ပြည်ပကုန်သွယ်မှုသတင်းများ

        သြစတေးလျနိုင်ငံ၏ စီးပွားရေး တိုးတက်မှုနှုန်းသည် ၂၀၂၅ ခုနှစ်၊ ဒုတိယသုံးလပတ်တွင် ၀.၆ ရာခိုင်နှုန်းထိ မြင့်တက်ခဲ့ကြောင်း စက်တင်ဘာလ ၃ ရက်နေ့တွင် ထုတ်ပြန်သော တရားဝင် ထုတ်ပြန်ချက်များအရ သိရှိရပါသည်။

          Australian Bureau of Statistics (ABS)  မှ ထုတ်ပြန်ခဲ့သော စာရင်းအင်း ကိန်းဂဏန်းများအရ သြစတေးလျနိုင်ငံ၏ ပြည်တွင်းအသားတင်ထုတ်လုပ်မှု (GDP) သည် ၂၀၂၅ ခုနှစ် ပထမသုံးလပတ်တွင် ၀.၃ ရာခိုင်နှုန်းမှ တိုးတက်လာကာ ဧပြီလမှ ဇွန်လကုန် ဒုတိယသုံးလပတ်တွင် ၀.၆ ရာခိုင်နှုန်း တိုးတက်ခဲ့ပါသည်။

          နှစ်စဉ်အခြေခံအားဖြင့် GDPသည် ၁.၄ ရာခိုင်နှုန်းမှ ၁.၈  ရာခိုင်နှုန်းအထိ မြင့်တက်ခဲ့ ပါသည်။ ABS မှ ပထမသုံးလပတ် GDP တိုးတက်မှုကို အစပိုင်းတွင် ၀.၂ ရာခိုင်နှုန်းဟု ဖော်ပြခဲ့ သော်လည်း စက်တင်ဘာလ ၃ ရက်နေ့တွင် ၀.၃ ရာခိုင်နှုန်းသို့ ပြန်လည်ပြင််ဆင်ခဲ့ကြောင်း သိရပါသည်။

Source : Xinhua                                                                                 

  DOCA(ရန်ကုန်) 

      ရုရှားနိုင်ငံ၏ စက်မှုနှင့် ကုန်သွယ်ရေးဝန်ကြီးဌာနက ၂၀၂၅ ခုနှစ်၊ ဇန်နဝါရီ - သြဂုတ်လ ကာလအတွင်း နိုင်ငံအတွင်းရှိ ကားအသစ်ရောင်းအားသည် ၂၅ ရာခိုင်နှုန်း ကျဆင်းခဲ့ကြောင်း ၂၀၂၅ ခုနှစ်၊ စက်တင်ဘာလ (၂) ရက်နေ့ ထုတ်ပြန်ချက်များအရ သိရှိရပါသည်။

 ဝန်ကြီးဌာန၏ အဆိုအရ ရုရှားနိုင်ငံတွင် ကားအသစ်ရောင်းအား စုစုပေါင်း ၈၇၇၆၀၀ စီးရှိခဲ့ပြီး ခရီးသည်တင်ကားများ၊ လုပ်ငန်းသုံးယာဉ်များ (LCV)၊ ကုန်တင်ကားများ၊ ဘတ်စ်ကားများ ပါဝင်ပါသည်။ ပြည်တွင်းထုတ် ကားအသစ်ရောင်းအားမှာ ၆ ရာခိုင်နှုန်း ကျဆင်းခဲ့ပြီး ၄၈၃၀၀၀ စီး ရှိခဲ့ပါသည်။

 အထူးသဖြင့် ခရီးသည်တင်ကားရောင်းချမှုသည် ၇၆၈၂၀၀ စီး ရှိခဲ့ပြီး ၂၃ ရာခိုင်နှုန်း ကျဆင်း ခဲ့ပါသည်။ လုပ်ငန်းသုံးယာဉ်များ (LCV) ရောင်းချမှုသည် ၆၆၄၀၀ စီးရှိခဲ့ပြီး ၂၁ ရာခိုင်နှုန်း ကျဆင်းခဲ့ ပါသည်။ ကုန်တင်ကားနှင့် ဘတ်စ်ကားရောင်းချမှုများမှာ ပို၍ကျဆင်းခဲ့ပြီး ကုန်တင်ကား ၃၅၉၆၀ စီး ရောင်းချမှုရှိခဲ့ပြီး ၅၆ ရာခိုင်နှုန်း ကျဆင်းခဲ့ကာ ဘတ်စ်ကားရောင်းချမှုသည် ၇၀၀၀ စီးရှိခဲ့ပြီး ၄၉ ရာခိုင်နှုန်း ကျဆင်းခဲ့ပါသည်။

     သြဂုတ်လတွင် ကားအသစ်ရောင်းချမှုသည် ယခင်နှစ်ကထက် ၂၁ ရာခိုင်နှုန်း ကျဆင်းခဲ့ကာ ၁၃၅၅၀၀ စီး ရှိခဲ့ပါသည်။ သို့သော် လစဉ်အခြေခံရောင်းချမှုသည် ၁ ရာခိုင်နှုန်း တိုးတက်ခဲ့ကြောင်း သိရပါသည်။

Source : Xinhua                                                                                  

 DOCA(ရန်ကုန်) 

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် ထိုင်းနိုင်ငံ၏ စိုက်ပျိုးရေးပစ္စည်း များ၊ ကျောက်မြတ်ရတနာနှင့် စက်ပစ္စည်းများ ကုန်သွယ်မှု မြှင့်တင်ရန်အတွက် ASEAN-India သဘောတူညီချက်ကို အလျှင်အမြန်အဆုံးသတ်ရန် တွန်းအားပေးနေကြောင်း သိရပါသည်။ စီးပွားရေးနှင့်ကူးသန်းရောင်းဝယ်ရေး ဒုတိယဝန်ကြီးဆိုသူ Chantavit Tandhasit က ၂၀၂၅ ခုနှစ် သြဂုတ်လ ၂၈ ရက်နေ့တွင် ASEAN-India ကုန်ပစ္စည်းကုန်သွယ်ရေး သဘောတူညီချက် (AITIGA) တွင် တိုးတက်မှုများရှိစေရန်အတွက် ကျင်းပပြုလုပ်သော အစည်းအဝေးတွင် အထူးဝန်ကြီးအဖြစ် တက်ရောက်ခဲ့ကြောင်း ပြောကြားခဲ့ပါသည်။ Chantavit ၏အဆိုအရ အဆိုပါညှိနှိုင်းမှုများသည် အခက်အခဲများရှိသော်လည်း ၄၀ ရာခိုင်နှုန်းခန့် တိုးတက်မှုရှိကြောင်း သိရပါသည်။ အဆိုပါ တိုးတက်လာသော သဘောတူညီချက်များတွင် အခွန်ဝန်ထုပ်ဝန်ပိုးလျော့ချခြင်း၊ အသေးစား၊ အလတ်စား စီးပွားရေးလုပ်ငန်းများအတွက် (SMEs) တွင်ပူးပေါင်းပါဝင်မှုများနှင့် ကုန်သွယ်ရေးကို ထင်သာမြင်သာ၍ မျှတမှုရှိစေသော ကုန်ပစ္စည်းများစျေးကွက်အတွင်း ဝင်ရောက်ခွင့်များ ပါဝင်ကြောင်း သိရပါသည်။ ဝန်ကြီးသည် ဆက်ဆံရေးများ၏ အရေးကြီးမှုသည် ကုန်သွယ်ရေး ဖွံ့ဖြိုးတိုးတက်ခြင်းဖြစ်ကြောင်း အထူးအလေးပေးပြောကြားခဲ့ပြီး ၂၀၂၄ ခုနှစ်တွင် ASEAN နှင့် India ကြား ကုန်သွယ်မှုတန်ဖိုးများသည် အမေရိကန်ဒေါ်လာ ၁၀၆.၈ ဘီလီယံကျော်ရှိခဲ့ကြောင်း မှတ်ချက်ပြုခဲ့ပါသည်။ AITIGA အားအဆုံးသတ်ရန် တွန်းအားပေးခြင်းသည် ထိုင်းနိုင်ငံ ပုဂ္ဂလိက စီးပွားရေးလုပ်ငန်းများအတွက် နည်းဗျူဟာမြောက်လှုပ်ရှားမှုတစ်ခုဖြစ်ပြီး အိန္ဒိယနိုင်ငံစျေးကွက် အတွင်းဝင်ရောက်နိုင်ခွင့်ကို ပိုမိုလွယ်ကူစေနိုင်ပြီး ထုတ်လုပ်မှုကုန်ကျစရိတ်လျော့ချနိုင်ကာ ပြိုင်ဆိုင်မှုများကို အဆင့်မြှင့်တင်နိုင်ကြောင်း သိရပါသည်။ ASEAN မှ အိန္ဒိယနိုင်ငံသို့ အဓိက တင်ပို့သော ပစ္စည်းများမှာ လျှပ်စစ်ပစ္စည်းများ၊ သတ္ထုလောင်စာများနှင့် စက်ပစ္စည်းများဖြစ် ကြောင်း သိရပါသည်။ အိန္ဒိယနိုင်ငံမှ ASEAN သို့ တင်ပို့သော ပစ္စည်းများမှာ အဓိကအားဖြင့် သတ္ထု လောင်စာများ၊ ကျောက်မြတ်ရတနာများနှင့် ဓာတုပစ္စည်းများဖြစ်ကြောင်း သိရပါသည်။

Source: Nation Thailand                                                            

DOCA (ရန်ကုန်)

    အိန္ဒိယနိုင်ငံ၏ သြဂုတ်လအတွက် စာအုန်းဆီစျေးနှုန်းများသည် ပွဲတော်ရာသီမတိုင်မီ မြေပဲဆီစျေးနှင့်အပြိုင် သန့်စင်သူမျာအား ဝယ်လိုအားများလာစေရန် မြှင့်တင်မှုများကြောင့် မြင့်တက်လျက်ရှိကြောင်း သိရပါသည်။ ကမ္ဘာ့အကြီးဆုံး ဟင်းသီးဟင်းရွက်ဆီဝယ်ယူသော အိန္ဒိယနိုင်ငံ၏ စားအုန်းဆီတင်သွင်းမှုမြင့်တက်ခြင်းသည် ထိပ်သီးထုတ်လုပ်သည့် အင်ဒိုနီးရှား နိုင်ငံအား အထောက်အပံ့ပေးရန်နှင့် မလေးရှားနိုင်ငံ စားအုန်းဆီအနာဂတ်အား အထောက်အပံ့ ဖြစ်စေနိုင်ကြောင်း သိရပါသည်။ သြဂုတ်လတွင် စားအုန်းဆီတန်ချိန်ပေါင်း ၉၉၃၀၀၀ မက်ထရစ် တန်ချိန်ခန့် တင်သွင်းခဲ့ပြီး ၁၆ ရာခိုင်နှုန်းခန့် မြင့်တက်ခဲ့ကြောင်း သိရပါသည်။ သြဂုတ်လ အတွင်း မြေပဲဆီတင်သွင်းမှုမှာ တန်ချိန်ပေါင်း ၃၅၅၀၀၀ တန်ချိန်ခန့် ၂၈ ရာခိုင်နှုန်းခန့် ကျဆင်းခဲ့ပြီး နေကြာဆီတင်သွင်းမှုမှာ တန်ချိန်ပေါင်း ၂၅၅၀၀၀ တန်ချိန်ခန့် ၂၇ ရာခိုင်နှုန်း မြင့်တက်ခဲ့ကြောင်း သိရပါသည်။ ထို့အပြင် အိန္ဒိယနိုင်ငံသည် သြဂုတ်လမှစတင်၍ ဟင်းသီးဟင်းရွက်ဆီ တန်ချိန် ၆၀၀၀ တန်ခန့် ပထမဆုံးအချိန် စတင် တင်သွင်းခဲ့ကြောင်း သိရပါသည်။ သြဂုတ်လအတွင်း စားအုန်းဆီနှင့် မြေပဲဆီတင်သွင်းမှုမြင့်တက်ခြင်းသည် အိန္ဒိယနိုင်ငံ၏ စားသုံးနိုင်သောဆီတင်သွင်း မှုတွင် တန်ချိန်ပေါင်း ၁.၆ သန်းခန့် ၃.၆ ရာခိုင်နှုန်း မြှင့်တင်ပေးနိုင်ခဲ့ကြောင်း သိရပါသည်။ အဆို ပါ တင်သွင်းမှုပမာဏတွင် နီပေါမှတင်သွင်းလာသော အ‌ကောက်ခွန်မဲ့တင်သွင်းမှုများ မပါဝင် ကြောင်း သိရပါသည်။ အိန္ဒိယနိုင်ငံ၏ စက်တင်ဘာလအတွက် စားအုန်းဆီတင်သွင်းမှုသည် တန်ချိန်ပေါင်း၉၀၀၀၀၀ တန်ခန့်ရောက်ရှိရန် မျှော်မှန်းလျက်ရှိပြီး မြေပဲဆီတင်သွင်းမှုကိုလည်း တန်ချိန်ပေါင်း ၄၅၀၀၀၀ တန်ခန့်ရောက်ရှိရန် မျှော်မှန်းကြောင်း မွန်ဘိုင်းအခြေစိုက် ကုန်သွယ်ရေး ဌာနက ပြောကြားခဲ့ပါသည်။ အိန္ဒိယနိုင်ငံသည် စားအုန်းဆီများကို အင်ဒိုနီးရှားနိုင်ငံနှင့် မ‌လေးရှားနိုင်ငံတို့မှ အဓိက တင်သွင်းလျက်ရှိပြီး မြေပဲဆီနှင့် နေကြာဆီများကို အာဂျင်တီးနား နိုင်ငံ၊ ဘရာဇီးနိုင်ငံ၊ ရရှားနှင့် ယူကရိန်းနိုင်ငံတို့မှ တင်သွင်းလျက်ရှိကြောင်း သိရပါသည်။

Source: Economictimes                                                             

DOCA (ရန်ကုန်)

     Islami Bank Bangladesh ၏ အမြတ်ငွေများသည် ၂၀၂၅ ခုနှစ် ဒုတိယသုံးလပတ်ကာလ တွင် ငွေအပ်နှံသူများ၏ ငွေများများစားစားထုတ်မှုကြောင့် ရုတ်တရက်ကျဆင်းခဲ့ကြောင်း သိရပါသည်။ Shariah အခြေစိုက် ငွေချေးသူ၏ အမြတ်ငွေများသည် တစ်နှစ်ထက်တစ်နှစ် ၈၇ ရာခိုင်နှုန်း tk ၃၇.၆၃ ကုဋေခန့် ကျဆင်းခဲ့ကြောင်း သိရပါသည်။ အဆိုပါဘဏ်သည် ယခင်နှစ်တွင် အမြတ်ငွေပေါင်း tk ၃၀၇ ကုဋေခန့် ရရှိခဲ့ကြောင်း စျေးနှုန်းအကဲခတ် ရေးနှင့်သတင်းအချက် အလက် အဖွဲ့အစည်း (PSI) ၏ ထုတ်ဖော်ကြေညာချက်များအရ သိရပါသည်။ ၂၀၂၄ ခုနှစ်တွင် အမြတ်ငွေ tk ၁၀၈.၇၈ ကုဋေခန့် ၈၃ ရာခိုင်နှုန်း ကျဆင်းခဲ့ပြီး ၂၀၂၃ ခုနှစ်တွင် အမြတ်ငွေ tk ၆၃၅.၃၃ ကုဋေခန့် ရောက်ရှိခဲ့ကြောင်း သိရပါသည်။ ၎င်း၏ ၂၀၂၅ ခုနှစ် ဒုတိယသုံးလပတ် ကာလအတွက် ရှယ်ယာတစ်ခုချင်းဝင်‌ငွေ(EPS)သည် ၂၀၂၄ ခုနှစ်တွင် ရရှိခဲ့သော tk ၁.၉၁ မှ tk ၀.၂၄ သို့ ကျဆင်းသွားကြောင်း သိရပါသည်။ အဆိုပါဘဏ်သည် EPS ကျဆင်းခြင်းသည် အာမခံငွေ ပေးချေရမှုမြင့်တက်ခြင်းကြောင့် ဖြစ်ကြောင်း သိရပါသည်။ ၂၀၂၅ ခုနှစ် ပထမသုံးလ ပတ်ကာလအတွက် ၎င်း၏ လုပ်ငန်းလည်ပတ်အသားတင်ဝင်‌‌ငွေ (NOCFPS) သည် ၂၀၂၄ ခုနှစ် တွင် ရရှိခဲ့သော tk ၅၄.၇၉ မှ tk ၁၇.၆၈  သို့ ကျဆင်းခဲ့ကြောင်း PSI ၏ ထုတ်ပြန်ချက်များအရ သိရ ပါသည်။ ဇူလိုင်လ ၃၁ ရက်နေ့အထိ အဆိုပါဘဏ်များ၏ ရှယ်ယာများကို စပွန်ဆာနှင့် ဒါရိုက်တာ များက ၀.၁၉ ရာခိုင်နှုန်း၊ နိုင်ငံခြားရင်းနှီးမြှုပ်နှံသူများက ၁၇.၈၈ ရာခိုင်နှုန်း၊ ပြည်သူလူထုက ၆.၉၅ ရာခိုင်နှုန်း ကိုင်ဆောင်ထားကြောင်း ဒါကာငွေလဲလှယ်ရေးအဖွဲ့အစည်း၏ ထုတ်ပြန်ချက်များအရ သိရပါသည်။

Source: The Daily Star                                                              

DOCA (ရန်ကုန်)