ပြည်ပကုန်သွယ်မှုသတင်းများ

              နိုင်ငံတကာရေနံဈေးနှုန်းများ မကြာသေးမီက ပြောင်းလဲခဲ့မှုအပေါ်အခြေခံ၍ တရုတ်နိုင်ငံသည် နိုဝင်ဘာလ ၁၁ ရက်နေ့မှ စတင်ကာ ဓာတ်ဆီနှင့် ဒီဇယ်လက်လီဈေးနှုန်းများကို တိုးမြင့်မည်ဖြစ်ကြောင်း နိုင်ငံတကာထိပ်တန်း စီမံကိန်းရေးဆွဲသူက နိုဝင်ဘာလ ၁၀ ရက်နေ့တွင် ပြောကြားခဲ့ပါသည်။

          ဓာတ်ဆီနှင့် ဒီဇယ်ဈေးနှုန်းများသည် တစ်တန်လျှင် ယွမ် ၁၂၅ (အမေရိကန်ဒေါ်လာ ၁၇.၆၄) နှင့် ယွမ် ၁၂၀ အသီးသီးတိုးလာမည်ဖြစ်ကြောင်း အမျိုးသားဖွံ့ဖြိုးတိုးတက်ရေးနှင့် ပြုပြင်ပြောင်းလဲရေးကော်မရှင် (NDRC) က ထုတ်ပြန်ခဲ့ပါသည်။

          တရုတ်နိုင်ငံ၏ အကြီးဆုံးရေနံကုမ္ပဏီကြီး သုံးခုဖြစ်သည့် China National Petroleum Corporation၊ China Petrochemical Corporation နှင့် China National Offshore Oil Corporation ကို ရေနံထုတ်လုပ်မှု ထိန်းသိမ်းရန်နှင့် တည်ငြိမ်သော ထောက်ပံ့မှုသေချာစေရန် သယ်ယူပို့ဆောင်ရေး လွယ်ကူချောမွေ့စေရန် ညွှန်ကြားထားပါသည်။

          ဒေသအသီးသီးရှိ သက်ဆိုင်ရာဌာနများသည် ဈေးကွက်ကြီးကြပ်ရေးနှင့် စစ်ဆေးရေး လုပ်ငန်းများကို အရှိန်အဟုန်မြင့်ဆောင်ရွက်သင့်ပြီး ဈေးကွက်အစီအမံများကို အကောင်ထည်ဖော်ရန်အမျိုးသာ ဈေးနှုန်းမှုဝါဒများကို ချိုးဖောက်သည့် လုပ်ဆောင်မှုများကို တင်ကြပ်စွာကိုင်တွယ်သင့်ကြောင်း NDRC မှ ပြောကြားခဲ့ပါသည်။

Source : Xinhua                                                                                 

DOCA (ရန်ကုန်)

         ရုရှားနိုင်ငံ ဆိပ်ကမ်းများတွင် ကုန်စည်စီးဆင်းမှုသည် ဇန်နဝါရီမှ အောက်တိုဘာလအတွင်း တန်ချိန် ၇၃၂.၆ သန်းသို့ ရောက်ရှိခဲ့ပြီး ယခင်နှစ်ထက် ၁.၅ ရာခိုင်နှုန်း ကျဆင်းခဲ့ကြောင်း ကူးသန်းရောင်းဝယ်ရေး ပင်လယ်ဆိပ်ကမ်းများအသင်းမှ နိုဝင်ဘာလ ၁၁ ရက်နေ့တွင် ပြောကြားခဲ့သည်။

        ကုန်ခြောက်များကုန်တင်ကုန်ချမှုပမာဏသည် တစ်နှစ်ထက်တစ်နှစ် ၂.၁ ရာခိုင်နှုန်း ကျ ဆင်းခဲ့ပြီး တန်ချိန် ၃၆၂.၉ သန်းသို့ ကျဆင်းခဲ့ကာ အရည်ကုန်စည်များကုန်တင်ကုန်ချမှု ပမာဏ မှာ ၀.၇ ရာခိုင်နှုန်းမှ တန်ချိန် ၃၆၉.၇ သန်းသို့ ကျဆင်းခဲ့သည်။

         ကုန်စည်တင်ပို့မှုမှာ တန်ချိန် ၅၇၄.၇ သန်းမှ ၂.၁ ရာခိုင်နှုန်း ကျဆင်းသွားပြီး သွင်းကုန် ၃.၁ ရာခိုင်နှုန်း ကျဆင်းကာ တန်ချိန် ၃၄.၁ သန်းရှိကြောင်း အသင်း၏ထုတ်ပြန်ချက် အရသိရသည်။

Source: Xinhua                                                                                            

DOCA (ရန်ကုန်)

         ဒေသတွင်း အထည်အလိပ်လုပ်ငန်းကို ကာကွယ်ရန်နှင့် ပြည်သူ့ကျန်းမာရေးကို အကာအကွယ်ပေးရန်အတွက် တရားမဝင်တပတ်ရစ်အဝတ်အထည်များ တင်သွင်းမှုကိုနှိမ်နင်းရန် အင်ဒိုနီးရှားအစိုးရသည် ကြိုးပမ်းအားထုတ်မှုများကို အရှိန်မြှင့်လုပ်ဆောင်လျက်ရှိသည်။ ပြီးခဲ့သည့်နိုဝင်ဘာလ ၈ ရက်နေ့တွင် Riau ကျွန်းစုရှိ အကြီးဆုံးမြို့ဖြစ်သည့် Batam တွင် ဒေသခံရဲများက နိုင်ငံတွင်းသို့ အဝတ်အစားများ မှောင်ခိုကူးသည်ဟု သံသယရှိသူလူ ၂၅ ဦးကို ဖမ်းဆီးခဲ့သည်။ Tanjung Uncang ဧရိယာရှိ ထရပ်ကားသုံးစီးပေါ်မှ ကွန်တိန်နာနှစ်လုံးမှ တင်သွင်းလာသော သံသယဖြစ်ဖွယ် ကုန်ပစ္စည်းများအား မြို့တော်ကို ကြီးကြပ်သည့် Barelang ရဲတပ်ဖွဲ့က အဆိုပါ စစ်ဆင်ရေးကို ဆောင်ရွက်ခဲ့သည်။ အခင်းဖြစ်ပွားရာသို့ ရောက်ရှိလာသည့် ရဲတပ်ဖွဲ့ဝင်များက တရားဝင်စာရွက်စာတမ်းမရှိဘဲ သယ်ဆောင်လာခြင်းဖြစ်ကြောင်း တွေ့ရှိခဲ့သည်။ ဖမ်းဆီးခံရသူများတွင် ကုန်တင်ယာဉ်မောင်းများနှင့် ကုန်တင်လုပ်သားများလည်း ပါဝင်သည်။ ထိုဖမ်းဆီးရရှိမှုတွင် ရပ်ရွာလူထု၏ အခန်းကဏ္ဍကို ကျေးဇူးတင်ကြောင်း၊ ထိုသို့ ပူးပေါင်းဆောင်ရွက်မှုသည် Batam ဒေသမှာ လူကုန်ကူးသော အလေ့အကျင့်များကို အမြစ်ပြတ်ချေမှုန်းရာတွင် အထောက်အကူပြုကြောင်း Barelang ရဲချုပ် Zaenal Arifin က ပြောကြားခဲ့သည်။ အင်ဒိုနီးရှားသည် ၎င်း၏ပြည်တွင်းအထည်အလိပ် ကဏ္ဍကိုကာကွယ်ရန်၊ အလုပ်အကိုင်ထိန်းသိမ်းရန်နှင့် အထည်များနှင့်ဆက်စပ်သော ကျန်းမာရေးအန္တရာယ်များကို လျှော့ချရန်အတွက် တစ်ပတ်ရစ်အ၀တ်များ တင်သွင်းခြင်းကို ကာလရှည်ကြာတားမြစ်ထားသည်။ စည်းမျဥ်းများကြားမှ တင်သွင်းလာသော တစ်ပတ်ရစ်အဝတ်အထည်များ စုဆောင်းခြင်း သို့မဟုတ် စျေးဝယ်ခြင်းအလေ့အကျင့်သည် အင်ဒိုနီးရှားလူမျိုးများကြားတွင် ရေပန်းစားနေဆဲဖြစ်ပြီး အထူးသဖြင့် တံဆိပ်အသစ်အ၀တ် အထည်များသည် ပျမ်းမျှစားသုံးသူတတ်နိုင်သည်ထက် ပိုကုန်ကျလေ့ရှိသောကြောင့် ဖြစ်သည်။ အဆိုပါလမ်းကြောင်းသည် အွန်လိုင်းစျေးကွက်များနှင့် ဆိုရှယ်မီဒီယာပလပ်ဖောင်းများမှတစ်ဆင့် ကျယ်ပြန့်လာသည်။  အဆိုပါပြဿနာကို ကိုင်တွယ်ဖြေရှင်းရန် အစိုးရသည်အွန်လိုင်းမှ တင်သွင်း သော တပတ်ရစ်အဝတ်အစားများရောင်းချခြင်းကိုတားဆီးရန်အဓိက e-commerce ကုမ္ပဏီများ နှင့် ပူးပေါင်းဆောင်ရွက်ခဲ့သည်။ ပြီးခဲ့သည့် သီတင်းပတ်က အသေးစားနှင့် အလတ်စား စီးပွားရေး လုပ်ငန်းများ ဝန်ကြီးဌာနသည် ညှိနှိုင်းဆောင်ရွက်မှု အားကောင်းစေရန် အင်ဒိုနီးရှား E-commerce အသင်းမှ ကိုယ်စားလှယ် များနှင့် တွေ့ဆုံခဲ့သည်။ တစ်ပတ်ရစ်အဝတ်အထည်များ မှောင်ခိုရောင်းချမှုတွင် ပါဝင်ပတ်သက်သူများကို အစိုးရက ဒဏ်ငွေ၊ ပြစ်ဒဏ်များနှင့် အမည်ပျက်စာရင်းများ ချမှတ်မည်ဖြစ်ကြောင်း ဘဏ္ဍာရေးဝန်ကြီး Purbaya Yudhi Sadewa က အောက်တိုဘာလနှောင်းပိုင်းတွင် ပြောကြားခဲ့သည်။ အာဏာပိုင်များက ဆိပ်ကမ်းများတွင် ကြီးကြပ်ကွပ်ကဲမှု တင်းကျပ်ပြီး နိုင်ငံ၏ အထည်အလိပ်လုပ်ငန်းကို ပြန်လည်ရှင်သန်လာစေရန်အတွက် ပြည်တွင်းဖြစ် အထည်အလိပ် ထုတ်ကုန်များဆီသို့ ရွှေ့ပြောင်းရန် အထည်အလိပ် ကုန်သည်များကို တွန်းအားပေးဆောင်ရွက်သွားမည်ဖြစ်ကြောင်း ၎င်းက ပြောကြားခဲ့ကြောင်း သိရှိရပါသည်။

Source: Xinhua                                                                                            

DOCA (ရန်ကုန်)

         ဆောင်းရာသီမတိုင်မီ နိုင်ငံသားများအပေါ် ငွေကြေးဆိုင်ရာဖိအားများ ဖြေလျှော့ရန် ဆီးရီးယားနိုင်ငံ၏ စွမ်းအင်အာဏာပိုင်များက ပြည်တွင်းလောင်စာဆီ ဈေးနှုန်းများကို ၃၀ ရာခိုင်နှုန်း လျှော့ချလိုက်ကြောင်း နိုဝင်ဘာလ ၁၁ ရက်နေ့တွင် ထုတ်ပြန်ကြေညာခဲ့သည်။ ပြည်တွင်းရေနံထုတ်လုပ်မှု တိုးမြင့်လာခြင်းနှင့် ကမ္ဘာ့ရေနံစိမ်းဈေးကျဆင်းခြင်းတို့ကြောင့် ဈေးနှုန်းဖြတ်တောက်ခံရခြင်းဖြစ်ကြောင်း စွမ်းအင်အာဏာပိုင်များ၏ ဆက်သွယ်ရေးဒါရိုက်တာ Ahmad Suleiman က နိုင်ငံပိုင်ရုပ်သံလိုင်း Al-Ikhbariya သို့ ပြောကြားခဲ့သည်။ စျေးနှုန်းသစ်အရ ဒီဇယ်တစ်လီတာလျှင် ၀.၇၅ ဒေါ်လာ၊ ဓာတ်ဆီတစ်လီတာလျှင် ၀.၈၅ ဒေါ်လာနှင့် အိမ်သုံးဓာတ်ငွေ့ဆလင်ဒါ တစ်ယူနစ်လျှင် ၁၀.၅ ဒေါ်လာသို့ ကျဆင်းသွားကြောင်း အာဏာပိုင်များက ထုတ်ပြန်ချက်တွင် ဖော်ပြထားသည်။ မကြာသေးမီက လျှပ်စစ်မီတာခများ မြင့်တက်ခဲ့ပြီးနောက် အများ ပြည်သူ၏ စိုးရိမ်ပူပန်မှုကို သက်သာစေရန် ရည်ရွယ်သည့် လုပ်ဆောင်ချက်မှာ ထွက်ပေါ်လာခြင်းဖြစ်သည်။ ယခုလအစောပိုင်းတွင် စွမ်းအင်အာဏာပိုင်များသည် အချို့သောအိမ်ထောင်စုများအတွက် ဓာတ်အားနှုန်းကို အဆခြောက်ဆယ်အထိ မြှင့်တင်ပေးသည့် လေးဆင့်စျေးနှုန်းစနစ်တစ်ခုကို မိတ်ဆက်ခဲ့သည်။ လျှပ်စစ်ဓာတ်အား ပြုပြင်ပြောင်းလဲမှုသည် နိုင်ငံတော်၏ ဆုံးရှုံးမှုကို လျှော့ချရန်နှင့် ဓာတ်ငွေ့ထုတ်လုပ်မှုအတွက် နေ့စဉ် ဓာတ်ငွေ့ ကုဗမီတာ ၁၀ သန်းနီးပါး လိုအပ်သည့် ဓာတ်အားထုတ်လုပ်မှုအတွက် မြင့်မားသော ဓာတ်ငွေ့သုံးစွဲမှုကြားတွင် ထောက်ပံ့မှု စိတ်ချရမှုကို မြှင့်တင်ရန် ကြိုးပမ်ခြင်းဖြစ်ကြောင်း သိရှိရပါသည်။

Source: Xinhua                                                                                            

DOCA (ရန်ကုန်)

       အာဖရိကနိုင်ငံများသည် ဒေသတွင်းကုန်ထုတ်လုပ်မှုမြှင့်တင်ရန်နှင့် သွင်းကုန်များအပေါ် မှီခိုမှုလျှော့ချရန် ဆေးဘက်ဆိုင်ရာထုတ်ကုန်သုတေသန၊ ဖွံ့ဖြိုးတိုးတက်မှုနှင့် စည်းမျဉ်းများတွင် ပူးပေါင်းဆောင်ရွက်မှုကို အားကောင်းစေရန် နိုဝင်ဘာလ ၁၁ ရက်နေ့က သဘောတူခဲ့သည်။ အာဖရိကရှိ ဆေးဘက်ဆိုင်ရာ ထုတ်ကုန်စည်းမျဉ်းဥပဒေ သတ္တမအကြိမ်မြောက် သိပ္ပံဆိုင်ရာ ညီလာခံ (SCoMRA VII) ကို ကင်ညာကမ်းရိုး တန်းမြို့ Mombasa တွင် ကျင်းပခဲ့ပြီး အီဘိုလာ ဖြစ်ပွားမှုနှင့် COVID-19 ကဲ့သို့သော အရေးပေါ်အခြေအနေများကြောင့် ကြုံတွေ့နေရသော အားနည်းချက်များကို ကိုင်တွယ်ဖြေရှင်းရန် အရေးပေါ်အခြေအနေများကို ကိုယ်စားလှယ်များက သုံးသပ်ခဲ့ကြသည်။ အာဖရိကနိုင်ငံမှ ဆေးဝါးများ၏ ၉၀ ရာခိုင်နှုန်းကျော် အား ပြည်ပမှတင်သွင်း ပြီး ကာကွယ်ဆေးများ၏ တစ်ရာခိုင်နှုန်းအောက်သာ ထုတ်လုပ်ကြောင်း ၎င်းသည် COVID-19 ကပ်ရောဂါကြောင့် မှီခိုမှုနဲ့ အားနည်းချက်ကို ရောင်ပြန်ဟပ်စေကြောင်း၊ SCoMRA VII သည် ညီလာခံတစ်ခုမျှသာမဟုတ် ၎င်းသည် ဒေသတွင်းကုန်ထုတ်လုပ်မှုကို အထောက်အကူဖြစ်စေရန်၊ Africa Continental Free Trade Area အောက်ရှိ အာဖရိကတိုက်အတွင်း ကုန်သွယ်မှုကို အထောက်အပံ့ ဖြစ်စေရန် နှင့် အရည်အသွေး၊ ဘေးကင်းပြီး ထိရောက်သော ဆေးဘက်ဆိုင်ရာ ထုတ်ကုန်များကို အာဖရိကန်နိုင်ငံ များထံရောက်ရှိကြောင်း သေချာစေရန်အတွက် မဟာဗျူဟာမြောက် ပလပ်ဖောင်းတစ်ခုဖြစ်ကြောင်း၊ African Medicines Agency (AMA) ၏ ညွှန်ကြား ရေးမှူးချုပ် Delese Mimi Darko က ပြောကြားခဲ့ပြီး အာဖရိကတစ်ဝှမ်းရှိ ဒေသန္တရဆေးဝါးများ ထုတ်လုပ်ရေးအား ပံ့ပိုးကူညီရန် အဖွဲ့အစည်း၏ ကတိကဝတ် ကိုလည်း အလေးပေးပြောကြားခဲ့ သည်။ ဒေသတွင်း ထုတ်လုပ်မှုတိုးမြှင့်ခြင်းသည် သွင်းကုန်အပေါ် မှီခိုမှုကို လျှော့ချစေပြီး ဘေးကင်းသော၊ တတ်နိုင်သော၊ အရည်အသွေးမြင့် ဆေးဘက်ဆိုင်ရာ ထုတ်ကုန်များ ရရှိနိုင်မှုကို တိုးတက်စေမည်ဟု Darko မှ ဆက်လက်ပြောကြားခဲ့သည်။ အာဖရိကသမဂ္ဂ ဖွံ့ဖြိုးတိုးတက်ရေး အေဂျင်စီ-New Partnership for Africa's Development မှ လူသားအရင်းအနှီးနှင့် အဖွဲ့အစည်းဆိုင်ရာ ဖွံ့ဖြိုးတိုးတက်ရေး ဒါရိုက်တာ Symerre Grey-Johnson က အာဖရိကသည် AMA ကို တည်ထောင်ခြင်းဖြင့် လက်တွေ့ကျသော ဆေးဘက်ဆိုင်ရာ ထုတ်ကုန်များ ထုတ်လုပ်ရေးတွင် မဟာဗျူဟာမြောက် လှုပ်ရှားမှုများ ပြုလုပ်ခဲ့သည်ဟု ပြောကြားခဲ့သည်။ Grey-Johnson သည် တည်ထောင်မှုတွင် ကြိုတင်မှန်းဆနိုင်သော စည်းမျဉ်းဆိုင်ရာ လုပ်ငန်းဆောင်တာများနှင့် အာဖရိက၏ ကျန်းမာရေးကဏ္ဍအနာဂတ်အတွက် ရေရှည် တည်တံ့ခိုင်မြဲစေမည့် အခွင့်အာဏာရှိ သော ခေါင်းဆောင်မှုတို့ကို ပံ့ပိုးပေးထားကြောင်း မှတ်ချက်ပြုခဲ့ကြောင်း သိရှိရပါသည်။

Source: Xinhua                                                                                            

DOCA (ရန်ကုန်)