ပြည်ပကုန်သွယ်မှုသတင်းများ

              စီးပွားရေးနှင့် ကူးသန်းရောင်းဝယ်ရေး ဦးစီးဌာန၏ နိုဝင်ဘာလ ၁၈ ရက်နေ့ အစီရင်ခံစာ အရ ကမ္ဘောဒီးယားသည် ၂၀၂၅ ခုနှစ် ပထမ ၁၀ လ အတွင်း ဥရောပသမဂ္ဂ (EU) နှင့် အရှေ့ တောင်အာရှနိုင်ငံများအသင်း (ASEAN) သို့ ပို့ကုန်များသည် ဂဏန်းနှစ်လုံးဖြင့် တိုးတက်ခဲ့ပါ သည်။

          ကမ္ဘောဒီးယား နိုင်ငံသည် ဇန်နဝါရီ-အောက်တိုဘာ ကာလအတွင်း EU ဈေးကွက်သို့ အမေရိကန်ဒေါ်လာ ၄.၂၁ ဘီလီယံ တန်ဖိုးရှိ ကုန်ပစ္စည်းများတင်ပို့ခဲ့ပြီး ယခင်နှစ်အလားတူ ကာလ ထက် ၁၇.၃ ရာခိုင်နှုန်း တိုးတက်ခဲ့ကြောင်း အစီရင်ခံစာတွင် ဖော်ပြထားပါသည်။

          ကမ္ဘောဒီးယား နိုင်ငံသည် အာဆီယံ အဖွဲ့ဝင်နိုင်ငံများသို့ အမေရိကန်ဒေါ်လာ ၄.၈ ဘီလီယံ တန်ဖိုးရှိ ကုန်ပစ္စည်းများ တင်ပို့ခဲ့ရာ ယခင်နှစ် အလားတူကာလထက် ၁၆ ရာခိုင်နှုန်း တိုးတက်ခဲ့ကြောင်း သိရပါသည်။

          EU ဈေးကွက်သည် ၂၀၂၅ ခုနှစ် ပထမ ၁၀ လ အတွင်း ၂၅.၉ ဘီလီယံ တန်ဖိုးရှိသော ကမ္ဘောဒီးယားနိုင်ငံ၏ စုစုပေါင်းပို့ကုန်ပမာဏ ၁၆.၂ ရာခိုင်နှုန်း ရှိပြီး အာဆီယံ ဈေးကွက်တွင် ၁၈.၅ ရာခိုင်နှုန်းရှိကြောင်း သိရှိရပါသည်။

          ကမ္ဘောဒီးယားမှ EU သို့ အဓိက တင်ပို့သည့် ပစ္စည်းများမှာ အဝတ်အထည်၊ အထည် အလိပ်၊ ဖိနပ်၊ ခရီးဆောင်ပစ္စည်း၊ အိတ်၊ စက်ဘီး၊ ကားတာယာနှင့် အီလက်ထရွန်းနစ်ပစ္စည်း အချို့အပြင် ဆန်၊ သီဟိုလ်စေ့၊ ငှက်ပျော်သီးစသည့် စိုက်ပျိုးရေးထွက်ကုန်များဖြစ်ကြောင်း စီးပွားရေးဝန်ကြီးဌာန၏ အတွင်းဝန်နှင့် ပြောရေးဆိုခွင့်ရှိသူ Penn Sovicheat က ပြောကြားခဲ့ပါ သည်။

          ကမ္ဘောဒီးယားမှ အာဆီယံ သို့ အဓိက တင်ပို့သည့် ပစ္စည်းများမှာ အဝတ်အထည်၊ ဖိနပ်၊ ခရီးဆောင်ပစ္စည်း၊ အိတ်၊ ကားတာယာနှင့် အီလက်ထရွန်းနစ်ပစ္စည်းနှင့် စိုက်ပျိုးရေးထွက်ကုန် များပါဝင်ကြောင်း ၎င်းက ဆက်လက်ပြောကြားခဲ့ကြောင်း သိရှိရပါသည်။

DOCA(ရန်ကုန်)

        ဗီယက်နမ်ဝန်ကြီးချုပ် Pham Minh Chinh ၏ အရှေ့အလယ်ပိုင်းနိုင်ငံသို့ မကြာသေးမီက လာရောက်လည်ပတ်စဉ်အတွင်း ဗီယက်နမ်နှင့် ကူဝိတ်တို့သည် နှစ်နိုင်ငံဆက်ဆံရေးကို မဟာဗျူဟာမြောက် မိတ်ဖက်ဆက်ဆံရေးအဖြစ် မြှင့်တင်ခဲ့ကြောင်း ဗီယက်နမ်သတင်းအေဂျင်စီကနိုဝင်ဘာလ ၁၉ ရက်နေ့တွင် ဖော်ပြခဲ့သည်။ Chinh သည် တနင်္ဂနွေနေ့မှ အင်္ဂါနေ့အထိ ကူဝိတ် နိုင်ငံသို့ ၎င်း၏ ပထမဆုံး တရားဝင်ခရီးစဉ်အဖြစ် သွားရောက်ခဲ့သည်ဟု ဆိုသည်။

       ထွန်းသစ်စနည်းပညာများ၊ ဒစ်ဂျစ်တယ်မီဒီယာ၊ ဉာဏ်ရည်တုနှင့် စားနပ်ရိက္ခာဖူလုံရေး၊ ထောက်ပံ့ရေးကွင်းဆက်များ၊ ထုတ်လုပ်မှုနှင့် သိုလှောင်မှုဆိုင်ရာ ပူးတွဲပရောဂျက်များအပါအဝင် နယ်ပယ်အသီးသီးကို လွှမ်းခြုံသည့် ကျယ်ကျယ်ပြန့်ပြန့် ပူးပေါင်းဆောင်ရွက်ရေး အစီအစဉ်များမှ တစ်ဆင့် နှစ်နိုင်ငံပူးပေါင်းဆောင်ရွက်မှု နယ်ပယ်ကို ချဲ့ထွင်သွားမည်ဟု ပူးတွဲကြေညာချက်တွင် ဖော်ပြထားသည်။ ဗီယက်နမ်နှင့် ကူဝိတ်နိုင်ငံတို့သည် ၁၉၇၆ ခုနှစ်တွင် သံတမန်ဆက်ဆံရေး စတင်ထူထောင်ခဲ့သည်။

DOCA(ရန်ကုန်)

              ဂျာမနီနိုင်ငံ၊ Dusseldorf တွင် နိုဝင်ဘာလ ၁၇ ရက်နေ့တွင် ထင်ရှားသော ဆေးဘက်ဆိုင် ရာ ကိရိယာပြပွဲကို တရုတ်ကုမ္ပဏီပေါင်း ၁၃၀၀ ကျော် တက်ရောက်ခဲ့သည်။ Medica 2025 သည် ဆေးဘက်ဆိုင်ရာစက်ပစ္စည်းများ၏ အကြီးမားဆုံးနှင့် သြဇာအရှိဆုံး ကုန်စည်ပြပွဲများထဲမှ တစ်ခု ဖြစ်သည်။ နိုင်ငံနှင့် ဒေသပေါင်း ၁၆၀ ကျော်မှ လာရောက်လည်ပတ်သူ ၈၀၀၀၀ ဝန်းကျင်ရောက် ရှိရန်မျှော်လင့်ထားပြီး ယခုနှစ်ပွဲသည် ဆေးဘက်ဆိုင်ရာနည်းပညာနှင့် စက် ပစ္စည်းများ၊ ဒစ်ဂျစ် တယ်ကျန်းမာရေး၊ ဓာတ်ခွဲခန်းနှင့် ရောဂါရှာဖွေရေးများ၊ ရုပ်ပိုင်းဆိုင်ရာ နည်းပညာနှင့် တစ်ခါသုံး ပစ္စည်းများအပေါ် အာရုံစိုက်ဆောင်ရွက်ခြင်း ဖြစ်ကြောင်း  သိရသည်။ ကမ္ဘာတစ်ဝှမ်းရှိ ပါဝင်သူ များထဲတွင် တရုတ်စီးပွားရေး လုပ်ငန်းအရေအတွက်သည် အများဆုံးဖြစ်သည်။ တရုတ်ပြခန်း ပြသသူ အရေအတွက်သည် တိုးလာပြီး ၎င်းတို့ထုတ်ကုန်များ၏ အရည်အသွေးလည်း တိုးတက် လာကြောင်း ဆေးဘက်ဆိုင်ရာ ကိရိယာစက်မှုလုပ်ငန်းအသင်း၏ နိုင်ငံတကာ ပူးပေါင်းဆောင် ရွက်ရေး ဌာနခွဲ၏ လက်ထောက် ညွှန်ကြားရေးမှူး Xia Tian က မှတ်ချက်ပြုခဲ့သည်။ အခမ်း အနားတွင် ဝါရင့်ပါဝင်သူ တစ်ဦးအနေ ဖြင့် Xia မှ တရုတ်ကုမ္ပဏီများသည် ၎င်းတို့၏ထုတ်ကုန် များနှင့်ပက် သတ်၍ နည်းပညာပိုမိုဆန်းပြားလာပြီး နှစ်များအတွင်း အမျိုးအမျိုး တိုးချဲ့လာခြင်း ကြောင့် ကမ္ဘာလုံးဆိုင်ရာ အသိအမှတ်ပြုမှုကို ရရှိနေကြောင်း Xia မှ Xinhua သို့ ပြောကြားခဲ့ သည်။ ယခုနှစ်တွင် Chongqing Xishan Science & Technology Co., Ltd မှ ပြပွဲနေရာအများ အပြားကို သိမ်းပိုက်ထားပြီး ကျွန်ုပ်တို့သည် ကမ္ဘာတစ်ဝှမ်းရှိ ဖောက်သည်အများအပြားအတွက် အရည်အသွေး ကောင်းသော ထုတ်ကုန်များနှင့် ဝန်ဆောင်မှုများကို ပေးဆောင်ရန် ရည်ရွယ် ကြောင်း ကုမ္ပဏီ၏ စျေးကွက်ရှာဖွေရေးဒါရိုက်တာ He Qingyu မှ ပြောကြားခဲ့သည်။ Zhejiang Tiansong Medical Instrument Co., Ltd. ၏ အထွေထွေမန်နေဂျာ Liu Ping က လွန်ခဲ့သည့် အနှစ် ၂၀ အတွင်း ဆေး ပြပွဲတွင် ၎င်း၏ အတွေ့အကြုံကို ပြန်လည်ပြောပြပြီး တရုတ်နိုင်ငံ၏ ဆေးဘက်ဆိုင်ရာကိရိယာ လုပ်ငန်းသည် ကမ္ဘာပေါ်တွင် ထိပ်တန်းအဆင့်သို့ ချဉ်းကပ်လာနေပြီ ဟုယုံကြည်ကြောင်း ပြောကြားခဲ့သည်။ အဆိုပါပွဲစီစဉ်သူ၏အဆိုအရ၊ နိုဝင်ဘာလ ၂၀ ရက်နေ့ အထိ ကျင်းပမည့် Medica 2025 တွင် နိုင်ငံနှင့်ဒေသပေါင်း ၇၀ ခန့်ပါဝင်ခဲ့ကြောင်းသိရသည်။

DOCA(ရန်ကုန်)

              မကြာသေးမီက ၀င်ငွေတိုးမြင့်လာမှုများ၊ အခြေခံအဆောက်အအုံ အဆင့်မြှင့်တင်မှုများ နှင့် အတူ ပါကစ္စတန်ဝန်ကြီးချုပ် Shehbaz Sharif က နိုင်ငံသည် စီးပွားရေးတိုးတက်မှုအတွက် ရထား လမ်းများ ခေတ်မီအောင် အာရုံစိုက်လုပ်ဆောင်နေသည်ဟု ပြောကြားခဲ့သည်။ "ပါကစ္စတန် မီးရထားလမ်းများ၏ ဒစ်ဂျစ်တယ်စနစ်များ ခေတ်မီတိုးတက်လာစေရန်နှင့် ခေတ်မီသော အဆောက်အဦများ ပံ့ပိုးပေးခြင်းသည် နိုင်ငံတော်၏ စီးပွားရေးကို အားကောင်းစေမည့် အဓိက အခန်းကဏ္ဍမှ ပါဝင်ကြောင်း နိုဝင်ဘာလ ၁၇ ရက်‌နေ့က ကျမ်းသစ္စာကျိန်ဆိုပွဲ အခမ်းအနားတွင် မိန့်ခွန်းပြောကြားစဉ် ပြောကြားခဲ့သည်။ နိုင်ငံတစ်ဝှမ်းရှိ မီးရထားဘူတာရုံများအားလုံးကို အဆင့် မြှင့်တင်ရန် အစိုးရက စီစဉ်နေပြီး စုစုပေါင်း ရထားဘူတာပေါင်း ၅၄ ရုံကို ခေတ်မီပြီး စွမ်းဆောင် ရည် မြှင့်တင်ပေးခြင်းဖြင့် ဒေသတွင်း စီးပွားရေးလုပ်ငန်းများကို ပံ့ပိုးပေးလျှက်ရှိ ကြောင်း ၎င်းက ပြောကြားခဲ့သည်။ ထို့အပြင် တောင်ပိုင်း Sindh ပြည်နယ်မှ အနောက်တောင် ဘက် Balochistan သို့ ပါကစ္စတန် မီးရထားလမ်းများ အဆင့်မြှင့်တင်ရန်အတွက် အာရှဖွံ့ဖြိုးရေးဘဏ်နှင့် ဆွေးနွေးမှု များ ပြုလုပ်နေကြောင်း Sharif မှ ပြောကြားခဲ့ပြီး ရထားလမ်း ကွန်ရက် တစ်လျှောက် ခေတ်မီ တိုးတက်ရေးနှင့် စီးပွားရေး တည်ငြိမ်စေရန်အတွက် ပြည်နယ်များ အကြား ပူးပေါင်းဆောင်ရွက်မှု များတိုးမြှင့်ရန်လိုအပ်ကြောင်း ပြောကြားခဲ့သည်။ ဗဟိုအာရှသို့ မီးရထား လမ်းကွန်ရက်ကို တိုးချဲ့ ရန်အတွက် ပြည်နယ်အားလုံးနှင့် ပူးပေါင်းဆောင်ရွက်သွားမည်ဖြစ်ကြောင်း ဝန်ကြီးချုပ်ကပြောကြားပြီး အဓိကအချက်မှာ ဥဇဘက်ကစ္စတန်-အာဖဂန်-ပါကစ္စတန် မီးရထားလိုင်းစီမံကိန်းကို မီးမောင်းထိုးပြနေပါသည်။

DOCA(ရန်ကုန်)

                ရဝမ်ဒါသည် တရုတ်နိုင်ငံနှင့် ထောပတ်သီး တင်ပို့မှု ပရိုတိုကောအသစ်ကို လက်မှတ် ရေးထိုးခဲ့ပြီး၊ တရုတ်စားသုံးသူများအတွက် ရရှိနိုင်သော ရဝမ်ဒါ ထုတ်ကုန်အမျိုးအစားများကို ပိုမိုကျယ်ပြန့်စေခဲ့သည်။ ရဝမ်ဒါမှ တရုတ်နိုင်ငံသို့ လတ်ဆတ်သော ထောပတ်သီးများ တင်ပို့မှု အတွက် စစ်ဆေးရေး၊ သီးသန့်ခွဲထား ရေးနှင့် သန့်ရှင်းရေးစသော လိုအပ်ချက်များဆိုင်ရာ ပရိုတို ကောကို တရုတ်နိုင်ငံရှိ ရဝမ်ဒါသံရုံးမှ နိုဝင်ဘာလ ၁၂ ရက်နေ့တွင် လက်မှတ်ရေးထိုးခဲ့သည်။ ထို သဘောတူညီချက်အရ အရည်အသွေးကောင်းမွန်သော ရဝမ်ဒါ ထောပတ်သီးများအား တရုတ် ဈေးကွက်သို့ ဝင်ရောက်နိုင်စေမည်ဖြစ်ပြီး စားသုံးသူ ၁.၄ ဘီလီယံ၏ စျေးကွက် ဖြစ်သော ရဝမ်ဒါ စိုက်ပျိုးရေးထွက်ကုန်များအား တရုတ်နိုင်ငံသို့ တင်ပို့နိုင်စေမည်ဖြစ်ကြောင်း သံရုံးက ဆိုရှယ် မီဒီယာပလပ်ဖောင်း X တွင် ရေးသားခဲ့သည်။ ရဝမ်ဒါ၏ ထောပတ်သီးများအား တရုတ်နိုင်ငံတင်ပို့ သော ပရိုတိုကောသည် ပို့ကုန်ကို သိသာစွာ မြှင့်တင်ပေးနိုင်မည်ဖြစ်ကြောင်း၊ တိုးတက်မှု အလား အလာများအား ရဝမ်ဒါနိုင်ငံမှ အကောင်းမြင်ပြီး တရုတ်မိတ်ဖက်များနှင့် လက်တွဲရန် မျှော်လင့် ကြောင်း ရဝမ်ဒါ စိုက်ပျိုး မွေးမြူရေးနှင့် စိုက်ပျိုးရေး ပို့ကုန်ကုမ္ပဏီ Bahage Foods Ltd ၏ တည် ထောင်သူနှင့် ပိုင်ဆိုင်သူ Angel Uwantege က မကြာသေးမီက ပြုလုပ်သော အင်တာဗျူးတစ်ခု တွင် ဆင်ဟွာသို့ ပြောကြားခဲ့သည်။ ကုန်သွယ်မှုသဘောတူညီချက်များ၊ ရင်းနှီး မြှုပ်နှံမှုများနှင့် ယဉ်ကျေးမှုဖလှယ်မှုများ ပိုမိုရရှိမည်ဟု မျှော်လင့်ကြောင်း သူမ၏ကုမ္ပဏီသည် ရဝမ်ဒါထုတ်ကုန် များ အထူးသဖြင့် ထောပတ်သီးများကို တရုတ်ဈေးကွက်သို့ ပြသရန် China International Import Expo ကဲ့သို့သော ပလပ်ဖောင်းများတွင် ပါဝင်နိုင်ရန်  စိတ်အားထက်သန် လျှက်ရှိ ကြောင်း သူမက ပြောကြားခဲ့သည်။ တရုတ်နိုင်ငံသို့ ထောပတ်သီး တင်ပို့ခွင့်ပြုသည့် ပရိုတို ကော ကို အပြီးသတ်ရေးဆွဲရန် ရဝမ်ဒါနိုင်ငံ၏ ကြိုးပမ်းဆောင်ရွက်မှုသည် ရဝမ်ဒါနိုင်ငံ၏ ပန်းမန် ကဏ္ဍ အတွက် အဓိကဖွံ့ဖြိုးတိုးတက်မှုတစ်ခုဖြစ်ကြောင်း Rwanda နိုင်ငံထုတ် အင်္ဂလိပ်ဘာသာ သတင်းစာ The New Times က မှတ်ချက်ပြုခဲ့သည်။ ရဝမ်ဒါမှ စီးပွားရေးလေ့လာသုံးသပ်သူ Teddy Kaberuka က ထောပတ်သီး တင်ပို့မှု ပရိုတိုကောကို နှစ်နိုင်ငံ ကုန်သွယ်မှု နက်ရှိုင်းစေသည့် အရေးပါသော ခြေလှမ်းအဖြစ် ချီးကျူးခဲ့သည်။ တရုတ်နိုင်ငံခြားရေးဝန်ကြီးဌာန၏ အချက် အလက်များအရ ၂၀၂၄ ခုနှစ်တွင် တရုတ်နှင့် Rwanda နှစ်နိုင်ငံ အကြား ကုန်သွယ်မှုသည် အမေရိကန်ဒေါ်လာ ၆၆၉ သန်းအထိ ရောက်ရှိခဲ့ပြီး တစ်နှစ်ထက်တစ်နှစ် ၂၁.၄ ရာခိုင်နှုန်းတိုးမြင့် လာခဲ့ကြောင်းသိရသည်။

DOCA(ရန်ကုန်)