ပြည်ပကုန်သွယ်မှုသတင်းများ

          ဗီယက်နမ်သည် ၂၀၂၅ ခုနှစ်အစမှ အောက်တိုဘာလ ၁၅ ရက်နေ့အထိတွင် ဆန်တန်ချိန် ၇ သန်းကျော်တင်ပို့ခဲ့သော်လည်း ပို့ကုန်လုပ်ငန်းရှင်များမှ ဝယ်ယူမှုနှေးကွေးသောကြောင့် ပြည်တွင်းစပါးနှင့် ဆန်ဈေးနှုန်းများကျဆင်းခဲ့ကြောင်း ဗီယက်နမ်အစားအစာအသင်း VFA) ၏အဆိုအရ သိရပါသည်။ နိုင်ငံသည် အမေရိကန်ဒေါ်လာ ၃.၅၉ ဘီလီယံတန်ဖိုးရှိသော ဆန်တန်ချိန် ၇.၀၂ သန်း တင်ပို့ခဲ့ကာ ၂၀၂၄ ခုနှစ်တူညီသည့်ကာလနှင့်နှိုင်းယှဉ်ပါက ပမာဏတွင် ၄.၄ ရာခိုင်နှုန်းနှင့် တန်ဖိုးတွင် ၂၁.၉ ရာခိုင်နှုန်း ကျဆင်းခဲ့ကြောင်း VFA အချက်အလက်များက ဖော်ပြခဲ့ပါသည်။ အောက်တိုဘာလ စတုတ္ထမြောက်ရက်သတ္တပတ်တွင် 5% broken jasmine ဆန်ကို တစ်တန်လျှင် အမေရိကန်ဒေါ်လာ ၄၂၀ မှ ၄၃၅ ကြားရောင်းချရန် ကမ်းလှမ်းခဲ့ပြီး ၂ လဆက်တိုက်ကျဆင်းခဲ့ကြောင်း သိရပါသည်။ ဟိုချီမင်းမြို့တော်ရှိကုန်သည်တစ်ဦးက ပြည်ပဝယ်လိုအားနည်းပါးမှုကြောင့် များစွာသောပို့ကုန်လုပ်ငန်းရှင်များက စပါးဝယ်ယူမှု နှေးကွေးခဲ့ခြင်းက ပြည်တွင်းကုန်သွယ်ရေးကို ဆက်လက်ငြိမ်သက်စေခဲ့ကြောင်း ပြောကြားခဲ့ပါသည်။ ပြည်တွင်း ဈေးကွက်တွင် jasmine စပါးကို တစ်ကီလီုဂရမ်လျှင် ၅၃၇၉ ဗီယက်နမ်ဒေါင်နှင့် ကုန်သွယ်လျက်ရှိကြောင်း သိရပါသည်။ သာမန်စပါးဈေးနှုန်းမှာ တစ်ကီလိုဂရမ်လျှင် ၅၁၆၁ ဗီယက်နမ်ဒေါင်ဖြင့် ၄၆ ဗီယက်နမ် ဒေါင်မြင့်တက်ခဲ့ကြောင်း VFA ၏ အဆိုအရသိရပါသည်။ An Giang ပြည်နယ် စိုက်ပျိုးမွေးမြူရေးနှင့် သဘာဝပတ်ဝန်းကျင်ဦးစီးဌာနက စပါးဈေးနှုန်းများသည် အမျိုးအစားအပေါ်မူတည်၍ တစ်ကီလိုဂရမ်လျှင် ၄၈၀၀ မှ ၅၉၀၀ ဗီယက်နမ်ဒေါင်ကြားတွင် ရပ်တည်နေကြောင်းနှင့် ပြည်နယ်၏ လက်လီဆန်ဈေးနှုန်းမှာ တစ်ကီလိုဂရမ်လျှင် ၁၂၀၀၀ မှ ၂၂၀၀၀ ဗီယက်နမ်ဒေါင်ကြားဖြစ်ကြောင်း တင်ပြခဲ့ပါသည်။ ထုတ်လုပ်မှုအပိုင်းတွင် စိုက်ပျိုးမွေးမြူရေးနှင့် သဘာဝပတ်ဝန်းကျင် ဝန်ကြီးဌာနက မဲခေါင်ဒယ်တာပြည်နယ်များသည် ၂၀၂၅ ခုနှစ် နွေရာသီ-ဆောင်းဦးရာသီ ‌ကောက်ရိတ်သိမ်းရာသီတွင် ဟတ်တာ ၁.၂၄ သန်းနီးပါးစိုက်ပျိုးခဲ့ပြီး ရိတ်သိမ်းမှု ပြီးမြောက်ပါက အထွက်နှုန်း တစ်ဟတ်တာလျှင် ၆.၀၆ သန်းရှိကာ  ခန့်မှန်းစပါးတန်ချိန် ၇.၅၁ သန်းနှင့် ညီမျှကြောင်း သိရပါသည်။ ဆောင်းဦးရာသီ-ဆောင်းရာသီကောက်ရိတ်သိမ်းရာသီအတွက်မူ  စပါးစိုက်ခင်း ၇၆၃၀၀၀ ဟတ်တာစိုက်ပျိုးပြီးဖြစ်ကြောင်း သိရပါသည်။

Vietnam Plus                                                                            

DOCA (ရန်ကုန်)

       ကြာသပတေးနေ့တွင် ဘူလ်ဂေးရီးယားနှင့် ဗီယက်နမ်တို့သည် နှစ်နိုင်ငံဆက်ဆံရေးကို မဟာဗျူဟာမြောက် မိတ်ဖက်ဆက်ဆံရေးအဆင့်သို့ မြှင့်တင်ခြင်းဆိုင်ရာ ပူးတွဲကြေငြာချက်ကို လက်ခံခဲ့သည်။ ဘူလ်ဂေးရီးယားသမ္မတ Rumen Radev နှင့် ဗီယက်နမ်ကွန်မြူနစ်ပါတီ ဗဟိုကော်မတီ အထွေထွေအတွင်းရေးမှူး To Lam တို့ နှစ်ဖက်တွေ့ဆုံမှုအပြီးတွင် အဆိုပါကြေညာ ချက်ကို ထုတ်ပြန်ခဲ့ခြင်းဖြစ်ကြောင်း သိရှိရသည်။

        နှစ်နိုင်ငံသည် ဆန်းသစ်တီထွင်မှု၊ ဉာဏ်ရည်တုနှင့် နည်းပညာမြင့် ထုတ်လုပ်ရေးကဏ္ဍများတွင် ပူးပေါင်းဆောင်ရွက်နိုင်သည်ဟု Radev က ပြောကြားခဲ့ကြောင်း သိရသည်။

        အဆိုပါ ပူးတွဲကြေညာချက်သည် ငြိမ်းချမ်းရေး၊ တည်ငြိမ်ရေးနှင့် ဖွံ့ဖြိုးတိုးတက်ရေးတို့အတွက် နှစ်နိုင်ငံပြည်သူများအကြား နက်ရှိုင်းသော ဆက်ဆံရေးအတွက် အခြေခံအုတ်မြစ် ဖြစ်ကြောင်း To Lam က ပြောကြားခဲ့ကြောင်း သိရသည်။

        ဘူဂေးရီးယားသမ္မတ၏သတင်းထုတ်ပြန်ချက်အရ To Lam ၏ခရီးစဉ်သည် ဗီယက်နမ် ခေါင်းဆောင်၏ဥရောပခရီးစဉ်၏ တစ်စိတ်တစ်ပိုင်းဖြစ်ကြောင်း သိရသည်။ ဗီယက်နမ် ကိုယ်စားလှယ်အဖွဲ့တွင် ဝန်ကြီးများနှင့် စီးပွားရေးကိုယ်စားလှယ်များ ပါဝင်ကြောင်း သိရှိရပါသည်။

Source : Xinhua                                                                                   

DOCA(ရန်ကုန်)

        စွမ်းအင်၊ သတ္တုတူးဖော်ရေး၊ စိုက်ပျိုးရေး၊ သိပ္ပံနှင့် ကုန်သွယ်မှု အပါအဝင် ကဏ္ဍအသီးသီးတွင် ပူးပေါင်းဆောင်ရွက်မှု အားကောင်းစေရန် အင်ဒိုနီးရှားနှင့် ဘရာဇီးလ်တို့ အောက်တိုဘာလ ၂၃ ရက် နေ့တွင် လက်မှတ်ရေးထိုးခဲ့ကြောင်း အင်ဒိုနီးရှား သမ္မတရုံး၏ ထုတ်ပြန်ချက်အရ သိရသည်။

      အင်ဒိုနီးရှားသမ္မတ Prabowo Subianto နှင့် ဘရာဇီးသမ္မတ Luiz Inacio Lula da Silva တို့ လက်မှတ်ရေးထိုးပွဲအခမ်းအနားကို လူလာ၏နိုင်ငံတော်ခရီးစဉ်အတွင်း ဂျကာတာမြို့ရှိ Merdeka နန်းတော်၌ ကျင်းပခဲ့ကြောင်း သိရသည်။

        "ဒီကနေ့ အရေးကြီးတဲ့ သဘောတူညီချက်နဲ့ နားလည်မှုလေးခုကို လက်မှတ်ရေးထိုးမှာဖြစ်ပြီး ဒါဟာ မြန်မြန်ဆန်ဆန် လုပ်ဆောင်နေကြောင်း သက်သေပြမယ်လို့ မျှော်လင့်ပါတယ်။ အနာဂတ်မှာ ပိုကောင်းတဲ့ရလဒ်တွေ ရလာမယ်လို့ ယုံကြည်ပါတယ်" ဟု နှစ်နိုင်ငံ တွေ့ဆုံမှုအတွင်း Prabowo က ပြောကြားခဲ့ကြောင်း သိရသည်။

          သမ္မတ၏ ထုတ်ပြန်ချက်အရ နှစ်နိုင်ငံ အစိုးရအဖွဲ့အစည်းများနှင့် စီးပွားရေးလုပ်ငန်း အများအပြားအကြား နားလည်မှု စာချွန်လွှာ ရေးထိုးခဲ့ကြကြောင်း သိရှိရပါသည်။

Source : Xinhua                                                                                   

DOCA(ရန်ကုန်)

        ဖင်လန်နိုင်ငံအခြေစိုက် ကွန်ရက်စက်ပစ္စည်းထုတ်လုပ်သူ Nokia သည် ဇူလိုင်လမှ စက်တင်ဘာလအတွင်း ရောင်းအားပိုမိုအားကောင်းခဲ့ပြီး မျှော်လင့်ထားသည်ထက် သေးငယ်သော အမြတ်ငွေ ကျဆင်းမှုအဖြစ် အောက်တိုဘာလ ၂၃ ရက်နေ့တွင် စျေးကွက်မျှော်လင့်ချက်အား ကျော်ဖြတ်ခဲ့ကြောင်း သိရသည်။

        ကုမ္ပဏီ၏ထုတ်ပြန်ချက်အရ ၂၀၂၅ ခုနှစ်၏ တတိယသုံးလပတ် (Q3) တွင် အသားတင်ရောင်းချမှုသည် အစောပိုင်းက ယူရို ၄.၃ ဘီလီယံမှ ယူရို ၄.၈ ဘီလီယံ (အမေရိကန်ဒေါ်လာ ၅.၆ ဘီလီယံခန့်) အထိ မြင့်တက်လာခဲ့သည်။ လည်ပတ်မှုအမြတ်သည် ၂၀၂၄ ခုနှစ် Q3 တွင် ယူရို ၄၈၅ သန်းမှ ယူရို ၄၃၅ သန်းသို့ ၁၀ ရာခိုင်နှုန်း ကျဆင်းခဲ့သည်။

         တတိယသုံးလပတ်၏ စုစုပေါင်းအမြတ်ငွေသည် တစ်နှစ်ထက်တစ်နှစ် ၁၁ ရာခိုင်နှုန်းမှ ၉ ရာခိုင်နှုန်းသို့ ကျဆင်းသွားခဲ့သည်။ Hotard က ၎င်းသည် Mobile Networks တွင် မျှော်လင့်ထားသည့် အားနည်းသောဆော့ဖ်ဝဲလ်ပံ့ပိုးမှုကို ထင်ဟပ်စေကာ၊ Q2 တွင် ပုံမှန်ပံ့ပိုးကူညီမှုနှင့် Network Infrastructure ရှိ ထုတ်ကုန်ပေါင်းစပ်အကျိုးသက်ရောက်မှုများကို ချိန်ညှိပေးသည်ဟု Hotard မှပြောကြားခဲ့ကြောင်း သိရှိရပါသည်။

Source : Xinhua                                                                                   

DOCA(ရန်ကုန်)

         ရုပ်ကြွင်းလောင်စာအပေါ် မှီခိုမှုကို လျှော့ချရန်နှင့် ကာဗွန်ထုတ်လွှတ်မှုကို လျှော့ချရန် ကြိုးပမ်းမှုတစ်စိတ်တစ်ပိုင်းအနေဖြင့် အင်ဒိုနီးရှားနိုင်ငံသည် လောင်စာထုတ်ကုန်များအတွက် ဇီဝ အီသနော ၁၀ ရာခိုင်နှုန်း ရောစပ်မှုကို ၂ဝ၁ဝ ပြည့်နှစ်တွင် ပြဌာန်းရန် ပြင်ဆင်လျက်ရှိသည်။ လာမည့် နှစ်တွင် လုပ်ပိုင်ခွင့် ၅၀ ရာခိုင်နှုန်း အသက်ဝင်မည်ဖြစ်ပြီး ၂၀၂၆ ခုနှစ် ဒုတိယနှစ်ဝက်မှ စတင်ကာ နိုင်ငံအတွင်း ဒီဇယ်ဆီတင်သွင်းမှုကို ရပ်တန့်စေမည်ဖြစ်သည်။ ပြည်တွင်းထုတ်လုပ်မှု ကျဆင်းမှုကြောင့် ရေနံနှင့် လောင်စာဆီ အသားတင်တင်သွင်းသူအဖြစ် ဆယ်စုနှစ်များစွာကြာပြီးနောက် အင်ဒိုနီးရှားသည် သမ္မတ Prabowo Subianto ၏ အုပ်ချုပ်မှုအောက်တွင် ငါးနှစ်အတွင်း စွမ်းအင် လွတ်လပ်မှုရရှိရန် ရည်မှန်းထားသည်။ ဇီဝအီသနော၏ ဖွံ့ဖြိုးတိုးတက်မှုသည် ပြည်တွင်း အရင်းအမြစ်များမှ စွမ်းအင်လိုအပ်ချက်ကို ပိုမိုဖြည့်ဆည်းပေးနိုင်ရန် မျှော်မှန်းချက်အတွက် အဓိက ဖြစ်သည်။ စွမ်းအင်နှင့် သတ္တုအရင်းအမြစ် ဝန်ကြီး Bahlil Lahadalia က ၎င်း၏ ဝန်ကြီးဌာနသည် အီသနော ရောစပ်မှု အစီအစဉ်ကို အရှိန်မြှင့် လုပ်ဆောင်သွားမည်ဖြစ်ပြီး အင်ဒိုနီးရှားသည် နှစ်စဉ် လောင်စာဆီ ကီလိုလီတာ ၂၇ သန်းခန့် နှစ်စဉ် တင်သွင်းနေသည်ကို သတိပြုမိကြောင်း၊ စွမ်းအင်နှင့် သတ္တု ၁၀ ရာခိုင်နှုန်း ရောစပ်မှု အစီအစဉ်ကို အရှိန်မြှင့် လုပ်ဆောင်သွားမည်ဖြစ်ကြောင်း ပြောကြားခဲ့သည်။ ဝန်ကြီးက အင်ဒိုနီးရှားအတွက် စံပြအဖြစ် အီသနော ရောစပ်ထားသော လောင်စာဆီ ထုတ်လုပ်ရောင်းချရာတွင် ဘရာဇီး၏ အောင်မြင်မှုကိုလည်း မီးမောင်းထိုးပြခဲ့သည်။ ဇူလိုင်လတွင် Prabowo နှင့် Lahadalia တို့သည် ဇီဝအီသနောနှင့် စိမ်းလန်းသော စွမ်းအင်ဖွံ့ဖြိုးတိုးတက်ရေးတွင် ပူးပေါင်းဆောင်ရွက်ရန် ဘရာဇီးနိုင်ငံသို့ သွားရောက်ခဲ့ပြီး ဘရာဇီး၏အတွေ့အကြုံသည် အင်ဒိုနီးရှား ၏စွမ်းအင်အသွင်ကူးပြောင်းမှုအတွက် အဖိုးတန်ကြောင်း အသိအမှတ်ပြုခဲ့သည်။ နိုင်ငံပိုင်ရေနံနှင့် သဘာဝဓာတ်ငွေ့ကုမ္ပဏီ PT Pertamina သည် လက်ရှိမော်တော်ယာဉ်နည်းပညာနှင့် လိုက်လျော ညီထွေရှိသော လူထုပညာပေးလှုပ်ရှားမှုများ အပါအဝင် အစီအစဉ်ကို ပံ့ပိုးရန် အဆင်သင့်ရှိကြောင်း ထုတ်ဖော်ပြောကြားခဲ့သည်။ ကုမ္ပဏီသည် ၎င်း၏ Pertamax အမှတ်တံဆိပ်မှတစ်ဆင့် အီသနော ၅ ရာခိုင်နှုန်းပါဝင်သော လောင်စာဆီများကို လွန်ခဲ့သည့် ၂ နှစ်အတွင်း ဂျာဗားတစ်ဝှမ်းရှိ ဓာတ်ဆီဆိုင် ၁၆၀ ကျော်တွင် ရောင်းချခဲ့သည်။ ဇီဝအီသနောစက်ရုံကို South Papua ပြည်နယ်၊ Merauke တွင် ၂၀၂၇ ခုနှစ်တွင် စတင်လည်ပတ်နိုင် မည်ဟုမျှော်လင့်ထားကြသည်။ အဆိုပါစက်ရုံတွင် တစ်နှစ်လျှင် ကီလိုလီတာ ၃၀၀၀၀၀ ထုတ်လုပ် နိုင်မည်ဖြစ်သည်။ bioethanol ပဏာမခြေလှမ်းသည် ဇီဝ လောင်စာလုပ်ငန်းကို အားကောင်းစေရန်နှင့် စွမ်းအင်လုံခြုံရေးကို မြှင့်တင်ရန် အင်ဒိုနီးရှား၏ ပိုမိုကျယ်ပြန့်သော ကြိုးပမ်းမှု တစ်စိတ်တစ်ပိုင်းဖြစ်သည်။ ပြည်တွင်းထုတ်လုပ်သူများကို ကာကွယ်ရန်နှင့် စွမ်းအင်ဖူလုံရေးပန်းတိုင်ကို ပံ့ပိုးရန်အတွက် ပရာဘိုဝိုသည် အီသနောတင်သွင်းမှုများကို တင်းကျပ်ရန် ညွှန်ကြားထားကြောင်း သိရှိရပါသည်။

Source : Xinhua                                                                                   

DOCA(ရန်ကုန်)