ဗီယက်နမ်နိုင်ငံ၏အီလတ်ထရောနစ်ပစ္စည်းများတင်သွင်းမှုအမေရိကန်ဒေါ်လာ ၁၀၀ ဘီလီယံကျော်ထိရောက်ရှိ
၂၀၂၃ ခုနှစ်၏ဒီဇင်ဘာလ ပထမလဝက်တွင် ဗီယက်နမ်၏ ကွန်ပြူတာများ၊ အီလတ်ထရောနစ် ထုတ်ကုန်များနှင့် အစိတ်အပိုင်းများတင်သွင်းမှုမှာအမေရိကန်ဒေါ်လာ ၄.၅၂ ဘီလီယံရှိခဲ့ကြောင်း ဗီယက်နမ်နိုင်ငံအကောက်ခွန်အထွေထွေဦးစီးဌာန၏ အဆိုအရသိရပါသည်။ ထို့ကြောင့် ယခုနှစ် ၏အစမှစ၍ ဒီဇင်ဘာလ ၁၅ ရက်နေ့အထိ နိုင်ငံ၏ အီလတ်ထရောနစ် ပစ္စည်းများ တင်သွင်းမှုတန်ဖိုးမှာ အမေရိကန်ဒေါ်လာ ၁၀၂.၂၅ ဘီလီယံရှိခဲ့ပြီဖြစ်ကြောင်း သိရပါသည်။ ထိုတန်ဖိုးသည် နိုင်ငံ၏စုစုပေါင်းတင်သွင်းသည့်တန်ဖိုးပမာဏ၏ ၂၈.၂၆ ရာခိုင်နှုန်း ရှိကြောင်းသိရပါသည်။ ၂၀၂၃ ခုနှစ်တူညီသည့်ကာလနှင့်နှိုင်းယှဉ်ပါက အမေရိကန်ဒေါ်လာ ၁၈.၀၅ ဘီလီယံဖြင့် ၂၁.၄ ရာခိုင်နှုန်းမြင့်တက်ခဲ့ကြောင်းသိရပါသည်။ ၎င်းတို့ထိုကုန်ပစ္စည်းများ ကို အဓိကတင်သွင်းခဲ့သည့်နိုင်ငံများမှာ တောင်ကိုရီးယားနိုင်ငံနှင့်တရုတ်နိုင်ငံတို့ ဖြစ်ကြောင်း သိရပါသည်။ နိုဝင်ဘာလကုန်တွင်ဗီယက်နမ်သည် တောင်ကိုရီးယားထံမှ အီလတ်ထရောနစ် ပစ္စည်း များ တင်သွင်းမှုတန်ဖိုးမှာ အမေရိကန်ဒေါ်လာ ၃၁.၅၃ ဘီလီယံရှိပြီး တရုတ်နိုင်ငံထံမှ တင်သွင်းမှုမှာ အမေရိကန်ဒေါ်လာ ၂၉.၂၂ ဘီလီယံရှိကြောင်းသိရပါသည်။ တစ်ချိန်တည်းမှာပင် ဗီယက်နမ်သည် ယခုနှစ်အစမှစ၍ ဒီဇင်ဘာဘ ၁၅ ရက်နေ့အထိ အမေရိကန်ဒေါ်လာ ၆၈.၅၄ ဘီလီယံတန်ဖိုးရှိသော အီလတ်ထရောနစ်ပစ္စည်းများအား ပြည်ပသို့တင်ပို့ခဲ့ပြီး ၂၀၂၃ တူညီသည့် ကာလထက်အမေရိကန်ဒေါ်လာ ၁၄.၃၈ ဘီလီယံမြင့်တက်ခဲ့ကြောင်းသိရပါသည်။
DOCA(ရန်ကုန်)
ဗီယက်နမ်နိုင်ငံသည် ဒီဇင်ဘာလတွင် သစ်နှင့်သစ်ထုတ်ကုန်တင်ပို့မှုမှတစ်ဆင့် အမေရိကန်ဒေါ်လာ ၁.၅၅ ဘီလီယံရရှိခဲ့ပြီး နိုဝင်ဘာလကထက် ၆ ရာခိုင်နှုန်းမြင့်တက်ခဲ့ကာ ၂၀၂၃ ခုနှစ် ဒီဇင်ဘာလကထက် ၁၅.၈ ရာခိုင်နှုန်းမြင့်တက်ခဲ့ကြောင်း စိုက်ပျိုးမွေးမြူရေးနှင့် ကျေးလက်ဒေသဖွံဖြိုးတိုးတက်ရေးဝန်ကြီးဌာန အောက်ရှိသစ်တောဦးစီးဌာန၏အဆိုအရသိရ ပါသည်။ ဒီဇင်ဘာလတွင် သစ်ထုတ်ကုန်တင်ပို့မှုမှတစ်ဆင့် ခန့်မှန်းအမေရိကန်ဒေါ်လာ ၁.၁ ဘီလီယံရရှိခဲ့ပြီး နိုဝင်ဘာလကထက် ၇.၅ ရာခိုင်နှုန်းမြင့်တက်ခဲ့ကာ ၂၀၂၃ ခုနှစ်ဒီဇင်ဘာလ ကထက် ၁၅.၅ ရာခိုင်နှုန်းမြင့်တက်ခဲ့ကြောင်းသိရပါသည်။ သစ်မဟုတ်သည့်ထုတ်ကုန်များ ပါဝင်သည့် သစ်တောထုတ်ကုန်တင်ပို့မှုစုစုပေါင်းခန့်မှန်းတန်ဖိုးမှာ အမေရိကန်ဒေါ်လာ ၁.၆၈ ဘီလီယံရှိကြောင်းသိရပါသည်။ ၂၀၂၄ တစ်နှစ်လုံးအတွက် ဗီယက်နမ်သည် သစ်တောထွက်ကုန် များတင်ပို့မှုမှတစ်ဆင့် အမေရိကန်ဒေါ်လာ ၁၇.၃ ဘီလီယံရရှိခဲ့ပြီး ၂၀၂၃ ခုနှစ်ကထက်၁၉.၄ ရာခိုင်နှုန်းမြင့်တက်ခဲ့ကြောင်းသိရပါသည်။ ထိုတန်ဖိုးထဲတွင် သစ်နှင့်သစ်ထုတ်ကုန်တင်ပို့မှုမှ အမေရိကန်ဒေါ်လာ ၁၆.၃ ဘီလီယံရရှိခဲ့ခြင်းဖြစ်ပြီး ကျန်သည့်ပမာဏမှာ သစ်မဟုတ်သည့် သစ်တောထွက်ကုန်တင်ပို့မှုမှရရှိခဲ့ခြင်းဖြစ်ကြောင်းသိရပါသည်။ သစ်သားထိုင်ခုံများတင်ပို့မှုမှာ တင်ပို့သည့်အမျိုးအစားအားလုံးထဲတွင် အမေရိကန်ဒေါ်လာ ၃.၁ ဘီလီယံဖြင့် ထိပ်ဆုံးတွင် ရပ်တည်နေကြောင်းသိရပါသည်။ အခြားတင်ပို့မှုတန်ဖိုးအမေရိကန်ဒေါ်လာ ၁ ဘီလီယံကျော် သည့် အမျိုးအစားများထဲတွင် အိမ်တွင်းနှင့်ထမင်းစားခန်းပရိဘောဂ၊ သစ်သားပြားများ၊ အိပ်ခန်းပရိဘောဂများနှင့် မီးဖိုချောင်ပရိဘောဂများပါဝင်ကြောင်းသိရပါသည်။ အမေရိကန်သည် ဗီယက်နမ်၏သစ်နှင့်သစ်ထုတ်ကုန်တင်ပို့ရာအကြီးမားဆုံးဈေးကွက်ဖြစ်ပြီး စုစုပေါင်းတင်ပို့မှု ပမာဏ၏ ၅၅ ရာခိုင်နှုန်းရှိကြောင်းသိရပါသည်။ ဗီယက်နမ်သည် သစ်စိုက်ပျိုးခြင်း၊ ရိတ်သိမ်း ခြင်း၊ ပြုပြင်ထုတ်လုပ်ခြင်းနှင့် တင်ပို့ခြင်းတို့တွင် အောင်မြင်မှုများရရှိနေကြောင်း သိရပါသည်။ ၂၀၂၄ ခုနှစ်တွင် အသစ်စိုက်ပျိုးသည့်သစ်တောဧရိယာမှာ ခန့်မှန်း ၂၇၀၀၀၀ဟတ်တာရှိကြောင်း သိရပါသည်။
