးမြူထုတ်လုပ်သူများတိုက်ရိုက်အရောင်းဈေးဖွင့်လှစ်၍ သားငါးနှင့် ဟင်းသီးဟင်းရွက်များကို သင့်တင့်သောဈေးနှုန်းဖြင့် ရောင်းချပေးလျက်ရှိရာ မည်သူမဆို လွတ်လပ်စွာလာရောက်ဝယ်ယူနိုင်ပါသည်။

     ၂၀၂၃ခုနှစ်၊ ဒီဇင်ဘာလ ၁၄ရက်နေ့တွင် မွေးမြူရေးထုတ်ကုန်လုပ်ငန်းရှင်များက ကြက်သားတစ်ပိဿာလျှင် ၉၀၀၀ကျပ်မှ ၁၀၀၀၀ကျပ်၊ ဝက်သားတစ်ပိဿာလျှင် ၁၄၀၀၀ကျပ်မှ ၁၅၀၀၀ကျပ်ဖြင့် ရောင်းချပေးလျက်ရှိပါသည်။

        တစ်နိုင်တစ်ပိုင်စိုက်ပျိုးသူများက သစ်သီးဝလံနှင့် ဟင်းသီးဟင်းရွက်များကို ရောင်းချပေးလျက်ရှိရာ ကျောက်ဖရုံသီးတစ်လုံးလျှင် ၁၀၀၀ကျပ်၊ ဘူးသီးတစ်လုံးလျှင် ၈၀၀ကျပ်၊ ခရမ်းသီး တစ်ပိဿာလျှင် ၁၀၀၀ကျပ်၊ ခရမ်းချဉ်သီးတစ်ပိဿာလျှင် ၃၀၀၀ကျပ်၊ ကုလားအော်သီး ၁၀ကျပ်သားလျှင် ၅၀၀ကျပ်၊ နံနံပင် ၁၀ကျပ်သားလျှင် ၄၀၀ကျပ်၊ ဂေါ်ဖီပန်းပွင့်တစ်ပွင့်လျှင် ၇၀၀ကျပ်၊ သင်္ဘောသီးတစ်လုံးလျှင် ၅၀၀ကျပ်မှ ၆၀၀ကျပ်အထိဈေးနှုန်းတို့ဖြင့် ရောင်းချပေးပါသည်။

      ထို့အတူ ရုံးပတီသီး၊ ပဲသီး၊ ကြက်ဟင်းခါးသီး၊ ပဲစောင်းလျားသီး၊ မုံလာရွက်၊ ကန်စွန်းရွက်၊ ကင်မွန်းချဉ်ရွက် စသည့်ဟင်းသီးဟင်းရွက်များကိုလည်းရောင်းချပေးလျက်ရှိရာ စိုက်ခင်းများမှ တိုက်ရိုက်လာရောက်ရောင်းချခြင်းဖြစ်သဖြင့် လတ်ဆတ်သည့်အပြင် ဈေးနှုန်းလည်းချိုသာသောကြောင့် ဝယ်ယူအားပေးလျက်ရှိကြောင်းနှင့် တိုက်ရိုက်အရောင်းဈေးသို့ သက်ဆိုင်ရာဌာနဆိုင်ရာများကကြီးကြပ်၍ လိုအပ်သည်များကို ကူညီဆောင်ရွက်ပေးခဲ့ကြောင်းသိရပါသည်။

DOCA(ပဲခူး)

    တောင်ငူမြို့၊ ညောင်ပင်လေးဈေးရှိ ဟင်းသီးဟင်းရွက်ဈေး၌ ယခု၂၀၂၃ခုနှစ်၊ ဒီဇင်ဘာလ ဒုတိယပတ်တွင် ငရုတ်သီးစိမ်း (မိုးထောင်သီး)မှာ တစ်ပိဿာလျှင် ၃၀၀၀ကျပ်မှ ၃၅၀၀ကျပ်၊ ငရုတ်သီးစိမ်း(ကုလားအော်သီးမှာ)  တစ်ပိဿာလျှင် ၆၀၀၀ကျပ်မှ ၆၅၀၀ကျပ်ဖြင့် ဈေးနှုန်းအနည်းငယ်တက်နေပြီး ငရုပ်သီးစိမ်း (ကျောက်စိမ်း)မှာ တစ်ပိဿာလျှင် ၂၅၀၀ကျပ်မှ ၃၀၀၀ကျပ်ဖြင့် ဈေးနှုန်းတည်ငြိမ်နေပါသည်။     

     ခရမ်းသီး (အဖြူ)မှာ တစ်ပိဿာလျှင် ၁၃၀၀ကျပ်မှ ၁၆၀၀ကျပ်၊ ခရမ်းသီး(အညို)မှာ  တစ်ပိဿာလျှင်  ၁၆၀၀ကျပ်မှ ၁၈၀၀ကျပ်၊ ဒေသသခွားသီးမှာ တစ်ပိဿာလျှင် ၈၀၀ကျပ်မှ ၁၀၀၀ကျပ်၊ ရှမ်းပြည်သခွားသီးမှာ တစ်ပိဿာလျှင် ၁၀၀၀ကျပ်မှ ၁၂၀၀ကျပ်၊ ခရမ်းချဉ်သီး (ရှမ်းပြည်သီး)မှာ တစ်ပိဿာလျှင် ၁၈၀၀ကျပ်မှ ၂၀၀၀ကျပ်ဖြင့် ဈေးနှုန်းအနည်းငယ်မြင့်တက်ခဲ့ပြီး ခရမ်းချဉ်သီး (ဒေသသီး)မှာ တစ်ပိဿာလျှင် ၃၈၀၀ကျပ်မှ ၄၀၀၀ကျပ်အထိဈေးနှုန်းဖြင့် ဈေးနှုန်းတည်ငြိမ်နေပါသည်။

      ဂေါ်ဖီမှာ တစ်ပိဿာလျှင် ၈၀၀ကျပ်မှ ၁၀၀၀ကျပ်၊ နံနံပင်မှာ တစ်ဆယ်ကျပ်သားလျှင် ၅၀၀ကျပ်၊ မုံလာဥဖြူမှာ တစ်ပိဿာလျှင် ၂၀၀၀ကျပ်မှ ၂၂၀၀ကျပ်ဖြင့် ဈေးနှုန်းအနည်းငယ်ကျဆင်းခဲ့ပြီး မုံလာဥနီမှာ တစ်ပိဿာလျှင် ၂၅၀၀ကျပ်မှ ၄၀၀၀ကျပ်၊ မုံလာဥဖြူမှာ တစ်ပိဿာလျှင် ၂၂၀၀ကျပ်မှ ၂၅၀၀ကျပ်၊ တစ်ပိဿာလျှင် ၁၈၀၀ကျပ်မှ ၂၃၀၀ကျပ်ဖြင့် ဈေးနှုန်းတည်ငြိမ်နေပါသည်။

      ကန်စွန်းရွက်မှာ တစ်စည်လျှင် ၂၀၀ကျပ်၊ ၁၀စည်းယူလျှင် ၁၈၀၀ကျပ်၊ ချဉ်ပေါင်ရွက်မှာ တစ်စည်းလျှင် ၁၀၀ကျပ်၊ ၁၀စည်းယူလျှင် ၇၀၀ကျပ်၊ ကင်မွန်းချဉ်ရွက်မှာ တစ်စည်းလျှင် ၃၀၀ကျပ်၊ ၂စည်းယူလျှင် ၅၀၀ကျပ်ရှိကြောင်း ညောင်လေးပင်ဈေးမှသိရှိရပါသည်။

DOCA(ပဲခူး)