ပြည်ပကုန်သွယ်မှုသတင်းများ

           ထိုင်းနိုင်ငံနှင့် ဆော်ဒီအာရေဗီးယားနိုင်ငံတို့သည် ကုန်သွယ်ရေးပူးပေါင်းဆောင်ရွက်မှု အရှိန်မြှင့်တင်ရန်ကတိပြုခဲ့ကြပြီး အစိမ်းရောင်စီးပွားရေး၊ စိုက်ပျိုးမွေးမြူရေးနှင့် ဝန်ဆောင်မှုလုပ်ငန်းများမှ ဝင်ငွေ အမေရိကန်ဒေါ်လာ ၃.၅ ဘီလီယံ ရရှိရန် ရည်ရွယ်ထားကြောင်း သိရ ပါသည်။ နိုင်ငံခြားရေးရာဝန်ကြီးဖြစ်သူ Maris Sangiampongsa ထိုအကြောင်းကို ဆော်ဒီ နိုင်ငံခြားရေးဝန်ကြီး Faisal bin Farhan Al Saud နှင့်ပူးတွဲဥက္ကဌ အနေဖြင့် ကျင်းပသည့် ဆော်ဒီ-ထိုင်းညှိနှိုင်းဆွေးနွေးရေးကောင်စီ(STCC) အစည်းအဝေးတွင် ပြောကြားခဲ့ခြင်း ဖြစ်ကြောင်း သိရပါသည်။ STCC ကို နိုင်ငံရေးနှင့်ကောင်စစ်ဝန်ရေးရာ၊ လုံခြုံရေးနှင့် စစ်ဖက် ပူးပေါင်းဆောင်ရွက်ရေး၊ စီးပွားရေး၊ ကုန်သွယ်ရေးနှင့်ရင်းနှီးမြှုပ်နှံမှု၊ ရိုးရာယဉ်ကျေးမှုနှင့် ခရီးသွားကဏ္ဍတို့တွင် အပြန်အလှန်ပူးပေါင်းဆောင်ရွက်မှုမြှင့်တင်ရန် တည်ထောင်ခဲ့ခြင်း ဖြစ်ကြောင်း သိရပါသည်။ ထိုအစည်းအဝေးသည် ကော်မတီငါးခုအောက်ရှိ အနည်းဆုံး ကဏ္ဍ ၇၀ ရှိ ပူးပေါင်းဆောင်ရွက်မှုစီမံကိန်း ၇၀ ကျော်ကို လွှမ်းခြုံထားကြောင်း သိရပါသည်။ ထိုပူးပေါင်းဆောင်ရွက်မှုသည် နှစ်နိုင်ငံကြား ကုန်သွယ်ရေးနှင့်ရင်းနှီးမြှုပ်နှံမှုကို လှုံ့ဆော်ရန် မျှော်လင့်ရပြီး အစိမ်းရောင် စီးပွားရေး၊ ဝန်ဆောင်မှုနှင့် စိုက်ပျိုးမွေးမြူရေးတို့ပါဝင်သည့် လုပ်ငန်းများမှ ကုန်သွယ်မှုတန်ဖိုး အမေရိကန်ဒေါ်လာ ၃.၅ ဘီလီယံ ရရှိရန် ခန့်မှန်းထား ကြောင်း သိရပါသည်။ ထိုင်းနိုင်ငံဗဟို အစ္စလာမ်မစ်ကော်မတီကလည်း နှစ်စဉ်တန်ဖိုး ဘတ်သန်း ၄၀ ကျော်တန်ဖိုးရှိသည့် ကြက်သားများ ဆော်ဒီသို့တင်ပို့ရန်အတွက် ဟာလာအသိအမှတ်ပြု ထုတ်ပြန်ချက်ကို ခွင့်ပြုပေးခဲ့ကြောင်း သိရပါသည်။ နှစ်နိုင်ငံကြား ကုန်သွယ်မှုနှင့် စီးပွားရေး အရှိန်မြှင့်တင်ရန်အတွက် အထူးစီးပွားရေးဇုန်များတည်ထောင်မှု ပူးပေါင်းမြှင့်တင်ရန် အစီအစဉ် များမှာ လမ်းကြောင်းပေါ်တွင်ရှိနေကြောင်း သိရပါသည်။ Mr Maris က ထိုအစည်းအဝေးသည် နှစ်နိုင်ငံအကြား သံတမန်ဆက်ဆံရေးကို အားသစ်လောင်းပေးနိုင်ခဲ့ရုံသာမက အနာဂတ်ပူးပေါင်း ဆောင်ရွက်မှုအတွက် လမ်းခင်းပေးနိုင်ခဲ့ကြောင်း ပြောကြားခဲ့ကြောင်း သိရှိရပါသည်။

Bangkok Post

DOCA(ရန်ကုန်)

           တရုတ်နိုင်ငံ Air-con နှင့်လျှပ်စစ်ပစ္စည်းထုတ်လုပ်သူဖြစ်သည့် Midea သည် ထိုင်းနိုင်ငံ တွင် ၎င်းတို့၏ ထုတ်လုပ်မှုကို တိုးချဲ့လျှက်ရှိကြောင်း သိရပါသည်။ Midea ၏လက်အောက်ခံ လုပ်ငန်းခွဲဖြစ်သည့် MD Consumer Appliance (Thailand) Co Ltd ၏ ဒုတိယအထွေထွေ မန်နေဂျာဖြစ်သူ Thanawat Wongchanwuth က ထိုင်းနိုင်ငံသည် Midea ၏အဓိက ကုန်ထုတ်လုပ်ရာ အခြေစိုက်ဖြစ်ပြီး ကုမ္ပဏီသည် Rayong မြို့တွင် စက်ရုံသစ် ၂ ခု တည်ဆောက် လျှက်ရှိကြောင်း ပြောကြားခဲ့ပါသည်။ ရင်းနှီးမြှုပ်နှံမှုတန်ဖိုး ဘတ် ၂.၂၆ ဘီလီယံရှိသည့် စက်ရုံ သစ်သည် ၂၀၂၃ ခုနှစ်တွင် စတင်တည်ဆောက်ခဲ့ပြီး ယခုနှစ် ဒုတိယသုံးလပတ်ကာလတွင် စီးပွားရေးလုပ်ငန်းလည်ပတ်မှု စတင်ရန်မျှော်လင့်ရကြောင်း သိရပါသည်။ ထိုစက်ရုံသည် Rayong မြို့ရှိ CPGC စက်မှုဇုန်တွင် တည်ရှိကြောင်း သိရပါသည်။ ထိုစက်ရုံမှ Variable refrigerant flow (VRF) စနစ်များနှင့် Chillers များထုတ်လုပ်သွားမည်ဖြစ်ပြီး တစ်နှစ်လျှင် ၆၀၀၀၀၀ ထုတ်လုပ်နိုင် ပြီး ၉၀ ရာခိုင်နှုန်းကို ပြည်ပသို့တင်ပို့ရန် စီစဉ်ထားကြောင်း သိရပါသည်။ ကုမ္ပဏီသည် ထိုင်းနိုင်ငံ တွင် စက်ရုံငါးရုံဖြင့် လည်ပတ်လျှက်ရှိကြောင်း သိရပါသည်။ ထို့ပြင် Midea သည် Microwaves၊ Freezers နှင့် Refrigerators တို့ထုတ်လုပ်မည့် အခြားစက်ရုံကို Rayong တွင် ဆောက်လုပ်လျှက် ရှိကြောင်း သိရပါသည်။ ထိုစက်ရုံသည် ၂၀၂၆ ခုနှစ်တွင် တည်ဆောက်မှုပြီးမြောက်မည်ဟု ခန့်မှန်းရပြီး ရင်းနှီးမြှုပ်နှံမှုအသေးစိတ်ကို မဖော်ပြထားကြောင်း သိရပါသည်။ ဖြန့်ဖြူးရေး လမ်းကြောင်းသစ် များကြောင့် Midea သည်ယခုနှစ်တွင် ဘတ် ၃.၈ ဘီလီယံတန်ဖိုး ရောင်းချ နိုင်ရန် ရည်ရွယ် ထားကြောင်း Mr Thanawat ကပြောကြားခဲ့ပါသည်။ Midea ထုတ်ကုန်များသည် Global House နှင့် Dohome အစရှိသည့် အဓိကအိမ်ဆောက်ပစ္စည်းကိုယ်စားလှယ်များထံတွင် ရရှိနိုင်ကြောင်း သိရပါသည်။ ကုမ္ပဏီသည် လတ်တလောတွင် Lotus’s၊ Big C နှင့် Makro ပါဝင်သည့် Hypermarket ကြီးများသို့ ဈေးကွက်တိုးချဲ့ခဲ့ကြောင်း သိရပါသည်။ MD Consumer Appliance သည်လည်း ၎င်းတို့၏ကိုယ်စားလှယ်များကို ၂၀၂၃ ခုနှစ်တွင် ၂၇၀ မှ ၂၀၂၄ ခုနှစ်တွင် ၅၅၀ ကျော်ထိ တိုးချဲ့နိုင်ခဲ့ကြောင်း သိရပါသည်။ Midea သည် အစိုးရ၏ Easy E-receipt လှုံဆော်မှုအစီအစဉ်ကို အကောင်းမြင်လျှက်ရှိပြီး ယခုနှစ်ပထမ သုံးလပတ်ကာလတွင် ၎င်းတို့၏ ရောင်းချမှုမြင့်တက်ရန် မျှော်လင့်လျှက်ရှိကြောင်း သိရပါသည်။ အမှတ်တံဆိပ်မြှင့်တင်ခြင်းသည်လည်း ကုမ္ပဏီ၏ ယခုနှစ်အတွက် အဓိကဈေးကွက်မဟာဗျူဟာတစ်ခုဖြစ်ကြောင်း သိရပါသည်။ ကုမ္ပဏီသည် ယခုနှစ်တွင် Online နှင့် Offline နှစ်ခုစလုံးအတွက် Marketing ဘက်ဂျက်ကို နှစ်ဆမြှင့်တင်ရန် စီစဉ်ထားကြောင်း သိရှိရပါသည်။

Bangkok Post

DOCA(ရန်ကုန်)

           အမေရိကားတွင် TikTok Ban ခံရမှုနှင့်ပတ်သက်၍ Apple ကုမ္ပဏီမှ ယခုကဲ့သို့  app တစ်ခုအား ၄၈ နာရီပိတ်ပင်မှုမျိုးယခင်က မဖြစ်ခဲ့ဖူးကြောင်း ပြောကြားခဲ့သည်ဟု နည်းပညာ သတင်းထောက် ဖြစ်သူ Mark Gurman က X (Twitter) တွင်ရေးသားခဲ့သည်။ ထို့ပြင် ၂၀.၁.၂၀၂၅ ရက်နေ့တွင် အမေရိကန်သမ္မတဖြစ်လာမည့်  ထရမ့်၏ သဘောထားပေါ် မူတည်၍ TikTok ပိတ်ပင်ခံရမှု အကျိုးသက်ရောက်ခြင်းရှိနိုင်ကြောင်း ၎င်းကရေးသား ခဲ့သည်။

            NBC News ၏ အင်တာဗျူးတွင် ထရမ့်က Tik Tok ကို ရက်ပေါင်း ၉၀ ပြစ်ဒဏ် ရွှေ့ဆိုင်းရန် အလားအလာရှိကြောင်းနှင့် အရေးကြီးကိစ္စဖြစ်သောကြောင့် သေချာကိုင်တွယ် ဖြေရှင်းရန်လိုအပ်ကြောင်း ပြောကြားခဲ့သည်။ ထို့ပြင် Apple ၏ ထုတ်ပြန်ချက်အရ TikTok ကဲ့သို့ ပိတ်ပင်ခံထားရသည့် app များဖြစ်သည့် Marvel Snap, Lemon8 နှင့် CapCut သည် လည်း ထရမ့်၏ သဘောထားအရ အကျိုးသက်ရောက်မှုများရှိလာနိုင်ကြောင်းသိရှိရသည်။  Tik Tok အနေဖြင့်မူ ၎င်း၏ app တွင် အမေရိကား၏ အုပ်ချုပ်မှု ပြောင်းလဲ ခြင်းသည် အရေးကြီးကြောင်း၊ ထရမ့်အနေဖြင့် ၎င်းတို့နှင့် ပူးပေါင်းအဖြေရှာပြီး လက်တွဲ လုပ်ဆောင်ရန် ရည်ညွှန်းပြောဆိုခဲ့သည့်အပေါ် အထူးအလေးထားကြောင်း ရေးသားခဲ့သည်။

          ၂၀.၁.၂၀၂၅ ရက်နေ့တွင် အမေရိကန်သမ္မတဖြစ်လာခဲ့သော ထရမ့် အနေဖြင့် ၎င်း သမ္မတဖြစ်သည့်နေ့မှာပင် Tik Tok အား ဥပဒေပြဌာန်း၍ တားမြစ်မှုကို ၇၅ ရက် ရွှေ့ဆိုင်း ထားကြောင်းသည့် အထူးညွှန်ကြားချက်ကို လက်မှတ်ရေးထိုးခဲ့သည်။  ထရမ့်၏ Tik Tokနှင့် ပတ်သက်သည့် အထူးညွှန်ကြားချက် အရ ထိုသို့ ၇၅ ရက်ရွှေ့ဆိုင်းရခြင်းမှာ လူကြိုက်များ သည့်  platform တွင် စီးပွားရေးလုပ်ကိုင်လျက်ရှိသော အမေရိကန်နိုင်ငံသား ၁၇၀ မီလီယံ ကို ကာကွယ်ပေးနိုင်ရန် ဖြစ်ကြောင်းနှင့် အမေရိကန်နှင့် Tik Tok ကုမ္ပဏီ ByteDance တို့အကြား 50-50 joint-venture လက်တွဲပူးပေါင်းဆောင်ရွက်ရန် နည်းလမ်းရှာဖွေလျက် ရှိကြောင်း သိရှိရ သည်။  

DOCA(မန္တလေး)

              Royal Group Phnom Penh Special Economic Zone (RGPPSEZ)  တွင် တည်ရှိသော လုပ်ငန်းများ၏ ပို့ကုန်သည် ၂၀၂၄ ခုနှစ်တွင် သိသိသာသာမြင့်တက်လာခဲ့ပြီး တန်ဖိုးအားဖြင့် ကန်ဒေါ်လာ ၁,၈၈၀ သန်းရှိခဲ့ပြီး ၂၀၂၃ ခုနှစ်တွင် ကန်ဒေါ်လာ ၁,၆၂၁ သန်းမှ ၁၆ ရာခိုင်နှုန်း မြင့်တက်လာခဲ့သည်။ RGPPSEZ ကို ၂၀၀၆  ခုနှစ်တွင် စတင်တည်ဆောက်ခဲ့ပြီး မတူကွဲပြားသော လုပ်ငန်းများတွင်ထုတ်လုပ်သူများအတွက် အဓိကအချက်အချာဖြစ်ပြီး ကမ္ဘောဒီးယားပြည်သူများအတွက် အလုပ်အကိုင်အခွင့်အလမ်းများဖန်တီးပေးမည်ဖြစ်မည့် ရည်ရွယ်ချက်ဖြင့် တည်ထောင်ခဲ့သည်။ RGPPSEZ သည် နိုင်ငံပေါင်း ၁၅ နိုင်ငံမှ ကုမ္ပဏီပေါင်း ၁၁၃ ခုသည် အခြေစိုက်ခဲ့ပြီး တန်ဖိုးမြင့်ထုတ်ကုန်များ အထူးသဖြင့် လျှပ်စစ်ပစ္စည်းများ၊ မော်တော်ကား တပ်ဆင်ခြင်းနှင့် မော်တော်ယာဉ်အစိတ်အပိုင်းများထုတ်လုပ်ခြင်းတို့တွင် အဓိကထားလုပ်ဆောင်သည့် ကုမ္ပဏီများဖြစ်ကြောင်းသိရသည်။ RGPPSEZ အဆိုအရ  အဆိုပါစက်မှု လုပ်ငန်းများသည် ကမ္ဘောဒီးယားနိုင်ငံသား ၄၇,၈၀၀ နှင့် နိုင်ငံခြားပညာရှင် ၇၀၀ အတွင် အလုပ်အကိုင်အခွင့်အလမ်းများဖန်တီးပေးခဲ့ပြီး နိုင်ငံ၏ စီးပွားရေးတိုးတက်မှုကို သိသိသာသာ အထောက်အကူဖြစ်စေကြောင်း ပြောကြားခဲ့ကြောင်းသိရှိရပါသည်။

Source: Khmer Times

DOCA(ရန်ကုန်)

           အာရပ်စော်ဘွားများပြည်ထောင်စု နိုင်ငံပိုင်စွမ်းအင်ကုမ္ပဏီ Masdar သည် နေရောင်ခြည်၊ လေအားနှင့် ဘတ်ထရီသိုလှောင်မှုစနစ်များတီထွင်ရန်အတွက် ဖိလစ်ပိုင်နှင့် ဒေါ်လာ ၁၅ ဘီလီယံ သဘောတူညီချက်အား လက်မှတ်ရေးထိုးခဲ့ပြီး ၂၀၃၀ ခုနှစ်တွင် 1 gigawatt သန့်ရှင်းသောစွမ်းအင် အား ရရှိမည်ဖြစ်သည်။ အဆိုပါစီမံကိန်းသည် ရုပ်ကြွင်း လောင်စာများအပေါ် မှီခိုအားထားမှုကို လျှော့ချရန်နှင့် ၎င်း၏ ဓာတ်အားပေးပေါင်းစပ်မှုတွင် သန့်ရှင်းသော စွမ်းအင်မျှဝေမှု တိုးမြင့်လာစေရန် ဖိလစ်ပိုင်၏ ရည်မှန်းချက်နှင့်အညီဖြစ်သည့် Masdar နှင့်ပူးပေါင်းဆောင်ရွက်မှုသည် ဖိလစ်ပိုင်၏ ပြန် လည်ပြည့်ဖြိုးမြဲစွမ်းအင်ခရီးအတွက် အသွင်ကူးပြောင်းရေးခြေလှမ်းတစ်ခုဖြစ်ကြောင်း ဖိလစ်ပိုင် စွမ်းအင်ဝန်ကြီး Raphael Lotilla က Masadar နှင့် ပူးတွဲထုတ်ပြန်ချက်တွင်ပြောကြားခဲ့သည်။ အဆိုပါစီမံကိန်းကို ၂၀၃၅ ခုနှစ်တွင် 10 GW အထိချဲ့ထွင်ရန်စီစဥ်ထားကြောင်းစွမ်းအင်ဌာနမှ ပြောကြားခဲ့သည်။ ၎င်း၏‌လောင်စာလိုအပ်ချက်အများစုကို တင်သွင်းသည့်ဖိလစ်ပိုင်နိုင်ငံသည် ၎င်း၏ ဓာတ်အား ပေးဝေရေးတွင် ပြန်လည်ပြည့်ဖြိုးမြဲစွမ်းအင်ဝေစုကို ၂၀၃၀ ခုနှစ်တွင် ၃၅% နှင့် ၂၀၄၀ ခုနှစ် တွင် ၅၀% မြှင့်တင်ရန်ရည်မှန်းထားသည်။ ပြန်လည်ပြည့်ဖြိုးမြဲစွမ်းအင်ဖွံ့ဖြိုးတိုးတက်မှုပိုမို ခိုင်မာ စေရန်အတွက် ၎င်း၏ အစိမ်းရောင်စွမ်းအင် လေလံအစီအစဥ်၏ တစ်စိတ်တစ်ပိုင်းအနေဖြင့် လာမည့် လတွင်သိုလှောင်ရေအားလျှပ်စစ် ၃၀၀ မဂ္ဂါဝပ်၊ စုပ်လှောင်ရေအားလျှပ်စစ် ၄၂၅၀ မဂ္ဂါဝပ်နှင့် ဘူမိအပူစွမ်းအင် ၁၀၀ မဂ္ဂါဝပ်တို့ကို လာမည့်လတွင် လေလံတင်‌ရောင်းချမည် ဖြစ်ကြောင်း စွမ်းအင် ဝန်ကြီးဌာနက ပြောကြားခဲ့ကြောင်းသိရသည်။

Source : Reuters

DOCA(ရန်ကုန်)