နော်ဝေ၏ သဘာဝဓာတ်ငွေ့ တင်ပို့မှုသည် ၂၀၂၄ ခုနှစ် တွင် စံချိန်တင် မြင့်မားနေရန် စီစဉ်ထား
နော်ဝေနိုင်ငံ၏ သဘာဝဓာတ်ငွေ့ တင်ပို့မှုသည် ၂၀၂၄ ခုနှစ်တွင် စံချိန်တင်အဆင့်သို့ ရောက်ရှိခဲ့ပြီး လာမည့်နှစ်အနည်းငယ်အတွင်း မြင့်မားသော ဓာတ်ငွေ့တင်ပို့မှုစနစ်နှင့် နီးကပ် နေမည်ဟု မျှော်လင့်ထားကြောင်း ဓာတ်ငွေ့တင်ပို့မှုစနစ် အော်ပရေတာ Gassco က ကြာသပတေးနေ့တွင် ပြောကြားခဲ့သည် ။ ပြီးခဲ့သည့်နှစ်က ဥရောပသို့ နော်ဝေ တင်ပို့မှု စံချိန်တင်နှစ် ဖြစ်ခဲ့ကြောင်း Gassco က ပြောကြားပြီး နော်ဝေနိုင်ငံ၏ သဘာဝဓာတ်ငွေ့သည် ဥရောပ၏ သဘာဝဓာတ်ငွေ့ တင်သွင်းမှု၏ ၃၀ ရာခိုင်နှုန်းနှင့် ဥရောပ စွမ်းအင် သုံးစွဲမှု အားလုံး၏ ၉ ရာခိုင်နှုန်းခန့် ရှိကြောင်း Gassco က ပြောကြားခဲ့သည်။ Norwegian Offshore Directorate မှ နော်ဝေနိုင်ငံ၌ သဘာဝဓာတ်ငွေ့ ထုတ်လုပ်မှုသည် ယမန်နှစ်က စံချိန်တင်မြင့်မားခဲ့ကြောင်း ပြသသည့် ၎င်း၏ နှစ်ပတ်လည် ၂၀၂၄ အစီရင်ခံစာကို ကြာသပတေးနေ့တွင် ထုတ်ပြန်ခဲ့သည်။ ယူကရိန်းကိုဖြတ်၍ ရုရှားမှ ဓာတ်ငွေ့ ပို့ဆောင်မှုသည် နှစ်ကုန်တွင် ရပ်ဆိုင်းသွားသည့်အတွက် နော်ဝေးနိုင်ငံ၏ ဓာတ်ငွေ့သည် ပို၍ အရေးကြီးလာကြောင်း နော်ဝေ ကမ်းလွန်ပင်လယ်ပြင် ညွှန်ကြားရေးမှူးရုံး ညွှန်ကြားရေးမှူးချုပ် Torgeir Stordal က ပြောကြားခဲ့သည်။ နော်ဝေကမ်းလွန်ပင်လယ်ပြင်တွင် ရေနံနှင့် သဘာဝဓာတ်ငွေ့ ထုတ်လုပ်မှု စုစုပေါင်းသည် လွန်ခဲ့သည့် ၂၀၀၉ ခုနှစ်ကတည်းက အမြင့်ဆုံးအဆင့်သို့ ရောက်ရှိပြီးနောက် မြင့်မားပြီး တည်ငြိမ်သည့်အဆင့်တွင် ဆက်လက်ရှိနေမည်ဖြစ်ကြောင်း အာဏာပိုင်များက ပြောကြားခဲ့ သည်။ နော်ဝေး၏သဘာဝဓာတ်ငွေ့ ထုတ်လုပ်မှုသည် ၂၀၂၀ ခုနှစ်များအကုန်တွင် တဖြည်းဖြည်း ကျဆင်းခြင်းမပြုမီ တည်ငြိမ်ပြီး မြင့်မားသောအဆင့်တွင် ဆက်လက်ရှိနေရန် မျှော်လင့်ထား ကြောင်း ညွှန်ကြားရေးမှူးရုံးမှ ပြောကြားချက်အရ သိရသည်။ အနောက်ဥရောပ၏ အကြီးဆုံး ရေနံနှင့် သဘာဝဓာတ်ငွေ့ ထုတ်လုပ်သူသည် ယခုဆယ်စုနှစ်နှောင်းပိုင်းတွင် မျှော်မှန်းထားသည့် ထုတ်လုပ်မှု ကျဆင်းမှုကို နှေးကွေးစေရန် သဘာဝဓာတ်ငွေ့တူးဖော်မှုနှင့် ရင်းနှီးမြှုပ်နှံမှုများ ပိုမိုလိုအပ်ကြောင်း Torgeir Stordal က ၎င်း၏အမြင်ကို ထပ်လောင်းပြောကြားခဲ့သည်။
DOCA(ရန်ကုန်)
