ပြည်ပကုန်သွယ်မှုသတင်းများ

          သြစတြေးလျနိုင်ငံသည် ၂၀၂၅ ခုနှစ် ဒုတိယသုံးလပတ်တွင် လျှပ်စစ်ကားရောင်းအား ၆၀ ရာခိုင်နှုန်းကျော် စံချိန်တင်အမြင့်ဆုံးသို့ မြင့်တက်ခဲ့ကြောင်း တရားဝင်အချက်အလက် များအရသိရသည်။ သြဂုတ်လ ၁၄ ရက်နေ့တွင် ထုတ်ပြန်သည့် အစီရင်ခံစာတစ်ခုတွင် ဩစတြေးလျ မော်တော်ယဉ်အသင်း (AAA) သည် ဧပြီလမှ ဇွန်လအတွင်း သုံးလအတွင်း ၏ (BEVs) အသစ်များကို ဝယ်ယူခဲ့ကြောင်း ထုတ်ဖော်ပြောကြားခဲ့သည်။ ၎င်းသည် ရှေ့သုံးလ ပတ်တွင် စာရင်းသွင်းထားသော BEV အရောင်းသစ် ၁၇၉၀၁ မှ ၆၃.၃ ရာခိုင်နှုန်း တိုးလာပြီး ၂၀၂၃ ခုနှစ်ဒုတိယသုံးလပတ်တွင် ယခင်စံချိန်တင်ရောင်းချမှု ၂၅၆၉၆ ထက် ၆၃.၃ ရာခိုင်နှုန်း တိုးလာကြောင်းသိရသည်။ AAA မှ BEV များအတွက် အပေါ့စားယာဉ်စျေးကွက်ဝေစုသည် ၂၀၂၅ ခုနှစ် ဒုတိယသုံးလပတ်တွင် ၉.၃ ရာခိုင်နှုန်းဖြစ်ပြီး ယခုနှစ်ပထမသုံးလပတ်တွင် ၆.၂ ရာခိုင်နှုန်းနှင့် စံချိန်တင်မြင့်မားမှုအသစ်တစ်ခုဖြစ်ကြောင်း AAA မှပြောကြားခဲ့သည်။ Intenal combustion engine (ICE) မော်တော်ယာဉ်များ၏ ဈေးကွက်ဝေစုသည် ၂၀၂၃ ခုနှစ် ပထမ သုံးလပတ်တွင် ၈၆.၄ ရာခိုင်နှုန်းမှ ၂၀၂၅ ခုနှစ် ဒုတိယသုံးလပတ်တွင် ၇၂.၀၃ ရာခိုင်နှုန်းအထိ ဆက်တိုက်ကျဆင်းခဲ့သည်။ Hybrid များသည် ၂၀၂၄ ခုနှစ် ပထမသုံးလပတ်နောက်ပိုင်း အနိမ့်ဆုံးစျေးကွက်ဝေစုဖြစ်သည့် ဒုတိယလပတ်တွင် အပေါ့စားယာဉ်အသစ်ရောင်းချမှု အားလုံး၏ ၁၄.၈ ရာခိုင်နှုန်းဖြစ်သည်။ အလတ်စားကားများသည် BEVs နှင့် hybrid နှစ်မျိုးလုံး ICE ကားများထက် စျေးကွက်ဝေစုပိုကြီးသော တစ်ခုတည်းသောစျေးကွက်အပိုင်းဖြစ်ကြောင်း သိရှိရပါသည်။

Source: Xinhua

DOCA (ရန်ကုန်)

             Brazil နိုင်ငံရှိ ဒစ်ဂျစ်တယ်ငွေချေးလုပ်ငန်းလုပ်ကိုင်သော Nubank သည် သြဂုတ်လ ၁၄ ရက်နေ့တွင် အခုနှစ်အစောပိုင်းအတွက် ၎င်း၏ နိုင်ငံခြားငွေကြေးလဲလှယ်ရေးမှ ဝင်ငွေများသည် ၄၂ ရာခိုင်နှုန်းခန့်မြင့်တက်ခဲ့ပြီး ၎င်း၏ ရှယ်ယာများသည် နာရီပိုင်းအတွင်းတွင် ၈ ရာခိုင်နှုန်းခန့် မြင့်တက်ခဲ့ကြောင်း သိရပါသည်။ ၎င်းသည် ဘရာဇီးနိုင်ငံတွင် ဖောက်သည်ပေါင်း ၁၂၃ သန်းခန့် ရှိပြီး ၎င်း၏ အဓိက စျေးကွက်နေရာများဖြစ်သော Colombia နှင့် Mexico တို့တွင် ဒုတိယ သုံးလပတ်ကာလအတွင်း အမြတ်ငွေများ ၆၃၇ သန်းခန့်ရှိခဲ့ကြောင်း သိရပါသည်။ ၎င်း၏ ဝင်ငွေ သည် ယခင်နှစ်ထက် ဒေါ်လာ ၃.၇ ဘီလီယံခန့် ၄၀ ရာခိုင်နှုန်းဖြင့် ရပ်တည်လျက် ရှိပါသည်။ ဘဏ္ဍာရေးမှူး Guilherme Lago က အဆိုပါအမြတ်ငွေများမြင့်တက်လာခြင်းသည် လုပ်ငန်းလည် ပတ်မှု မောင်းတံနှင့် ဝင်ငွေလမ်းကြောင်း မြင့်တက်လာမှုကြောင့် ဖြစ်ကြောင်း ပြောကြားခဲ့ပါသည်။ Nubank ၏ နှစ်အလိုက် အစုရှယ်ယာအပေါ်ပြန်အမ်းငွေသည် ယခင်နှစ်တွင်ဖော်ပြခဲ့သော ကိန်းဂဏန်းနှင့်အညီ ၂၈ ရာခိုင်နှုန်းအထိ ရောက်ရှိခဲ့ပါသည်။ ထို့အပြင် Citi မှ လေ့လာသုံးသပ်သူ များကလည်း Nubank သည် ယခုနှစ်တွင် ကောင်းမွန်သောပထမသုံးလပတ်ကို တင်ပြနိုင်ခဲ့ကြောင်း မှတ်ချက်ပြုခဲ့ပါသည်။ Nubank ရှိ ရှယ်ယာများသည် New York မြို့ရှိ လုပ်ငန်းချဲ့ထွင်မှုတွင် ၈.၃ ရာခိုင်နှုန်းခန့် မြင့်တက်လာကြောင်း သိရပါသည်။ Lago က လေ့လာ သုံးသပ်သူနှင့် ဖုန်းခေါ်ဆိုမှုတွင် “၎င်းတို့အနေဖြင့် ချေး‌ငွေလုပ်ငန်းများကို ၂၀၂၅ ခုနှစ်နှင့် ၂၀၂၆ ခုနှစ် တစ်‌လျောက်လုံးတွင် သေချာကြပ်မတ်လုပ်ဆောင်သွားမည်ဖြစ်ကြောင်း” ပြောကြားခဲ့ကြောင်း သိရှိရပါသည်။

Source: CAN

DOCA (ရန်ကုန်)                                                                             

               Rizal Commercial Banking ကော်ပိုရေးရှင်း RCBC သည် အတိုးရရှိမှု အားကောင်းလာမှုနှင့် ဝင်ငွေလမ်းကြောင်း မြင့်တက်လာမှုတို့ကြောင့် ၎င်း၏ အသားတင်ဝင်ငွေသည် ယခင်နှစ် ပထမနှစ်ဝက်တွင် ပီဆို ၄.၄၅ ဘီလီယံခန့်ရရှိခဲ့ရာ ယခုနှစ် ပထမနှစ်ဝက်တွင် ပီဆို ၅.၃၅ ဘီလီယံ ခန့် ၂၀ ရာခိုင်နှုန်းအထိ မြင့်တက်လာကြောင်း သိရပါသည်။ ဖိလစ်ပိုင်စတော့စျေးကွက်လဲလှယ်မှု တွင်ထုတ်ဖော်ချက်တွင် Yuchengo ဦးဆောင်သောဘဏ်က ချေးငွေလုပ်ငန်းများတိုးတက်လာပြီး အတိုးနှုန်းများမြင့်တက်လာသောကြောင့် ၎င်း၏ စုစုပေါင်းအတိုးဝင်‌ငွေသည် ပီဆို ၄၂.၂၈ ဘီလီယံ ခန့် ၁၀.၇ ရာခိုင်နှုန်းအထိ မြင့်တက်လာကြောင်း ပြောကြားခဲ့ပါသည်။ ချေးငွေနှင့် လက်ခံရရှိငွေ များသည် ယခင်နှစ်တွင် ပီဆို ၂၈.၈၆ ဘီလီယံ အထိရှိခဲ့ကာ ယခုနှစ်တွင် ပီဆို ၃၄.၁ ဘီလီယံအထိ ၁၈ ရာခိုင်နှုန်းခန့် မြင့်တက်လာပါသည်။ ၎င်း၏ လုပ်ငန်းလည်ပတ်ဝင်ငွေသည် ဝန်ဆောင်မှု မြှင့်တင်မှုများကြောင့် ပီဆို ၅.၃၈ ဘီလီယံခန့် ၁၇.၆ ရာခိုင်နှုန်းအထိ မြင့်တက်ခဲ့ကြောင်းနှင့် အဆိုပါဘဏ်၏ လုပ်ငန်းအသုံးစရိတ်များသည် ဝန်ထမ်များအကျိုးမြတ်မြင့်တက်ရေး၊ လုပ်ငန်း လည်ပတ်ကုန်ကျငွေများနှင့် အကြွေးဝယ်ကတ်ချဲ့ထွင်မှုများကြောင့် ပီဆို ၁၅.၃၈ ဘီလီယံမှ ပီဆို ၁၇.၁၉ အထိ မြင့်တက်ခဲ့ကြောင်း သိရပါသည်။ ဇွန်လကုန်အထိ RCBC ၏ စုစုပေါင်းလက်ခံငွေသည် ချေးငွေနှင့် လက်ခံငွေချဲ့ထွင်မှုဖြင့် ပီဆို ၁.၃ ထရီလီယံအထိ ရောက်ရှိခဲ့ကြောင်းနှင့် ၎င်းဘဏ်တွင် အာမခံငွေထားရှိမှုသည် ပီဆို ၁.၀၂ ထရီလီယံမှ ပီဆို ၉၈၂.၆၇ ဘီလီယံသို့ ကျဆင်းသွားကြောင်းသိရပါသည်။ RCBC ဥက္ကဌ Reginaldo Cariaso က၎င်းအနေဖြင့် RCBC ဘဏ်အား ၂၀၂၆ တွင် ‌ရေရှည်တည်တံ့သော အမြတ်ငွေများပြန်လည်ရရှိရန်အတွက် လူစွမ်းအားအရင်းအမြစ်၊ နည်းပညာနှင့် ဧည့်သည်ဆွဲဆောင်မှု အစရှိသည့် ကဏ္ဍများတွင် ရင်းနှီးမြှုပ်နှံမှုများတိုးချဲ့ ပြုလုပ်သွားမည်ဖြစ်ကြောင်း ပြောကြားခဲ့သည်ဟု သိရှိရပါသည်။

Source: Philstar

DOCA(ရန်ကုန်)                                                                        

          Dato' Tony Looi Chee Hong ဦးဆောင်သော မလေးရှား-တရုတ် ကုန်သည်ကြီးများအသင်း (MCCC) မှ ကိုယ်စားလှယ်အဖွဲ့သည် ကမ္ဘောဒီးယားနိုင်ငံ၏ ရင်းနှီးမြှုပ်နှံမှု အလားအလာနှင့် အခွင့်အလမ်းများကိုရှာဖွေရန် ကမ္ဘောဒီးယားသို့ သွားရောက်ခဲ့ပြီး ကိုယ်စားလှယ်အဖွဲ့အား ဖနွမ်းပင်မြို့ရှိ CDC ရုံးချုပ်တွင် ကမ္ဘောဒီးယားနိုင်ငံ ဖွံ့ဖြိုးတိုးတက်ရေးကောင်စီ (CDC) လက်အောက်ရှိ ကမ္ဘောဒီးယား ရင်းနှီးမြှုပ်နှံမှုဘုတ်အဖွဲ့၏ လက်ထောက်အတွင်းရေးမှူးချုပ် Soun Sophal က တွေ့ဆုံဆွေးနွေးခဲ့သည်။ Sophal သည် ဆွေးနွေးပွဲတွင် ကမ္ဘောဒီးယားနိုင်ငံ၏ ရင်းနှီးမြှုပ်နှံမှုဥပဒေများကို အကျဉ်းချုပ်ရှင်းလင်းပြောကြားခဲ့ပြီး မက်လုံးပေးအစီအစဉ်များနှင့် တော်ဝင်အစိုးရမှ ချမှတ်ထားသောမူဝါဒများမှတစ်ဆင့် နိုင်ငံတော်၏ အပြုသဘောဆောင်သော စီးပွားရေးအခြေအနေအား အလေးပေးပြောကြားခဲ့ကြောင်း သိရှိရပါသည်။

Source: Khmer Times

DOCA(ရန်ကုန်)

   လူသားတွေအနေနဲ့ လပေါ်မှာအခြေချပြီးနေ ထိုင်နိုင်ဖို့ဆိုတာ စိတ်ကူးထဲမှာပဲအလုပ် ဖြစ်လိမ့်မယ်လို့ ထင်ခဲ့ဖူးပါတယ်။ ဘာဖြစ်လို့လဲဆိုတော့ လေ့လာတွေ့ရှိထားတဲ့ သိပ္ပံမှတ်တမ်း တွေအရ လရဲ့မျက်နှာပြင်ဟာ အင်မတန်မှခက်ထန် ကြမ်းတမ်းတယ်။ အပူချိန်ကလည်း အပြောင်းအလဲ အလွန်မြန်တယ်။ အသက်ရှူစရာအောက်ဆီဂျင်မရှိဘူး။ လူတစ်ယောက်အတွက် မရှိမဖြစ်လိုအပ်တဲ့ရေ ဆိုတာလည်းမရှိဘူးလို့ ကျွန်တော်တို့ မှတ်ယူခဲ့ကြတဲ့ အတွက်ဖြစ်ပါတယ်။ ဒါပေမဲ့ အခုအချိန်မှာတော့ ဒီစိတ်ကူးဟာ လက်တွေ့ဖြစ်လာတော့မယ့်အချိန်ကို ရောက်ရှိလာပြီလို့ဆိုနိုင်ပါတယ်။ ဘာကြောင့်လဲဆိုရင် လပေါ်မှာ လူသားတွေနေထိုင်နိုင်စေမယ့် နည်းပညာတစ်ခုကို တရုတ်သိပ္ပံပညာရှင်များက ဖော်ထုတ် လိုက်နိုင်လို့ပဲဖြစ်ပါတယ်။

   ရှန်းကျန့်မြို့ရှိ ဟောင်ကောင်တက္ကသိုလ်မှ သိပ္ပံပညာရှင်များက ဒီနည်းပညာကို ဖော်ထုတ်လိုက်တာပါ။ သူတို့ရဲ့နည်းပညာက လရဲ့မြေသားကနေ ရေကို ထုတ်ယူတယ်။ ပြီးတဲ့အခါ ကာဗွန်ဒိုင်အောက်ဆိုက် ကနေ အောက်ဆီဂျင်ကို ပြောင်းလဲနိုင်ဖို့နဲ့ လောင်စာ အတွက် ဓာတုပစ္စည်းများကို ရရှိနိုင်စေဖို့အတွက် အဲဒီ ရေကိုပဲ အသုံးပြုမှာဖြစ်ပါတယ်။ အခုနည်းပညာက  အနာဂတ်မှာ နက်ရှိုင်းကျယ်ပြောတဲ့ အာကာသထဲကို သွားရောက်လေ့လာမှုတွေ လုပ်ဆောင်နိုင်ဖို့အတွက် အခွင့်အလမ်းများကို ဖွင့်လှစ်ပေးနိုင်ခြင်းလည်း ဖြစ်ပါတယ်။ အကြောင်းရင်းကတော့ ရေနဲ့လောင်စာလို မျိုးမရှိမဖြစ်လိုအပ်တဲ့ အရင်းအမြစ်တွေကို ကမ္ဘာမြေ ဆီကနေ အပင်ပန်းခံသယ်ယူဖို့ မလိုအပ်တော့တဲ့ အတွက်ဖြစ်ပါတယ်။

မကြာသေးခင်က    တရုတ်နိုင်ငံရဲ့  အာကာသအေဂျင်စီက အောင်မြင်စွာ အကောင်အထည်ဖော်နိုင်ခဲ့တဲ့ Chang’e-5 မစ်ရှင်ကနေ လရဲ့မြေသားနမူနာများ ကိုရယူနိုင်ခဲ့ပါတယ်။ အဲဒီမြေသားနမူနာများကို စမ်းသပ်မှုအရ လရဲ့မျက်နှာပြင်မှာ ရေရှိတယ်လို့ သုံးသပ် ကြပါတယ်။ ဒီသုံးသပ်ချက်ကိုအခြေခံပြီး သိပ္ပံပညာ ရှင်များက လပေါ်မှာလူသားတွေ အခြေချနိုင်စေဖို့အတွက် နည်းပညာများကို ဖန်တီးလာတာပါ။

   အရင်တုန်းကဖန်တီးတဲ့ နည်းပညာများက လရဲ့ မြေသားကနေ ရေကိုထုတ်ယူနိုင်ဖို့အတွက် စွမ်းအင်သုံးစွဲမှုမြင့်မားတဲ့ အဆင့်ပေါင်းများစွာ လိုအပ်သလို လောင်စာဆီနဲ့ အခြားမရှိမဖြစ် လိုအပ်ချက်များစွာ အတွက် ကာဗွန်ဒိုင်အောက်ဆိုက်ကို ဖြိုခွဲနိုင်ခြင်း မရှိပါဘူး။

  အခုနောက်ဆုံးနည်းပညာကတော့ အဲဒီလိုမျိုး မဟုတ်ပါဘူး။ ဟောင်ကောင်တက္ကသိုလ်မှ သိပ္ပံပညာ ရှင်များက နေမှအလင်းရောင်ကို အပူအဖြစ်ပြောင်း လဲပေးတဲ့နည်းပညာမှ တစ်ဆင့် လရဲ့မြေသားကနေ ရေကို ထုတ်ယူပါတယ်။ ပြီးတဲ့အခါ အာကာသယာဉ် မှူးများရှူထုတ်လိုက်တဲ့ ကာဗွန်ဒိုင်အောက်ဆိုက်ကို ကာဗွန်မိုနောက်ဆိုက်နဲ့ ဟိုက်ဒရိုဂျင်အဖြစ် ပြောင်းလဲဖို့အတွက် လရဲ့မြေသားကနေရရှိတဲ့ ရေကိုအသုံး ပြုပါတယ်။ ပြောင်းလဲသွားတဲ့ ဓာတ်ငွေ့တွေကို အာကာသယာဉ်မှူးများ အသက်ရှူနိုင်စေမယ့် အောက်ဆီဂျင်နဲ့ အခြားသောလောင်စာများအတွက် အသုံး ပြုနိုင်ပါတယ်။

   သိပ္ပံပညာရှင်များအနေနဲ့ အခုလိုမျိုးအောင်မြင်မှု ရရှိပေမယ့်လည်း စိန်ခေါ်မှုတစ်ခုတော့ ရှိနေပါသေးတယ်။ အဲဒီစိန်ခေါ်မှုက လရဲ့မြေသားဟာတစ်နေရာ နဲ့တစ်နေရာဖွဲ့စည်းပုံခြင်း မတူညီမှုဖြစ်ပြီး ဒီလိုကွဲ ပြားခြားနား မှုကြောင့် နည်းပညာကို ထိရောက်စွာ အသုံးချနိုင် စွမ်းနည်းပါးနိုင်ပါသည်။

(DOCA ဧရာဝတီ)