ပြည်ပကုန်သွယ်မှုသတင်းများ

    အာရှဖွံ့ဖြိုးရေးဘဏ်က ဖိလစ်ပိုင်နိုင်ငံ၏ အရေးပေါ်နှင့် လူသားချင်းစာနာ ထောက်ထား မှုဆိုင်ရာ ကြိုးပမ်းမှုများကို ကူညီထောက်ပံ့ပေးမည်ဖြစ်ကြောင်း ကတိပြုပြောကြားခဲ့သည်။ ဖိလစ်ပိုင်နိုင်ငံ သည် တိုင်ဖွန်းမုန်တိုင်းဒဏ်ကို ဆိုးရွားစွာ ထိခိုက်ခံစားခဲ့သည်။တိုင်ဖွန်းမုန်တိုင်း ဝင်ရောက်တိုက် ခတ်မှုကြောင့် ၂၀၄ ဦး သေဆုံး ကာ ၁၀၉ ဦး ပျောက်ဆုံးခဲ့သည်။

    ဖိလစ်ပိုင်အစိုးရ၏ တောင်းဆိုမှုအရ အာရှဖွံ့ဖြိုးရေးဘဏ်က ထောက်ပံ့ငွေအမေရိကန် ဒေါ်လာ သုံးသန်းအထိ ရရှိနိုင်ရန် စီမံထားကြောင်း နိုဝင်ဘာ ၇ ရက် တွင် ထုတ်ပြန်သည့် ကြေညာချက်တွင် ဖော်ပြထားသည်။

နိုင်ငံအတွင်း ဖြစ်ပွားခဲ့သည့် သဘာဝဘေးအန္တရာယ်ကြောင့် အသက်ပေါင်းများစွာ ဆုံးရှုံးခဲ့ရ သည့်အတွက် ပြည်သူများနှင့်အတူ ထပ်တူဝမ်းနည်းရပါကြောင်း အာရှဖွံ့ဖြိုးရေးဘဏ် ဥက္ကဋ္ဌ မာဆာတိုကန်ဒါက ပြောကြားခဲ့သည်။

အရေးပေါ်လူသားချင်းစာနာထောက်ထားမှု လိုအပ်ချက်များကို ဖြည့်ဆည်းပေးရာရောက်ပြီး ရေရှည်ဖွံ့ဖြိုးတိုးတက်ရေး ပန်းတိုင်များကိုလည်း အကောင်အထည် ဖော်ရာရောက်ကြောင်း ၎င်းက ဆက်လက်ပြောကြားသည်။

တိုင်ဖွန်းမုန်တိုင်းကြောင့် အပျက်အစီးများစွာ ဖြစ်ပေါ်ခဲ့ပြီးနောက် ဖိလစ်ပိုင်အစိုးရက နိုင်ငံတွင်း အရေးပေါ်အခြေအနေတစ်ရပ်ကို နိုဝင်ဘာ ၆ ရက်တွင် ကြေညာခဲ့သည်။ တစ်ချိန် တည်းတွင် နောက်ထပ်အင်အားပြင်း တိုင်ဖွန်းတစ်ခု ကုန်းတွင်းပိုင်းသို့ နိုဝင်ဘာ ၉ ရက် တွင် ဝင်ရောက်လာဖွယ်ရှိကြောင်း မိုးလေဝသပညာရှင်များက ခန့်မှန်းပြောကြားသည်။

 Source: ဆင်ဟွာ                                                              

DOCA(ပြည်ထောင်စုနယ်မြေ)

            အမေရိကန်သမ္မတ Donald Trump သည် အိန္ဒိယနိုင်ငံအပေါ်အကောက်ခွန်များလျော့ ချသွားမည်ဖြစ်ကြောင်းနှင့် အမေရိကန်နိုင်ငံသည် New Delhi နှင့်ကုန်သွယ်ရေးဆိုင်ရာသဘော တူညီမှုရရှိရန် နီးကပ်နေပြီဖြစ်ကြောင်း ပြောကြားခဲ့ပါသည်။ အမေရိကန်သမ္မတ Donald Trump သည် ယခုနှစ်အစောပိုင်းကာလများတွင် အိန္ဒိယနိုင်ငံမှ အမေရိကန်နိုင်ငံသို့ တင်ပို့သော ကုန်ပစ္စည်း များအပေါ် ထပ်ပေါင်းအခွန်များတိုးမြှင့်ကောက်ခံခဲ့ပြီး ရုရှားနိုင်ငံမှ ရေနံဝယ်ယူမှုကို ဖိအားပေးရန်အတွက် အိန္ဒိယနိုင်ငံ၏ ကုန်ပစ္စည်းများအပေါ် အခွန် ၅၀ ရာခိုင်နှုန်းတိုးမြှင့် ကောက်ခံမှုများ ပြုလုပ် ခဲ့ပါသည်။ လတ်တလော ရက်သတ္တပတ်များတွင် အမေရိကန်သမ္မတ Donald Trump သည် Modi ၏ ရုရှားနိုင်ငံမှ ‌ရေနံများဝယ်ယူမှုကို လျော့ချမည်ဟု ကတိပြုမှုအပြီးတွင် ကုန်သွယ်ရေးဆွေးနွေးမှုများ ကောင်းမွန်လျက်ရှိကြောင်း ပြောကြားခဲ့ ပါသည်။ အိန္ဒိယနိုင်ငံနှင့် အမေရိကန်နိုင်ငံမှ ကုန်သွယ်ရေးအဖွဲ့များသည် Trump၏ တင်းမာမှုများကို ပယ်ဖျက်မှုအပြီးတွင် တွေ့ဆုံမှုပေါင်း များစွာပြုလုပ်ခဲ့ကြောင်း သိရပါသည်။ Trump သည် သစ္စာကတိပြုခြင်းအခမ်းအနားတွင် အိန္ဒိယ နိုင်ငံတွင် အမေရိကန် သံအမတ်ဖြစ်လာမည့် Sergio Gor နှင့်ဆွေးနွေးမှုများပြုလုပ်ခဲ့ပြီး Trump က Gor အား ၎င်းအနေဖြင့် အိန္ဒိယနိုင်ငံတန်ကြီးချုပ် Narendra Modi နှင့်ရင်းနှီးသောဆက်ဆံရေးများ ပြုလုပ်ခဲ့ပြီးပြီဖြစ်ကြောင်း ပြောကြားခဲ့ကြောင်း သိရှိရပါသည်။

Source: The Edge Malaysia                                                        

DOCA (ရန်ကုန်)

          မလေးရှားနိုင်ငံအစိုးရသည် ၂၀၂၆ ခုနှစ်တွင် စျေးကွက်ဝင်‌ရောက်ခွင့်ပိုမိုရရှိရန်နှင့် အပြည်ပြည်ဆိုင်ရာ အဓိကဦးစားပေးစျေးကွက်များတွင် တင်ပို့မှုမြှင့်တင်ရန်အတွက် စာအုန်းဆီဆန့်ကျင် ရေးလှုပ်ရှားမှုများကိုဆန့်ကျင်ရန် (Capoc) အတွက် ရန်ပုံငွေများတိုးချဲ့တော့မည်ဖြစ်ကြောင်း စိုက်ပျိုးရေးနှင့် လူသုံးကုန်ပစ္စည်းများဆိုင်ရာဝန်ကြီးဌာန (KPK) မှထုတ်ပြန်သောအချက် အလက်များအရ သိရပါသည်။ ဒုတိယဝန်ကြီးဆိုသူ Datuk Chan Foong Hin ကခွဲဝေမှုအပိုင်းကို စျေးကွက်ဝင်ရောက်နိုင်ခွင့်မြှင့်တင်ရန်နှင့် Gulfood၊ Food Ingredients Europe (FI Europe) နှင့် Food Ingredients India (FI India) ကဲ့သို့ အပြည်ပြည်ဆိုင်ရာ ကုန်သွယ်ရေးပြပွဲများတွင် မလေးရှားနိုင်ငံအား ပါဝင်နိုင်စေရန် အသုံးပြုသွားမည်ဖြစ်ကြောင်း သိရပါသည်။ Chan က Capoc ၏ အဓိကဦးစားပေးသည် မလေးရှားနိုင်ငံ၏ စားအုန်းဆီစျေးကွက်အပေါ် ကမ္ဘာ့အမြင်များ တိုးတက်ကောင်းမွန်စေရန်ဖြစ်ကြောင်း ပြောကြားခဲ့ပါသည်။ Chan က ၎င်းဦးစားပေးသည် စျေးကွက်တိုက်ရိုက်ဝင်ရောက်နိုင်ခွင့်အား ဝယ်သူများနှင့် တိုက်ရိုက်ညှိနှိုင်းမှုများဖြင့် အရှိန်မြှင့်တင်နိုင်ရန်နှင့် ပြည်ပပို့ကုန်စွမ်းဆောင်ရည်နှင့် စျေးကွက်အသိပညာပေး ရည်မှန်းချက်များ ပူးပေါင်းနိုင်စေမည့် ကုန်သွယ်ရေးနယ်ပယ်များ တည်ဆောက်နိုင်ရန်အတွက်ဖြစ်ကြောင်း သိရပါသည်။ ၎င်းက ကနဦးပြင်ဆင်မှုများသည် ကမ္ဘာ့စျေးကွက်ရှိ လုပ်ငန်းရှင်များအား လူငယ်များအတွက် အန္တရာယ်ကင်း၍ အထောက်အကူဖြစ်စေပြီး လစာကောင်းမွန်သော အလုပ်အကိုင်အခွင့်အလမ်းများ ဖန်တီးပေးနိုင်မည့် စားအုန်းဆီကဏ္ဍရှိ နည်းပညာအသစ်များအား ပိုမိုလက်ခံလာနိုင်စေရန်ဖြစ်ကြောင်း သိရပါသည်။

Source: The Edge Malaysia                                                        

DOCA (ရန်ကုန်)

      ဗီယက်နမ်နိုင်ငံသည် ယခုနှစ် ၁၀ လအတွင်း အမေရိကန်ဒေါ်လာ ၁ ဒသမ ၃၉ ဘီလီယံတန်ဖိုးရှိ ငရုတ်ကောင်းတန်ချိန် ၂၀၆၄၀၀ ကျော် တင်ပို့ခဲ့ကြောင်း ဗီယက်နမ်ငရုတ်ကောင်းနှင့် ဟင်းခတ် အမွှေးအကြိုင် အသင်း၏ပြောကြားချက်ကို ကိုးကားပြီး ဗီယက်နမ်သတင်းအေဂျင်စီက နိုဝင်ဘာ ၁၀ ရက် တွင် ထုတ်ပြန်ထားသည်။ 

      ယင်းကာလအတွင်း ဗီယက်နမ်၏ ပို့ကုန်ပမာဏမှာ ယမန်နှစ်ကထက် ၅ ဒသမ ၉ ရာခိုင်နှုန်း လျော့နည်းသွားသော်လည်း ပို့ကုန်တန်ဖိုးမှာ ၂၅ ဒသမ ၄ ရာခိုင်နှုန်း တိုးလာကြောင်း ထုတ်ပြန် ချက်အရ သိရသည်။

        ငရုတ်ကောင်းနက်၏ ပျမ်းမျှဈေးနှုန်းမှာ တစ်တန်လျှင် အမေရိကန်ဒေါ်လာ ၆၆၂၈ ဒေါ်လာနှင့် ငရုတ်ကောင်းဖြူတစ်တန်လျှင် ဒေါ်လာ ၈၆၈၃ ဒေါ်လာရှိရာ ပျမ်းမျှဈေးနှုန်းများမှာ ယမန်နှစ် အလား တူကာလကထက် ငရုတ်ကောင်းအနက် ၃၆ ဒသမ ၆ ရာခိုင်နှုန်းနှင့် ငရုတ်ကောင်းအဖြူ ၃၄ ဒသမ ၄ ရာခိုင်နှုန်း တိုးလာကြောင်း သိရသည်။

    အမေရိကန်နိုင်ငံသည် ငရုတ်ကောင်းတန်ချိန် ၄၄၂၆၂ တန်ဖြင့် ဗီယက်နမ်ငရုတ်ကောင်း၏ အကြီးမားဆုံးဈေးကွက်အဖြစ်ရှိနေပြီး ယင်းနောက်တွင် အာရပ်စော်ဘွားများ ပြည်ထောင်စု (ယူအေအီး) နှင့် တရုတ်နိုင်ငံတို့ဖြစ်ကြောင်း သိရသည်။

 Source: ဆင်ဟွာ                                                              

DOCA(ပြည်ထောင်စုနယ်မြေ)

            ကမ္ဘောဒီးယားနိုင်ငံသည် ၂၀၂၅ ခုနှစ် ပထမ ၁၀ လပတ်အတွင်း အမေရိကန်ဒေါ်လာ ၂၄.၉၄ ဘီလီယံတန်ဖိုးရှိ ကုန်ပစ္စည်းများ တင်ပို့ခဲ့ပြီး တစ်နှစ်ထက်တစ်နှစ် ၁၅.၂ ရာခိုင်နှုန်း မြင့်တက်ခဲ့ကြောင်း နိုဝင်ဘာလ ၁၀ ရက်နေ့တွင် ထုတ်ပြန်ခဲ့သည့် အကောက်ခွန်နှင့် ကုန်စည်စီးဆင်းမှု အထွေထွေဦးစီးဌာန၏ အစီရင်ခံစာတွင် ဖော်ပြထားသည်။ အရှေ့တောင်အာရှ နိုင်ငံများအတွက် ထိပ်တန်းပို့ကုန်ငါးနိုင်ငံသည် အမေရိကန်၊ ဗီယက်နမ်၊ တရုတ်၊ ဂျပန်နှင့် ကနေဒါ တို့ဖြစ်ကြောင်း အစီရင်ခံစာက ဆိုသည်။ အဓိက တင်ပို့သည့် ကုန်ပစ္စည်းများမှာ အဝတ်အထည်၊ ဖိနပ်၊ အိတ်များ၊ ခရီးသွားကုန်ပစ္စည်းများ၊ စက်ဘီးများ၊ ကားတာယာနှင့် ဆန်၊ ရော်ဘာ၊ ပီလော ပီနံ၊ သီဟိုဠ်စေ့၊ ငှက်ပျောသီး၊ သရက်သီး စသည်တို့ပါဝင်ကြောင်း အစီရင်ခံစာတွင် ဖော်ပြထားသည်။ တစ်ချိန်တည်းတွင်ပင် နိုင်ငံတော်သည် ယခုနှစ် ဇန်နဝါရီလမှ အောက်တိုဘာလအတွင်း စုစုပေါင်းသွင်းကုန်ဒေါ်လာ ၂၇.၆၃ ဘီလီယံ စံချိန်တင်ခဲ့ပြီး ယခင်နှစ် အလားတူကာလနှင့် နှိုင်းယှဉ်ပါက ၁၇.၇ ရာခိုင်နှုန်း တိုးလာသည်ဟု အစီရင်ခံစာကဆိုသည်။ အဓိက တင်သွင်းသည့် ပစ္စည်းများမှာ ရေနံနှင့် သဘာဝဓာတ်ငွေ့၊ အထည်ချုပ်၊ ဖိနပ်၊ အိတ်နှင့် ခရီးသွားကုန်ပစ္စည်း၊ မော်တော်ယာဉ်၊ စက်ယန္တရား၊ အီလက်ထရွန်နစ်ပစ္စည်းများ၊ ဆေးဝါးနှင့် လူသုံးကုန်ပစ္စည်းများ ပါဝင်ကြောင်း သိရှိရပါသည်။

Source: Xinhua

DOCA (ရန်ကုန်)