ပြည်ပကုန်သွယ်မှုသတင်းများ

      မလေးရှားနိုင်ငံ၏ စားအုန်းဆီလုပ်ငန်းကဏ္ဍသည် ကုန်လက်ကျန်သိုလှောင်မှုပမာဏ စံချိန် တင် များပြားနေမှုနှင့်အတူ ဇီဝဒီဇယ်အဖြစ် ပြောင်းလဲသုံးစွဲမည့် မူဝါဒများ အကန့်အသတ်ရှိသဖြင့် ဈေးနှုန်းများအပေါ် ဖိအားသက်ရောက်နေမှုတို့အရ ၂၀၂၆ ခုနှစ်၌ သတိကြီးစွာထားရှိ၍ လုပ်ကိုင်ရ မည့် အခြေအနေကို ရင်ဆိုင်နေရသည်။ ဆီသိုလှောင်မှုလက်ကျန်သည် ဈေးကွက်အတွင်းနှင့် ခန့်မှန်းချက် အများအပြားက တညီတညွတ်တည်း တွက်ဆထားသည်ထက် ကျော်လွန်နေခြင်းက မလေးရှား CIMB ဘဏ်လုပ်ငန်း အနေဖြင့် ၎င်း၏ စားအုန်းဆီကြမ်း ပျမ်းမျှဈေးနှုန်းခန့်မှန်းချက်ကို လျှော့ချမှုဖြစ်စေခဲ့ကြောင်း The Edge Malaysia သတင်းဌာနက ဖော်ပြပါသည်။

       မလေးရှား၏ စားအုန်းဆီ သိုလှောင်မှုလက်ကျန်ပမာဏသည် ၂၀၂၅ ခုနှစ် ဒီဇင်ဘာလပိတ် တွင် ယခင်လကထက် ၇.၆ ရာခိုင်နှုန်းနှင့် ယခင်နှစ်ကာလတူထက် ၇၈.၅ ရာခိုင်နှုန်း ပိုမိုမြင့်တက် လျက် တန်ချိန် ၃.၀၅ သန်းအထိ ရောက်ရှိခဲ့သည်။ ပြည်ပသို့ တင်ပို့မှုနှင့် ပြည်တွင်းသုံးစွဲမှု နည်းပါး နေချိန်၌ မျှော်မှန်းထားသည်ထက် ထုတ်လုပ်မှုပမာဏ အားကောင်းလာခြင်းကြောင့် ထိုကဲ့သို့ ကုန် လက်ကျန် မြင့်တက်လာခြင်းဖြစ်သည်။

      သို့ဖြစ်ရာ လတ်တလောကာလ၌ စားအုန်းဆီကြမ်း (CPO) ဈေးနှုန်းများ မြင့်တက်နေမှုမှာ ကန့်သတ်ချက်ရှိပြီး CIMB ဘဏ်သည် ၂၀၂၆ ခုနှစ်အတွက် စားအုန်းဆီကြမ်း ပျမ်းမျှဈေးနှုန်း တစ် တန်လျှင် မလေးရှားရင်းဂစ် ၄၂၀၀ ဟု ၎င်း၏ ယခင်ခန့်မှန်းချက်ကို ရင်းဂစ် ၄၀၀၀ သို့ လျှော့ချခဲ့ ခြင်းဖြစ်သည်။ ယခုခန့်မှန်းချက်သည် Kenanga Research က ခန့်မှန်းသည့် ပျမ်းမျှဈေးနှုန်းနှင့် တန်းတူဖြစ်ပြီး RHB ဘဏ်၏ ခန့်မှန်းချက် ရင်းဂစ် ၄၂၅၀ နှုန်းနှင့် Hong Leong Investment Bank ၏ ခန့်မှန်းချက် ရင်းဂစ် ၄၂၀၀ နှုန်းတို့၏ အောက်သို့ လျော့နည်းလျက်ရှိသည်။

     စားအုန်းဆီ သိုလှောင်မှုလက်ကျန်များ တစ်ဟုန်ထိုး များပြားလာခြင်းက ၇ နှစ်တာကာလ အတွင်း အမြင့်ဆုံးသို့ ရောက်ရှိစေခဲ့ပြီး ဝယ်လိုအားထက် ထုတ်လုပ်မှုက ပိုမိုနေသည်ကို ထင်ဟပ် လျက်ရှိသည်။ ၂၀၂၅ ခုနှစ် ဒီဇင်ဘာလတွင် မလေးရှား၏ စားအုန်းဆီထုတ်လုပ်မှုမှာ တန်ချိန် ၁.၈၃ သန်းရှိပြီး ၂၀၁၇ ခုနှစ်နောက်ပိုင်း၌ ဒီဇင်ဘာလထုတ်လုပ်မှု ပမာဏများအနက် အမြင့်ဆုံးအဆင့် ပင် ဖြစ်သည်။ လအလိုက်နှိုင်းယှဉ်ပါက ၎င်းပမာဏသည် ၅.၅ ရာခိုင်နှုန်းမျှသာ တိုးတက်ခြင်းဖြစ် သော်လည်း Kelantan, Pahang နှင့် Sabah တို့ကဲ့သို့သော အဓိက စိုက်ပျိုးရာဒေသများမှ လတ်ဆတ် ဆီအုန်းသီးခိုင်များ အထွက်ကောင်းမွန်မှုအရ ယခင်နှစ်ကာလတူနှင့် နှိုင်းယှဉ်ပါက ထုတ်လုပ်မှု ၂၃.၁ ရာခိုင်နှုန်းအထိ တိုးတက်မှုရရှိလာခဲ့သည်။

      စားအုန်းဆီ သိုလှောင်မှုလက်ကျန်အဆင့်ကို ရှေ့လာမည့်လများအတွင်း စတင်ထိန်းညှိ ဆောင်ရွက်သင့်ကြောင်း၊ သို့သော် အဓိက တင်သွင်းသည့် နိုင်ငံများ၌ လက်ကျန်ပမာဏ မြင့်မား လျက်ရှိပြီး ဝယ်လိုအားအပေါ် ပြန်လည်ဖြည့်ဆည်းရန် လိုအပ်ခြင်းမရှိသေးသဖြင့် ယခုကဲ့သို့ ကုန်လက်ကျန်မြင့်မားနေမှုကို လျှော့ချရန်မှာ အချိန်ယူ လုပ်ဆောင်ရလိမ့်မည်ဖြစ်ကြောင်း၊ မူဝါဒ ပိုင်းအရမူ မည်သည့်စားအုန်းဆီကြမ်းဈေးနှုန်း ပြန်လည်မြင့်တက်လာမှုမဆို မူဝါဒရေးရာ မသေချာ မှုများနှင့် ပြင်ပဈေးကွက် အခြေအနေများ၏ ဘောင်ကန့်သတ်ခြင်းကို ခံရဖွယ်ရှိကြောင်း RHB ဘဏ်က အစီရင်ခံဖော်ပြထားသည်။

      အမေရိကန်နိုင်ငံ၏ ဇီဝလောင်စာမူဝါဒ ပြန်လည်သုံးသပ်မှု မသေချာမရေရာခြင်းနှင့်အတူ အင်ဒိုနီးရှားနိုင်ငံ၏ ဇီဝဒီဇယ်ထုတ်လုပ်ရန် လျာထားချက်၌သုံးစွဲမည့် စားအုန်းဆီပမာဏ အကန့် အသတ်ရှိခြင်းက စားအုန်းဆီအခြေပြု ဇီဝလောင်စာထုတ်လုပ်မှုလုပ်ငန်း၏ ဝယ်လိုအား နည်းပါး ပြီး စားအုန်းဆီကြမ်းဈေးနှုန်းများ လျော့နည်းမည့် အလားအလာရှိကြောင်း CIMB ဘဏ်က ဖော်ပြ ခဲ့သည်။

     ထို့အပြင် တရုတ်နိုင်ငံနှင့် အိန္ဒိယနိုင်ငံတို့တွင် စားအုန်းဆီ စုဆောင်းထားရှိမှုမှာ သမိုင်း မှတ်တမ်း ကာလတစ်လျောက် ပျမ်းမျှပမာဏ၏အထက်၌ ဆက်လက်တည်ရှိနေပြီး စားအုန်းဆီ၏ အခြားပြိုင်ဘက်များနှင့် ဈေးနှုန်းအရ ယှဉ်ပြိုင်နိုင်စွမ်းရှိနေချိန်၌ပင် အရေးတကြီး ပြန်လည်ဖြည့် တင်းရန် လိုအပ်ချက်ကို လျော့နည်းစေလျက်ရှိသည်ဟု RHB ဘဏ်က ပြောဆိုထားသည်။ ဤ အခြေအနေများအရ မလေးရှားနိုင်ငံ၌ စားအုန်းဆီ သိုလှောင်မှုလက်ကျန်ပမာဏကို ပုံမှန်အဆင့် သို့ လျှော့ချနိုင်ရန်မှာ ခန့်မှန်းထားသည်ထက် အချိန်ပိုမို ကြာမြင့်ဖွယ်ရှိကြောင်း သိရသည်။

Source: The Edge Malaysia, 13 Jan 2026(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)

         ကမ္ဘောဒီးယားနိုင်ငံသည် ၂၀၂၅ ခုနှစ်တွင် ကြိတ်ခွဲပြီးသော ဆန် စုစုပေါင်း ၉၄၀,၃၂၁ တန် တင်ပို့ခဲ့ပြီး ယခင်နှစ်ထက် ၄၆ ရာခိုင်နှုန်း မြင့်တက်လာကြောင်း ကမ္ဘောဒီးယား ဆန်စပါးအဖွဲ့ချုပ် (CRF) ၏ ဇန်နဝါရီလ ၅ ရက်နေ့ သတင်းထုတ်ပြန်ချက်တွင် ဖော်ပြထားသည်။ အရှေ့တောင်အာရှနိုင်ငံဖြစ်သော ထိုင်းနိုင်ငံသည် ပြီးခဲ့သည့်နှစ်က ဆန်တင်ပို့မှုမှ အမေရိကန် ဒေါ်လာ ၆၀၂.၄၁ သန်းရရှိခဲ့ပြီး ယခင်နှစ်ထက် ၂၂.၇ ရာခိုင်နှုန်း မြင့်တက်လာခဲ့ကြောင်း သတင်းထုတ်ပြန်ချက်တွင် ဖော်ပြထားသည်။ ပြီးခဲ့သည့်နှစ်က ကုမ္ပဏီ ၆၈ ခုသည် နိုင်ငံနှင့် ဒေသ ၇၅ ခုသို့ ဆန်ကြိတ်ခွဲပြီး တင်ပို့ခဲ့ကြောင်း သတင်းထုတ်ပြန်ချက်တွင် ဖော်ပြထားသည်။ CRF အထွေထွေအတွင်းရေးမှူး Lun Yeng က တင်ပို့သော ဆန်၏ ၆၄.၀၂ ရာခိုင်နှုန်းခန့်သည် ရနံ့ဆန်၊ ၁၈.၅၆ ရာခိုင်နှုန်းသည် ဆန်ကွဲ၊ ၁၃.၇၁ ရာခိုင်နှုန်းသည် ဆန်ဖြူ၊ ၂ ရာခိုင်နှုန်းသည် ပေါင်းဆန်၊ ၁.၃၂ ရာခိုင်နှုန်းသည် အော်ဂဲနစ်ဆန်နှင့် ၀.၃၉ ရာခိုင်နှုန်းသည် အခြားဆန် အမျိုး အစားများဖြစ်ကြောင်း ပြောကြားခဲ့သည်။ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ၏ ပြောရေးဆိုခွင့်ရှိသူ Penn Sovicheat က ဒေသတွင်း ဘက်စုံစီးပွားရေး မိတ်ဖက်အဖွဲ့ (RCEP) သဘောတူညီချက်နှင့် ကမ္ဘောဒီးယား-တရုတ် လွတ်လပ်သောကုန်သွယ်ရေး သဘောတူညီချက်တို့သည် ကမ္ဘောဒီးယား၏ စိုက်ပျိုးရေးထွက်ကုန်များကို တရုတ်နှင့် အခြား RCEP နိုင်ငံများသို့ တင်ပို့မှုအတွက် ခိုင်မာသော အုတ်မြစ်ချပေးခဲ့ကြောင်း ပြောကြားခဲ့သည်။ "ဤ ကုန်သွယ်ရေးသဘောတူညီချက်များအရ ကမ္ဘောဒီးယားနိုင်ငံထုတ် ထုတ်ကုန်များ၊ အထူးသဖြင့် ဆန်၊ အဝါရောင်ငှက်ပျောသီး၊ မန်ကျည်းသီး၊ လောင်ဂန်သီး၊ ငရုတ်ကောင်းစေ့နှင့် ဒူးရင်းသီးကဲ့သို့သော အရည်အသွေးမြင့် စိုက်ပျိုးရေးထွက်ကုန်များကို ဦးစားပေးအခွန်များဖြင့် တရုတ်နိုင်ငံသို့ တင်ပို့ခဲ့သည်" ဟု ၎င်းက ဆင်ဟွာသို့ ပြောကြားခဲ့ကြောင်း သိရှိရပါသည်။

Source : Xinhua                                                                        

DOCA (ရန်ကုန်)

   ကိုယ်တိုင်သကြားဖူလုံနိုင်စွမ်းရှိရန်၊ တင်သွင်းမှုများလျော့ချရန်နှင့် အစားအစာဖူလုံမှု အား ကောင်းရန်ကြိုးပမ်းအားထုတ်မှုများ၏ တစ်စိတ်တစ်ပိုင်းအနေဖြင့် အင်ဒိုနီးရှားအစိုးရသည် ၂၀၂၆ ခုနှစ်တွင် နိုင်ငံ၏သကြားထုတ်လုပ်မှုကို တန်ချိန် ၃ သန်းအထိမြင့်တက်ရန် ရည်ရွယ်ထား ကြောင်း သိရပါသည်။ လတ်တလောနိုင်ငံ၏သကြားထုတ်လုပ်မှုသည် တန်ချိန် ၂.၆၈ သန်းပတ်လည် ရှိပြီး ရည်မှန်းချက်သည် အဖြူရောင်သကြားအတွက် ပြည်တွင်းဝယ်လိုအားပြည့်မီရန်ဖြစ်ကြောင်း သိရပါသည်။ အောင်မြင်မှုရရှိရန်အတွက် စိုက်ပျိုးမွေးမြူရေးဝန်ကြီးဌာနသည် ကြံစိုက်ခင်းကို အရှေ့ဂျာဗားတွင် ဟတ်တာ ၇၀၀၀၀ နှင့်အတူနိုင်ငံတစ်ဝှမ်းစုစုပေါင်းဟတ်တာ ၁၀၀၀၀၀ စိုက် ပျိုးရန် စီစဉ်ထားကြောင်း သိရပါသည်။ အင်ဒိုနီးရှားနိုင်ငံစိုက်ပျိုးမွေးမြူရေးဝန်ကြီး Andi Amran Sulaiman က မြေပြင်တွင်အကောင်အထည်ဖော်ရန်အတွက် ထိုပရိုဂရမ်တွင် ဝန်ကြီးဌာနများ၊ ဒေသဆိုင်ရာအစိုးရအဖွဲ့များ၊ နိုင်ငံပိုင်လုပ်ငန်းများနှင့် ဥပဒေအေဂျင်စီများအကြား ကဏ္ဍဖြတ် ကျော် ညှိနှိုင်းဆွေးနွေးမှုများပါဝင်ကြောင်း၊ နိုင်ငံ၏ကြံစိုက်ခင်းများ၏ ၅၀ ရာခိုင်နှုန်းကျော် တည် ရှိသည့် အရှေ့ဂျာဗားတွင်စိုက်ပျိုးမှုအောင်မြင်မှုရရှိပါက ၎င်းတို့သည် ၂၀၂၆ ခုနှစ်တွင် သကြားဖြူ တင်သွင်းမှု ရပ်တန့်မည်ဖြစ်ကြောင်းနှင့် အစိုးရသည်အ‌ရှေ့ဂျာဗားအစိုးရအဖွဲ့၊ နိုင်ငံပိုင် စိုက်ပျိုး ရေးလုပ်ငန်းများနှင့် အခြားဆက်စပ်သည့်အသင်းအဖွဲ့များနှင့်အတူ ညှိနှိုင်းအစည်းအဝေးများ ကျင်းပခဲ့ကြောင်း ပြောကြားခဲ့ပါသည်။ မြေနေရာတိုးချဲ့မှုအပြင် ဝန်ကြီးဌာနသည် အခြေခံ အ ဆောက်အအုံနှင့် စိုက်ပျိုးရေးလုပ်ငန်းသုံပစ္စည်းများပါဝင်သည့် ထုတ်လုပ်မှုကိုပံ့ပိုးပေးရန် ပြင် ဆင်နေကြောင်းသိရပါသည်။ အရှေ့ဂျာဗားအတွက် စိုက်ပျိုးသည့်အဆင့်၌ ထုတ်လုပ်မှုမြှင့်တင် ရန်အတွက် အစိုးရသည် အနည်း ဆုံး လယ်ထွန်စက်အခု ၁၀၀ နှင့် အခြားစိုက်ပျိုးရေးလုပ်ငန်း သုံးစက်ပစ္စည်းများဖြန့်ဖြူးရန် စီစဉ်နေကြောင်း သိရပါသည်။ Sulaiman က ကြံစိုက်ပျိုးမှု ရည် ရွယ်ချက်အောင်မြင်ပါက နိုင်ငံ၏ သကြားအထွက်နှုန်းကို သိသာထင်ရှားစွာမြင့်တက်စေမည် ဖြစ်ကြောင်းနှင့် အင်ဒိုနီးရှားသည် သကြားဖြူတင်သွင်းရန်မလိုအပ်တော့ရုံသာမက စိုက်ပျိုးရေး သမားများ၏လူမှုဘဝနှင့် အစားအစာ ဖူလုံမှုကို အားကောင်းစေမည်ဖြစ်ကြောင်း ပြောကြားခဲ့ပါ သည်။

DOCA (ရန်ကုန်)

     Intergovernmental Committee မှတစ်ဆင့် ဗီယက်နမ်နှင့် ဥဇဘက်ကစ္စတန်တို့သည် နယ်ပယ်အားလုံး အထူးသဖြင့် စီးပွားရေး-ကုန်သွယ်ရေးနှင့် သိပ္ပံ-နည်းပညာပူးပေါင်းဆောင်ရွက်မှု တို့တွင် အပြန်အလှန်ပူးပေါင်းဆောင်ရွက်မှုဆက်လက်နက်ရှိုင်းရန် ကြိုးပမ်းသွားမည်ဖြစ်ကြောင်း ဗီယက်နမ်စက်မှုနှင့် ကုန်သွယ်ရေးဒုတိယဝန်ကြီး Phan Thi Thang က ပြောကြားခဲ့ပါသည်။ Thang က ထိုအကြောင်းကို ဒီဇင်ဘာလ ၂၄ ရက်နေ့က ဟနွိုင်းမြို့တွင်ကျင်းပခဲ့သည့် စီးပွားရေး- ကုန်သွယ်ရေးနှင့် သိပ္ပံ-နည်းပညာနှင့်ပတ်သတ်၍ကျင်းပသည့် ၈ ကြိမ်မြောက် ဗီယက်နမ်- ဥဇ ဘက်ကစ္စတန် Intergovernmental Committee တွင် ပြောကြားခဲ့ခြင်းဖြစ်ကြောင်း သိရပါ သည်။ အစည်းအဝေးတွင် ဥဇဘက်ကစ္စတန် ရင်းနှီးမြှုပ်နှံမှု၊ စက်မှုနှင့် ကုန်သွယ်ရေးဒုတိယ ဝန်ကြီး Ilzat Kasimov က ၎င်းတို့သည် ဗီယက်နမ်အား ဒေသတွင်အရေးပါသောဦးစားပေး မိတ် ဖက်ဟု ယူဆကြောင်း၊ Intergovernmental Committee မှတစ်ဆင့် နှစ်နိုင်ငံစလုံး၏ ဝန်ကြီး ဌာနများနှင့် ကဏ္ဍများအကြား ပူးပေါင်းဆောင်ရွက်မှုအားကောင်းရန်လိုအပ်ပြီးထိုမှတစ်ဆင့် စီးပွားရေးလုပ်ငန်းများအား တစ်ဖက်ခြင်းစီ၏ အလားအလာနှင့် အခွင့်အရေးများကို ပိုမိုအသုံးချ နိုင်ရန် ကူညီပေးနိုင်မည်ဖြစ်ကြောင်း ပြောကြားခဲ့ပါသည်။ ဥဇဘက်ကစ္စတန်သည် ဗီယက်နမ် လုပ်ငန်းများအား နိုင်ငံတွင် ရင်းနှီးမြှုပ်နှံရန်နှင့် လုပ်ငန်းလည်ပတ်ရန်အတွက် သင့်လျော်သော အခြေအနေများကို ဖန်တီးပေးရန် ကတိပြုခဲ့ပြီး အပြန်အလှန်ကုန်သွယ်ရေးကြီးထွားမှု ဆက် လက်မြှင့်တင်ရန်အတွက် Intergovernmental Committee ၏မူဘောင်အတွင်း ကုန်သွယ်ရေး အပေါ် ပူးတွဲလုပ်ငန်းအဖွဲ့ တည်ထောင်ရန် အဆိုပြုခဲ့ကြောင်း သိရပါသည်။ နှစ်ဖက်စလုံးသည် အဓိကဧရိယာများတွင် လတ်တလောပူးပေါင်းဆောင်ရွက်မှုအဆင့်၊ အကျိုးကျေးဇူးများ၊ အခက် အခဲများ၊ အခွင့်အလမ်း များနှင့် စိန်ခေါ်မှုများအပေါ် ပြန်လည်ဆန်းစစ်ခဲ့ကြောင်း သိရပါသည်။ ကိုယ်စားလှယ်များက ဗီယက်နမ်နှင့် ဥဇဘက်ကစ္စတန်သည် စိုက်ပျိုးမွေးမြူရေး- စိုက်ပျိုးမွေးမြူ ရေးထုတ်ကုန်ပြုပြင် ထုတ်လုပ်ခြင်း၊ အပေါ့စားလုပ်ငန်းများ၊ ကားထုတ်လုပ်ခြင်း၊ သယ်ယူပို့ ဆောင်ရေး၊ ထောက်ပံ့ပို့ဆောင်ရေး၊ ဆောက်လုပ်ရေး၊ ခရီးသွားနှင့် ရိုးရာယဉ်ကျေးမှုတို့တွင် ပူးပေါင်းဆောင်ရွက်ရန် အတွက်ကြီးမားသောအလားအလာကို ပိုင်ဆိုင်ထားကြောင်း မှတ်ချက်ပြု ခဲ့ကြပါသည်။ ဗီယက်နမ် အကောက်ခွန်ဦးစီးဌာန၏အဆိုအရ ၂၀၂၄ ခုနှစ်တွင် နှစ်နိုင်ငံအပြန် အလှန်ကုန်သွယ်မှုတန်ဖိုးမှာ အမေရိကန်‌ဒေါ်လာ ၂၀၂ သန်းရောက်ရှိခဲ့ပြီး ၂၀၂၃ ခုနှစ်ကထက် ၂၆.၅ ရာခိုင်နှုန်းမြင့်တက်ခဲ့ကြောင်း သိရပါသည်။ ဗီယက်နမ်က အမေရိကန်‌ဒေါ်လာ ၁၂၈ သန်း တန်ဖိုးတင်ပို့ခဲ့ပြီး အမေရိကန်ဒေါ်လာ ၇၃.၃၈ သန်းတန်ဖိုးတင်သွင်းခဲ့ကြောင်းသိရပါသည်။ ဥဇဘက်ကစ္စတန်သို့ ဗီယက်နမ်၏ အဓိကပို့ကုန်များတွင် ဖုန်းများနှင့် အစိတ်အပိုင်းများ၊ ကွန်ပျူတာများ၊ အီလတ်ထရောနစ်ထုတ်ကုန် များနှင့် အစိတ်အပိုင်းများ၊ စက်ပစ္စည်းများနှင့် အစိတ် အပိုင်းများ၊ ရာဘာထုတ်ကုန်များ၊ သီဟိုဠ်စေ့ များနှင့် ကားအစိတ်အပိုင်းများပါဝင်ကြောင်း သိရပါ သည်။ တစ်ချိန်တည်းမှာပင် ဗီယက်နမ်သည် ဓာတ်မြေဩဇာများ၊ အဝတ်အထည်နှင့် အထည် အလိပ်များ၊ သားရေနှင့် ဖိနပ်များ၊ ချည်မျှင်များကို ပြန်လည်တင်သွင်းကြောင်း သိရပါသည်။ ရင်းနှီးမြှုပ်နှံမှုတွင် ဗီယက်နမ်သည် စုစုပေါင်းမတည် ရင်းနှီးမြှုပ်နှံမှုတန်ဖိုး အမေရိကန်ဒေါ်လာ ၄.၄၃ သန်းတန်ဖိုးရှိသော စီမံကိန်း ၅ ခုပိုင်ဆိုင်ထား ကြောင်း သိရပါသည်။

DOCA (ရန်ကုန်)

   အာဖဂန်နစ္စတန်နိုင်ငံ မြောက်ပိုင်း ဂျော်ဇ်ဂျန်ပြည်နယ်၏ မြို့တော် ရှီဘာဂန်တွင် ပြည် တွင်းထုတ်ကုန်များကို ပြသထားသည့် သုံးရက်ကြာ ပြပွဲတစ်ခု စတင်လိုက်ကြောင်း ပြည်နယ် သတင်းအချက်အလက်နှင့် ယဉ်ကျေးမှုဌာန၏ ကြေညာချက်အရသိရသည်။

     ဒီဇင်ဘာလ ၂၈ ရက်နေ့က ထုတ်ပြန်ချက်အရ ထိုပွဲတွင် ဒေသထွက် စိုက်ပျိုးရေးထွက်ကုန်များ၊ လက်မှုပညာများ၊ အစားအသောက်များနှင့် ထုတ်ကုန်အမျိုးမျိုးကို ဆိုင်ခန်းပေါင်း ၆၀ တွင် ပြသထားပြီး ဒီဇင်ဘာလ ၃၀ ရက်နေ့တွင် ပြီးဆုံးမည်ဖြစ်ကြောင်း သိရသည်။ပြခန်းပိုင်ရှင်များက ပြပွဲအတွက် ကျေးဇူးတင်ကြောင်း ဖော်ပြခဲ့ကြပြီး ပြည်တွင်း ထုတ် ကုန်များ၏ အရည်အသွေးကို မြှင့်တင်ရန် လိုအပ်ကြောင်း အလေးပေးပြောကြားခဲ့သည်။ ၎င်းတို့ က ပြည်တွင်းထွက်ကုန်ပစ္စည်းများကို ဦးစားပေးခြင်းဖြင့် အမျိုးသားစီးပွားရေးကို ထောက်ပံ့ရန် ပြည်သူလူထုအား တိုက်တွန်းခဲ့ကြောင်းသိရသည်။

DOCA(ရန်ကုန်)