ပြည်တွင်းကုန်သွယ်မှုသတင်း

စစ်ကိုင်းတိုင်းဒေသကြီး၏ ဒီဇင်ဘာလ တတိယပတ်တွင် ဖြစ်ပေါ်နေသော  ဘိလပ်မြေ ဈေးနှုန်းများမှာ ကြံ့နှစ်ကောင် တံဆိပ်တစ်အိတ်လျှင် ကျပ် ၁၉၅၀၀၊ အပါချီ တံဆိပ်တစ်အိတ် လျှင် ကျပ် ၁၇၅၀၀၊ crown  တံဆိပ် တစ်အိတ်လျှင် ကျပ် ၁၃၀၀၀ ဈေးဖြင့် အရောင်း အဝယ်ဖြစ်လျက် ရှိကြောင်း သိရသည်။

ဒီဇင်ဘာလ တတိယပတ်တွင် ဓာတ်မြေသြဇာ ဈေးနှုန်းများမှာ အာမို ၁၀း၁၀း၅ (50Kg) ပါ  တစ်အိတ်လျှင် ကျပ် ၉၇၀၀၀၊ ရွှေကောမတ် ၂၀း၁၂း၁၂ (50Kg) ပါ တစ်အိတ်လျှင် ကျပ် ၁၃၈၀၀၀၊  ယူရီးယား ဓါတ်မြေသြဇာ (50Kg) ပါ  တစ်အိတ်လျှင် ကျပ် ၁၃၀၀၀၀၊ ပုလဲ ဓါတ်မြေသြဇာ(50Kg) ပါ တစ်အိတ်လျှင် ကျပ် ၁၁၅၀၀၀၊ ကောမစ် ကွန်ပေါင်း ၁၅း၁၅း၁၅ (50Kg) ပါ တစ်အိတ်လျှင် ကျပ် ၂၀၀၀၀၀၊ ပန်းဖူး(တရုတ်) (50Kg) ပါ တစ်အိတ်လျှင် ကျပ် ၁၃၅၀၀၀၊ မျှားကမ္ဘာ (50Kg) ပါ တစ်အိတ်လျှင် ကျပ် ၁၁၃၀၀၀၊ တီစူပါ (50Kg) ပါ တစ်အိတ်လျှင် ကျပ် ၉၈၀၀၀၊ နိုက်ထရိုဖောစကာ (50Kg) ပါ တစ်အိတ်လျှင် ကျပ် ၂၀၃၀၀၀၊ ပန်းဖူး (မြန်မာ့သြဘာ) (50Kg) ပါ တစ်အိတ်လျှင် ကျပ် ၁၃၀၀၀၀၊  အာမို ၁၅း၁၅း၁၅ (50Kg) ပါ တစ်အိတ်လျှင် ကျပ် ၁၉၂၅၀၀၊ ကျွဲနက် ၁၅း၁၅း၁၅ (50Kg) ပါ တစ်အိတ်လျှင် ကျပ် ၁၉၀၀၀၀၊ ဇာမဏီ (50Kg) ပါ  တစ်အိတ်လျှင် ကျပ် ၉၅၀၀၀ဖြင့်  အရောင်းအဝယ်ဖြစ်နေပြီး ယခင်အပတ် ဈေးနှုန်းနှင့်နှိုင်းယှဉ်ပါက ပန်းဖူး(တရုတ်)နှင့် ပုလဲတံဆိပ်ဓါတ်မြေသြဇာ(50Kg) ဈေးနှုန်းမှာ အနည်းငယ်မြင့်တက်ခဲ့ကြောင်း သိရှိရပါသည်။

          ယခု ဒီဇင်ဘာလ တတိယပတ်တွင် ဖြစ်ပေါ်နေသော ပိုးသတ်ဆေး ဈေးနှုန်း များမှာ အာမို စတား (100CC) တစ်ဘူးလျှင် ကျပ် ၆၅၀၀၊ ဘက်တား (250g)ပါ တစ်ထုပ်လျှင် ကျပ် ၃၀၀၀၀၊ ရွှေတောနစ်(500CC) တစ်ဘူးလျှင် ကျပ် ၁၈၀၀၀၊ မိုရယ်မုန်း (500CC) တစ်ဘူးလျှင် ကျပ် ၄၅၀၀၀၊ ဖို့စတင်း(1Liter) တစ်ဘူးလျှင် ကျပ် ၅၄၀၀၀၊ အစီဖိတ်(1kg) တစ်ဘူးလျှင် ကျပ် ၆၀၈၀၀၊ ရွှေစိုက်ပါ (1Liter) တစ်ဘူးလျှင် ကျပ် ၄၅၀၀၀၊ အီမာ (1Liter) တစ်ဘူးလျှင် ကျပ် ၅၈၅၀၀၊ သန်းဒါး (1Liter) တစ်ဘူးလျှင် ကျပ် ၇၆၀၀၀၊ ဒိုဇာ(100g) တစ်ဘူးလျှင် ကျပ် ၁၆၅၀၀၊ ထိသေ၊စားသေ (1Liter) တစ်ဘူးလျှင် ကျပ် ၁၃၀၀၀၊ ပင်လုံးပြန့်  (1Liter) တစ်ဘူးလျှင် ကျပ် ၇၅၀၀၀ ဈေးနှုန်းအသီးသီးဖြင့် အရောင်းအဝယ် ဖြစ်လျက် ရှိကြောင်း သိရသည်၊၊

DOCA(စစ်ကိုင်း)

          ရွှေဘိုမြို့တွင် ရောင်းချနေသည့် ကြက်ဉ၊ ဘဲဉ၊ ငုံးဉများကို မန္တလေးမြို့မှ သယ်ယူရောင်းချကြောင်း၊ ဈေးနှုန်းမြင့်တက်ရခြင်းမှာ ဒေသမှ မွေးမြူနိုင်ခြင်းမရှိဘဲ၊ အခြားဒေသမှသယ်ယူရသည့်အတွက် ဈေးနှုန်းမြင့်မားရကြောင်း၊ ဒီဇင်ဘာလ (တတိယ) ပတ်တွင်ဖြစ်ပေါ်နေသော ကြက်ဉ၊ ဘဲဉ၊ ငုံးဉဈေးနှုန်းမှာ အရွယ်အစားပေါ်မူတည်၍ ကြက်ဉ(၁)လုံးလျှင် (၄၂ဝိ/-)ကျပ်မှ (၄၅ဝိ/-)ကျပ်ထိ ဈေးနှုန်းဖြင့်ရောင်းချကြောင်း၊ ဘဲဉ ဈေးနှုန်းမှာ (၁)လုံးလျှင် (၆၀ဝိ/-)ကျပ်၊ ငုံးဉဈေးနှုန်းမှာ (၁)လုံးလျှင် (၁၀ဝိ/-)ကျပ်ဖြင့်  အရောင်းအဝယ်ဖြစ်လျက်ရှိကြောင်း သတင်းရရှိပါသည်။

DOCA(စစ်ကိုင်း)

    ၂၀၂၄ ခုနှစ်၊ ဒီဇင်ဘာလ ဒုတိယအပတ်တွင် ရှမ်းပြည်နယ်(အရှေ့ပိုင်း)၊ ကျိုင်းတုံမြို့ရှိ အခြေခံစားသောက်ကုန်ဈေးနှုန်းများဖြစ်သော ရွှေဘိုပေါ်ဆန်းမွှေး တစ်ပြည် ၈၅၀၀ ကျပ်၊ ဧည့်မထဆန် တစ်ပြည် ၅၅၀၀ ကျပ်ဖြင့်ရောင်းဝယ်လျက်ရှိပါသည်။ စားဖိုဆောင်စားသောက်ကုန်ဈေးနှုန်းများအနေဖြင့် ကြက်သွန်နီ တစ်ပိဿာ ၅၅၀၀ ကျပ်၊ ကြက်သွန်ဖြူ(ကြူကုတ်) တစ်ပိဿာ ၁၈၀၀၀ ကျပ် ၊ (ရှမ်းစ)တစ်ပိဿာ ၂၀၀၀၀ ကျပ်၊ ငရုပ်ခြောက်(ရှည်) တစ်ပိဿာ ၁၉၀၀၀ ကျပ်၊ ခရမ်းချဉ်သီး တစ်ပိဿာ ၅၅၀၀ ကျပ် အာလူး တစ်ပိဿာ ၆၀၀၀ ကျပ်၊ မန်ကျည်းသီးမှည့် တစ်ပိဿာ ၉၀၀၀ ကျပ်နှင့်ချင်း တစ်ပိဿာ ၆၅၀၀ ကျပ် စသဖြင့် ရောင်းဝယ်လျက်ရှိပါသည်။

   ကျိုင်းတုံမြို့တွင် ဒီဇင်ဘာလ ဒုတိယအပတ်၌ စားသုံးဆီဈေးနှုန်းများအနေဖြင့် စားအုန်းဆီ တစ်ပိဿာ ၁၃၅၀၀ ကျပ်၊ ပဲဆီ(ရိုးရိုး) တစ်ပိဿာ ၂၂၀၀၀ ကျပ်၊ ကြက်ဥဈေးမှာ တစ်လုံး ၅၀၀ ကျပ် နှင့် ဘဲဥ တစ်လုံး ၈၀၀ ကျပ်ဖြင့် ရောင်းဝယ်လျက်ရှိပါသည်။ အသား/ငါးဈေးနှုန်း များမှာ ကြက်သား (CP) တစ်ပိဿာ ၁၉၀၀၀ ကျပ်၊ ဝက်သား တစ်ပိဿာ ၃၃၀၀၀ ကျပ်၊ အမဲသား တစ်ပိဿာ ၃၀၀၀၀ ကျပ်၊ ငါးကြင်း တစ်ပိဿာ ၂၄၀၀၀ ကျပ်၊ ငါးမြစ်ချင်း တစ်ပိဿာ ၁၆၀၀၀ ကျပ် ဈေးနှုန်းများဖြင့် ရောင်းဝယ်လျက်ရှိကြောင်းသိရှိရပါသည်။

   ကျိုင်းတုံမြို့ အခြေခံစားသောက်ကုန်ဈေးနှုန်းများသည် ယခင် ၂၀၂၄ ခုနှစ်၊ နိုဝင်ဘာလ ဒုတိယအပတ်နှင့်နှိုင်းယှဉ်ပါက ကြက်သွန်ဖြူ(ကြူကုတ်)၊ မန်ကျည်းသီးမှည့်၊ ငရုပ်ခြောက် (ရှည်)နှင့်ဝက်သား ဈေးနှုန်းများမှာ အနည်းငယ်မြင့်တက်လာပြီး အာလူး၊ ကြက်သွန်နီ၊ ခရမ်းချဉ်သီးနှင့်ကြက်ဥ ဈေးနှုန်းများမှာ အနည်းငယ်ကျဆင်းခဲ့ပါသည်။ ကျန်အခြေခံစား သောက်ကုန်ဈေးနှုန်း များမှာတည်ငြိမ်လျက်ရှိပါသည်။

DOCA(ရှမ်း)

           တနင်္သာရီတိုင်းဒေသကြီးအတွင်း တညင်ပင်သည် အလေ့ကျပေါက်သကဲ့သို့ လူနေခြံမြေများတွင်လည်း စိုက်ပျိုးလျက်ရှိပါသည်။ တညင်ပင်မှထွက်သော အရွက်၊ ပန်း၊ အဖူးနှင့် အသီးကိုပင် ဟင်းလျာအဖြစ် အမျိုးမျိုးပြုလုပ်ကာ စားသောက်နိုင်ပါသည်။ ထားဝယ်မြို့မှ ထားဝယ်လူမျိုးအများစုသည် ထားဝယ်ရိုးရာမုန့်ဟင်းခါးချက်ပြုတ်ရာတွင် တညင်ရွက်သည် မပါမဖြစ် အဓိကထားထည့်သွင်း ချက်ပြုတ်ကြပါသည်။ တညင်ရွက်နုလေးများအား ရှပ်လုံးများနှင့်ရောကာ ဟင်းချိုချက်ပြုတ်ခြင်း၊ အစိမ်းတိုင်းသော်လည်းကောင်းရေနွေးဖျော၍ သော်လည်းကောင်း ငါးပိသုတ်၊ ငါးပိထောင်းများဖြင့် ရောစပ်ကာ ထမင်းမြိန်စေရန် တို့စရာအဖြစ်လည်းစားသုံးကြသကဲ့သို့ ပါးပါးလှီးကာ သုတ်စားခြင်း၊ အခြား ဟင်းလျာများတွင်လည်း ထည့်သွင်းချက်ပြုတ်ကြပါသည်။ ထို့အပြင် တနင်္သာရီတိုင်းဒေသကြီးတွင် တညင်ရွက်အားပါးပါးလှီးကာ ဒေသထွက် ဂုံး(ခေါ်) ရှပ်ခရု၊ ကြက်ဥများဖြင့် ရောမွှေကာ ကြော်လိုက်လျင် အလွန်ချိုမြိန်လှသော ဒေသဟင်းလျာတစ်ခုအဖြစ် ထင်ရှားလျက်ရှိပါသည်။

           တနင်္သာရီတိုင်းမှဒေသခံများသည် တညင်ရွက်အား အလွန်ကြိုက်နှစ်သက်ကြပြီး အိမ်နီးချင်း ထိုင်းနိုင်ငံသို့ ရောက်ရှိရွေ့လျားအလုပ်လုပ်ကိုင်နေသော ဒေသခံများသည် လေယာဥ်ဖြင့်ပင်သယ်ယူစား သုံးလျက်ရှိပါသည်။ တညင်ရွက်သည် တစ်နှစ်ပတ်လုံး ထွက်ရှိလျက်ရှိသော်လည်း ဇန်နဝါရီလနှင့် ဖေဖော်ဝါရီလများတွင် အထွက်နှုန်းနည်းငယ်ကျဆင်းတက်ပါသည်။ လက်ရှိထားဝယ်မြို့ပေါ်ရှိ တညင်ရွက်စျေးနှုန်းမှာ တစ်စည်းလျှင် ၆၀၀/၇၀၀ ခန့် ဖြင့် အရောင်းအဝယ်ဖြစ်ပေါ်လျက်ရှိကြောင်း ထားဝယ်မြို့၊ ကမ်းနားပျံကျစျေးအတွင်းမှ ဟင်းသီးဟင်းရွက်အရောင်းဆိုင်ငယ်များမှ သိရှိရပါသည်။

DOCA(တနင်္သာရီ)

            ၂၀၂၄ ခုနှစ်၊ ဆောင်းရာသီ ဒီဇင်ဘာဘာလတွင် ကရင်ပြည်နယ်၊ ဘားအံမြို့ ရေ‌ပေါ်ဈေးရှိ   ဈေးကွက်အတွင်း ကုန်စိမ်းသီးနှံများ​ဈေးကောင်းရ လျက်ရှိကြောင်း  သိရသည်။

            ဈေးနှုန်းအနေဖြင့် ခရမ်းသီး တစ်ပိဿာလျှင် (၅၀၀၀) ကျပ်၊ ခရမ်းချဉ်သီး တစ်ပိဿာ လျှင် (၄၅၀၀)ကျပ်၊ ဂေါ်ဖီထုပ် တစ်ထုပ်လျှင် (၂၀၀၀၊၃၀၀၀)ကျပ်၊ ပန်းဂေါ်ဖီ တစ်ပွင့်လျှင် (၃၀၀၀၊ ၅၀၀၀) ကျပ်၊ လွှတ်တစ်ပိဿာလျှင်  (၃၀၀၀) ကျပ်၊ ငရုတ်ပွ တစ်ပိဿာလျှင် (၄၀၀၀)ကျပ်၊ ခဝဲသီး တစ်ပိဿာလျှင် (၅၀၀၀)ကျပ်၊   ကြက်ဟင်းခါးသီး တစ်ပိဿာလျှင် (၄၀၀၀)ကျပ်၊ ရုံးပတေသီး တစ်ပိဿာလျှင် (၂၀၀၀)ကျပ်၊ (ငရုတ်စိမ်းထောင့်ရှည် တစ်ပိဿာလျှင် (၅၀၀၀)ကျပ်၊ ပဲတောင့်ရှည် အစည်းသေး (၁၀၀၀)ကျပ်၊ ကန်စွန်းရွက် တစ်စည်းလျှင် (၂၅၀)ကျပ်၊ ကင်းပွန်းချဥ်ရွက် တစ်စည်း လျှင်(၅၀၀)ကျပ်၊ ချဥ်ပေါင်ရွက်တစ်စည်းလျှင်(၂၅၀)ကျပ်တို့ဖြစ် ရောင်းဝယ်ဖြစ်လျက်ရှိကြောင်း သိရှိရသည်။

                ကရင်ပြည်နယ်ဒေသအတွင်း ယခုလို ကုန်စိမ်းသီးနှံဈေးနှုန်းအနည်းတက်နေရခြင်းမှာ လှိုင်လှိုင် မထွက်သေးခြင်းနှင့်စိုက်ခင်မှအသီးများလှိုင်လှိုင်မထွက်သေးခြင်းတို့ကြောင့် ဖြစ်ကြောင်း သိရသည်။

DOCA(ကရင်)