ပြည်ပကုန်သွယ်မှုသတင်းများ

            အိန္ဒိယနိုင်ငံ၏ ပင်လယ်စာတင်ပို့မှုသည် ၂၀၂၄-၂၅ ဘဏ္ဍာနှစ်တွင် ၇.၄၅ ဘီလီယံရှိပြီး ပမာဏကျဆင်းသွားသော်လည်း ပုံမှန်ဝင်ငွေအဆင့်ကို ထိန်းသိမ်းထားနိုင်ခဲ့ကြောင်း Marine Product Export Development Authority (MPEDA) မှ ထုတ်ပြန်သော နောက်ဆုံးရသတင်း အချက်အလက်များအရသိရသည်။ တင်ပို့မှု ပမာဏသည် ၂၀၂၃-၂၀၂၄ ဘဏ္ဍာနှစ်က တင်ပို့ခဲ့သော ၁၇၈၁၆၀၂ မတ်ထရစ်တန်ထက် ၁၆၉၈၁၇၀ မတ်ထရစ်တန်သို့ ကျဆင်းခဲ့ပြီး ဒေါ်လာတန်ဖိုးအရ ယခင်နှစ်က ၇.၃၈ ဘီလီယံဒေါ်လာထက် ၇.၄၅ ဘီလီယံဒေါ်လာသို့ မြင့်တက်လာခဲ့သည်။ အေးခဲပုဇွန်များသည် အဓိကပို့ကုန်အဖြစ် ဆက်လက်တည်ရှိပြီး ကန်ဒေါ်လာ ၅.၁၇ ဘီလီယံရရှိခဲ့ကာ စုစုပေါင်း ပင်လယ်စာတင်ပို့မှုတန်ဖိုး၏ ၇၀ ရာခိုင်နှုန်းခန့်ရှိသည်။ ပုဇွန် တင်ပို့မှုပမာဏသည် ယခင်နှစ်ကတင်ပို့ခဲ့သော ၇၁၆၀၀၄ မတ်ထရစ်တန်ချိန်ထက် ၇၄၁၅၂၉ မတ်ထရစ်တန်ချိန်သို့ အနည်းငယ်မြင့်တက်ခဲ့ပါသည်။ အမေရိကန်နိုင်ငံမှ ဒေါ်လာ ၂.၇၁ ဘီလီ ယံ တန်ဖိုးရှိသော ပင်လယ်စာ ၃၄၆၈၆၈ မတ်ထရစ်တန်ချိန် ခန့်အား ပင်လယ်စာအများဆုံး တင်သွင်းသည့်နိုင်ငံအဖြစ် ရပ်တည်နေကာ တရုတ်နိုင်ငံမှ ဒေါ်လာ ၁.၂၈ ဘီလီယံတန်ဖိုးရှိ သော ပင်လယ်စာ ၃၉၆၄၂၄ မတ်ထရစ်တန်ချိန် တင်သွင်ခဲ့ပြီး အိန္ဒိယနိုင်ငံ၏ ဒုတိယအများ ဆုံး တင်သွင်းသည့် စျေးကွက်အဖြစ် ရပ်တည်လျှက်ရှိသည်။ ဥရောပသမဂ္ဂ၊ အရှေ့တောင် အာရှ၊ ဂျပန်နှင့် အ‌ရှေ့အလယ်ပိုင်းကဲ့သို့သော အဓိကဒေသများမှလည်း ၎င်းတို့၏ စျေးကွက် တည်ရှိမှုကို ခိုင်မာစေရန် ဆောင်ရွက်လျှက်ရှိသည် အေးခဲ့ထားသောငါးများနှင့် ပြည်ကြီးငါး များ တင်ပို့မှုသည် တန်ဖိုးအားဖြင့်အမေရိကန်ဒေါ်လာ ၆၂၂.၆၀ သန်းနှင့် ၃၆၇.၆၈ သန်းရှိပြီး ဒုတိယနှင့် တတိယအများဆုံးတင်ပို့သောပင်လယ်စာပို့ကုန်များအဖြစ် အသီးအသီး ရပ်တည် လျှက်ရှိသည်။ အေးခဲ့ထားသောကင်မွန်များတင်ပို့မှုမှာလည်း ပင်လယ်စာအခြောက်တင်ပို့မှု ကဏ္ဍတွင် ပုဇွန်တင်ပို့မှုကို ကျော်လွန်၍ ပမာဏနှင့် တန်ဖိုးတိုးတက်လာကြောင်းသိရသည်။ ပင်လယ်စာတင်ပို့မှုသည် အိန္ဒိယနိုင်ငံကုန်သွယ်မှုအတွက်အရေးပါသော အခန်းကဏ္ဍမှ ပါဝင်လျက်ရှိပြီး သန်းနှင့်ချီသော အသက်မွေးဝမ်းကြောင်းလုပ်ငန်းများအား အထောက်အပံ့ဖြစ်စေပြီး နိုင်ငံခြားငွေလဲလှယ်မှုကိုလည်း သိသာစွာတိုးတက်လာစေခဲ့ကြောင်း သိရှိရပါသည်။

Source : Xinhua

DOCA(ရန်ကုန်)

           အိန္ဒိယပါလီမန်သည် ငွေကြေးနှင့် ပတ်သက်သည့် အွန်လိုင်းဂိမ်းများကို တားမြစ်သည့် ဥပဒေကြမ်းကို အတည်ပြုခဲ့ကြောင်း တာဝန်ရှိသူများက ကြာသပတေးနေ့တွင် ပြောကြားခဲ့သည်။ Online Gaming Bill 2025 ၏ ပရိုမိုးရှင်းနှင့် စည်းမျဉ်းများသည် အွန်လိုင်းငွေကြေး ဂိမ်းဝန်ဆောင်မှုများ၊ ကြော်ငြာများနှင့် ၎င်းတို့နှင့်သက်ဆိုင်သည့် ငွေကြေးလွှဲပြောင်းမှုများကို တားမြစ်ထားသည်။ အဆိုပါ ဥပဒေကြမ်းအား အိန္ဒိယပါလီမန် အထက်လွှတ်တော်တွင် သြဂုတ်လ ၂၁ ရက်နေ့က အချေအတင်ဆွေးနွေးခြင်းမရှိဘဲ ကန့်ကွက်ဆန္ဒပြခဲ့ကြသည်။ သြဂုတ်လ ၂၂ ရက်နေ့တွင် အဆိုပါ ဥပဒေကြမ်းကို အိန္ဒိယပါလီမန် အောက်လွှတ်တော်က အတည်ပြုခဲ့သည်။ အဆိုပါ ဥပဒေကြမ်းသည် အွန်လိုင်းငွေဂိမ်းများနှင့် ဆက်စပ်သော ကြော်ငြာများကို ဘားဘဏ်များနှင့် ငွေကြေးအဖွဲ့အစည်းများမှ ယင်းဂိမ်းများအတွက် ရန်ပုံငွေများ လွယ်ကူချောမွေ့စွာ လွှဲပြောင်းပေးခြင်းတို့ကိုလည်း တားမြစ်ထားသည်။ ကျွမ်းကျင်ပညာရှင်များက လူများသည် ပိုမိုမြင့်မားသော အမြတ်အစွန်းများရရှိရန် မျှော်မှန်းချက်ဖြင့် ငွေအပ်နှံခြင်းဖြင့် အွန်လိုင်းလောင်းကစားဂိမ်းများကို ကစားကြသည်ဟု ကျွမ်းကျင်သူများက ဆိုသည်။ အဆိုပါဥပဒေသည် အွန်လိုင်းဂိမ်းကစားခြင်းအတွက် သုံးနှစ်အထိ ထောင်ဒဏ်နှင့် သို့မဟုတ် ဒဏ်ငွေ အိန္ဒိယရူပီး ၁၀ သန်း (အမေရိကန်ဒေါ်လာ ၁၁၄,၆၀၀) ချမှတ်ရန် ဖြစ် ကြောင်းသိရသည်။ "ပိုက်ဆံဂိမ်းစွဲတာက မူးယစ်ဆေးစွဲခြင်းနဲ့တူတယ်။ အွန်လိုင်းငွေဂိမ်း တွေရဲ့နောက်ကွယ်က အင်အားကြီးသူတွေက တရားရုံးတွေမှာ ဆုံးဖြတ်ချက်ကို စိန်ခေါ် လိမ့်မယ်။ ဒီပိတ်ပင်မှုကို ဆန့်ကျင်တဲ့ လူမှုမီဒီယာကမ်ပိန်းတွေ လုပ်ဆောင်ကြလိမ့်မယ်။ ဂိမ်းတွေရဲ့ သက်ရောက်မှုကို ကျွန်တော်တို့ မြင်တွေ့ခဲ့ရပါတယ်" ဟု အိန္ဒိယပြည်ထောင်စု အီလက်ထရွန်နစ်နှင့် သတင်းအချက်အလက်နည်းပညာဝန်ကြီး Ashwini Vaishnaw က အထက်လွှတ်တော်တွင် ဥပဒေကြမ်းတင်စဉ် ပြောကြားခဲ့ကြောင်း သိရှိရပါသည်။ 

Source : Xinhua

DOCA(ရန်ကုန်)                                                                           

         ကမ္ဘောဒီးယားနိုင်ငံအတွင်းသို့ တင်သွင်းသည့် ဒီဇယ်လောင်စာဆီ၊ ဓာတ်ဆီနှင့် လောင်ကျွမ်းသောဓာတ်ငွေ့ စုစုပေါင်းသည် ၂၀၂၅ ခုနှစ် ပထမခုနစ်လတွင် ၁၃.၁ ရာခိုင်နှုန်း ကျဆင်းသွားကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၏ သြဂုတ်လ ၂၁ ရက်နေ့တွင် ဖော်ပြချက်အရသိရသည်။ ဒီဇယ်လောင်စာ၊ ဓာတ်ဆီနှင့် လောင်ကျွမ်းဓာတ်ငွေ့ တင်သွင်းမှုတန်ဖိုးသည် ယခုနှစ် ဇန်နဝါရီလမှ ဇူလိုင်လအတွင်း အမေရိကန်ဒေါ်လာ ၁.၄၅ ဘီလီယံရှိပြီး ယမန်နှစ် အလားတူကာလထက် ဒေါ်လာ ၁.၆၇ ဘီလီယံဖိုးရှိကြောင်း အစီရင်ခံစာက ဆိုသည်။ နိုင်ငံတော်သည် ဒီဇယ်ဆီ တင်သွင်းမှုအတွက် ဒေါ်လာ ၇၈၆ သန်းသုံးစွဲခဲ့ပြီး ၁၂ ရာခိုင်နှုန်း ကျဆင်းခဲ့သည်။ ဓာတ်ဆီအတွက် ဒေါ်လာ ၄၅၉.၇ သန်း၊ ၂၀.၆ ရာခိုင်နှုန်း၊ လောင်ကျွမ်းသည့်ဓာတ်ငွေ့အတွက် ဒေါ်လာ ၂၀၄.၆ သန်း၊ ၆.၃ ရာခိုင်နှုန်း တိုးလာသည်ဟု အစီရင်ခံစာက ဆိုသည်။ လက်ရှိတွင် အရှေ့တောင်အာရှနိုင်ငံသည် ၎င်း၏ ပင်လယ်ကြမ်းပြင်၏ ရေနံသိုက်များကို ခေါင်းပုံဖြတ်ခြင်းမရှိသေးသောကြောင့် ရေနံနှင့် သဘာဝဓာတ်ငွေ့ တင်သွင်းမှုအပေါ် လုံးဝမှီခိုနေရသည်။ သတ္တုတွင်းနှင့် စွမ်းအင် ဝန်ကြီးဌာနသည် ကမ္ဘောဒီးယားနိုင်ငံရှိ ရေနံနှင့် သဘာဝဓာတ်ငွေ့ ၀ယ်လိုအားသည် ၂၀၃၀ ခုနှစ်တွင် တန်ချိန် ၄.၈ သန်းအထိ တိုးလာမည်ဖြစ်ပြီး ၂၀၂၀ ခုနှစ်တွင် တန်ချိန် ၂.၈ သန်းမှ တိုးလာမည်ဟု ခန့်မှန်းထားကြောင်း သိရှိရပါသည်။

Source : Xinhua

DOCA(ရန်ကုန်)

          သီရိလင်္ကာနိုင်ငံသည် ၂၀၂၆ နှင့် ၂၀၂၇ ခုနှစ်များတွင် ၂၆၀ မဂ္ဂါဝပ် ပေါင်းစပ်စွမ်းရည်ရှိသော ဘက်ထရီဓါတ်အားပေး စက်ရုံနှစ်ရုံကို တည်ဆောက်သွားမည်ဖြစ်ကြောင်း ဝန်ကြီးတစ်ဦးက သြဂုတ်လ ၂၁ ရက်နေ့တွင် ပြောကြားခဲ့သည်။ စွမ်းအင်ဝန်ကြီး Kumara Jayakody က စက်ရုံတစ်ရုံမှ မဂ္ဂါဝပ် ၁၆၀ ရှိပြီး အခြားစက်ရုံတစ်ရုံမှ မဂ္ဂါဝပ် ၁၀၀ ထုတ်လုပ်မည်ဖြစ်ကြောင်း လွှတ်တော်သို့ ပြောကြားခဲ့သည်။ ၁၆၀ မဂ္ဂါဝပ် စက်ရုံအတွက် တင်ဒါခေါ်ထားပြီး ဖြစ်ကာ ၁၀၀ မဂ္ဂါဝပ် စီမံကိန်းအတွက် တင်ဒါများကို မကြာမီ ကမ်းလှမ်းမည်ဖြစ်ကြောင်း ၎င်းက ပြောသည်။ မဂ္ဂါဝပ် ၁၀၀ ဓာတ်အားပေးစက်ရုံကို အာရှဖွံ့ဖြိုးရေးဘဏ် (ADB) ၏ ရန်ပုံငွေ ဖြင့် တည်ဆောက်မည်ဖြစ်သည်။ ဝန်ကြီး၏ အဆိုအရ အဆိုပါစီမံကိန်းများသည် ကျွန်းတစ်ကျွန်းလုံး လျှပ်စစ်မီးပျက်တောက်ခြင်းမှ ကာကွယ်ရန် အစိုးရ၏ ရေရှည်မဟာဗျူဟာ၏ တစ်စိတ်တစ်ပိုင်းဖြစ်ကြောင်း သိရသည်။ သီရိလင်္ကာနိုင်ငံသည် ၂၀၂၂ နှင့် ၂၀၂၅ ခုနှစ်တွင် တစ်နိုင်ငံလုံး လျှပ်စစ်မီးပြတ်တောက်မှု ကြုံတွေ့ခဲ့ရကြောင်း သိရှိရပါသည်။

Source : Xinhua

DOCA(ရန်ကုန်)

          နီပေါနိုင်ငံသည် လက်ရှိ ၂၀၂၅-၂၆ ဘဏ္ဍာနှစ်၏ ပထမလတွင် တစ်နှစ်ထက်တစ်နှစ် ၁၈.၇၅ ရာခိုင်နှုန်း တိုးလာကြောင်း အကောက်ခွန်ဦးစီးဌာနမှ သြဂုတ်လ ၂၂ ရက်နေ့တွင် ပြောကြားခဲ့သည်။

          ၂၀၂၄-၂၅ ဘဏ္ဍာနှစ် ပထမလတွင် ရူပီး ၁၄၀.၁၆ ဘီလီယံမှ ဇူလိုင်လလယ်နှင့် သြဂုတ် လလယ်ကြားတွင် နီပေါရူပီး ၁၆၆.၉၇ ဘီလီယံအထိ ရှိလာခဲ့သည်။

        ယင်းကာလအတွင်း နိုင်ငံ၏ ပို့ကုန်သည် ၉၅.၇၅ ရာခိုင်နှုန်း တိုးမြင့်ခဲ့ပြီး ရူပီး ၂၃.၉၃ ဘီလီယံ ရှိပြီး သွင်းကုန်မှာ ၁၁.၄၁ ရာခိုင်နှုန်းမှ ၁၄၃.၀၄ ဘီလီယံ ရူပီးသို့ မြင့်တက်ခဲ့ကြောင်း သိရှိရပါသည်။ 

Source : Xinhua

DOCA(ရန်ကုန်)