ပြည်ပကုန်သွယ်မှုသတင်းများ

            အိန္ဒိယနိုင်ငံ၏ အထည်အလိပ်တင်ပို့သူများသည် အမေရိကန်နိုင်ငံ၏ ၅၀ ရာခိုင်နှုန်းအထိ မြင့်မားသော အခွန်နှုန်းထားများကြောင့် ထိခိုက်မှုမှ ကာကွယ်ရန် ဥရောပတွင် ဝယ်သူအသစ်များ ရှာဖွေပြီး လက်ရှိ အမေရိကန်ဖောက်သည်များကို လျှော့ဈေးများ ပေးနေကြောင်း စက်မှုလုပ်ငန်း အမှုဆောင်များက ပြောကြားခဲ့ပါသည်။

          အိန္ဒိယနှင့် EU တို့အကြားကုန်သွယ်ရေးဆွေးနွေးပွဲများသည် အဆုံးအဖြတ်ပေးနိုင်သော အဆင့်သို့‌ရောက်ရှိလာပြီး ၎င်းတို့သည် လွတ်လုပ်သောကုန်သွယ်ရေး သသောတူညီချက်စာချုပ် တစ်ခု လက်မှတ်ရေးထိုးနိုင်ရန် ကြိုးပမ်းနေကြပါသည်။ EU သည် အိန္ဒိယ၏ အကြီးဆုံး ကုန်သွယ်ဖက် နိုင်ငံဖြစ်ပြီး ၂၀၂၄ ခုနှစ် မတ်လအထိ ဘဏ္ဍာရေးနှစ်တွင် ကုန်ပစ္စည်းအဝင်အထွက် စုစုပေါင်းတန်ဖိုးမှာ အမေရိကန်ဒေါ်လာ ၁၃၇.၅ ဘီလီယံ ရှိခဲ့ပြီး ဆယ်စုနှစ်အတွင် ၉၀ ရာခိုင်နှုန်း နီးပါး တိုးတက်လာခဲ့ပါသည်။

          အမေရိကန်ပြည်ထောင်စုသည် ၂၀၂၅ ခုနှစ် မတ်လအထိ ဘဏ္ဍာရေးနှစ်တွင် အိန္ဒိယ အကြီးဆုံးအထည်အလိပ်အဝတ်အထည်ဈေးကွက်ဖြစ်ပြီး စုစုပေါင်းတင်ပို့မှု၏ ၂၉ ရာခိုင်နှုန်း နီးပါးတင်ပို့မှုကို သိမ်းပိုက်ထားကာ ဒေါ်လာ ၃၈ ဘီလီယံခန့်ရှိကြောင်း သိရှိရပါသည်                                       

    DOCA (ရန်ကုန်)

       ကမ္ဘောဒီးယားနိုင်ငံသည် ၂၀၂၅ ခုနှစ် ပထမ ၉ လအတွင်း ရာဘာနှင့် ရာဘာသစ်များ တင်ပို့မှုမှ အမေရိကန်ဒေါ်လာ ၅၄၉ ဘီလီယံ ရရှိခဲ့ပြီး ယခင်နှစ် အလားတူကာလနှင့် နှိုင်းယှဉ်ပါက ၃၈ ရာခိုင်နှုန်း တိုးတက်ခဲ့ကြောင်း ရာဘာဌာန၏ အစီရင်ခံစာတွင် ဖော်ပြထားပါသည်။

          ကမ္ဘောဒီးယားနိုင်ငံသည် ၂၀၂၅ ခုနှစ် ပထမ ၉ လအတွင်း ရာဘာတန်ချိန်၂၆၀၅၄၇ တန် ထုတ်လုပ်ခဲ့ရာ ယခင်နှစ် အလားတူကာလနှင့် နှိုင်းယှဉ်ပါက တန်ချိန် ၈၁၀၁ တန် သို့မဟုတ် ၃.၂၁ ရာခိုင်နှုန်း တိုးတက်ခဲ့ပါသည်။

          စက်တင်ဘာလ တစ်လတည်းတွင် ထုတ်လုပ်မှုသည် တန်ချိန် ၄၂၄၂၉ အထိ ရောက်ရှိခဲ့ပြီး ယခင်နှစ်တန်ချိန် ၃၅၀၈ သို့မဟုတ် ၉.၀၁ ရာခိုင်နှုန်း တိုးတက်လာခဲ့ပါသည်။ ၂၀၂၄ ခုနှစ် စက်တင်ဘာနှင့် နှိုင်းယှဉ်ပါက တန်ချိန် ၃၃၁၃ သို့မဟုတ် ၈.၄၇ ရာခိုင်နှုန်း တိုးတက်ခဲ့ပါသည်။

          စိုက်ပျိုးရေး၊ သစ်တောနှင့် ငါးလုပ်ငန်းဝန်ကြီးဌာန (MAFF) လက်အောက်ရှိ ရာဘာအထွေထွေဦးစီးဌာန၏ ညွှန်ကြားရေးမှူးချုပ် Khun Kakada  က ကမ္ဘောဒီးယားသည် အဆိုပါကာလအတွင်း ရာဘာတန် ၂၂၀၂၄၀ တင်ပို့ခဲ့ကြောင်း ယင်းမှာ ၂၀၂၄ အလားတူကာလနှင့် နှိုင်းယှဉ်ပါက တန် ၂၈၂၉၅ သို့မဟုတ် ၁၁.၄ ရာခိုင်နှုန်း လျော့ကျခဲ့ပါသည်။

          ၂၀၂၅ ခုနှစ် စက်တင်ဘာလအထိ ရာဘာနှင့် ရာဘာသစ်တင်ပို့မှုမှ စုစုပေါင်း ဝင်ငွေသည် အမေရိကန်ဒေါ်လာ ၅၄၉ သန်းကျော်ရှိပြီး ယင်းတွင် ရာဘာတင်ပို့မှုမှာ အမေရိကန်ဒေါ်လာ ၃၉၀ သန်းကျော်၊ ရာဘာသစ်တင်ပို့မှုမှာ ၃ သန်းကျော်နှင့် ပြည်တွင်း၌ ရာဘာရောင်းချမှုမှ အမေရိကန် ဒေါ်လာ ၁၅၆ မီလီယံ ရှိခဲ့ကြောင်း သိရှိရပါသည်။

       DOCA (ရန်ကုန်)

       ကမ္ဘောဒီးယားနိုင်ငံသည် ၂၀၂၅ ခုနှစ် ပထမ ၉ လ အတွင်း ဆန်ကြိတ်ခွဲပြီး တန်ချိန် ၅၉၆၃၄၁ တန် နီးပါး တင်ပို့ခဲ့ရာ ပြီးခဲ့သည့်နှစ် အလားတူကာလက တန်ချိန် ၄၄၅၉၁၃ တန်မှ ၃၃.၇ ရာခိုင်နှုန်း မြင့်တက်ခဲ့ကြောင်း ကမ္ဘောဒီးယားဆန်အဖွဲချုပ် (CRF) ၏ အောက်တိုဘာ ၁၀ ရက်နေ့က ထုတ်ပြန်သော အစီရင်ခံစာအရ သိရှိရပါသည်။

          ၂၀၂၅ ခုနှစ် ဇန်နဝါရီလမှ စက်တင်ဘာလအထိ ကုန်စည်တင်ပို့မှုမှ ကမ္ဘောဒီးယားနိုင်ငံသည် အမေရိကန်ဒေါ်လာ ၄၀၈ သန်း ရရှိခဲ့ပြီး ယခင်နှစ်အလားတူကာလက ရရှိခဲ့သည့် အမေရိကန် ဒေါ်လာ ၃၃၅ သန်းမှ ၂၁ ရာခိုင်နှုန်း တိုးတက်လာခဲ့ပါသည်။

          ကမ္ဘောဒီးယားနိုင်ငံ၏ အကြီးဆုံးဈေးကွက်ဖြစ်သော ဥရောပသမဂ္ဂရှိ နိုင်ငံများသို့ ဆန်ကြိတ် ခွဲပြီးတန်ချိန် ၂၄၈၂၇၇ တန် တင်ပို့ခဲ့ပါသည်။ ၎င်းသည် စုစုပေါင်းတင်ပို့မှု၏ ၄၁ ရာခိုင်နှုန်း ရှိပြီး အမေရိကန်ဒေါ်လာ ၁၉၂ သန်း ရရှိခဲ့ပါသည်။ ကမ္ဘောဒီးယားနိုင်ငံသည် ကုန်ပစ္စည်းတန်ချိန် ၁၄၃၁၈၇ တန် ကို တရုတ်နှင့် ကိုယ်ပိုင်အုပ်ချုပ်ခွင့်ရ ဒေသများသို့ တင်ပို့ခဲ့ပြီး အမေရိကန်ဒေါ်လာ ၈၅ သန်းရရှိခဲ့ပါသည်။ အခြားဈေးကွက်များမှာ အာဆီယံအဖွဲ့ ဝင်နိုင်ငံများနှင့် အာဖရိကနှင့် အရှေ့အလယ်ပိုင်းနိုင်ငံ ၃၂ နိုင်ငံတို့ဖြစ်ကြောင်းသိရှိရပါသည်။

DOCA (ရန်ကုန်)

          စင်္ကာပူနိုင်ငံ၏ စီးပွားရေးသည် ၂၀၂၅ ခုနှစ် တတိယ သုံးလပတ်အတွင်း ယခင်နှစ် အလားတူကာလနှင့် နှိုင်းယှဉ်ပါက ၂.၉ ရာခိုင်နှုန်း တိုးတက်ခဲ့ကြောင်း ကုန်သွယ်ရေးနှင့် စက်မှုဝန်ကြီးဌာန၏ ကြိုတင်ခန့်မှန်းချက်အရ သိရှိရပါသည်။ ၎င်းသည် ယခင်သုံးလပတ်တွင် မှတ်တမ်းတင်ခဲ့သော ၄.၅ ရာခိုင်နှုန်းမှ တိုးတက်မှုနှုန်း လျော့ကျလာခြင်း ဖြစ်ပါသည်။

          ရာသီအလိုက်ချိန်ညှိထားသော သုံးလပတ်အလိုက်စီးပွားရေး တိုးတက်မှုသည် ၁.၃ ရာခိုင်နှုန်း တိုးတက်ခဲ့ပြီး၊ ဒုတိယသုံးလပတ်တွင် ၁.၅ ရာခိုင်နှုန်း တိုးတက်မှုထက် အနည်းအငယ်ကျဆင်းသွားကြောင်း ဝန်ကြီးဌာနက ပြောကြားခဲ့ပါသည်။

          ကုန်ထုတ်လုပ်မှုလုပ်ငန်းများသည် ယခင်သုံးလပတ်တွင် ၅ ရာခိုင်နှုန်း တိုးတက်မှုထက် နှေးကွေးသွားကာ ယခင်နှစ်နှင့် နှိုင်းယှဉ်ပါက ကျဆင်းခဲ့ပါသည်။ ရာသီအလိုက်ချိန်ညှိထားသော သုံးလပတ်အလိုက် အခြေခံကုန်ထုတ်လုပ်မှုသည် ၆.၁ ရာခိုင်နှုန်းတိုးတက်လာပြီး ဒုတိယသုံးပတ်တွင် ၀.၇ ရာခိုင်နှုန်း လျော့ကျဆင်းမှ ပြန်လည်တိုးတက်လာခဲ့ပါသည်။

          ဆောက်လုပ်ရေးလုပ်ငန်းသည် ယခင်နှစ်နှင့် နှိုင်းယှဉ်ပါက ၃.၁ ရာခိုင်နှုန်း တိုးတက်လာပြီး ယခင်သုံးလပတ်က ၆.၂ ရာခိုင်နှုန်း လျော့ကျသွားခဲ့ပါသည်။ ရာသီအလိုက်ချိန်ညှိထားသော သုံးလပတ်အလိုက် အခြေခံအရ ဆောက်လုပ်ရေးလုပ်ငန်းသည် ၁.၂ ရာခိုင်နှုန်း လျော့ကျခဲ့ပြီး ယခင်သုံးလပတ်က ၆.၅ တိုးတက်ခဲ့ပါသည်။

          ဝန်ဆောင်မှုလုပ်ငန်းများသည် တတိယ သုံးလပတ်တွင် ယခင်နှစ်နှင့်နှိုင်းယှဉ်ပါက တိုးတက်ခဲ့ကြောင်း သိရှိရပါသည်။

Source : Xinhua                                                                                  

DOCA (ရန်ကုန်)

          အင်ဒိုနီးရှားနိုင်ငံရှိ မြို့တော် ၃၃ ခု တွင် စွန့်ပစ်ပစ္စည်းမှ စွမ်းအင်ကူးပြောင်းစက်ရုံများ ဖွံ့ဖြိုးတိုးတက်အောင်ဆောင်ရွက်နိုင်စေရန်အတွက် ရင်းနှီးမြုပ်နှံမှု ၉၁ ထရီလီယံရူပီယာ (အမေ ရိကန် ဒေါ်လာ ၅.၅ ဘီလီယံ) ကို လိုအပ်လျက်ရှိကြောင်း ပြည်နယ်ရင်းနှီးမြှုပ်နှံမှု စီမံခန့်ခွဲမှု အေဂျင်စီ Danantara ၏ CEO ဖြစ်သူ Rosan Roeslani က အောက်တိုဘာလ ၁၀ ရက်နေ့တွင် ပြောကြားခဲ့သည်။ ထိုအစီအစဉ်အား တစ်ဦးတစ်ယောက်တည်းမှ ဖော်ဆောင်၍ မရနိုင်ကြောင်း ရည်မှန်းချက် အောင်မြင်ရန်အတွက် ပြည်းတွင်းသာမက နိုင်ငံတကာရှိ မိတ်ဖက်များနှင့် ပူးပေါင်း ssဆောင်ရွက်ရန် အသင့်ရှိကြောင်း Rosan မှ ဂျာကာတာတွင် ကျင်းပသော 2025 Indonesia International Sustainability Forum(IISF) တွင် ပြောကြားခဲ့သည်။

          စွန့်ပစ်ပစ္စည်းမှ စွမ်းအင်ကူးပြောင်းသော စီမံကိန်းသည် လျှပ်စစ်ဓာတ်အားရရှိ‌ရေးကို အားကောင်းစေရုံသာမက သဘာဝပတ်ဝန်းကျင်နှင့်ပြည်သူ့ကျန်မာရေးဆိုင်ရာ အကျိုးကျေးဇူးများကိုလည်း ပေးစွမ်းနိုင်မည်ဖြစ်ကြောင်း ဆက်လက်ပြောကြားခဲ့သည်။ စက်ရုံတစ်ခုစီသည် တစ်နေ့ လျှင် အမှိုက်တန်ချိန် ၁၀၀၀ ခန့်ကို စီမံဆောင်ရွက်‌‌ပေးရန်ကြိုးပမ်းလျှက်ရှိပြီး အမှိုက်ပြသာနာကို ဖြေရှင်းနိုင်မည့်အဖြေကို ပေးစွမ်းနိုင်မည်ဖြစ်သည်။ Rosan ၏ အဆိုအရ ထိုပရောဂျက်အား ရင်းနှီးမြှုပ်နှံရန် စိတ်ဝင်စားလျှက်ရှိသော ကုမ္ပဏီပေါင်း ၁၉၀ ကျော်ရှိကြောင်း သိရသည်။ ပ‌‌‌ရောဂျက်အား ၂၀၂၅ ခုနှစ် ၏နိုဝင်ဘာ အစောပိုင်းကာလများတွင် တရားဝင်စတင်ရန် စီစဉ်ထားပြီး ပထမအဆင့်အနေဖြင့် ဂျာကာတာ၊ ဘန်ဒေါင်း၊ ဆူရာဘာယာနှင့် ဘာလီတို့ အပါအဝင် ဦးစားပေးမြို့ ၁၀ မြို့အား အာရုံစိုက် ဆောင်ရွက်သွားမည်ဖြစ်ကြောင်း သိရှိရပါသည်။

Source : Xinhua                                                                                  

DOCA(ရန်ကုန်)