ပြည်ပကုန်သွယ်မှုသတင်းများ

Powered by Drupal

ဗီယက်နမ် ငရုတ်ကောင်း ဈေးနှုန်းများ ဆက်လက် မြင့်တက်နေ

ပြည်ပကုန်သွယ်မှုသတင်းများ

ကမ္ဘာလုံးဆိုင်ရာရောင်းလိုအား ကျဆင်းမှုကြောင့် ဗီယက်နမ်ငရုတ်ကောင်းစျေးနှုန်းသည် ၂၀၂၅ တွင်ဆက်လက်မြင့်တက်မည်ဟု မျှော်လင့်ရပြီး အမေရိကန်နှင့် ဥရောပကဲ့သို့သော အဓိက စျေးကွက်များတွင်ဝယ်လိုအားတည်ငြိမ်နေကာ တရုတ်နှစ်သစ်ကူးပြီးနောက် ဗီယက်နမ်မှငရုတ် ကောင်း များကိုစတင်ဝယ်ယူနိုင်မည်ဖြစ်သည်။ ပြီးခဲ့သည့် သီတင်းပတ်နှောင်းပိုင်း တွင် HCM City ၌ ကျင်းပသော ဗီယက်နမ်ငရုတ်ကောင်းနှင့် ဟင်းခတ်အမွှေးအကြိုင်အသင်း (VPSA) ၏ နှစ်ပတ်လည် အစည်းအဝေးတွင် စက်မှုအတွင်းလူများက ပြောကြားခဲ့ခြင့်ဖြစ်သည်။ နိုင်ငံတကာ ငရုတ်ကောင်း အသိုက်အဝန်း (IPC) ၏အဆိုအရ ဘရာဇီးနှင့် ဗီယက်နမ်တို့တွင် ထုတ်လုပ်မှု ကျဆင်းမှုကြောင့် ၂၀၂၄ ခုနှစ်တွင် ကမ္ဘာ့ငရုတ်ကောင်းထုတ်လုပ်မှုသည် ၂၀၂၃ ခုနှစ်နှင့် နှိုင်းယှဉ် ပါက၄% ခန့် (တန်ချိန် ၂၂၀၀၀) ခန့်ကျဆင်းခဲ့သည်။ ရာသီဥတုဖောက်ပြန်မှုကြောင့် ငရုတ်ကောင်း အထွက်နှုန်းလည်းလျော့ ကျလာပြီး ထုတ်လုပ်မှုကုန်ကျစရိတ် သိသိသာသာ မြင့်တက်လာသည်။ ယမန်နှစ်က ဗီယက်နမ်သည် ငရုတ်ကောင်း အမျိုးအစားပေါင်း ၂၅၀,၆၀၀ တန် တင်ပို့ခဲ့ပြီး စုစုပေါင်းတန်ဖိုးမှာ အမေရိကန်ဒေါ်လာ ၁ ဒသမ ၃ ဘီလီယံကျော် ရှိပြီး ငရုတ်ကောင်းဖြူ ကန်ဒေါ်လာ သန်း ၂၀၀ ရှိကြောင်း သိရသည်။ ၂၀၂၄ ခုနှစ်တွင် ငရုတ်ကောင်း တင်ပို့မှု ပမာဏသည် ၂၀၂၃ ခုနှစ် နှင့် နှိုင်းယှဉ်ပါက ၅.၁% ကျဆင်းသွား သော်လည်း ပို့ကုန်တန်ဖိုး ၄၅.၄% တိုးလာကြောင်း ၎င်းက ဆက်လက်ပြောသည်။ အမေရိကန်သည် ဗီယက်နမ်၏ အကြီးဆုံး ငရုတ်ကောင်း တင်ပို့ရောင်းချသည့် စျေးကွက်ဖြစ်ခဲ့ပြီး ၂၀၂၄ ခုနှစ်ကတင်ပို့မှု စုစုပေါင်း၏ ၂၈.၉% ဖြင့် ၇၂၃၁၁ တန်ရှိကာ ၂၀၂၃ မှ ၃၃.၂% အထိ တိုးလာခဲ့သည်။ အမေရိကန်၏ နောက်တွင် အာရပ်စော်ဘွားများ ပြည်ထောင်စု၊ ဂျာမနီ၊ နယ်သာလန်နှင့် အိန္ဒိယတို့ရပ်တည်လျှက် ရှိကြောင်း သူမက ဆိုသည်။ Gohan Co Ltd ၏ ဒါရိုက်တာ Ho Tri Nhua က ၂၀၂၄ ခုနှစ်တွင် US စျေးကွက်တွင် ငရုတ်ကောင်းဝယ်လိုအားသည် ၅% သာတိုးတက်မည်ဟု ကနဦးမျှော်လင့်ထား ကြောင်း ပြောကြားခဲ့သည်။ သို့သော်လည်း ဈေးနှုန်းများ မြင့်တက်လာခြင်းအပေါ် စိုးရိမ်မှုများကြောင့် တင်သွင်းသူများ သိုလှောင်မှု စတင်ခဲ့ပြီး ၎င်းတို့၏ ဝယ်ယူမှုများကို ၄၀ ရာခိုင်နှုန်းအထိ တိုးမြှင့်ခဲ့သည်။ ရောင်းလိုအားနှင့် ဝယ်လိုအား အကဲဖြတ်ချက်များအပေါ် အခြေခံ၍ ငရုတ်ကောင်း တင်ပို့မှုသည် ၂၀၂၅ ခုနှစ်တွင် အခွင့်အလမ်းများနှင့် မသေချာမရေရာမှုများ နှစ်မျိုးလုံးကို ရင်ဆိုင်ရ ဖွယ်ရှိကြောင်း ၎င်းက မှတ်ချက်ပြုခဲ့သည်။ သို့သော် စျေးနှုန်းတိုးမြင့်မှုသည် အမေရိကန်နှင့်တရုတ် နိုင်ငံတို့ကဲ့သို့ အဓိကစျေးကွက်များ၏ ဝယ်ယူမှုအရှိန်အဟုန်ပေါ်တွင်မူတည်သည်ဟု ၎င်းကဆို သည်။ ဗီယက်နမ်သည် ၎င်း၏ပင်မရိတ်သိမ်းရာသီဖြစ်သော ယခုနှစ်နွေဦးရာသီစတင်သည်နှင့် အမျှ တရုတ်သည် ၎င်း၏ဝယ်ယူမှုကို တိုးမြင့်လာရန် မျှော်လင့်ထားကြောင်း၊ အမေရိကန်သည် ၂၀၂၄ ခုနှစ်မှစ၍ သိုလှောင်မှုအဆင့်မြင့်လာခြင်းကြောင့် အရှိန်အဟုန်ဖြင့် ဝယ်ယူလာကြမည်ဖြစ်‌ကြောင်း ပြောကြားချက်အရသိရသည်။

DOCA(ရန်ကုန်)

ဂျပန်ရင်းနှီးမြှုပ်နှံသူများကိုဆွဲဆောင်ရန် ဗီယက်နမ်၏ Can Tho မြို့တော်ကြိုးပမ်း

ပြည်ပကုန်သွယ်မှုသတင်းများ

          မဲခေါင်ဒယ်တာမြို့တော် Can Tho သည်ဂျပန်ကုမ္ပဏီများ လေ့လာရန်၊ ရင်းနှီးမြှုပ်နှံရန ်နှင့် စီမံကိန်းများတည်ထောင်ရန်အတွက် အကောင်းဆုံးသောအခြေအနေများ ဖန်တီးပေးရန် အာမခံ ကြောင်း မြို့တော်စည်ပင်သာယာရေးပြည်သူ့ကော်မတီ၏ ဒုတိယဥက္ကဌ Duong Tan Hien က ဂျပန်နိုင်ငံသံရုံးနှင့် စီးပွားရေးလုပ်ငန်းများမှ ကိုယ်စားလှယ်များနှင့် ဇန်နဝါရီလ ၂၀ ရက်နေ့က ပြုလုပ်ခဲ့သည့် အစည်းအဝေးတွင် ပြောကြားခဲ့ပါသည်။ Hien က Can Tho နှင့် ဂျပန်ပြင်ပ ကုန်သွယ်ရေးအဖွဲ့အစည်း(JETRO) ကြားပူးပေါင်းဆောင်ရွက်မှု မြင့်တက်ရန်နှင့် ဂျပန်စီးပွားရေး လုပ်ငန်းများအား ရင်းနှီးမြှုပ်နှံမှုဆွဲဆောင်ရန် အခွင့်အလမ်းများကို ပံ့ပိုးပေးနိုင် ရန် မျှော်လင့်ကြောင်း ပြောကြားခဲ့ပါသည်။ Aeon Mall Vietnam နှင့် Marubeni ကော်ပို ရေးရှင်းကဲ့သို့သော ကုမ္ပဏီများ နှင့်ပတ်သတ်၍ Can Tho သည် မြို့အာဏာပိုင်များကြား ကိစ္စရပ်များကိုဖြေရှင်းရန် ၎င်းတို့နှင့် အနီးကပ်ညှိနှိုင်းဆွေးနွေးလျှက်ရှိကြောင်း သိရပါသည်။ မြို့တော်သည် Can Tho တွင် Aeon Mall ဈေးဝယ်စင်တာ စတင်ဆောက်လုပ်နိုင်ရေးအတွက် သက်ဆိုင်ရာအေဂျင်စီများနှင့် လုပ်ဆောင် လျှက်ရှိကြောင်း သိရပါသည်။ ထို့ပြင် Marubeni ကော်ပိုရေးရှင်းက အကောင်အထည်ဖော်လျှက် ရှိသည့် O Mon စွမ်းအင်စက်ရုံစီမံကိန်း ဆောက်လုပ်မှုနှင့်ဆက်စပ်သည့် အခက်အခဲများ ဖြေရှင်းနိုင်ရန် အားထုတ်မှုများ လုပ်ဆောင် လျှက်ရှိကြောင်း သိရပါသည်။ ဗီယက်နမ်နိုင်ငံဆိုင်ရာ ဂျပန် သံအမတ် Ito Naoki ကလည်း မြို့တော်၏ လျှင်မြန်သောဖွံ့ဖြိုးတိုးတက်မှုနှင့်ဒေသတွင်းအစိုးရ၏ ပြည်ပစီးပွားရေး လုပ်ငန်း များအား ပံ့ပိုးရန်အားထုတ်မှုများကို မြင်တွေ့ရကြောင်းနှင့် မြို့တော် ခေါင်းဆောင်များသည် လည်း ပြည်ပကုမ္ပဏီများအတွက် ရင်းနှီးမြှုပ်နှံမှုများဆက်လက်တိုးချဲ့ နိုင်ရန်နှင့် ဒေသဖွံ့ဖြိုး တိုးတက်ရေးအတွက် အကျိုးအမြတ်များပိုမိုရရှိရန် စီးပွားရေးနှင့်ရင်းနှီး မြှုပ်နှံမှုဝန်းကျင် မြင့်တက်ရေး ဆက်လက်လုပ်ဆောင်ရန် မျှော်လင့်ကြောင်း ပြောကြားခဲ့ပါသည်။ ဟိုချီမင်း မြို့တော်ရှိ JETRO ရုံး၏ ကိုယ်စားလှယ်အဖွဲ့ခေါင်းဆောင် Matsumoto Nobuyuki က JETRO အဖွဲ့ဝင်များသည် Can Tho တွင် ရင်းနှီးမြှုပ်နှံလျှက်ရှိကြောင်း၊ အနာဂတ်တွင်လည်း မြို့တော်သို့ ဂျပန်ရင်းနှီးမြှုပ်နှံမှုများ ဆက်လက်ဝင်ရောက်လာရန်မျှော်လင့်ကြောင်းနှင့် JETRO သည်လည်း မြို့တော်အုပ်ချုပ်ရေးအဖွဲ့က ဂျပန်ကုမ္ပဏီများအား မြို့တော်၏ အခွင့်အလမ်းများ ကို မိတ်ဆက်ရာတွင် ဆက်လက်ပံ့ပိုးပေးသွားရန် အဆင်သင့်ဖြစ်နေကြောင်း ပြောကြားခဲ့ပါ သည်။ ဒေသအာဏာပိုင်များ၏အဆိုအရ Can Tho တွင် အမေရိကန်ဒေါ်လာ ၂.၂ ဘီလီယံကျော် မတည် တန်ဖိုးရှိသော ပြည်ပတိုက်ရိုက်ရင်းနှီးမြှုပ်နှံမှုစီမံကိန်း ၈၀ ရှိကြောင်း သိရပါသည်။ ထိုပမာဏထဲ တွင် အမေရိကန်ဒေါ်လာ ၁.၃၅ ဘီလီယံတန်ဖိုးရှိသော ဂျပန်စီမံကိန်း ၈ ခုရှိပြီး အများစုမှာ ကုန်ထုတ်လုပ်ခြင်း-ပြုပြင်ထုတ်လုပ်ခြင်း၊ သတင်းအချက်အလက်နည်းပညာနှင့် လျှပ်စစ် ထုတ်လုပ်ခြင်း အစရှိသည့် ကဏ္ဍများတွင်လည်ပတ်လျှက်ရှိကြောင်း သိရပါသည်။

DOCA(ရန်ကုန်)

ဗီယက်နမ်နိုင်ငံစီမံကိန်းနှင့်ရင်းနှီးမြှုပ်နှံမှုဝန်ကြီးဌာနနှင့် ဂျပန်၏ Mie(မီ) စီရင်စု တို့ MoU ‌ရေးထိုး

ပြည်ပကုန်သွယ်မှုသတင်းများ

         ဗီယက်နမ်နိုင်ငံစီမံကိန်းနှင့် ရင်းနှီးမြှုပ်နှံမှုဝန်ကြီးဌာန(MPI) နှင့် ဂျပန်နိုင်ငံမှ မီစီရင်စုတို့ လတ်တလောရေးထိုးခဲ့သည့် နားလည်မှုသဝဏ်လွှာ (MoU) သည် နှစ်နိုင်ငံကြား အထူးသဖြင့် မီ နှင့် စီးပွားရေးနှင့် ရင်းနှီးမြှုပ်နှံမှု ပူးပေါင်းဆောင်ရွက်မှုများကို သယ်ဆောင်လာနိုင်မည်ဟု သိရပါ သည်။ ထိုလက်မှတ်ရေးထိုးပွဲအခမ်းအနားတွင် MPI ၏ ဒုတိယဝန်ကြီးဖြစ်သူ Nguyen Thi Bich Ngoc က ဘက်ပေါင်းစုံ မဟာဗျူဟာမိတ်ဖက်ဖွဲ့မှုကို အဆင့်မြှင့်တင်ပေးနိုင်မည့် ဂျပန်နှင့် ဗီယက်နမ်ကြား ဆက်နွယ်မှုကြီးထွားလာကြောင်း ပြောကြားခဲ့ပါသည်။ ဂျပန်သည် လတ်တလောတွင် ဗီယက်နမ်တွင် ရင်းနှီးမြှုပ်နှံလျှက်ရှိသည့် နိုင်ငံနှင့်ဒေသပေါင်း ၁၄၇ ကြားတွင် တတိယ အကြီးဆုံးရင်းနှီးမြှုပ်နှံသူဖြစ်ကြောင်း သိရပါသည်။ Ngoc က MPI သည် ဂျပန်ရှိ‌ဒေသပေါင်း ၁၃ ခုနှင့် MoU များလက်မှတ်ရေးထိုးခဲ့ပြီးဖြစ်ကြောင်းနှင့် မီစီရင်စုအား စက်မှုလုပ်ငန်းများကိုပံ့ပိုးရာတွင် ၎င်းတို့၏ အားကောင်းသောအလားအလာရှိမှုနှင့် အကျိုးကျေးဇူး ရှိမှုတို့ကို အမွှမ်းတင် ပြောကြားခဲ့ကြောင်း သိရပါသည်။ မီသည် ဂျပန်၌ အီလတ်ထရောနစ် ပစ္စည်းများ၊ အီလတ်ထရော နစ်ဆားကစ်များနှင့် Component များထုတ်လုပ်ရာတွင် ထိပ်ဆုံး၌ ရပ်တည်နေပြီးများစွာသော ဆီမီးကွန်ဒတ်တာလုပ်ငန်းနယ်ပယ်ရှိကုမ္ပဏီကြီးများ တည်ရှိရာ နေရာ လည်းဖြစ်ကြောင်း သိရပါသည်။ ဗီယက်နမ်သည် သိပ္ပံ၊ နည်းပညာ၊ ဆန်းသစ် တီထွင်မှု နှင့် ဒစ်ဂျစ်တယ်အသွင်ကူးပြောင်းရေးတို့ ဖွံ့ဖြိုးတိုးတက်ရေး အရှိန်အဟုန်မြှင့်‌ဆောင်ရွက် နေ ကြောင်း သိရပါသည်။ ဗီယက်နမ် အစိုးရသည်လည်း ရင်းနှီးမြှုပ်နှံမှုပံ့ပိုးရေးဘဏ္ဍာငွေ တည်ထောင်ရေး၊ စီမံခန့်ခွဲရေးနှင့် အသုံးပြု ရေးအတွက် စည်းမျဉ်းဥပဒေထုတ်ပြန်ခဲ့ကြောင်း သိရပါသည်။ MPI သည်လည်း နိုင်ငံ၏ လူမှုစီးပွားဖွံ့ဖြိုးတိုးတက်ရေး၊ နှစ်နိုင်ငံဆက်ဆံရေး အားကောင်းရေးတို့အတွက် မီအပါအဝင် ဂျပန်မှစီးပွားရေးလုပ်ငန်းများအား နိုင်ငံအတွင်း ၎င်းတို့၏ရင်းနှီးမြှုပ်နှံမှုနှင့် စီးပွားရေးဆောင်ရွက်မှုများကို ဆက်လက်ပံ့ပိုးပေးသွားမည်ဟု သိရပါသည်။ မီစီရင်စု၏ အုပ်ချုပ်ရေးမှူးဖြစ်သူ Ichimi Katsuyuki ကမီသည် ၎င်းတို့၏ ပြုပြင် ထုတ်လုပ်ခြင်း၊ ကုန်ထုတ်လုပ်ခြင်းနှင့် ဆီမီးကွန်ဒတ်တာ လုပ်ငန်းများနှင့် လူသိများပြီး ဂျပန်ကို ၁၉ နှစ်ဆက်ဦးဆောင်နိုင်ခဲ့ကြောင်း ပြောကြားခဲ့ပါသည်။ မီသည်ဂျပန်တွင် ဆီမီးကွန်ဒတ်တာ လုပ်ငန်းဖွံ့ဖြိုးတိုးတက်ရေးအတွက် သတ်မှတ်လျာထားသည့် စီရင်စု ၅ ခုထဲမှ ၁ ခုဖြစ်ကြောင်း သိရပါသည်။

DOCA(ရန်ကုန်)

 

၂၀၂၅ ခုနှစ်တွင် ရာဘာတင်ပို့မှုမှတစ်ဆင့် အမေရိကန်ဒေါ်လာ ၁၁ ဘီလီယံကျော် ရရှိရန် ဗီယက်နမ်ခန့်မှန်း

ပြည်ပကုန်သွယ်မှုသတင်းများ

          ဗီယက်နမ်ရာဘာအသင်း (VRA) သည် ၂၀၂၅ ခုနှစ် ရာဘာတင်ပို့မှုမှာ ၂၀၂၄ ခုနှစ် က ထက် ၁၀ ရာခိုင်နှုန်းကြီးထွားကာ ဝင်ငွေအမေရိကန်ဒေါ်လာ ၁၁ ဘီလီယံကျော် ရရှိမည်ဟု ခန့်မှန်းပြီး ယုံကြည်ချက်ပြည့်ဝနေကြောင်း သိရပါသည်။ ထိုသုံးသပ်ချက်သည် တည်ငြိမ်သည့် သဘာဝပတ်ဝန်းကျင်နှင့်သင့်လျှော်သော ကုန်ကြမ်းပစ္စည်းများ၏တန်ဖိုးနှင့် ဆန်းသစ်တီထွင် သော ပြန်လည်သုံးစွဲမှုအလေ့အကျင့်များကြောင့်ဖြစ်ကြောင်း သိရပါသည်။ ၂၀၂၅ ခုနှစ်အစော ပိုင်းတွင် ရာဘာဈေးနှုန်းများမှာ ပြည်တွင်းတွင်သာမက ပြည်ပတွင်ပါ တရုတ်၏စီးပွားရေး မူဝါဒများ၏ လွှမ်းမိုးမှုခံရနိုင်ကြောင်း သိရပါသည်။ စက်မှုအခြေခံအဆောက်အအုံများတွင် ရင်းနှီးမြှုပ်နှံမှုအများအပြားပါဝင်သည့် တရုတ်၏စီးပွားရေးလှုံ့ဆော်မှုစီမံချက်များ စတင်ခြင်းနှင့် အတူ ရာဘာလုပ်ငန်းသည် ကောင်းမွန်သည့်သက်ရောက်မှုများ ရရှိခံစားလျှက်ရှိကြောင်း သိရပါ သည်။ ရာဘာသုံးစွဲမှုများပြားသည့် တရုတ်၏မော်တော်ကားလုပ်ငန်းသည် ပြည်တွင်းနှင့်ပြည်ပမှ ဝယ်လိုအားမြင့်တက်လာမှုကြောင့် ဆက်လက်တိုးချဲ့မည့် လမ်းကြောင်းပေါ်တွင်ရှိနေကြောင်း သိရပါသည်။ ဗီယက်နမ် Mercantile Exchange ၏ ဒုတိယအထွေထွေညွှန်ကြားရေးမှူး ဖြစ်သူ Nguyen Duc Dung က ဗီယက်နမ်ရာဘာထုတ်လုပ်သူများသည် ထိုလမ်းကြောင်းအလားအလာ အပေါ် အရင်းအနှီးပြုရန်အတွက် အဓိကနေရာတွင် ရပ်တည်နေကြောင်း ပြောကြားခဲ့ပါသည်။ တရုတ်နိုင်ငံထံမှသာမက ကမ္ဘာ့စီးပွားရေးနာလံထူလာမှုကြောင့် အိမ်နီးချင်းအာဆီယံနိုင်ငံများ ထံမှပါ ဝယ်လိုအားမြင့်တက်လာကြောင်း သိရပါသည်။ တရုတ်နိုင်ငံသည် ဗီယက်နမ် ရာဘာ တင်ပို့ မှုအတွက် အကြီးမားဆုံးဈေးကွက်အဖြစ် ဆက်လက်ရပ်တည်နေပြီး ၂၀၂၄ ခုနှစ်တွင် ဗီယက်နမ် ၏ စုစုပေါင်းတင်ပို့မှု၏ ၇၀.၅ ရာခိုင်နှုန်းပမာဏရှိသည့် အမေရိကန် ၂.၄ ဘီလီယံ တန်ဖိုးရှိသော ဗီယက်နမ်ရာဘာများတင်သွင်းခဲ့ကြောင်း သိရပါသည်။ ဗီယက်နမ်နိုင်ငံ အကောင်ခွန် အထွေထွေ ဦးစီးဌာန၏အဆိုအရ နိုင်ငံသည် လွန်ခဲ့သည့်နှစ်တွင် ရာဘာစေးတန်ချိန် ၂ သန်း တင်ပို့ရာမှ တစ်ဆင့် ဝင်ငွေအမေရိကန်ဒေါ်လာ ၃.၄ ဘီလီယံရရှိခဲ့ပြီး တင်ပို့သည့်ပမာဏတွင် ၆ ရာခိုင်နှုန်း ကျဆင်းခဲ့သော်လည်း တန်ဖိုးတွင် ၁၈ ရာခိုင်နှုန်းမြင့်တက်ခဲ့ကြောင်း သိရပါသည်။ တစ်ချိန်တည်း မှာပင် ၎င်းတို့သည် အမေရိကန်ဒေါ်လာ ၃ ဘီလီယံတန်ဖိုးရှိသော ရာဘာတန်ချိန် ၁.၉ သန်း တင်သွင်းခဲ့ပြီး ကုန်သွယ်ရေးဝင်ငွေ အမေရိကန်ဒေါ်လာ သန်း ၄၀၀ ရရှိခဲ့ကြောင်း သိရပါသည်။ VRA ၏ ဥက္ကဌဖြစ်သူ Le Thanh Hung က ၂၀၂၄ ခုနှစ်တွင် ပျမ်းမျှ တင်ပို့သည့် ဈေးနှုန်းသည် တစ်တန်ကို အမေရိကန်ဒေါ်လာ ၁၃၅၀ မှ ၁၇၀၁ သို့ မြင့်တက်လာခြင်းနှင့်အတူ တန်ဖိုးမြင့်တက် လာခြင်းသည် ဈေးနှုန်းမြင့်တက်လာခြင်း၏ တိုက်ရိုက်ရလဒ်ဖြစ်ကြောင်း ပြောကြားခဲ့ပါသည်။ ထိုဈေးနှုန်းမြင့်တက်လာမှုသည် ကမ္ဘာလုံးဆိုင်ရာ ရာဘာကုန်သွယ်မှု၏ အဓိကနေရာတွင်ရှိနေသည့် ဥရောပထံမှဝယ်လိုအားမြင့်တက်လာမှုကြောင့်ဖြစ်ကြောင်း သိရပါသည်။

DOCA(ရန်ကုန်)

ကမ္ဘာ့စီးပွားရေးဖိုရမ်တွင်ရင်းနှီးမြှုပ်နှံမှုများရရှိရန်ထိုင်းဝန်ကြီးချုပ်ရည်ရွယ်

ပြည်ပကုန်သွယ်မှုသတင်းများ

          ထိုင်းဝန်ကြီးချုပ် Paetongtarn Shinawatra သည် ဆွစ်ဇာလန်နိုင်ငံ Davos တွင် ကျင်းပ မည့် ကမ္ဘာ့စီးပွားရေးဖိုရမ်(WEF) တွင် ထိုင်းနိုင်ငံ၏ ရင်းနှီးမြှုပ်နှံမှုမျှော်မှန်းချက်များကို အရှိန်မြှင့်တင်ရန် ရည်ရွယ်၍ ကမ္ဘာလုံးဆိုင်ရာပုဂ္ဂလိကလုပ်ငန်းများမှ ထိပ်တန်းအကြီးအကဲများ နှင့် တွေ့ဆုံသွားမည်ဟု သိရပါသည်။ အစိုးရပြောခွင့်ရပုဂ္ဂိုလ် Jirayu Houngsub က ဝန်ကြီးချုပ် နှင့် ကိုယ်စားလှယ်အဖွဲ့သည် ယခုနှစ်ဖိုရမ်အတွက် Davos သို့ ရောက်ရှိနေပြီဖြစ်ကြောင်း ဇန်နဝါရီ လ ၂၀ ရက်နေ့က ပြောကြားခဲ့ပါသည်။ ကိုယ်စားလှယ်အဖွဲ့တွင် ဒုတိယဝန်ကြီးချုပ်နှင့် ဘဏ္ဍာရေး ဝန်ကြီး Pichai Chunhavajira ၊ ဒုတိယဝန်ကြီးချုပ်နှင့် ဒစ်ဂျစ်တယ်စီးပွားရေးနှင့်အသိုက်အဝန်း ဝန်ကြီး Prasert Jantararuangtong ၊ စီးပွားကူးသန်းဝန်ကြီး Pichai Naripthaphan နှင့် များစွာသော အဓိကအစိုးရတာဝန်ရှိသူများ ပါဝင်ခဲ့ကြောင်း သိရပါသည်။ ဇန်နဝါရီလ ၂၂ ရက်နေ့ အစီအစဉ်တွင် ထိုင်းနိုင်ငံ၏ မဟာဗျူဟာမြောက်တည်နေရာကြောင့် ၎င်းတို့အား ထောက်ပံ့ ပို့ဆောင် ရာအချက်အချာအဖြစ် ပြောင်းလဲရန် နိုင်ငံပေါင်း ၇၅ နိုင်ငံကျော်တွင် ထောက်ပံ့ ပို့ဆောင်ရေး ဦးဆောင်သူအဖြစ် ဆောင်ရွက်နေသည့် DP World နှင့် ဆွေးနွေးမှုများပြုလုပ်ရန် ပါဝင်ကြောင်း သိရပါသည်။ ပြောခွင့်ရပုဂ္ဂိုလ်၏အဆိုအရ ထိုအစည်းအဝေးသည် လွန်ခဲ့သည့်နှစ် WEF တွင် ယခင်ဝန်ကြီးချုပ် Srettha Thavisin ၏ ကနဦးဆွေးနွေးမှုများမှ စတင်ခဲ့ကြောင်း သိရပါသည်။ ဝန်ကြီးချုပ်သည် ကမ္ဘာ့ထိပ်တန်း အစားအစာနှင့်အဖျော်ယမကာ လုပ်ငန်းများ ဖြစ်သည့် Nestle နှင့် Coca-Cola တို့မှ အကြီးတန်းပုဂ္ဂိုလ်များနှင့်လည်း တွေ့ဆုံဆွေးနွေးမည်ဟု သိရပါသည်။ Mr Jirayu က ထိုအစည်းအဝေးများသည် ကမ္ဘာ့အစားအစာထောက်ပံ့မှု ကွင်းဆက်အတွင်းသို့ ထိုင်း၏ စိုက်ပျိုးမွေးမြူရေးကဏ္ဍ ပိုမိုကောင်းမွန်စွာ ဝင်ရောက်နိုင်ရန် ရည်ရွယ်ကြောင်း ပြောကြားခဲ့ပါသည်။ ဝန်ကြီးချုပ်သည် ထိုင်းနိုင်ငံအား ဒေသ၏ ကျန်းမာ‌ရေး နှင့် ဆေးဘက်ဆိုင်ရာ အချက် အခြာ ဖြစ်လာရန် ရည်ရွယ်၍ Bayer နှင့် AstraZeneca တို့ပါဝင်သည့် ထိပ်တန်းဆေးဝါးနှင့် ကျန်းမာရေးလုပ်ငန်းများဖြင့်လည်း တွေ့ဆုံဆွေးနွေးရန် ရှိကြောင်းသိရပါသည်။ ဝန်ကြီးချုပ်သည် ထိုဖိုရမ်အား ထိုင်းနိုင်ငံ၏စီးပွားရေးအလားအလာ ပြသရန်၊ ရင်းနှီးမြှုပ်နှံမှုဆွဲဆောင်ရန်နှင့် ၎င်းတို့ ၏ ကမ္ဘာ့ထောက်ပံ့မှုကွင်းဆက်သို့ ဝင်ရောက်မှု အားကောင်းရန် ပံ့ပိုးပေးနိုင်မည်ဟု ယုံကြည်နေကြောင်း သိရပါသည်။ Mr Jirayu က၎င်းတို့ သည် ဆန်းသစ်တီထွင်မှုလှုံ့ဆော်ရန်၊ အနာဂတ် စက်မှုလုပ်ငန်းများတွင် လုပ်သားထုဖွံ့ဖြိုး တိုးတက်ရန်နှင့် ထိုင်းပြည်သူများနှင့် နိုင်ငံအတွက် ဝင်ငွေကောင်းနှင့် အခွင့်အလမ်းသစ်များ ဖန်တီးပေးရန် ရည်မှန်းထားကြောင်း ပြောကြား ခဲ့ပါသည်။

DOCA(ရန်ကုန်)

တင်သွင်းမှုလျှော့ချရန်အတွက် ပြည်တွင်း LPG လုပ်ငန်းဖွံ့ဖြိုးတိုးတက်ရေး အရေးပါကြောင်း အင်ဒိုနီးရှားတာဝန်ရှိသူပြောကြား

ပြည်ပကုန်သွယ်မှုသတင်းများ

          အင်ဒိုနီးရှားနိုင်ငံ စွမ်းအင်နှင့်သတ္ထုတွင်းထွက်ပစ္စည်းဝန်ကြီး Bahlil Lahadalia က တင်သွင်းမှုလျှော့ချရန်အတွက် ပြည်တွင်း Liquefied petroleum gas (LPG) လုပ်ငန်းနယ်ပယ် ဖွံ့ဖြိုးတိုးတက်ရန် အရေးပါကြောင်း ဇန်နဝါရီလ ၁၇ ရက်နေ့က ပြောကြားခဲ့ပါသည်။ ဝန်ကြီးက ပြည်သူလူထု၏လိုအပ်ချက်ကိုဖြည့်စည်းရန်အတွက ၎င်းတို့သည် C3 နှင့် C4 ဂတ်စ် အသုံးပြု နိုင်မည့် LPG စက်မှုလုပ်ငန်းတည်ထောင်ရန်နှင့် အိမ်ထောင်စုဂတ်စ်ကွန်ယက်အတွက် တွန်းအား ပေးဆောင်ရွက်ရန် လိုအပ်ကြောင်း ပြောကြားခဲ့ပါသည်။ ဝန်ကြီး၏အဆိုအရ ပြည်တွင်း LPG သုံးစွဲမှုသည် တစ်နှစ်လျှင် တန်ချိန် ၈ သန်းရှိပြီး ပြည်တွင်းထုတ်လုပ်နိုင်မှုမှာ တန်ချိန် ၁.၄ သန်း သာ ရှိသဖြင့် နှစ်စဉ် တန်ချိန် ၆ သန်းမှ ၇ သန်းကြား တင်သွင်းနေရကြောင်း သိရပါသည်။ ထို့ကြောင့် သမ္မတ Prabowo Subianto က LPG တင်သွင်းမှုလျှော့ချရန် ကြိုးပမ်းအားထုတ်မှု များကို အရှိန်မြှင့်တင်သွားရန် တောင်းဆိုခဲ့ကြောင်း သိရပါသည်။ ထိုခြေလှမ်းသည် နိုင်ငံ၏ စီးပွားရေးမျှခြေ ထိန်းသိမ်းရန်နှင့် ကုန်သွယ်ရေးမျှခြေနှင့် နိုင်ငံခြားငွေလိုငွေပြမှုကို လျှော့ချရာ တွင်အရေးပါကြောင်း သိရပါသည်။ လတ်တလောတွင် အင်ဒိုနီးရှားသည် LPG ပါဝင်သော ဂတ်စ် နှင့် ရေနံဝယ်ယူရန် နှစ်စဉ် ရူပီး ၄၅၀ ထရီလီယံသုံးစွဲမှုနှင့်အတူ LPG တင်သွင်းမှုအတွက် နိုင်ငံခြားငွေများကို သိသာစွာသုံးစွဲနေရကြောင်း သိရပါသည်။ ထိုပမာဏသည် နိုင်ငံ၏ ကုန်သွယ် ရေးမျှခြေနှင့် ပေးချေမှုများကို တိုက်ရိုက်သက်ရောက်မှုရှိခဲ့ပြီး ထိုဝန်ထုပ်ဝန်ပိုးကို လျှော့ပါး သက်သာစေရန် ပြည်တွင်းလုပ်ငန်းဖွံ့ဖြိုးတိုးတက်ရေးသည် မှန်ကန်သောဖြေရှင်းချက် ဖြစ်သည် ဟု ယူဆရကြောင်း သိရပါသည်။ Lahadalia ကလူထုသို့ အစိုးရ၏ဝန်ဆောင်မှု တစ်စိတ်တစ်ပိုင်းဖြစ်သည့် အိမ်ထောင်စုဂတ်စ်ကွန်ယက်ဖွံ့ဖြိုးတိုးတက်ရေး၏ အရေးပါမှုကို လည်း အသားပေး ပြောကြားခဲ့ကြောင်း သိရပါသည်။

DOCA(ရန်ကုန်)

BYD သည် အိန္ဒိယတွင် Sealion 7 EV အားမိတ်ဆက်ခဲ့ပြီး ပို့ဆောင်မှုအား မတ်လ ၁၁ ရက်နေ့တွင်စတင်သွားမည်

ပြည်ပကုန်သွယ်မှုသတင်းများ

            BYD ကုမ္ပဏီသည် ၎င်း၏လျှပ်စစ်သုံးယာဥ် Sealion 7 အား အိန္ဒိယတွင် ၁၈.၁.၂၀၂၅ ရက်နေ့ (စနေနေ့)က စတင်ရောင်းချခဲ့ပြီး တရုတ်ကားထုတ်လုပ်သူသည် ၎င်း၏စျေးကွက်ဝေစုကိုတိုးမြှင့်နိုင် ရေးအတွက် ကြိုးပမ်းဆောင်ရွက်လျှက်ရှိသည်။ နယူးဒေလီရှိ Bharat Mobility Global Expo 2025 တွင် မော်တော်ယာဥ်အတွက် ကြိုတင်မှာယူမှုများကို စတင်လက်ခံနေသောကြောင့် စျေးနှုန်းအသေး စိတ်အချက်အလက်များကို ကုမ္ပဏီမှပြောကြားခြင်းမရှိကြောင်း သိရသည်။ ပို့ဆောင်မှုများအား မတ်လတွင် စတင်မည်ဖြစ်ပြီးထိုမော်ဒယ်တွင်ဗားရှင်းနှစ်ခုရှိမည်ဖြစ်ကြောင်း အိန္ဒိယနိုင်ငံရှိလျှပ်စစ် ခရီးသည်တင်ယာဥ်များ၏ အမျိုးသားရေးရာဌာနအကြီအကဲ Rajeev Chauhan ကအားအပြည့်ဖြင့် ၁၀၉၂ ကီလိုမီတာအကွာအဝေးအားပေးစွမ်းနိုင်မည်ဖြစ်ကြောင်းပြောကြားခဲ့သည်။ ကုမ္ပဏီသည်ယခုလကုန်တွင် အ‌ရောင်းကိုယ်စားလှယ် ၄၀ ထားရှိရန်ရည်မှန်းထားကြောင်း Chauhan မှပြောကြားခဲ့သည်။ လက်ရှိတွင် BYD သည်အိန္ဒိယတွင် Emax 7၊ Seal နှင့် Atto3 အမျိုးအစားနှစ်မျိုး အပါအဝင် ထုတ်ကုန်လေးခုရှိသည်။ တရုတ်မော်တော်ကားထုတ်လုပ်သူသည် ပြည်တွင်းကုမ္ပဏီကြီးများဖြစ် သည့် Maruti Suzuki India Ltd. နှင့် Tata Motors Ltd၊ အာရှပြိုင်ဘက် SAIC Motor Corp ၏ India ဖက်စပ်လုပ်ငန်းများနှင့် ယှဥ်ပြိုင်ရမည်ဖြစ်သည်။ BYD သည်အိန္ဒိယနိုင်ငံတွင် ၂၀၀၇ ခုနှစ်တည်းက စတင်လည်ပတ်ခဲ့ပြီး လက်ရှိတွင် ဝန်ထမ်းပေါင်း ၃၀၀၀ ကျော်ရှိသည်။ ပေကျင်းသည် EV ထုတ်လုပ်မှုအတွက် အဆင့်မြင့်နည်းပညာများလွှဲပြောင်းခြင်းကို ကန့်သတ်လိုက်ပြီး တာဝန်ရှိသူများက အိန္ဒိယတွင်မော်တော်ကားနှင့်ပက်သက်သည့် ရင်းနှီးမြှုပ်နှံမှုများ မပြုလုပ်သင့်ကြောင်းပြီးခဲ့သည့်နှစ် အစည်းအဝေးမှ တာဝန်ရှိသူများက ပြောကြားခဲ့သည်ဟု Bloomberg သတင်းကဖော်ပြခဲ့ကြောင်း သိရှိရပါသည်။

Source : economictimes

DOCA(ရန်ကုန်)

အာဖဂန်နစ္စတန်နိုင်ငံသည် ၉ လအတွင်း ကုံကုမံ အမေရိကန်‌ဒေါ်လာ ၂၉ သန်းကျော်တင်ပို့ခဲ့

ပြည်ပကုန်သွယ်မှုသတင်းများ

          အာဖဂန်နစ္စတန်သည် လွန်ခဲ့သောကိုးလအတွင်း အမေရိကန်ဒေါ်လာ ၂၉ သန်းကျော်တန်ဖိုးရှိသော ကုံကုမံများအားတင်ပို့ခဲ့ကြောင်း အာဖဂန်စက်မှုနှင့် ကူးသန်းရောင်းဝယ်ရေးဝန်ကြီးဌာန၏ ပြောရေးဆိုခွင့်ရှိသူ Akhundzada Abdul Salam Jawad က ဇန်နဝါရီ ၁၈ ရက်နေ့က ပြောကြား ခဲ့သည်။ ၁၄၀၃ ခုနှစ်  ပါရှန်းနေရောင်ခြည်နှစ်ကိုးလတာ ကာလအတွင်း (ပါရှန်ပြက္ခဒိန်အရ မတ်လ ၂၀ ရက်နေ့စတင်သော ၁၄၀၃ ခုနှစ်) ‌‌ဒေါ်လာ ၂၉၅၈၈၀၀၀ သန်းတန်ဖိုးရှိသော ကုံကုမံ ၄၂၂၀၀ ကီလိုဂရမ်ခန့်အား တင်ပို့ခဲ့ကြောင်း ပုဂ္ဂလိကမီဒီယာ Tolonews မှ Jawad အဆိုအားကိုးကား၍ ဖော်ပြခဲ့သည်။ အာဖဂန်နစ္စတန်၏ “ရွှေနီ” ဟု လူသိများသောအဖိုးတန် ဟင်းခတ်အမွှေးအကြိုင်များကို အိန္ဒိယ၊ဆော်ဒီအာရေဗီးယား၊ အာရပ်စော်ဘွားများပြည်ထောင်စု၊ တူရကီ၊ စပိန်၊ ဂျာမနီ၊ အမေရိကန်နှင့် ဗြိတိန်နိုင်ငံတို့ထံအများစုတင်ပို့ခဲ့ကြောင်း Jawad ပြောကြားချက်အရသိရသည်။ ကုံကုမံများအား အနောက်ပိုင်း Herat ပြည်နယ်တွင်စိုက်ပျိုးလေ့ရှိသည်။ အာဖဂန်နစ္စတန်၏ အဓိကပို့ကုန်များမှာကျောက်မီးသွေး၊ ကုံကုမံ၊ သစ်သီးခြောက်များ၊ လက်ယက်ကောဇောများ၊ အဖိုးတန်နှင့် တစ်ဝက်အဖိုးတန်ကျောက်မျက်များပါဝင်ကြောင်း သိရှိရပါသည်။

Source : Xinhua

DOCA(ရန်ကုန်)

ဥဇဘက်ကစ္စတန်နိုင်ငံ၏ ၂၀၂၄ခုနှစ် ၁၁ လအတွင်း ဇီးသီးတင်ပို့မှုမှာ ကန်ဒေါ်လာ ၂၆ ဒသမ ၄ သန်းတန်ဖိုးရှိ

ပြည်ပကုန်သွယ်မှုသတင်းများ

            ဥဇဘက်ကစ္စတန်နိုင်ငံသည် ယမန်နှစ် ၁၁ လအတွင်း အမေရိကန် ဒေါ်လာ ၂၆.၄ သန်းတန်ဖိုး ရှိဇီးသီးများတင်ပို့ခဲ့ကြောင်းပြည်တွင်းမီဒီယာက နိုင်ငံစာရင်းအင်းအေဂျင်စီကိုကိုးကား၍ ၁၆.၁.၂၀၂၅ ရက်နေ့တွင် ဖော်ပြခဲ့သည်။

           ဥဇဘက်ကစ္စတန်နိုင်ငံ မှ ၂၀၂၄ ခုနှစ် ဇန်နဝါရီလမှ နိုဝင်ဘာလအထိ ဇီးသီးတန်ချိန် ၃၂၉၀၀ တင်ပို့ခဲ့ပြီး တန်ဖိုးအားဖြင့် အမေရိကန်ဒေါ်လာ ၂၆.၄ သန်းရှိကြောင်း နိုင်ငံ၏စာရင်းအင်းအေဂျင်စီက ဖော်ပြခဲ့သည်။

         ရုရှားသည် ဥဇဘက်က ဇီးသီး တင်သွင်းမှု အများဆုံးနိုင်ငံ ဖြစ်လာပြီး ထုတ်ကုန် ၂၀၇၁၂ တန်ရှိသည်။ ကာဇက်စတန်က တင်သွင်းမှုပမာဏ ၁၀,၅၂၂ တန်နဲ့ ဒုတိယနေရာမှာ ရပ်တည်နေပြီး 

         ကာဂျစ္စတန်မှဇီးသီး ၁,၄၈၆ တန် ဝယ်ယူခဲ့ပြီး တတိယနေရာတွင်ရပ်တည်လျှက်ရှိသည်။ အစောပိုင်း အေဂျင်စီ၏အဆိုအရ ဥဇဘက်ကစ္စတန်သည် ၂၀၂၄ ခုနှစ် ဇန်နဝါရီလမှ နိုဝင်ဘာလအထိ အမေရိကန်ဒေါ်လာ ၇၀ ဒသမ ၃ သန်းတန်ဖိုးရှိ ချယ်ရီသီးများကို တင်ပို့ခဲ့ကြောင်း နိုင်ငံ၏စာရင်းအင်း အေဂျင်စီကို ကိုးကား၍ တနင်္လာနေ့တွင် ဒေသဆိုင်ရာမီဒီယာက ဖော်ပြခဲ့ကြောင်းသိရှိရပါသည်။

Source : Xinhua

DOCA(ရန်ကုန်)

ဒစ်ဂျစ်တယ်အသွင်ကူးပြောင်းရေးကို မြှင့်တင်ရန် ဖိလစ်ပိုင်နှင့် တောင်ကိုရီးယားတို့ ပူးပေါင်းဆောင်ရွက်လျက်ရှိ

ပြည်ပကုန်သွယ်မှုသတင်းများ

           ဖိလစ်ပိုင်နှင့် တောင်ကိုရီးယားတို့သည် ဒစ်ဂျစ်တယ်အသွင်ကူးပြောင်းမှုနှင့် ဆန်းသစ် တီထွင်မှုများကို ဆက်လက်လုပ်ဆောင်ရန် သဘောတူညီခဲ့ကြောင်း ဖိလစ်ပိုင်အမျိုးသား စီးပွားရေးနှင့်ဖွံ့ဖြိုး တိုးတက်ရေးအာဏာပိုင်အဖွဲ့ (NEDA) က ၁၇.၁.၂၀၂၅ ရက်နေ့တွင် ပြောကြားခဲ့သည်။

            NEDA နှင့် Korea Trade-Investment Promotion Agency (KOTRA) တို့သည် ဖိလစ်ပိုင်နိုင်ငံ မြို့တော်၌ ဇန်နဝါရီ ၁၆ ရက်နေ့တွင် ကိုရီးယား-ဖိလစ်ပိုင် စီးပွားရေး ဆန်းသစ်တီထွင်မှုပူးပေါင်းဆောင်ရွက်မှု အစီအစဉ် (EIPP) ၏ ပထမဆုံး အစည်းအဝေးကို ကျင်းပခဲ့သည်။

         ဖိလစ်ပိုင်နိုင်ငံရှိ သတင်းအချက်အလက်နှင့် ဆက်သွယ်ရေးနည်းပညာများ တိုးတက်ကောင်း မွန်လာစေရန် EIPP မှ ဖော်ဆောင်မည့် ဒစ်ဂျစ်တယ်အခြေခံအဆောက်အအုံ ပရောဂျက်သုံးခုအတွက် ပြည့်စုံသော အစီအစဉ်များကို NEDA က အစီရင်ခံခဲ့သည်ဟု NEDA မှ ပြောကြားခဲ့သည်။

            "ပြီးခဲ့တဲ့နှစ်မှာ နားလည်မှုစာချွန်လွှာကို လက်မှတ်ရေးထိုးခဲ့ပြီး၊ ကျွန်တော်တို့ရဲ့ ဒစ်ဂျစ်တယ် အခြေခံအဆောက်အအုံမှာ သိသာထင်ရှားတဲ့ တိုးတက်မှုတွေအတွက် လမ်းခင်းပေးဖို့အတွက် ပရိုဂရမ်သုံးခုကို စတင်အကောင်အထည်ဖော်မှာပါ" ဟု NEDA ရင်းနှီးမြှုပ်နှံမှုပရိုဂရမ်အတွက် လက်ထောက်အတွင်းရေးမှူး Joseph Capuno က ပြောကြားခဲ့ကြောင်းသိရှိရပါသည်။

Source : Xinhua

DOCA(ရန်ကုန်)

Pages

Subscribe to RSS - ပြည်ပကုန်သွယ်မှုသတင်းများ