ပြည်ပကုန်သွယ်မှုသတင်းများ

     အမေရိကန်နိုင်ငံနှင့် သြစတြေးလျနိုင်ငံတို့သည် တရုတ်နိုင်ငံ၏ စက်မှုလုပ်ငန်းများ အပေါ် ချုပ်ကိုင်လွှမ်းမိုးမှုကို တန်ပြန်ရန် ရည်ရွယ်၍ အရေးကြီးသော သတ္ထုတွင်း သဘောတူညီချက်၏ တစ်စိတ်တစ်ပိုင်းအဖြစ် သြစတြေးလျနိုင်ငံရှိ ကုမ္ပဏီများအား ငွေကြေးပံ့ပိုးမှုကို တိုးမြှင့်ခဲ့ပြီး ကုမ္ပဏီများ၏ ရှယ်ယာများကို အောက်တိုဘာလ ၂၁ ရက်နေ့တွင် သိသိသာသာ မြင့်တက်စေခဲ့ ကြောင်း သိရပါသည်။ အဆိုပါသဘောတူညီမှုအောက်တွင် အမေရိကန်နိုင်ငံ သမ္မတ Donald Trump နှင့် သြစတြေးလျနိုင်ငံ ဝန်ကြီးချုပ်ဆိုသူ Anthony Albanese တို့က အမေရိကန်နှင့် သြစတြေးလျနှစ်နိုင်ငံလုံးသည် ၇ လအတွင်းတွင် သတ္ထုတူးဖော်ရေးနှင့် ထုတ်လုပ်ရေး စီမံကိန်း များတွင် အနည်းဆုံး အမေရိကန်ဒေါ်လာ ၁ ဘီလီယံ ခန့် တိုးမြင့် ရင်းနှီးမြှုပ်နှံ သွားမည် ဖြစ်ကြောင်း နှင့် အရေးပါသော သတ္ထုများအတွက် ကြမ်းခင်းစျေး များကို သတ်မှတ်သွား မည်ဖြစ်ကြောင်း သိရပါသည်။ သြစတြေးလျနိုင်ငံတွင် အမေရိကန်နိုင်ငံနှင့် သဘောတူညီထား သော အရေးပါသည့်သတ္ထုတူးဖော့်သည့် စီမံကိန်းများကို အဆင့်မြှင့်တင်ရန်အတွက် အမေရိကန် နိုင်ငံမှ ပို့ကုန်-သွင်းကုန်ကုမ္ပဏီ (EXIM) က စုစုပေါင်းအတိုး (LOIs) အမေရိကန်ဒေါ်လာ ၂.၂ ဘီလီယံခန့် ပေးပို့သွားမည်ဖြစ်ကြောင်း သိရပါသည်။ အဆိုပါ LOIs များကို Arafura Rare Earths၊ Northern Minerals၊ Graphinex၊ Latrobe Magnesium၊ VHM၊ RZ Resources နှင့် Sunrise Energy Metals များသို့ ပို့ဆောင်သွားမည်ဖြစ်ကြောင်း သိရပါသည်။ ၎င်းတို့သည် အမေရိကန်နိုင်ငံ ထုတ်လုပ်ရေးလုပ်ငန်းများ၊ နိုင်ငံတော်လုံခြုံရေးနှင့် တစ်ခြားသော နည်းဗျူဟာမြောက်လုပ်ငန်း များအတွက် စွမ်းအင်ပေးနိုင်မည့် သတ္ထုတွင်းများအဖြစ် ကိုယ်စာပြုနေကြောင်း သိရပါသည်။ Arafura ၏ ရှယ်ယာများသည် အောက်တိုဘာလ ၂၁ ရက်နေ့မနက်ခင်းတွင် ၈ ရာခိုင်နှုန်းခန့် မြင့်တက်လျက်ရှိကာ Northern Minerals၊ Latrobe Magnesium နှင့် VHM တို့၏ ရှယ်ယာများ သည်လည်း ၁၁ ရာခိုင်နှုန်း၊ ၁၅ ရာခိုင်နှုန်း၊ ၂၀ ရာခိုင်နှုန်းစသဖြင့် အသီးသီး မြင့်တက်လျက်ရှိပြီး Sunrise ၏ ရှယ်ယာများသည်လည်း ၀.၇ ရာခိုင်နှုန်းခန့် မြင့်တက်လာကြောင်း သိရပါသည်။ အစိုးရက ၎င်းတို့အနေဖြင့် အမေရိကန် အလူမီနီယမ်ထုတ်လုပ်သည့် စက်ရုံ  Alcoa အား ကမ္ဘာလုံး ဆိုင်ရာ Gallium ထောက်ပံ့မှု ၁၀ ရာခိုင်နှုန်းအထိ ပံ့ပိုးပေးနိုင်မည့် သြစတြေးလျနိုင်ငံအနောက် ပိုင်းရှိ အလူမီနီယမ် သန့်စင်သည့် စက်ရုံဘေးတွင် Gallium စက်ရုံအားတည်ဆောက်နိုင်ရန် ကူညီသွားမည်ဖြစ်ကြောင်း ပြောကြားခဲ့ပါသည်။ အဆိုပါ ကြေညာချက်ကြောင့် Aloca ၏ ရှယ်ယာများ ၈ ရခိုင်နှုန်းခန့် မြင့်တက်ခဲ့ကြောင်း သိရပါသည်။ Gallium ကို အလူမီနီယမ်ထုတ်လုပ် ရေးအတွက် ကုန်ကြမ်းအဖြစ် အသုံးပြုလျက်ရှိပြီး ၎င်းသည် semiconductor လုပ်ငန်းနှင့် ကာကွယ်ရေးကဏ္ဍများအတွက် အရေးပါသော သတ္ထုတစ်မျိုးဖြစ်ကြောင်း သိရပါသည်။ Aloca သည် သြဂုတ်လတွင် Japan Australia Gallium Associates (Jaga) နှင့် အတူ ဖွံ့ဖြိုးတိုးတက်ရေး သဘောတူညီမှုကို လက်မှတ်ရေးထိုးခဲ့ကြောင်း သိရပါသည်။ Aloca သည် Jaga နှင့်အတူ Aloca ကုမ္ပဏီ လုပ်ငန်းလည်ပတ်ရန်အတွက် ဖက်စက်လုပ်ငန်း ပြုလုပ်ရန် မျှော်မှန်းလျက်ရှိကြောင်း သိရပါသည်။

Source: The Edge Malaysia                                                        

DOCA (ရန်ကုန်)

            Hai Phong မြို့တော်အာဏာပိုင်များသည် လွတ်လပ်သောကုန်သွယ်ရေးဇုန် (FTZ)  တည်ထောင်မည်ဟု အောက်တိုဘာလ ၁၆ ရက်နေ့က ကြေညာခဲ့ပါသည်။ ထို FTZ ကို ကုန်ထုတ် လုပ်ခြင်း၊ ထောက်ပံ့ပို့ဆောင်ရေး၊ ကုန်သွယ်ရေး၊ ဝန်ဆောင်မှုများ၊ မြင့်မားသောနည်းပညာနှင့် ဘဏ္ဍာရေးတို့အတွက် ဒေသတွင်းနှင့် ကမ္ဘာလုံးဆိုင်ရာအချက်အချာဖြစ်လာရန် ရည်ရွယ်ကြောင်း သိရပါသည်။ ထို့ပြင် ဆန်းသစ်တီထွင်မှု၊ ဒစ်ဂျစ်တယ်အသွင်ကူးပြောင်းမှုနှင့် စိမ်းလန်းမှုတို့ အတွက်လည်းရည်ရွယ်ကြောင်း သိရပါသည်။ မြူနီစပယ်ပြည်သူ့ကော်မတီအောက်ရှိ Hai Phong စီးပွားရေးဇုန်အာဏာပိုင်အဖွဲ့က FTZ ကိုတိုက်ရိုက်ကြီးကြပ်ကွပ်ကဲမည်ဖြစ်ပြီး စီမံခန့်ခွဲမှု၊ အုပ်ချုပ်မှု၊ ရင်းနှီးမြှုပ်နှံမှုပံ့ပိုးမှု၊ ကုန်ထုတ်လုပ်မှုနှင့် ဇုန်အတွင်းလည်ပတ်မည့်လုပ်ငန်းများ အတွက် အခြားဝန်ဆောင်မှုများကို ကိုင်တွယ်ဖြေရှင်းသွားမည်ဟု သိရပါသည်။ ၆၂၉၂ ဟတ်တာ ကျယ်ဝန်းပြီး Dinh Vu- Cat Hai စီးပွားရေဇုန်နှင့် တောင်ပိုင်း Hai Phong ကမ်းရိုးတန်းစီးပွားရေး ဇုန်တို့နှင့် ချိတ်ဆက်နေသည့် FTZ တွင် ကုန်ထုတ်လုပ်ခြင်း၊ ဆိပ်ကမ်းနှင့် ထောက်ပံ့ပို့ဆောင်ရေး လည်ပတ်မှု၊ ထောက်ပံ့ပို့ဆောင်ရေးစင်တာများ၊ ကုန်သွယ်ရေး၊ ဝန်ဆောင်မှုနှင့် အခြားကဏ္ဍများ အတွက် ဧရိယာများပါဝင်မည်ဟု သိရပါသည်။ FTZ သည် ဒေသတွင်းကမ်းရိုးတန်းစီးပွားရေးဇုန် ၃ ခုအတွင်း ပြန့်နှံ့တည်ရှိပြီး တောင်ပိုင်းကမ်းရိုးတန်းစီးပွားရေးဇုန်တွင် ၂၉၂၃ ဟတ်တာ၊ Dinh Vu-Cat Hai စီးပွားရေးဇုန်တွင် ၁၀၇၇ ဟတ်တာနှင့် Cat Hai အထူးစီးပွားရေးဇုန်တွင် ၂၂၉၂ ဟတ်တာ လွှမ်းခြုံထားကြောင်း သိရပါသည်။

 DOCA (ရန်ကုန်)

        ကမ္ဘောဒီးယားမိတ်ဖက်များနှင့် ကုန်ထုတ်လုပ်မှု၊ ကုန်သွယ်ရေး၊ ဝန်ဆောင်မှုနှင့် ရင်းနှီး မြှုပ်နှံမှုတို့တွင် ချိတ်ဆက်မှုမြှင့်တင်မည့် ကွန်းဖရန့်ကို ကမ္ဘောဒီးယားနယ်စပ်ရှိ An Giang ပြည်နယ်တွင် အောက်တိုဘာလ ၁၇ ရက်နေ့တွင် ကျင်းပပြုလုပ်မည်ဟု သိရပါသည်။၂၀၂၅ ခုနှစ် နိုင်ငံတော်ကုန်သွယ်မှုမြှင့်တင်ရေးပရိုဂရမ်အောက်တွင် အဓိကဆောင်ရွက်မှုဖြစ်သည့် ထိုအခမ်း အနားသည် ဗီယက်နမ်မြောက်ပိုင်းတွင် ကုန်သွယ်ရေးကြီးထွားမှုအရှိန်မြှင့်တင်ရန်၊ ဒေသခြင်း ချိတ်ဆက်မှုအားကောင်းရန်နှင့် နှစ်နိုင်ငံအကြား နယ်စပ်ဖြတ်ကျော်စီးပွားရေးပူးပေါင်းဆောင်ရွက် မှုတိုးချဲ့ရန် ရည်ရွယ်ကြောင်း သိရပါသည်။ ဗီယက်နမ်စက်မှုနှင့် ကုန်သွယ်ရေးဝန်ကြီးဌာန၊ မြောက်ပိုင်းပြည်နယ်နှင့်မြို့တော်များ၏ပြည်သူ့ကော်မတီများနှင့် သက်ဆိုင်ရာကမ္ဘောဒီးယား အေဂျင်စီများကပူးတွဲကြီးမှူးကျင်းပသည့်ထိုကွန်းဖရန့်သည် နှစ်နိုင်ငံစလုံးမှဝန်ကြီးဌာနများ၊ ဒေသအာဏာပိုင်များ၊ စီးပွားရေးအသင်းများနှင့် လုပ်ငန်းများထံမှ တာဝန်ရှိသူ ၂၀၀ မှ ၂၅၀ ကြား ဆွဲဆောင်နိုင်ရန်မျှော်မှန်းရကြောင်း သိရပါသည်။ ပါဝင်မည့်စီးပွားရေးလုပ်ငန်းများသည် စိုက်ပျိုး မွေးမြူရေး၊ သစ်တော၊ ငါးလုပ်ငန်း၊ အစားအစာနှင့် စားသုံးကုန်များ၊ အဝတ်အထည်-အထည် အလိပ်နှင့် ဖိနပ်၊ ဆောက်လုပ်ရေးလုပ်ငန်းသုံးပစ္စည်းများ၊ စက်ပစ္စည်းများ၊ ဓာတ်မြေဩဇာများ၊ ဆေးဝါးများ၊ ထောက်ပံ့ပို့ဆောင်ရေး၊ ကုန်သွယ်ရေးနှင့် ဝန်ဆောင်မှုအစရှိသည့် ကျယ်ပြန့်သည့် ကဏ္ဍများမှပါဝင်ကြောင်း သိရပါသည်။ ဝန်ကြီးဌာန၏ ကုန်သွယ်မှုမြှင့်တင်ရေးအေဂျင်စီ၏ အဆို အရ ထိုကွန်းဖရန့်သည် မူဝါဒဆွေးနွေးမှုစင်မြင့်တစ်ခုသာမက ဗီယက်နမ်နှင့် ကမ္ဘောဒီးယား လုပ်ငန်းများက အတွေ့အကြုံများဖလှယ်ရန်၊ စီးပွားရေးအခွင့်အလမ်းသစ်များရှာဖွေရန်နှင့် ကဏ္ဍများတွင် ပူးပေါင်းဆောင်ရွက်မှုကွန်ယက်များ တိုးချဲ့ရန်အခွင့်အလမ်းသစ်များတိုးချဲ့ရန် အခွင့်အလမ်းတစ်ခုဖြစ်ကြောင်း သိရပါသည်။ အဓိကဆွေးနွေးမှုများသည်ကုန်သွယ်ရေးနှင့် ရင်းနှီး မြှုပ်နှံမှုမူဝါဒများတိုးတက်ရန်၊ နယ်စပ်ဂိတ်အခြေခံအဆောက်အအုံနှင့် ထောက်ပံ့ပို့ဆောင်ရေး ဖွံ့ဖြိုးတိုးတက်ရန်၊ ဝန်ဆောင်မှုနှင့် ဒစ်ဂျစ်တယ်စီးပွားရေးတွင် ပူးပေါင်းဆောင်ရွက်မှုတိုးချဲ့ရန်နှင့် နှစ်နိုင်ငံစလုံးမှ စီမံခန့်ခွဲရေးအေဂျင်စီများ၊ အသင်းများနှင့် လုပ်ငန်းများအကြား ရေရှည်ပူးပေါင်း ဆောင်ရွက်မှုယန္တယားများတည်ထောင်ရန်တို့အပေါ် အဓိကထားမည်ဖြစ်ကြောင်း သိရပါသည်။ ကွန်းဖရန့်တွင် ဗီယက်နမ်နှင့် ကမ္ဘောဒီးယားလုပ်ငန်းများနှင့် အဖွဲ့အစည်းများအကြား MoU လက်မှတ်ရေးခြင်းအခမ်းအနားတို့ပါဝင်မည်ဟု သိရပါသည်။

 DOCA (ရန်ကုန်)

         ၂၃ ကြိမ်မြောက် ဗီယက်နမ် နိုင်ငံတကာအဝတ်အထည်နှင့် အထည်အလိပ်ကုန်စည်ပြပွဲကို အောက်တိုဘာလ ၁၅ ရက်နေ့က ဟိုချီမင်းမြို့တော်တွင်ကျင်းပပြုလုပ်ခဲ့ကြောင်း သိရပါသည်။ Vietnam National Trade Fair and Advertising Company (Vinexad) နှင့် Yokers Trade & Marketing Service Co.Ltd တို့ပူးတွဲကြီးမှူးကျင်းပခဲ့သည့် ထိုအခမ်းအနားကို တရုတ်၊ အိန္ဒိယ၊ မလေးရှား၊ ပါကစ္စတန်၊ စင်ကာပူ၊ တောင်ကိုရီးယားနှင့် ထိုင်းနိုင်ငံတို့ပါဝင်သော နိုင်ငံနှင့် ဒေသ ပေါင်း ၁၀ ခုမှ ပြသသူ ၄၀၀ ကျော်က ပြခန်းပေါင်း ၇၅၀ ဖွင့်လှစ်ပြသခဲ့ကြောင်း သိရပါသည်။ သုံးရက်ကြာကျင်းပမည့် ထိုအခမ်းအနားတွင် အဝတ်အထည်နှင့် အထည်အလိပ်လုပ်ငန်းတွင် အသုံးပြုသည့် နောက်ဆုံးပေါ် အလိုအလျောက်စနစ်များ၊ ဒစ်ဂျစ်တယ်စနစ်များနှင့် နည်းပညာမြင့် စက်ယန္တယားများကို ပြသမည်ဖြစ်ပြီး စက်ရုံများဒစ်ဂျစ်တယ်အသွင် ကူးပြောင်းမှုမြှင့်တင်ရန်နှင့် ဗီယက်နမ်၏ ဒစ်ဂျစ်တယ်အသွင်ကူးပြောင်းမှုနှင့် ထုတ်ကုန်ကွဲပြားမှု ရည်မှန်းချက်များကို ပံ့ပိုးပေးမည့် ဆန်းသစ်တီထွင်မှုများကို အသားပေးဖော်ပြခဲ့ကြောင်း သိရပါသည်။ ထိုပြပွဲသည် လည်ပတ် သူများအားနည်း ပညာသစ်များရှာ ဖွေရန်၊ နိုင်ငံတကာဝယ်ယူသူများ၊ လုပ်ငန်းနယ်ပယ်ဦးဆောင် သူများနှင့်ချိတ်ဆက်ရန်နှင့် ၎င်းတို့၏ စီးပွားရေး မဟာဗျူဟာများကို ပုံဖော်ရန်အတွက် ဈေးကွက်ဦးတည်ရာလမ်းကြောင်း နောက်ဆုံးအဆင့်အခြေအနေကိုသိရှိရန် ပံ့ပိုးပေးခဲ့ကြောင်း သိရပါသည်။ ကုန်စည်ပြပွဲထက် ကျော်လွန်၍ စီးပွားရေးချိတ်ဆက်ခြင်း၊ ပူးပေါင်းဆောင်ရွက်ခြင်းနှင့် အဝတ် အထည်နှင့် အထည်အလိပ် အသိုက်အဝန်းအတွင်း ရင်းနှီးမြှုပ်နှံမှုမြှင့်တင်ရန် စင်မြင့်တစ်ခုဖြစ်ခဲ့ ကြောင်း သိရပါသည်။ Vinexad ၏ ဒုတိယညွှန်ကြားရေးမှူး Pham Dang Khanh က ကမ္ဘာလုံး ဆိုင်ရာအစိမ်းရောင် စက်မှုအသွင်ကူးပြောင်းမှုကို တုံ့ပြန်သည့်အနေဖြင့် ပြပွဲတွင် စက်ဝန်းပုံ ဖြစ်ရန်၊ စနစ်ကျရန်နှင့် စဉ်ဆက်မပြတ် ဖြစ်စေရန်အလုပ်ရုံဆွေးနွေးပွဲများ ကျင်းပမည်ဖြစ်ကြောင်း ပြောကြားခဲ့ပါသည်။ ထိုဆွေးနွေးပွဲများတွင် ဗီယက်နမ်၏ အဝတ်အထည်၊ အထည်အလိပ်နှင့် ဖိနပ်လုပ်ငန်းများ ပိုမိုယှဉ်ပြိုင်နိုင်စွမ်းမြှင့်တင်ရန်ရည်ရွယ်၍ ထိပ်တန်းကျွမ်းကျင်ပညာရှင်များ၊ရှေ့ဆောင်ကုန်ထုတ်လုပ်သူများနှင့်သုတေသနပညာရှင်များပါဝင်မည်ဖြစ်ကြောင်း သိရပါသည်။

 DOCA (ရန်ကုန်)

      ဥရောပနှင့် အာရှတို့၏ ဝယ်လိုအား ခိုင်မာမှုကြောင့် တောင်ကိုရီးယားနိုင်ငံ၏ မော်တော် ယာဉ်တင်ပို့မှုသည် စတုတ္ထမြောက်လအဖြစ် တိုးတက်လာခဲ့ကြောင်း အစိုးရ၏ အချက်အလက် များအရ သိရှိရပါသည်။

          ကုန်သွယ်ရေး၊ စက်မှုလက်မှုနှင့် စွမ်းအင်ဝန်ကြီးဌာန၏ အဆိုအရ စက်တင်ဘာလတွင် ကားတင်ပို့မှုသည် တစ်နှစ်တာကာလအတွင်း ၁၆.၈ ရာခိုင်နှုန်း တိုးတက်ကာ အမေရိကန်ဒေါ်လာ ၆.၄၁ ဘီလီယံအထိ ရောက်ရှိခဲ့ပြီး ဇွန်လကတည်းက ဆက်တိုက်တိုးတက်နေခဲ့ပါသည်။

          အမေရိကန်နိုင်ငံသို့ ကားတင်ပို့မှုသည် ၇.၅ ရာခိုင်နှုန်း လျော့ကျခဲ့ပြီး အမေရိကန်ဒေါ်လာ ၂.၃၈ ဘီလီယံ ရှိခဲ့သော်လည်း ဥရောပသမဂ္ဂနှင့် အာရှ သို့ တင်ပို့မှုသည် နှစ်ဆတိုးတက်လာခဲ့ ပါသည်။ ဥရောပသမဂ္ဂသို့ အမေရိကန်ဒေါ်လာ ၉၅၈ သန်းနှင့် အာရှသို့ အမေရိကန်ဒေါ်လာ ၈၂၃ သန်း တင်ပို့ခဲ့ကြောင်း သိရှိရပါသည်။

          သဘာဝပတ်ဝန်ကျင် ထိန်းသိမ်းသော ဆီဒင်ကားများ တင်ပို့မှုသည် ပြီးခဲ့သည့်နှစ် အလားတူ ကာလနှင့် နှိုင်းယှဉ်ပါက စက်တင်ဘာလတွင် ၂၂.၉ ရာခိုင်နှုန်း မြင့်တက်ခဲ့ပြီး အမေရိကန်ဒေါ်လာ ၂.၆၇ ဘီလီယံ အထိ ရှိခဲ့ပါသည်။

          တင်ပို့ခဲ့သော ယာဉ်အရေအတွက်သည် စက်တင်ဘာလတွင် ၂၂၈၁၅၃ စီးရှိပြီး ယခင်နှစ်ထက် ၁၁ ရာခိုင်နှုန်း တိုးတက်ခဲ့ပါသည်။ ကားပစ္စည်းအစိတ်အပိုင်းများ တင်ပို့မှုသည် ၆ ရာခိုင်နှုန်းမြင့်တက်ပြီး အမေရိကန်ဒေါ်လာ ၁.၉၂ ဘီလီဘံ အထိရှိခဲ့ပါသည်။

          ပြည်တွင်းစက်ရုံများတွင် ထုတ်လုပ်သည့် မော်တော်ယာဉ်အရေအတွက်သည် တစ်နှစ်တာ အခြေခံဖြင့် ၈.၉ ရာခိုင်နှုန်း တိုးတက် လာပြီး ၃၃၄၃၁၉ စီး အထိ ရှိခဲ့ပါသည်။ ပြည်တွင်း၌ ထုတ်လုပ်သော မော်တော်ယာဉ်များနှင့် ပြည်ပမှ တင်သွင်းသော မော်တော်ယာဉ်များ အပါအဝင် ပြည်တွင်း၌ ရောင်းချသော ကားအရေအတွက်မှာ စက်တင်ဘာလတွင် ၁၅၇၈၉၈ စီးဖြစ်ပြီး ယခင် နှစ်ကထက် ၂၀.၈ ရာခိုင်နှုန်း တိုးတက်ခဲ့ပါသည်။

Source : Xinhua                                                                               

  DOCA (ရန်ကုန်)