ပြည်ပကုန်သွယ်မှုသတင်းများ

Powered by Drupal

၂၀၂၆ ခုနှစ်တွင် အမှိုက်များကို ပြည့်ဖြိုးမြဲစွမ်းအင်အဖြစ်အသွင်ပြောင်းမည့် အင်ဒိုနီးရှားနိုင်ငံ Jepara ခရိုင်

ပြည်ပကုန်သွယ်မှုသတင်းများ

     အင်ဒိုနီးရှားနိုင်ငံ Jepara ခရိုင်အုပ်ချုပ်ရေးအဖွဲ့သည် အမှိုက်ထွက်ရှိမှုလျှင်မြန်စွာကြီးထွား လာမှုကို ဖြေရှင်းရန်ရည်ရွယ်၍ တရုတ်ရင်းနှီးမြှုပ်နှံသူနှင့်ပူးပေါင်း၍ ပြည့်ဖြိုးမြဲစွမ်းအင်အဖြစ် အသွင်ပြောင်းမည်ဟု သိရပါသည်။ Jepara ခရိုင်အကြီးအကဲ Witiarso Utomo က ထိုပူးပေါင်း ဆောင်ရွက်ရန် ရည်မှန်းချက်ကို ၂၀၂၆ ခုနှစ်တွင် အကောင်အထည်ဖော်မည်ဖြစ်ကြောင်း၊ တရုတ် ရင်းနှီးမြှုပ်နှံသူထံမှ နည်းပညာလွှဲပြောင်းမှုမှတစ်ဆင့် စီးပွားရေးတန်ဖိုးမရှိသည့် စွန့်ပစ်အမှိုက်များ ကို စွမ်းအင်အဖြစ်ကူးပြောင်းရန် ယခင်ထဲက စဉ်းစားယူဆထားခြင်းဖြစ်ကြောင်းနှင့် ထိုအစီအစဉ် သည် အမှိုက်လျှော့ချနိုင်ရုံသာမက လူမှုအသိုက်အဝန်း အထူးသဖြင့် အိမ်ထောင်ရှင်မများက အမှိုက်စုဆောင်းခြင်းမှတစ်ဆင့် ထပ်တိုးဝင်ငွေရရှိရန်ကူညီပေးနိုင်မည်ဖြစ်ကြောင်း ပြောကြားခဲ့ပါ သည်။ ခရိုင်သဘာဝပတ်ဝန်းကျင်အေဂျင်စီ၏ အကြီးအကဲ Aris Setiawan က ရင်းနှီးမြှုပ်နှံသူ တည်ရှိမှုသည် ခရိုင်၏အမှိုက်စီမံခန့်ခွဲမှုစနစ်ကို သိသာစွာပြောင်းလဲပေးနိုင်မည်ဖြစ်ကြောင်း ပြောကြားခဲ့ပါသည်။ အဆိုပြုထားသည့်အစီအစဉ်တွင် ပလက်စတစ်နှင့် သတ္တုအစရှိသည့် စီးပွားရေးတန်ဖိုးရှိအမှိုက်မှာ လူမှုအသိုက်အဝန်းတိုက်ရိုက်အကျိုးကျေးဇူးရှိစေရန် ဆက်လက် စီမံ ခန့်ခွဲမည်ဟု သိရပါသည်။ ကြွင်းကျန်သောအမှိုက်များမှာ ပြည့်ဖြိုးမြဲစွမ်းအင်အတွက် ကုန်ကြမ်း ပစ္စည်းအဖြစ် ၁၀၀ ရာခိုင်နှုန်းအပြည့်အဝ အသုံးချရန် ခက်ခဲကြောင်း သိရပါသည်။ ထိုအဆင့်သည် အမှိုက်များကို တွင်းများဖြင့်မြေဖို့စွန့်ပစ်ရသည်ဝန်ကို လျှော့ချနိုင်ရုံသာမက ခရိုင်အား သဘာဝ ပတ်ဝန်းကျင်နှင့်သင့်လျော်သောခရိုင်ဖြစ်လာစေရန်ပံ့ပိုးပေးနိုင်မည်ဟု Aris ကပြောကြားခဲ့ပါ သည်။

Antara News

DOCA (ရန်ကုန်)

ဥလုပ်ငန်းရှင်များအား ပံ့ပိုးပေးရန် ပြောင်း ၅၂၄၀၀ တန်ရောင်းချပေးမည့် အင်ဒိုနီးရှားအစိုးရ

ပြည်ပကုန်သွယ်မှုသတင်းများ

     အင်ဒိုနီးရှားအစိုးရသည် မွေးမြူရေးသမားများအားပံ့ပိုးပေးရန်နှင့် ကြက်ဥနှင့် ကြက်ဘဲ ဈေးနှုန်းများတည်ငြိမ်ရေးကူညီရန်အတွက် အစားအစာထောက်ပံ့မှုနှင့် ဈေးနှုန်းတည်ငြိမ်ရေး ပရို ဂရမ် (SPHP) အောက်တွင် ပြောင်းတန်ချိန် ၅၂၄၀၀ ကို ပံ့ပိုးရောင်းချပေးသွားမည်ဟု နိုင်ငံတော်အစား အစာအေဂျင်စီ၏ အကြီးအကဲဖြစ်သူ Arief Prasetyo Adi က စက်တင်ဘာလ ၁ ရက်နေ့က ပြောကြားခဲ့ပါသည်။ မွေးမြူရေးသမားများအတွက် အစာကိုသင့်တော်သောဈေးနှုန်း နှင့် ဝယ်ယူနိုင်ရန် ပြောင်းကို နိုင်ငံတော်ထောက်ပံ့ပို့ဆောင်ရေးအေဂျင်စီ (Bulog) က စီမံခန့်ခွဲသည့် အစိုးရအရန်ထားရှိမှုမှတစ်ဆင့် တစ်ကီလိုဂရမ်ကို ရူပီး ၅၅၀၀ နှင့် ရောင်းချသွား မည်ဟု သိရပါသည်။ နည်းပါးသောအစာဈေးနှုန်းက ယခုနှစ်ကုန်ထိ ထုတ်လုပ်မှုကုန်ကျစရိတ် နည်းပါးရန်နှင့် ဥဈေးနှုန်းများတည်ငြိမ်ရန်ကူညီပေးနိုင်မည်ဟု မျှော်မှန်းရကြောင်း Arief က ပြောကြားခဲ့ပါသည်။ Arief က ထိုကနဦးဆောင်ရွက်မှုသည် မွေးမြူရေးသမားများအား ဥများကို ကောင်းမွန်သောဈေးနှုန်းနှင့် ထုတ်လုပ်စေနိုင်ပြီး ထုတ်လုပ်သူများနှင့် စားသုံးသူများ နှစ်ဖက်စလုံး ကို ကူညီပေးနိုင်မည်ဟု ပြောကြားခဲ့ပါသည်။ စိုက်ပျိုးမွေးမြူရေးဝန်ကြီးဌာနအောက်ရှိ တိရိစ္ဆာန် မွေးမြူရေးနှင့် ကျန်းမာရေးဦးစီးဌာန၏ ညွှန်ကြားရေးမှူးချုပ် Agung Suganda က၎င်း၏ရုံးသည် ဖြန့်ဖြူးမှုများကို ကြီးကြပ်ရန်နှင့် မွေးမြူရေးသမားများအား အစာဈေးနှုန်းမတည်ငြိမ်မှုမှ ကာကွယ် ရန်အတွက် Food Task Force နှင့် အတူတကွလုပ်ကိုင်နေကြောင်း ပြောကြားခဲ့ပါသည်။ Agung ကလတွင် အဓိကထုတ်လုပ်သည့်ဧရိယာများ၌ ပြောင်းဈေးနှုန်းများမြင့်တက်မှုကြောင့် ကြက်ဘဲ မွေးမြူရေးသမားများအပေါ် ဖိအားများသက်ရောက်စေခဲ့ကြောင်း ပြောကြားခဲ့ပါသည်။ တုန့်ပြန်မှု အနေဖြင့် ဝန်ကြီးဌာနသည် သင့်လျော်သောဈေးနှုန်းနှင့် ရောင်းချနိုင်ရန်အတွက် Bapanas ၊ the Food Task Force နှင့် အခြားအေဂျင်စီများနှင့် ညှိနှိုင်းဆောင်ရွက်လျှက်ရှိကြောင်း သိရပါသည်။ Suganda က အစိုးရသည်တိရိစ္ဆာန်အစာဈေးနှုန်းများကို ထိန်းချုပ်ရန် များစွာသောအဆင့်များဖြင့် ဆောင်ရွက်လျှက်ရှိကြောင်း ပြောကြားခဲ့ပါသည်။ ၎င်းတို့တွင် တိရိစ္ဆာန်အစာလုပ်ငန်းနယ်ပယ် အား ဈေးနှုန်းမြှင့်တင်ခြင်းကိုရှောင်ရှားရန်တိုက်တွန်းခြင်း၊ မွေးမြူရေးသမားများအား စဉ်ဆက် မပြတ်ပြောင်းရရှိစေရန် ပံ့ပိုးပေးခြင်းနှင့် မွေးမြူရေးသမားများအား အစာရောင်းချသူများနှင့် ချိတ်ဆက်ပေးခြင်းတို့ပါဝင်ကြောင်း  သိရပါသည်။ အစားအစာဖူလုံမှုနှင့် ကြက်ဘဲမွေးမြူရေးကဏ္ဍ ငွေကြေးဖောင်းပွမှုဖြစ်လာနိုင်သောကြောင့် အစာအတွက်ပြောင်းရရှိရေးသည် အစိုးရ၏ ထိပ်တန်း စိုးရိမ်မှုတစ်ခုအဖြစ် ဆက်လက်တည်ရှိနေကြောင်း သိရပါသည်။

Antara News

DOCA (ရန်ကုန်)

၂၀၂၅ ခုနှစ်အတွက် စီးပွားရေးကြီးထွားနှုန်း ၅.၂ ရာခိုင်နှုန်းရရှိပြီး ဘက်ဂျက် ရူပီး ၆၉၄ ထရီလီယံ ပြင်ဆင်ထားသည့် အင်ဒိုနီးရှား

ပြည်ပကုန်သွယ်မှုသတင်းများ

      အင်ဒိုနီးရှားနိုင်ငံစီးပွားရေးရာညှိနှိုင်းဆွေးနွေးရေးဝန်ကြီး Airlangga Hartarto က ၂၀၂၅ ခုနှစ် ဒုတိယနှစ်ဝက်မှစ၍ နိုင်ငံတော်စီးပွားရေးကြီးထွားနှုန်းရည်မှန်းချက်ကို ၅ မှ ၅.၂ ရာခိုင်နှုန်း ထိ ရရှိရေးအတွက် အစိုးရ၏ဗျူဟာများကို ချပြခဲ့ကြောင်း သိရပါသည်။ ရင်းနှီးမြှုပ်နှံမှုသည် ကြီးထွားမှု၏ အဓိကမောင်းနှင်အားဖြစ်ကြောင်း သိရပါသည်။ ၂၀၂၅ ခုနှစ်၏ ပထမနှစ်ဝက်တွင် ရင်းနှီးမြှုပ်နှံမှု ရူပီး ၉၂၄ ထရီလီယံထိရောက်ရှိခဲ့ခြင်းနှင့်အတူ မတည်ကုန်ပစ္စည်းတင်သွင်းမှုများ မှာ ၂၀၂၄ ခုနှစ်တူညီသည့်ကာလနှင့်နှိုင်းယှဉ်ပါက ၃၂.၅ ရာခိုင်နှုန်းမြင့်တက်ခဲ့ကြောင်း သိရပါ သည်။ ၂၀၂၅ ခုနှစ်၏ ပထမနှစ်ဝက်တွင် နိုင်ငံပိုင်လုပ်ငန်းများ၏မတည်အသုံးစရိတ်နှင့် အစိုးရ၏ မတည်သုံစွဲမှုမှာ ၁၇.၉၄ ရာခိုင်နှုန်းမြင့်တက်လာခြင်းက လာမည့်နှစ်တွင် ထုတ်လုပ်နိုင်စွမ်းကို ပံ့ပိုး ပေးနိုင်မည်ဟု သိရပါသည်။ စဉ်ဆက်မပြတ်ကြီးထွားရန်အတွက် အစိုးရသည် ၂၀၂၅ ခုနှစ်၏ ဒုတိယနှစ်ဝက်တွင် ၎င်းတို့၏ ဘဏ္ဍာရေးလှုံ့ဆော်မှုမူဝါဒကို ဆက်လက်ဆောင်ရွက်မည်ဟု သိရ ပါသည်။ Hartarto ကပထမနှစ်ဝက်တွင် စီးပွားရေးလှုံ့ဆော်မှု ရူပီး ၆၁ ထရီလီယံ (အမေရိကန် ဒေါ်လာ ၃.၇ ဘီလီယံပတ်လည်) သည် အပေါင်းလက္ခဏာဆောင်သော သက်ရောက်မှုရှိခဲ့သည့် အတွက် ဒုတိယနှစ်ဝက်တွင်လည်း တူညီသည့် စီးပွားရေးလှုံ့ဆော်မှုဆောင်ရွက်သွားမည်ဟု မှတ်ချက်ပြုခဲ့ပါသည်။ နိုင်ငံတော်အသုံးစရိတ်နှင့်ပတ်သတ်၍ အစိုးရသည် ဘက်ဂျက်အကောင် အထည်ဖော်မှုကို အရှိန်မြှင့်တင်သွားရန် ရည်ရွယ်ထားကြောင်း သိရပါသည်။ အရှိန်မြှင့်တင်မှုသည် ဝန်ကြီးဌာနများနှင့် အစိုးရအေဂျင်စီများအား ကြီးမားသောဘက်ဂျက်များနှင့် မြေပြင်တွင် မြန်ဆန် စွာ သက်ရောက်မှုရှိစေရန်ရည်ရွယ်ကြောင်း သိရပါသည်။ ဝန်ကြီးက အိမ်ထောင်စုစားသုံးမှုသည် အင်ဒိုနီးရှား၏ စီးပွားရေးကြီးထွားမှုတွင် ကျောရိုးအဖြစ်ဆက်လက်ရပ်တည်နေကြောင်း ပြောကြားခဲ့ပါသည်။ ထို့ကြောင်း ပြည်သူများ၏ဝယ်ယူနိုင်စွမ်းကို ပံ့ပိုးရန်အတွက် များစွာသော ပရိုဂရမ်များ ပြင်ဆင်ထားကြောင်း သိရပါသည်။ ခရီးသွားကဏ္ဍတွင်လည်း ခရစ်စမတ် ၂၀၂၅ နှင့် နှစ်သစ်ကူး ၂၀၂၆ အတွက် ခရီးသွားလည်ပတ်မှုအစီအစဉ်များ စသည့်လှုံ့ဆော်မှုများပြုလုပ်မည် ဟု သိရပါသည်။

Antara News          

DOCA (ရန်ကုန်)

၂၀၂၅ ခုနှစ်ဇူလိုင်လတွင် နိုင်ငံခြားခရီးသွားစံချိန်တင်ရရှိခဲ့သည့် ဘာလီ

ပြည်ပကုန်သွယ်မှုသတင်းများ

       အင်ဒိုနီးရှားနိုင်ငံဘာလီစာရင်းအင်းရုံး (BPS) က နိုင်ငံခြားခရီးသွားလာ‌ရောက်လည်ပတ်မှု ဆက်လက်မြင့်တက်နေပြီး ၂၀၂၅ ခုနှစ် ဇူလိုင်လတွင် ၂၀၂၅ ခုနှစ်အတွက် အမြင့်ဆုံးလည်ပတ်မှု အရေအတွက် ရရှိခဲ့ကြောင်း စက်တင်ဘာလ ၁ ရက်နေ့က ထုတ်ပြန်ခဲ့ပါသည်။ ဇူလိုင်လတွင် စုစုပေါင်းနိုင်ငံတကာလည်ပတ်သူ ၆၉၇၁၀၇ ဦးရရှိခဲ့ပြီး ဇွန်လကထက် ၉.၂၉ ရာခိုင်နှုန်းမြင့်တက် ခဲ့ကြောင်း သိရပါသည်။ ဇွန်လတွင်လည်း စံချိန်တင်လည်ပတ်သူ ၆၀၂၂၁၃ ဦးရှိခဲ့ပြီး ကျွန်းသို့ နိုင်ငံတကာခရီးသွားလာရောက်လည်ပတ်မှု တည်ငြိမ်စွာ မြင့်တက်‌နေကြောင်း သိရပါသည်။ BPS ဘာလီ၏ အများပြည်သူဆက်ဆံရေးအသင်း၏အကြီးအကဲ Ari Kurnianto က ဇူလိုင်လတွင် ပင်လယ်မှ လာရောက်လည်ပတ်မှုကျဆင်းခဲ့သော်လည်း လေကြောင်းမှလာရောက်လည်ပတ်မှုမှာ ၉.၃၀ ရာခိုင်နှုန်းမြင့်တက်ခဲ့ကြောင်း သိရပါသည်။ BPS က ထိုသို့မြင့်တက်လာမှုသည် ဩစတေးလျ၏ ဆောင်းရာသီကျောင်းအားလပ်ရက်နှင့် ဥရောပတွင်အပူလှိုင်းသတိပေးချက် အစရှိသည့် များစွာသော ရာသီဥတုဆိုင်ရာ အကြောင်းအရာများက တစ်စိတ်တစ်ပိုင်းအနေဖြင့် ပါဝင်နေကြောင်း မှတ်ချက်ပြုခဲ့ပါသည်။ နိုင်ငံအားဖြင့်ဆိုပါက ဇူလိုင်လတွင် ဩစတေးလျခရီးသွား လာရောက်လည်ပတ်မှုက ၁၆၁၀၅၁ ဦးဖြင့် ဦးဆောင်ခဲ့ပြီး ၎င်း၏နောက်တွင် တရုတ်က ၅၉၆၅၁ ဦး၊ အိန္ဒိယက ၄၅၂၈၈ ဦး၊ ပြင်သစ်က ၃၈၄၆၀ ဦးနှင့်‌တောင်ကိုရီးယားက ၃၈၂၇၅ ဦးတို့ဖြင့် အသီး သီးရပ်တည်နေကြောင်း သိရပါသည်။ ထိုပမာဏထဲတွင် ပြင်သစ်ခရီးသွားလာရောက်လည်ပတ်မှု က ဇွန်လထက် ၆၀.၇၀ ရာခိုင်နှုန်းမြင့်တက်ခဲ့ကြောင်း သိရပါသည်။ ၂၀၂၅ ခုနှစ်၏ ဇန်နဝါရီလမှ ဇူလိုင်လထိဆိုပါက ဘာလီသို့နိုင်ငံခြားခရီးသွားလာရောက်လည်ပတ်မှုမှာ ၂၀၂၄ ခုနှစ်တူညီသည့် ကာလနှင့်နှိုင်းယှဉ်ပါက ၁၂.၄၆ ရာခိုင်နှုန်းမြင့်တက်ခဲ့ကြောင်း သိရပါသည်။

Antara News          

DOCA (ရန်ကုန်)

CDC သည် ကန်ဒေါ်လာ ၁၄.၄ သန်းတန်ဖိုးရှိ QIP သုံးခုကိုအတည်ပြုခဲ့

ပြည်ပကုန်သွယ်မှုသတင်းများ

      ကမ္ဘောဒီးယားနိုင်ငံ၊ ဖွံ့ဖြိုးတိုးတက်ရေးကောင်စီ (CDC) သည် မကြာသေးမီက အရည်အသွေးပြည့်မီသော ရင်းနှီးမြှုပ်နှံမှု စီမံကိန်း (QIPs) သုံးခုကို အတည်ပြုခဲ့ပြီး ယင်းသည် ပြည်နယ် ၃ ခုတွင် အလုပ်အကိုင် ၉၁၀ ခန့် ဖန်တီးပေးနိုင်မည်ဟု ခန့်မှန်းထားသည်။ CHIYUE Power Tech (Cambodia) Co., Ltd. မှ ဦးဆောင်သည့် ပရောဂျက်တစ်ခုတွင် Takeo ပြည်နယ်၊ Bati ခရိုင်တွင် စွမ်းအင်သိုလှောင်ကိရိယာများနှင့် လျှပ်စစ်ပစ္စည်းများအတွက် စက်ရုံ တည်ထောင်ရန် ကန်ဒေါ်လာ ၅.၅ သန်း ရင်းနှီးမြှုပ်နှံမည်ဖြစ်ပြီး  အလုပ်အကိုင် ၂၀၀ ခန့် ဖန်တီးပေးနိုင်ရန် မျှော်မှန်းထားကြောင်း CDC မှ ထုတ်ပြန်ထားသည်။ New Concept (Cambodia) Co., Ltd. သည် ပလက်စတစ်ပစ္စည်းများ၊ ကစားစရာအရုပ်များ၊ ရွက်ဖျင်တဲများနှင့် မတ်တပ်ရပ်လှော်ခတ်နိုင်သောလှေများအပါအဝင် ပလတ်စတစ်ထုတ်ကုန်များ ထုတ်လုပ်ရန် ဒေါ်လာ ၆ သန်း ရင်းနှီးမြှုပ်နှံမှု စီမံကိန်းအား Svay Rieng ပြည်နယ် Foison Giga အထူးစီးပွားရေးဇုန်တွင် တည်ဆောက်ရန် ရည်ရွယ်ထားပြီးအလုပ်အကိုင် ၅၃၀ ခန့် ဖန်တီးပေး နိုင်မည်ဟု ခန့်မှန်းထားသည်။ NEXORA YUQIANG Manufacturing (Cambodia) Co., Ltd. သည် Sihanoukville အထူးစီးပွားရေးဇုန်ရှိ စက်ရုံသစ်တွင် ဒေါ်လာ ၃ သန်း ရင်းနှီးမြှုပ်နှံထားပြီး မီးဖိုများ၊ ပြင်ပထုတ်ကုန်များ၊ ဟာ့ဒ်ဝဲများနှင့် ပလတ်စတစ်ပစ္စည်းများကို ထုတ်လုပ်မည်ဖြစ်ပြီး အလုပ်အကိုင်ပေါင်း ၁၈၀ ဖန်တီးပေးမည်ဟု မျှော်မှန်းထားသည်။

Source: Khmer Times                                                                                   

DOCA (ရန်ကုန်)

 

ကမ္ဘောဒီးယားနှင့် တရုတ်နိုင်ငံတို့က လယ်ယာထွက်ကုန်များ တိုးချဲ့တင်ပို့နိုင်ရေး ဆွေးနွေး

ပြည်ပကုန်သွယ်မှုသတင်းများ

      ကမ္ဘောဒီးယားနိုင်ငံ၊ စိုက်ပျိုးရေး၊ သစ်တောနှင့် ရေလုပ်ငန်း (MAFF) ဝန်ကြီး Dith Tina နှင့် တရုတ်နိုင်ငံ အကောက်ခွန် အထွေထွေ အုပ်ချုပ်ရေးဝန်ကြီး Sun Meijun တို့ ၁-၉-၂၀၂၅ ရက်နေ့က တရုတ်ဈေးကွက်သို့ ကမ္ဘောဒီးယား လယ်ယာထွက်ကုန် တင်ပို့မှု မြှင့်တင်ရန် အစီအမံများကို ဆွေးနွေးခဲ့ကြသည်။ တရုတ်နိုင်ငံ၊ Beijing (ပေကျင်း) မြို့တွင် ကျင်းပပြုလုပ် ခဲ့သော အဆိုပါ အစည်းအဝေးသို့ ကမ္ဘောဒီးယားနိုင်ငံဆိုင်ရာ MAFF ၏ နိုင်ငံခြားရေး ၀န်ကြီး Prak David နှင့် MAFF နိုင်ငံတကာ ပူးပေါင်းဆောင်ရွက်ရေး ဦးစီးဌာန ညွှန်ကြားရေးမှူး Prum Somany နှင့်တရုတ်နိုင်ငံမှ တာဝန်ရှိသူများ တက်ရောက်ခဲ့ကြသည်။ အစည်းအဝေးတွင် ကမ္ဘောဒီးယား လယ်ယာထွက်ကုန်များအတွက် တရုတ်နိုင်ငံ၏ ကြီးမားသော သွင်းကုန်ဈေးကွက် ကို ဖွင့်လှစ်ရန်၊ နှစ်နိုင်ငံပူးပေါင်းဆောင်ရွက်မှုကို အရှိန်မြှင့်တင်ရန်နှင့် ပို့ကုန်မြှင့်တင်ရန်၊ လယ်ယာစီးပွားရေးတွင် ရင်းနှီးမြှုပ်နှံမှုကို ဆွဲဆောင်ရန်နှင့် ကုန်သွယ်မှုယှဉ်ပြိုင်နိုင်စွမ်းကို အားကောင်းစေမည့် လုပ်ငန်းစဉ်များကို အဓိကထား ဆွေးနွေးခဲ့ကြသည်။

Source: Khmer Times                                                                                  

DOCA (ရန်ကုန်)

MAFF သည် ဆန်ထုတ်လုပ်မှု ကုန်ကျစရိတ်ကို လျှော့ချရန် နည်းလမ်းများ ရှာဖွေ

ပြည်ပကုန်သွယ်မှုသတင်းများ

    လယ်သမားများ၏ အကြောက်တရားများကို ပြေပျောက်စေရန် စိုက်ပျိုးရေး၊ သစ်တော နှင့် ရေလုပ်ငန်းဝန်ကြီးဌာန (MAFF) မှ ဆန်စပါး ထုတ်လုပ်မှု ကုန်ကျစရိတ်ကို ထိန်းထား နိုင်စေရန် နည်းလမ်းများ ရှာဖွေသွားမည်ဟု ၃၁-၈-၂၀၂၅ ရက်နေ့တွင် ပြောကြားခဲ့သည်။ အဆင့်ဆင့်မှ စိုက်ပျိုးရေးအရာရှိများသည် ရိတ်သိမ်းခြင်း၊ စပါးသယ်ယူခြင်းနှင့် နောက်ဆုံး ရောင်းချခြင်း အပါအဝင် စိုက်ပျိုးရေးလုပ်ငန်းတိုင်းတွင် လယ်သမားများနှင့် တက်ကြွစွာ လုပ်ဆောင်နေကြောင်း ဝန်ကြီးဌာန၏ ထုတ်ပြန်ချက်တွင် ဖော်ပြထားသည်။ လယ်ယာ စိုက်ပျိုးရေးတွင် ခေတ်မီစိုက်ပျိုးရေးနည်းပညာများပေါင်းစည်းခြင်းသည် ကုန်ကျစရိတ် လျှော့ချ ရန် တစ်ခုတည်းသော အဖြေဖြစ်သဖြင့် လယ်သမားအသိုင်းအဝိုင်းများ စိုက်ပျိုးရေးကဏ္ဍမှ အကျိုးဖြစ်ထွန်းစေမည့် တစ်ခုတည်းသောအဖြေဖြစ်ကြောင်း အစီရင်ခံစာတွင်ဖော်ပြထားသည်။ ဈေးကွက်အတက်အကျဖြစ်နိုင်ချေကို လျှော့ချနိုင်ရေးအတွက် စိုက်ပျိုးခြင်းနှင့် ဓာတ်မြေသြဇာ များ ဖြန့်ဖြူးပေးခြင်းစသည့် ကဏ္ဍများတွင် ပံ့ပိုးကူညီမှုဖြင့် လာမည့်စိုက်ပျိုးရာသီတွင် ဝန်ကြီး ဌာနက ဆက်လက်ပံ့ပိုးပေးသွားမည် ဟု ထုတ်ပြန်ချက်တွင် ဖော်ပြထားသည်။ စိုက်ပျိုးရေး ပညာရှင်များ၏ အဆိုအရ ရာသီဥတု ဖောက်ပြန်မှု သက်ရောက်မှုကြောင့် နိုင်ငံတော်တွင် စပါး ထုတ်လုပ်မှု ကုန်ကျစရိတ် မြင့်မားနေပြီး မိုးခေါင်ခြင်း၊ ရေကြီးခြင်းများ ဖြစ်ပေါ်ကာ ရိတ်သိမ်းချိန် လွန် အခြေခံအဆောက်အအုံချို့တဲ့မှုနှင့် ခေတ်မီလယ်ယာနည်းပညာ၊ လယ်ယာ ရိတ်သိမ်းခြင်း နှင့် ကြိတ်ခွဲခြင်းလုပ်ငန်းများအတွက် စွမ်းအင ကုန်ကျစရိတ် မြင့်မားခြင်းတို့ ကြောင့် စပါး ထုတ်လုပ်မှု ကုန်ကျစရိတ် မြင့်မားနေကြောင်း သိရသည်။ ဆန်ဈေး ကျဆင်းမှုသည် စိုက်ပျိုးရေး ထောက်ပံ့ရေး ကွင်းဆက်အတွက် ပိုမိုကျယ်ပြန့်သော သက်ရောက်မှုများ ရှိနေကြောင်း၊ လယ်သမားများသာမက ဆန်စက်ပိုင်ရှင်များ၊ ကုန်သည်များ၊ တင်ပို့ရောင်းချသူများပါ ထိခိုက်ပြီး ကျေးလက်ဒေသနေလူထုများအတွင်း ငွေကြေးစီးဆင်းမှုကို ခြိမ်းခြောက်လျက်ရှိပြီး ထုတ်လုပ်မှုစရိတ်လျှော့ချခြင်းသည် အကျပ်အတည်းကို ဖြေရှင်းရန် အဓိကဖြေရှင်းနည်းများထဲမှ တစ်ခုဖြစ်သည်ဟု MAFF က သတ်မှတ်ထားသည်။

Source: Khmer Times                                                                                   

DOCA (ရန်ကုန်)

 

နိုင်ငံတော် တိုးတက်မှုကို တွန်းအားပေးရန်အတွက် သတ္တုတွင်းမှ ၀င်ငွေကို အသုံးပြုရန် MME ထုတ်ပြန်

ပြည်ပကုန်သွယ်မှုသတင်းများ

       ကမ္ဘောဒီးယားနိုင်ငံ၊ သတ္တုတွင်းနှင့် စွမ်းအင်ဝန်ကြီးဌာန (MME) သည် သတ္တုတွင်း သယံဇာတ ရန်ပုံငွေများကို ထိရောက်စွာ စီမံခန့်ခွဲရန် ကတိပြုပြီး သတ္တုတွင်းလုပ်ငန်းများမှ ရရှိသောငွေများသည် အခြေခံအဆောက်အအုံများ ဖွံ့ဖြိုးတိုးတက်ရေး၊ ဒေသခံလူထုကို အကျိုးပြုကာ ကမ္ဘောဒီးယားနိုင်ငံ၏ အလုံးစုံစီးပွားရေးတိုးတက်မှုအတွက် အထောက်အကူ ဖြစ်စေရန် အသုံးပြုသွားမည်ဖြစ်ကြောင်း ထုတ်ပြန်ခဲ့သည်။ ဒေသခံလူထုဖွံဖြိုးတိုးတက်ရေး အတွက် သတ္တုတွင်းရန်ပုံငွေကို အောင်မြင်စွာအသုံးပြုခြင်းနှင့်ပတ်သက်သော သတင်း ထုတ်ပြန်ချက်တွင် MME မှ သဲ၊ ကျောက်စရစ်၊ ဂဝံကျောက်နှင့် ကျောက်အရိုင်းများ အပါအဝင် ဆောက်လုပ်ရေးလုပ်ငန်းသုံး တွင်းထွက်များသည် နိုင်ငံတော် ဖွံ့ဖြိုးတိုးတက်ရေးတွင် အရေးပါသော အခန်းကဏ္ဍမှ ပါဝင်နေကြောင်း အလေးပေးဖော်ပြခဲ့သည်။ ရွှေတူးဖော်ရေးကဏ္ဍ သည် နိုင်ငံခြားတိုက်ရိုက်ရင်းနှီးမြှုပ်နှံမှု (FDI) က၂၀၂၁ ခုနှစ်မှစတင်ကာ နိုင်ငံတကာစံနှုန်းသို့ ရောက်ရှိခဲ့သည်။ ဆောက်လုပ်ရေးနှင့် အဖိုးတန်သတ္တုများတူးဖော်ခြင်း ကဏ္ဍနှစ်မျိုးလုံသည် ဖွံ့ဖြိုးတိုးတက်မှုသည် ကမ္ဘောဒီးယား၏ စီးပွားရေး အားကောင်းစေပြီး ရင်းနှီးမြှုပ်နှံမှု အခွင့်အလမ်းများ တိုးချဲ့ပေးနေကြောင်း ထုတ်ပြန်ထားသည်။ သတ္တုတွင်းရံပုံငွေများကို ပွင့်လင်းမြင်သာစွာ စီမံခန့်ခွဲခြင်းသည် စီးပွားရေးတိုးတက်မှုကို ထိန်းထားရန်၊ နောက်ထပ် ရင်းနှီးမြှုပ်နှံမှုများကို ဆွဲဆောင်ရန်နှင့် တွင်းထွက်သယံဇာတများမှ ဒေသခံလူထု၏ အကျိုးခံစားခွင့်ကို အာမခံရန် အဓိကသော့ချက်ဖြစ်ကြောင်း MME မှ ထုတ်ပြန်ထားခဲ့သည်။

Source: Khmer Times                                                                                    

DOCA (ရန်ကုန်)

 

ကမ္ဘောဒီးယားနှင့် တရုတ်နိုင်ငံတို့သည် ကုန်သွယ်မှု၊ ရင်းနှီးမြှုပ်နှံမှုဆိုင်ရာ ဆက်ဆံမှုများ ပိုမိုနက်ရှိုင်းလာစေရန် ကတိပြုခဲ့ကြ

ပြည်ပကုန်သွယ်မှုသတင်းများ

      ကမ္ဘောဒီးယားနိုင်ငံ၊ ဝန်ကြီးချုပ် Hun Manet သည် တရုတ်နိုင်ငံ Tianjin (တီယန်ကျင်း) မြို့၌ ကျင်းပသည့် ရှန်ဟိုင်း ပူးပေါင်းဆောင်ရွက်ရေးအဖွဲ့ (SCO) ထိပ်သီးအစည်းအဝေးမတိုင်မီ တရုတ်သမ္မတ၊ ရှီကျင့်ဖျင်နှင့်တွေ့ဆုံခဲ့ပြီး ကမ္ဘောဒီးယား-တရုတ် စီးပွားရေးပူးပေါင်း ဆောင်ရွက်မှုများကို ထပ်မံအတည်ပြုကာ ကုန်သွယ်မှုနှင့် ရင်းနှီးမြှုပ်နှံမှုဆက်ဆံရေး ပိုမို နက်ရှိုင်းစေမည့် အခွင့်အလမ်းသစ်များကို ဆွေးနွေးခဲ့ကြသည်။ နှစ်နိုင်ငံပူးပေါင်းဆောင်ရွက်မှုကို မီးမောင်းထိုးပြပြီး ကမ္ဘောဒီးယားနိုင်ငံ၏ ဖွံ့ဖြိုးတိုးတက်မှုနှင့် ပေါင်းစည်းမှုအတွက် တရုတ်နိုင်ငံ ၏ဆက်လက်ပံ့ပိုးကူညီသွားမည်ဟုသမ္မတရှီက ကတိပြုခဲ့သည်။  ထောက်ပံ့ရေးကွင်းဆက်များ နှင့် ချိတ်ဆက်မှုအားကောင်းစေမည့် စီမံကိန်းများကို အရှိန်မြှင့်ရန် အရေးကြီးကြောင်း သမ္မတရှီ က အလေးပေးပြောကြားခဲ့သည်။ ကမ္ဘောဒီးယား၏ လူမှုစီးပွားတိုးတက်မှုအတွက် အခိုင်အမာ ပံ့ပိုးကူညီမှုများအတွက် တရုတ်နိုင်ငံအား ကျေးဇူးတင်ရှိကြောင်း Hun Manet က ပြောကြားခဲ့သည်။  ထောက်ပံ့ပို့ဆောင်ရေး၊ စိုက်ပျိုးရေးနှင့် ဒေသတွင်းကုန်သွယ်မှုကို မြှင့်တင်ရန် စီစဉ်ထားသည့် Funan Techo နှင့် ပေါင်းစည်းထားသော ရေစီမံခန့်ခွဲမှုစီမံကိန်း အပါအဝင် အဓိကအခြေခံအဆောက်အအုံများတွင် တရုတ်ရင်းနှီးမြှုပ်နှံမှုအခန်းကဏ္ဍကို အလေးပေး ပြောကြားခဲ့သည်။ ထောက်ပံ့ရေးကွင်းဆက်များ ကွဲပြားစေရန်နှင့် တန်ဖိုးမြင့်စက်မှု လုပ်ငန်းများကို ဆွဲဆောင်ရန် လိုအပ်သည်ကြောင်း ကမ္ဘောဒီးယား-တရုတ် လွတ်လပ်သော ကုန်သွယ်မှုသဘောတူညီချက် (CCFTA) တွင် နှစ်နိုင်ငံကုန်သွယ်မှုနှင့် ရင်းနှီးမြှုပ်နှံမှုများ တိုးချဲ့ ဆောင်ရွက်ရန် ဝန်ကြီးချုပ်က တောင်းဆိုခဲ့သည်။ နှစ်နိုင်ငံခေါင်းဆောင်များသည် စီးပွားရေးလုပ်ငန်းများနှင့် နိုင်ငံသားများအတွက် မြင်သာထင်သာရှိသော အကျိုးခံစားခွင့်များ ပေးဆောင်ရန် နှစ်နိုင်ငံအဖွဲ့အစည်းများကြား အနီးကပ်ညှိနှိုင်းဆောင်ရွက်ခြင်းဖြင့် အခြေခံ အဆောက်အအုံစီမံကိန်းများကို အချိန်နှင့်တစ်ပြေးညီ အကောင်အထည်ဖော်ရန် သဘောတူညီ ခဲ့ကြသည်။ ကမ္ဘောဒီးယားနိုင်ငံ ဖွံ့ဖြိုးတိုးတက်ရေးကောင်စီ (CDC) မှ ထုတ်ပြန်သော အစီရင်ခံစာအရ တရုတ်ရင်းနှီးမြှုပ်နှံသူများသည် ၂၀၂၅ ခုနှစ် ပထမ (၇) လတွင် ကမ္ဘောဒီးယား နိုင်ငံတွင် ဒေါ်လာ ၃.၆ ဘီလီယံ ရင်းနှီးမြှုပ်နှံခဲ့ကြောင်း၊ ဇန်နဝါရီမှ ဇူလိုင်လအတွင်းတွင် ကမ္ဘောဒီးယားအာဏာပိုင်များက ဒေါ်လာ ၆.၇ ဘီလီယံတန်ဖိုးရှိ စီမံကိန်းပေါင်း ၄၄၀ ကို အတည်ပြုခဲ့ပြီး ရင်းနှီးမြှုပ်နှံမှုပမာဏမှာ ယမန်နှစ် အလားတူကာလထက် ၈၄ ရာခိုင်နှုန်း တိုးလာကာ စီမံကိန်းအရေအတွက် ၈၈ ရာခိုင်နှုန်း တိုးလာခဲ့သည်။  ကမ္ဘောဒီးယားနှင့် တရုတ် နှစ်နိုင်ငံကြား ကုန်သွယ်မှုသည် ၂၀၂၅ ခုနှစ် ပထမ (၇)လတွင် ကန်ဒေါ်လာ ၁၁ ဘီလီယံအထိ မြင့်တက်လာခဲ့ပြီး ယမန်နှစ် အလားတူကာလနှင့် နှိုင်းယှဉ်ပါက ၂၆ ရာခိုင်နှုန်း တိုးမြင့်လာကြောင်း အကောက်ခွန်နှင့် ကုန်စည်စီးဆင်းမှု ဦးစီးဌာန (GDCE) ၏ နောက်ဆုံး စာရင်းများအရ သိရသည်။ GDCE အချက်အလက်များအရ ကုန်သွယ်မှုပမာဏသည် ၂၀၂၄ ဇန်နဝါရီမှ ဇူလိုင်လအထိ ကန်ဒေါ်လာ ၈.၇၂ ဘီလီယံမှ ယခုနှစ်တွင် ကန်ဒေါ်လာ ၁၁ ဘီလီယံ သို့ မြင့်တက်သွားကြောင်းဖော်ထားသည်။  သို့သော် တရုတ်နိုင်ငံသို့ ကမ္ဘောဒီးယား ပို့ကုန်သည် ၈.၉ ရာခိုင်နှုန်း ကျဆင်းခဲ့ပြီး တရုတ်နိုင်ငံမှ တင်သွင်းမှုမှာ ၃၀.၅ ရာခိုင်နှုန်းမှ (ကန်ဒေါ်လာ ၁၀.၁၁ ဘီလီယံ) သို့ သိသိသာသာ မြင့်တက်ခဲ့သည်။

Source: Khmer Times                                                                                   

DOCA (ရန်ကုန်)

 

ဖိလစ်ပိုင်သမ္မတ Ferdinand R Marcos Jr သည် ကမ္ဘောဒီးယား-ဖိလစ်ပိုင် စီးပွားရေး ဆက်ဆံမှု တိုးမြှင့်ရန် လာရောက်မည်

ပြည်ပကုန်သွယ်မှုသတင်းများ

        ဖိလစ်ပိုင်သမ္မတ Ferdinand R Marcos Jr သည် ၂၀၂၅ ခုနှစ်၊ စက်တင်ဘာ ၇ ရက်မှ စတင်ကာ ကမ္ဘောဒီးယားနိုင်ငံသို့ နှစ်ရက်ကြာ နိုင်ငံတော်ခရီးစဉ်အဖြစ် စတင်မည်ဖြစ်ကြောင်း ဖိလစ်ပိုင်သတင်းအေဂျင်စီ (PNA) က ဖော်ပြထားသည်။ သမ္မတ ဆက်သွယ်ရေးရုံး (PCO) လက်ထောက်အတွင်းဝန်နှင့် သတင်းပြန်ကြားရေးအရာရှိ Claire Castro က Marco သည် နိုင်ငံတော်ခရီးစဉ်အတွက် ဖနွမ်းပင်သို့ စက်တင်ဘာ ၇ ရက်မှ ၉ ရက်အထိ သွားရောက်မည် ဖြစ်ကြောင်း၊ ဖနွမ်းပင်တွင် နှစ်နိုင်ငံတွေ့ဆုံပွဲများအပါအဝင် သမ္မတ၏ အစီအစဉ်အသေးစိတ်ကို လာမည့်ရက်များတွင် ထုတ်ပြန်ကြေညာမည်ဖြစ်ကြောင်း Claire Castro က ပြောကြားခဲ့သည်။ ယခုခရီးစဉ်သည် ကမ္ဘောဒီးယား-ဖိလစ်ပိုင်စီးပွားရေးနှင့် စီးပွားရေးဆက်ဆံမှု မြင့်မားလာချိန် တွင် ရောက်ရှိလာခြင်းဖြစ်ပြီး နှစ်နိုင်ငံအစိုးရများသည် စီးပွားရေးနှင့် နှစ်နိုင်ငံဆက်ဆံရေး မြှင့်တင်ရန် အစီအမံများကို လုပ်ဆောင်နေပြီး Marcos Jr ၏ ခရီးစဉ်သည် နှစ်နိုင်ငံ ကုန်သွယ်မှု ပူးပေါင်းဆောင်ရွက်မှုတွင် မှတ်တိုင်သစ်တစ်ခု ဖန်တီးနိုင်မည်ဟု မျှော်လင့်ထားသည်။ ယခုနှစ် ဖေဖေါ်ဝါရီလတွင် ဖိလစ်ပိုင်နိုင်ငံသို့ ဝန်ကြီးချုပ် Hun Manet  လာရောက်လည်ပတ်မှုနှင့်အတူ စီးပွားရေးဆက်ဆံမှုတိုးတက်မှုအတွက် အစီအမံအသစ်တစ်ခုချမှတ်ခဲ့ပြီး   စီးပွားရေးနယ်ပယ် အသီးသီးတွင် လွှမ်းခြုံပူးပေါင်းဆောင်ရွက်မှုတိုးမြှင့်ရေးဆိုင်ရာ နှစ်နိုင်ငံသဘောတူစာချုပ် (၈) ခု ကို လက်မှတ်ရေးထိုးခဲ့သည်။ လက်မှတ်ရေးထိုးခဲ့သည့် သဘောတူညီချက်များထဲမှ တစ်ခုသည် နှစ်နိုင်ငံကြား ဝင်ငွေခွန်နှင့်ဆက်နွှယ်သော အခွန်နှစ်ဆကောက်ခံမှုကို ပပျောက်စေရန် အဓိကထားဆောင်ရွက်ပြီး အခွန်ရှောင်ခြင်းနှင့် ရှောင်ရှားခြင်းတို့ကို တားဆီးခြင်းတို့ကိုလည်း ကိုင်တွယ်ဖြေရှင်းရန်ဖြစ်သည်။  ထို့အပြင် ကမ္ဘောဒီးယားနှင့်ဖိလစ်ပိုင်နိုင်ငံတို့အကြား ရှေးဟောင်းယဉ်ကျေးမှုပစ္စည်းခိုးယူမှုနှင့် တရားမဝင်ရောင်းဝယ်ဖောက်ကားမှုများကို တားဆီးရန် နားလည်မှုစာချွန်လွှာ (MoU) ကိုလည်း လက်မှတ်ရေးထိုးခဲ့သည်။  စိုက်ပျိုးရေးနှင့် လယ်ယာ စီးပွားရေး ပူးပေါင်းဆောင်ရွက်မှု တိုးမြှင့်ရေးကိုလည်း နှစ်နိုင်ငံ သဘောတူညီခဲ့ကြသည်။

Source: Khmer Times                                                                                  

DOCA (ရန်ကုန်)

 

Pages

Subscribe to RSS - ပြည်ပကုန်သွယ်မှုသတင်းများ