စားသုံးသူရေးရာဦးစီးဌာန၊ မြင်းခြံခရိုင်ဦးစီးမှူး ဦးသန်းစိုး(လက်ထောက်ညွှန်ကြားရေးမှူး)ဦး ဆောင်ကျင်းပသော လစဉ်လုပ်ငန်းညှိနှိုင်းအစည်းအဝေးအား (၁၄.၉.၂၀၂၆)ရက်နေ့ မွန်းလွဲ(၁၃:၀၀) နာရီအချိန်၌ မြင်းခြံခရိုင်ရုံးရှိ အရာထမ်း/အမှုထမ်းများ၊ညောင်ဦးခရိုင်ဝန်ထမ်းများနှင့်ကျောက်ပန်းတောင်းမြို့နယ်တာဝန်ခံရုံးရှိ ဝန်ထမ်းများOnlineVirtualစနစ် ဖြင့်ကျင်းပပြုလုပ်ခဲ့ပါသည်။  ခရိုင်ဦးစီး မှူး မှ အဖွင့်အမှာစကားပြောကြားပြီး ဌာနခွဲတာဝန်ခံများ၊ ခရိုင်တာဝန်ခံ/ မြို့နယ်တာဝန်ခံများမှ လုပ်ငန်းဆောင်ရွက်မှုများ နှင့် ပတ်သက်၍ အသီးသီးရှင်းလင်းဆွေးနွေးကြရာ ယခင်လအစည်းအဝေးဆုံး ဖြတ်ချက်ဆောင်ရွက်ပြီးစီးမှုများ၊ ခရိုင်ဦးစီးမှူးမှနိဂုံးချုပ်စကားပြောကြားရာတွင် မိမိအနေဖြင့်လစဉ် တင်ပြလျက်ရှိသည့် ရှေ့ဆက်လက်‌ဆောင်ရွက်မည့်အစီအမံများအပေါ် အကောင်အထည်ဖော်ဆောင် ရွက်နိုင်ရေးဝန်ထမ်းအားလုံးမှ အလေးထားဆောင်ရွက်ကြရန်လိုအပ်ပါကြောင်း၊ ဝန်ထမ်းများ၏ လုံခြုံ ရေးသည်အဓိကဖြစ်ပါသဖြင့် လုံခြုံရေးကိုဦးစားပေးဆောင်ရွက်ကြရန် အထူးမှာကြားလိုပါကြောင်း၊ တာဝန်ထမ်းဆောင်ရာတွင်ဖြစ်စေ၊ မိမိတို့၏မိသားစုကိုယ်ရေးကိုယ်တာကိစ္စများတွင်ဖြစ်စေ ထူးခြားမှုရှိပါကခရိုင်ဦးစီးမှူးထံ နေ့ညမရွေးသတင်းပေးပို့ရန်လိုအပ်ပါကြောင်း၊ မြင်းခြံခရိုင်ဦးစီးမှူး ရုံးအနေဖြင့်လုံခြုံရေးမကောင်းသည့်အတွက် လုပ်ငန်းများဆောင်ရွက်ရာတွင် အကန့် အသတ်ရှိနေပါသဖြင့် လုံခြုံရေးအရ အဆင်ပြေသည့် မြို့နယ်များမှ ဌာနလုပ်ငန်းများကိုပိုမိုဆောင် ရွက်ပေးခြင်းဖြင့် မိမိတို့ခရိုင်၏ လုပ်ငန်းဆောင်ရွက်ချက်များကို တိုးတက်အောင်ညီညီညာညာ ဝိုင်းဝန်းကြိုးစားကြစေ လိုကြောင်းဆွေးနွေးပြောကြားခဲ့ပါသည်။လုပ်ငန်းစဉ်များအားအသေးစိတ်ဆွေးနွေးဆောင်ရွက်တင်ပြခဲ့ပြီးမြင်းခြံခရိုင်မှ အရာထမ်း(၃)ဦး၊ အမှုထမ်း(၁၁)ဦး တက်ရောက်ခဲ့ကြောင်းသိရသည်။

DOCA(မန္တလေး)

            မန္တလေးတိုင်းဒေသကြီး၊ ညောင်ဦးခရိုင်စားသုံးသူရေးရာဦးစီးဌာနမှ ခရိုင်တာဝန်ခံသည် ပတ်ဝန်းကျင်ထိန်းသိမ်းရေးဦးစီးဌာနနှင့်ပူးပေါင်း၍ (၁၅.၉.၂၀၂၆)ရက်နေ့၊ နံနက်(၀၉:၀၀) နာရီအချိန်တွင် ညောင်ဦးမြို့ရှိ အားသစ်ကိုယ်ပိုင်အထက် တန်းကျောင်းရှိဆရာ/ဆရာမများ၊ ကျောင်းသား/ ကျောင်းသူများနှင့် ကျောင်းမုန့်ဈေးရောင်းချသော ဈေးသည်များအား စားသုံးသူကာကွယ်ရေးအကြောင်း အသိပညာပေးဟောပြောပွဲကျင်းပ ပြုလုပ်ခဲ့ ပါသည်။

            အဆိုပါ ဟောပြောဆွေးနွေးပွဲတွင် စားသုံးသူရေးရာဦးစီးဌာန ညောင်ဦးခရိုင်တာဝန်ခံ ဦးတင်မျိုးခိုင် (ဦးစီးအရာရှိ)က စားသုံးသူကာကွယ်ရေးဥပဒေ၏ ရည်ရွယ်ချက်များ၊ အသိပညာပေး ဟောပြောပွဲများ ဆောင်ရွက်ရခြင်း၏ ရည်ရွယ်ချက်များ၊ စားသုံးသူကာကွယ်ရေးဥပဒေပါစားသုံးသူ၏အခွင့်အရေးနှင့်တာဝန်များအကြောင်းနှင့် ကျောင်းသား/ကျောင်းသူများအနေဖြင့် ကုန်စည်နှင့်ဝန်  ဆောင်မှုများ ဝယ်ယူသုံးစွဲရာတွင် ကုန်အညွှန်းအမှတ်သားများ ပြည့်စုံစွာဖော်ပြပါရှိသော ကုန်ပစ္စည်း များကိုသာဝယ်ယူသုံးစွဲကြရန်နှင့်ရွေးချယ်မှုများ ပြုလုပ်တတ်စေရန် ကုန်စည်နမူနာများတွင် ပါရှိသော ကုန်အညွှန်းအမှတ်အသားများအား ပြသရှင်းလင်းခြင်း၊ ကုန်စည်နှင့်ဝန်ဆောင်မှုများ ဝယ်ယူသုံးစွဲခြင်း ကြောင့် နစ်နာဆုံးရှုံးမှုများ ဖြစ်ပေါ်လာပါက အရေးဆိုတိုင်ကြားနိုင်ပါကြောင်းနှင့် ဆက်သွယ်တိုင်ကြား နိုင်သည့်နေရာများ၊ နည်းလမ်းများကိုလည်းကောင်း အကျယ်တဝင့် ရှင်းလင်းဟောပြောဆွေးနွေး ခဲ့ပါသည်။  အဆိုပါဟောပြောပွဲသို့ ဌာနဆိုင်ရာ(၃)ဦး၊ ဆရာ/ ဆရာမ(၅) ဦး၊ ကျောင်းသား/ ကျောင်းသူ (၁၁၂)ဦး၊ စုစုပေါင်း (၁၂၀)ဦး တက်ရောက်ခဲ့ကြောင်း သိရသည်။

DOCA(မန္တလေး)

         စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မန္တလေးတိုင်းဒေသကြီး ဦးစီးမှူးရုံး၊ ထုတ်ကုန်လုံခြုံစိတ်ချရမှုဌာနခွဲမှ စစ်ဆေးရေးအရာရှိများသည် ၁၈-၉-၂၀၂၆ ရက်နေ့၊ နံနက်(၁၀:၀၀)နာရီအချိန်တွင်ပြည်ကြီးတံခွန်မြို့နယ်ရှိ စားသောက်ကုန်အသင်းအစည်းအဝေးခန်းမ၌ ကျန်ရှိနေသောစားသောက်ကုန်အသင်းဝင်လုပ်ငန်းရှင်များနှင့်တွေ့ဆုံ၍ ကုန်စည်များတွင်ကုန်အညွှန်း အမှတ်အသားဖော်ပြခြင်းနှင့်စပ်လျဉ်း၍ ထုတ်လုပ်သည့်ရက်စွဲနှင့် သက်တမ်းကုန်ဆုံးသည့် ရက်စွဲများ ပြည့်စုံစွာပါရှိစေရေး သိရှိလိုက်နာဆောင်ရွက်နိုင်စေရေး တတိယအကြိမ်မြောက် အသိပညာပေး ဟောပြောဆွေးနွေးခဲ့ပါသည်။

         အဆိုပါ ဆွေးနွေးပွဲတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာ ဦးစီးဌာန၊ မန္တလေးတိုင်းဒေသကြီးဦးစီးမှူးရုံး၊ ထုတ်ကုန်လုံခြုံစိတ်ချရမှုဌာနခွဲမှ စစ်ဆေးရေးအရာရှိ များသည် စားသောက်ကုန်အသင်းဝင် လုပ်ငန်းရှင်များနှင့်တွေ့ဆုံဆွေးနွေးခဲ့ပြီး စားသုံးသူရေးရာဦးစီး ဌာနအနေဖြင့် ကုန်စည်များတွင် ကုန်အညွှန်းအမှတ်အသားဖော်ပြခြင်း ရှိ/မရှိ စောင့်ကြည့်စစ်ဆေး ခြင်းကိစ္စရပ်များ ဆောင်ရွက်ရာတွင် စားသုံးသူကာကွယ်ရေးဥပဒေများနှင့် ညွှန်ကြားချက်များအရ သတ်မှတ်ပြဋ္ဌာန်းချက်များနှင့် ကိုက်ညီမှုရှိ/မရှိ စစ်ဆေးဆောင်ရွက်လျက်ရှိရာ ၂၀၁၉-၂၀၂၀ ဘဏ္ဍာ ရေးနှစ်မှစ၍ ၂၀၂၆-၂၀၂၇ ဘဏ္ဍာရေးနှစ်၊ ဩဂုတ်လ အထိ လုပ်ငန်းရှင်(၁၀၁၉)ဦး ကုန်ပစ္စည်း အမျိုးအစား ပေါင်း(၃၇၁၃)မျိုးအား ကုန်အညွှန်းအမှတ်အသားဆိုင်ရာ စိစစ်ဆောင်ရွက် ပေးခဲ့ပြီး ဖြစ်ကြောင်း ရှင်းလင်းပြောကြားခဲ့ပါသည်။

        ၂၀၂၅-၂၀၂၆ ဘဏ္ဍာရေးနှစ်မှစတင်၍ စားသုံးသူများ လုံခြုံစိတ်ချရသည့် ကုန်စည်များရွေး ချယ်ဝယ်ယူနိုင်ရေးနှင့် လုပ်ငန်းရှင်များ တာဝန်ယူမှု၊ တာဝန်ခံမှုရှိစေရန် စက်မှုကြီးကြပ်စစ်ဆေးရေး ဦးစီးဌာနနှင့် အသေးစားစက်မှုလက်မှုလုပ်ငန်းဦးစီးဌာနတို့တွင်ပူးပေါင်း၍ ၎င်းတို့ဌာနတွင် မှတ်ပုံတင် ထားသည့် လုပ်ငန်းရှင်များအား ခေါ်ယူ၍ ဈေးကွက်မရောက်မီစောင့်ကြည့် စစ်ဆေးခြင်းဖြင့် မိမိတို့ ထုတ်လုပ်သည့် ကုန်စည်များပေါ်တွင် ကုန်အညွှန်းအမှတ် အသားဖော်ပြချက်များနှင့်အညီ ကိုက်ညီမှု ရှိစေရေးအတွက် အရှိန်အဟုန်ဖြင့် စိစစ်ဆောင်ရွက် ပေးလျက်ရှိပါသည်။

လက်ရှိတွင် ဈေးကွက်တွင် ဖြန့်ဖြူးရောင်းချနေသည့် ကုန်စည်အချို့၌ ထုတ်လုပ်သည့် ရက်စွဲနှင့် သက်တမ်းကုန်ဆုံးသည့် ရက်စွဲများကို ထပ်ပိုးလွှာ၊ ထပ်ပိုး ကပ်လွှာ(Sticker)ဖြင့် ကပ်နှိပ်  ရောင်းချနေသည်ကို စိစစ်တွေ့ရှိရသဖြင့် ထိုသို့ စတစ်ကာကပ်ခြင်းကို သီးခြားခွင့်ပြုထားခြင်းမရှိ ကြောင်းနှင့် ကုန်စည်ပေါ်တွင် တိုက်ရိုက်ရိုက်နှိပ်ခြင်း သို့မဟုတ် ပုံသွင်းခြင်းဖြင့်သာ ဖော်ပြရမည် ဖြစ်ကြောင်း၊ ၂၀၂၆ ခုနှစ်၊ နိုဝင်ဘာလ ၃၀ ရက်နေ့အထိ အသိပညာပေးကာလအဖြစ် သတ်မှတ် ထားပြီး  ၎င်းကာလ နောက်ပိုင်းတွင် သတ်မှတ်ထားသော ညွှန်ကြားချက်များနှင့်အညီ လိုက်နာ ဆောင်ရွက်ရန် အားနည်သော သို့မဟုတ် လိုက်နာရန် ပျက်ကွက်သော  လုပ်ငန်းရှင်းများကို စားသုံးသူ ကာကွယ်ရေးဥပဒေနှင့်အညီ ထိရောက်စွာ အရေးယူဆောင်ရွက်သွားမည်ဖြစ်ကြောင်း အသိပညာပေး ဆွေးနွေးခဲ့ပါသည်။

             ထို့အပြင် စားသုံးသူများ လုံခြုံစိတ်ချရမှုရှိစေရေးနှင့် လုပ်ငန်းရှင်များ၊ ဥပဒေနှင့်ညွှန်ကြားချက် များအတိုင်းစနစ်တကျ လိုက်နာဆောင်ရွက်လာစေရန်အတွက် ယခုကဲ့သို့ အသိပညာပေးဆွေးနွေး ဆက်လက်ဆောင်ရွက်သွားမည်ဖြစ်ကြောင်း သတင်းရရှိပါသည်။ 

DOCA(မန္တလေး)

          မန္တလေးတိုင်းဒေသကြီး၊ စားသုံးသူရေးရာဦးစီးဌာနအနေဖြင့် ၂၀၂၆-၂၀၂၇ ဘဏ္ဍာနှစ်တွင် ဦးစားပေးဈေးကွက်စောင့်ကြည့်စစ်ဆေးရမည့် ဝန်ဆောင်မှုကဏ္ဍ(၃)ရပ်ဖြစ်သည့် အစားအသောက် ရောင်းချသည့်ဝန်ဆောင်မှု၊ ဆက်သွယ်ရေးဝန်ဆောင်မှု (အင်တာနက်ဝန်ဆောင်မှု)နှင့် သယ်ယူပို့ဆောင်ရေးဝန်‌ဆောင်မှုတို့အား သတ်မှတ်ကာလအလိုက် မန္တလေးတိုင်းဒေသကြီးအတွင်းရှိ ခရိုင်၊မြို့နယ်များတွင် စောင့်ကြည့် စစ်ဆေးလျက်ရှိကြောင်း သိရှိရပါသည်။

          ထိုသို့ ကွင်းဆင်းစစ်ဆေးရာတွင် စားသုံးသူများဘေးအန္တရာယ်ကင်းရှင်းရေး၊ ထုတ်ကုန်များ လုံခြုံစိတ်ချရမှုရှိစေရေး၊ ကုန်စည်နှင့်ဝန်ဆောင်မှုများ ဘေးအန္တရာယ်ကင်းရှင်းစွာ အသုံးပြုခွင့်ရရှိစေရေး၊ ဘေးအန္တရာယ်ရှိသော ကုန်စည်များဈေးကွက်အတွင်းမှ ပပျောက်သွားစေရေး တို့အတွက် ဦးမင်းလွင် (ဦးစီးအရာရှိ)ဦးဆောင်၍ စစ်ဆေးရေးအရာရှိများအဖွဲ့သည် ၂၀၂၆ ခုနှစ်၊ စက်တင်ဘာလ အတွင်း ချမ်းမြသာစည်မြို့နယ်၊ ချမ်းအေးသာစံမြို့နယ်နှင့် မဟာအောင်မြေမြို့နယ် အတွင်းရှိ U9 Myanmar Limited၊ Global Technology Co.,Ltd(5BB)၊ မြန်မာဆက်သွယ်ရေး(MPT)၊ Telecom International Myanmar Co.,Ltd(Mytel) စသည့် ဆက်သွယ်ရေးဝန်ဆောင်မှု(၄)ခုအား စစ်ဆေးဆောင်ရွက်ခဲ့ရာ စားသုံးသူရေးရာ ဦးစီးဌာန၊ ရုံးချုပ်မှ ဝန်ဆောင်မှုကဏ္ဍ(၃)ရပ်နှင့် စပ်လျဉ်း၍ ဦးစားပေးစစ်ဆေးရန် လမ်းညွှန်ထား သည့်အချက်အလက်များ၊ ဆက်သွယ်ရေးညွှန်ကြားမှုဦးစီးဌာနနှင့် ပူးပေါင်း၍ အင်တာနက်ဝန်ဆောင်မှုပေးသည့် လုပ်ငန်းများသို့ သွားရောက်စစ်ဆေးဆောင်ရွက်ခဲ့ပြီး ဝန်ဆောင်မှုကဏ္ဍနှင့်စပ်လျဉ်း၍ စီးပွားရေးလုပ်ငန်းရှင်များ လိုက်နာဆောင်ရွက်ရမည့် တာဝန်များကိုလည်း ရှင်းလင်းဆွေးနွေးခဲ့ပါ ကြောင်း၊ စားသုံးသူရေးရာ ဦးစီးဌာနမှ ထုတ်ပြန်ထားသည့် ဥပဒေ၊ နည်းဥပဒေ၊ အမိန့်၊ ညွှန်ကြားချက်များ သိသင့်သိထိုက်သည့် အချက်အလက်များအား  အသိပညာပေးဆွေးနွေး ခဲ့ကြောင်း သိရှိရပါသည်။

DOCA(မန္တလေး)    

                          စားသုံးသူရေးရာဦးစီးဌာနသည် စားသုံးသူပြည်သူများ ကုန်စည်နှင့်ဝန်ဆောင်မှုများသုံးစွဲရာတွင် ထိခိုက်နစ်နာမှုမရှိစေရေး၊ လုံခြုံစိတ်ချရမှုရှိစေရေး၊ လုပ်ငန်းရှင်များအနေဖြင့် ဥပဒေပြဌာန်းချက်များနှင့် အညီထုတ်လုပ်ရောင်းချမှု ရှိစေရေး၊ လုံခြုံစိတ်ချရမှုမရှိသော ကုန်စည်များ လျော့နည်းပပျောက်သွား စေရေးတို့အတွက် နေရာစုံ၌ ဈေးကွက်စောင့်ကြည့်စစ်ဆေးခြင်းများကို အစဉ်တစိုက်ဆောင်ရွက်လျက် ရှိရာ စားသုံးသူရေးရာဦးစီးဌာန၊ ကျောက်ပန်းတောင်းမြို့နယ်တာဝန်ခံနှင့်ဝန်ထမ်းများသည်မြို့နယ်စည်ပင်သာယာရေးအဖွဲ့၊ပြည်သူ့ကျန်းမာရေးဦးစီးဌာနတို့နှင့်ပူးပေါင်း၍ (၁၁.၉.၂၀၂၆)ရက်နေ့၊ နံနက်(၀၉:၃၀) နာရီ အချိန်တွင် ကျောက်ပန်းတောင်းမြို့ စည်ပင်သာယာဈေးရှိ ကုန်စုံဆိုင်နှင့် စတိုးဆိုင်များတွင်ရောင်းချနေသော အသင့်စားနင့်အရန်သင့်စား အစားအစာအမျိုးမျိုးအား ဈေးကွက် စောင့်ကြည့်စစ်ဆေးခြင်းကို ဆောင်ရွက်ခဲ့ပါသည်။ အဆိုပါစားသောက်ကုန်အမျိုးမျိုးတွင် ကုန်အညွှန်း အမှတ်အသားများ ပြည့်စုံစွာဖော်ပြထားခြင်းရှိ/မရှိ၊ သက်ဆိုင်ရာဌာနထောက်ခံချက်များ ပါဝင်မှု ရှိ/မရှိတို့ကို စစ်ဆေးခဲ့ကြရာ သတ်မှတ်ချက်များနှင့်ကိုက်ညီမှုရှိသော ကုန်စည်များကိုသာ ရောင်းချ မှုရှိကြောင်းတွေ့ရှိရပြီး စားသုံးသူရေးရာဦးစီးဌာနအနေဖြင့် စားသုံးသူပြည်သူများ ကုန်ပစ္စည်းများကို ဝယ်ယူသုံးစွဲရာတွင် လုံခြုံစိတ်ချရမှုရှိပြီး၊ ဘေးအန္တရာယ်ကင်းရှင်း စေရန်နှင့်ဖြစ်သင့်ဖြစ်ထိုက်သော ဈေးနှုန်းများနှင့်သာ ဝယ်ယူသုံးစွဲနိုင်ရေး၊ ထိခိုက်နစ်နာဆုံးရှုံးမှုများ မဖြစ်ပေါ်စေရေးတို့အတွက် စဉ်ဆက်မပြတ်ဈေးကွက် စောင့်ကြည့်စစ်ဆေးမှုများ ဆောင်ရွက်လျက်ရှိကြောင်းသိရသည်။

DOCA(မန္တလေး)