သတင်းနှင့် လှုပ်ရှားမှုများ

                                 ပဲခူးတိုင်းဒေသကြီး၊ သာယာဝတီခရိုင် ၊ စားသုံးသူရေးရာဦးစီးဌာန၊ မိုးညိုမြို့နယ် မြစက်သုံးဆီရောင်းဝယ်ရေးလုပ်ငန်းရှင်နှင့် ၂၀၂၆ခုနှစ်၊ စက်တင်ဘာလ ၇ ရက်နေ့ ၊ နံနက်  (၉:၃၀ ) နာရီ အချိန်တွင် မိတ်ဖက်အဖွဲ့အစည်းများ၊ စားသုံးသူရေးရာဦးစီးဌာန၊ မိုးညိုမြို့နယ်တာဝန်ခံရုံးမှ ဦးမောင်မောင်အေးတို့မှ    တွေ့ဆုံ၍စားသုံးသူကာကွယ်ရေး ဥပဒေအခန်း(၁၀)ပါ စီးပွားရေး လုပ်ငန်း ရှင်၏ တာဝန်များဖြစ်သည့် ကုန်စည် (သို့မဟုတ်) ဝန်ဆောင်မှု့၏ အာမခံချက်၊ သတ်မှတ်ချက် များနှင့်စပ်လျဉ်း၍ ရိုးရှင်းမှန်ကန်သော သတင်းအချက်အလက် များပေးခြင်း၊ စားသုံးသူကို ခွဲခြား မှုမရှိဘဲ ဖြောင့်မတ် မှန်ကန်စွာ ဆက်ဆံခြင်း၊ စီးပွားရေးလုပ်ငန်း လုပ်ကိုင်ရာတွင် စီးပွားရေး ကျင့်ဝတ်၊  စည်းကမ်းနှင့် အညီ ဖြောင့်မတ် မှန်ကန်စွာ ဆောင်ရွက်ခြင်း၊  ဥပဒေအခန်း (၁၁) ပါ ကုန်စည်နှင့် စပ်လျဉ်း၍ စီးပွား ရေးလုပ်ငန်းရှင်သည် စားသုံးသူကလက်ခံသုံးစွဲနိုင်သော အရည်အသွေးရှိခြင်း ကုန်စည်၏အရည်အသွေးအချိန်အတွယ်ပမာဏနှင့် အလေးချိန်မှန်ကန်မှုရှိခြင်း၊ဘေးအန္တရာယ်ကင်းရှင်းစေခြင်း၊သုံးစွဲသူ၏လိုအပ်ချက်အတွက်သင့်လျော်မှုရှိခြင်းများကိုအထူး အလေးထား ဆောင်ရွက်ရန်အသိ ပညာပေးဆွေးနွေး ဆောင်ရွက်ခဲ့ပြီးလက်ကမ်းစာစောင်များ ဖြန့်ဝေခဲ့ပါသည်။

DOCA(ပဲခူး)

           စားသုံးသူရေးရာဦးစီးဌာန ၊  ပဲခူးတိုင်းဒေသကြီး၊ သာယာဝတီခရိုင်၊ မိုးညိုမြို့နယ်၊ မြို့မရပ်ကွက်၊ ရွှေမကျည်းပင်လမ်းရှိ Pure Life သောက်ရေသန့် လုပ်ငန်းရှင် ဦးစန်းသွင်နှင့် ၂၀၂၆ ခုနှစ် စက် တင်ဘာလ ၇ ရက်နေ့၊ နံနက်(၁၀:၀၀ ) နာရီအချိန်တွင်၊ မိုးညိုမြို့နယ်တာဝန်ခံ ဦးမောင်မောင်အေးမှ တွေ့ဆုံ၍  စားသုံးသူကာ ကွယ်ရေးဥပဒေ အခန်း ( ၁၈ )ပါ ကုန်စည်များပေါ်တွင် ကုန်အညွှန်း  အမှတ် အသား‌ ဖော်ပြခြင်းနှင့်စပ်လျဉ်း၍   ကုန်စည် အမျိုးအစား အလိုက်သတ်မှတ်ချက် များနှင့်အညီ ဖြန့်ဖြူး ရောင်းချရန်၊ကုန်စည်၏အရည်အသွေး၊ထုတ်လုပ်ရက်စွဲ၊ သက်တမ်းကုန်ဆုံးရက် စွဲများ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်းများအား လည်းကောင်း၊ဥပဒေအခန်း(၁၀) ပါစီးပွားရေးလုပ်ငန်း ရှင်၏ တာဝန်များ၊ ဥပဒေအခန်း(၁၁)ပါကုန်စည်နှင့်စပ်လျဉ်း၍ စားသုံးသူလက်ခံနိုင်သည့်အရည် အသွေးရှိခြင်းကို အထူးအလေးထားဆောင်ရွက်ရန် အသိပညာပေးဆွေးနွေးဆောင်ရွက်ခဲ့ပြီး လက် ကမ်းစာစောင် ဖြန့်ဝေခဲ့ပါသည်။

DOCA(ပဲခူး)

               ပြည်ခရိုင်၊ ပြည်မြို့တွင် စားသုံးသူကာကွယ်ရေး အသိပညာပေး ဟောပြောပွဲများကို ၂၀၂၆ ခုနှစ်၊ ကျောင်းများစတင်ဖွင့်လှစ်ခဲ့သည့် ဇွန်လမှစတင်၍ ပြည်ခရိုင် စားသုံးသူရေးရာဦးစီးဌာနမှ ဦးစီး၍ ကျင်းပပြုလုပ်ခဲ့ပါသည်။ ပြည်ခရိုင်၊ စားသုံးသူရေးရာဦးစီးဌာနနှင့် ပြည်မြို့နယ် စားသုံးသူ ရေးရာဦးစီးဌာနတို့ ပူးပေါင်း၍ ဈေးများ၊ ကျောင်းများ၊ ပရဟိတအသင်းအဖွဲ့များ၊ ဘဏ်များ၊ စီးပွားရေးလုပ်ငန်းရှင်အသင်း အဖွဲ့များသို့ သွားရောက်၍ စားသုံးသူကာကွယ်ရေးဥပဒေ အသိပညာ ပေး ဟောပြောဆွေးနွေးပွဲများကို စဉ်ဆက်မပြတ် ကျင်းပပြုလုပ်ခဲ့ကြပါသည်။ (၂.၉.၂၀၂၆) ရက်နေ့ တွင် ပြည်ခရိုင်နှင့် မြို့နယ်စားသုံးသူ ရေးရာဦးစီးဌာနတို့ ပူးပေါင်း၍ ပြည်မြို့၊ ပေါင်းတလည်မြို့အဝင် နှောကုန်းရွာ၌ တည်ရှိသော ပြည် နည်းပညာတက္ကသိုလ်သို့ သွားရောက်၍ စားသုံးသူကာကွယ်ရေး အသိပညာပေး ဟောပြောပွဲကို ကျင်းပ ပြုလုပ်ခဲ့ပါသည်။ ဟောပြောပွဲသို့ တက်ရောက်လာကြသော ပါမောက္ခဆရာ၊ ဆရာမကြီးများနှင့် နည်းပြ ဆရာ၊ ဆရာမများ၊ ကျောင်းသား၊ ကျောင်းသူများကို မြို့နယ်တာဝန်ခံရုံးနှင့် ဒု-ဦးစီးမှူး ဒေါ်အေးမြတ်သီတာမှ ဌာန၏ ဖွဲ့စည်းပုံအဆင့်ဆင့်နှင့် စားသုံးသူရေးရာဦးစီးဌာန စတင်ဖွဲ့စည်း ပေါ်ပေါက်လာပုံသမိုင်းကြောင်းအား စတင်မိတ်ဆက် အဖွင့်စကားဟောပြော၍ ဆက်လက်ကာ ပြည်ခရိုင် ဦးစီးဌာနရုံးမှ ဦးစီးမှူး ဒေါ်ဝင်းလဲ့ဝါမှ စားသုံးသူ ရေးရာဦးစီးဌာနမှ ဆောင်ရွက်လုပ်ကိုင်နေသည့် လုပ်ငန်းဆောင်ရွက်ချက်များနှင့် စားသုံးသူကာကွယ်ရေးဥပဒေ၌ပါရှိသော စားသုံးသူများရရှိမည့် အခွင့်အရေး(၈) ချက်အားရှင်းလင်းဆွေးနွေး၍ ကုန်စည်နှင့်ဝန်ဆောင်မှုများနှင့်ပတ်သက်ဆက်နွယ်၍ စားသုံးသူများဆုံးရှုံးထိခိုက်နစ်နာမှုများ ရှိလာပါက မိမိတို့ဌာနသို့ တိုင်ကြားလို့ရနိုင်မည့် နည်းလမ်းများ၊ တိုင်ကြားမှုများအား ဖြေရှင်း ဆောင်ရွက်ပုံအဆင့်ဆင့်တို့ကို ရှင်းလင်းဆွေးနွေးဟောပြောခဲ့ပါကြောင်း သိရှိရပါသည်။

DOCA(ပဲခူး)

     စားသုံးသူရေးရာဦးစီးဌာန၊ မြစ်ကြီးနားခရိုင်ဦးစီးမှူးရုံးမှ စစ်ဆေးရေးမှူး ဦးဇေယျာအောင် (ခရိုင်ဦးစီးမှူး) ဦးဆောင်၍ ခရိုင်စားသုံးသူရေးရာဦးစီးဌာနမှဝန်ထမ်းများသည် ၂၁-၉-၂၀၂၆ ရက်နေ့တွင် မြစ်ကြီးနားမြို့၊ ရမ်ပူရပ်ကွက်ရှိ တင်စိုးလေး(မုန့်တိုက်)သို့ သွားရောက်၍ စားသုံးသူများ ဘေးအန္တရာယ် ကင်းရှင်းပြီး ထုတ်ကုန်လုံခြုံစိတ်ချရမှုရှိစေရေး၊ ဘေးအန္တရာယ်ရှိသောကုန်စည်များ ဈေးကွက်အတွင်းမှ ပပျောက်စေရေးနှင့် စားသုံးသူကာကွယ်ရေးဥပဒေပါ ကုန်အညွှန်းအမှတ်အသား ဖော်ပြခြင်းနှင့် ပတ်သက်၍ ကိုက်ညီမှု ရှိ/မရှိ ဈေးကွက်စောင့်ကြည့်စစ်ဆေးခဲ့ပါသည်။

     ထိုသို့ ဈေးကွက်စောင့်ကြည့်စစ်ဆေးခဲ့ရာ “တင်စိုးလေး” အမှတ်တံဆိပ်ပါ ထောပတ်ကိတ်ခြောက် တွင် မြန်မာနိုင်ငံစားသုံးသူကာကွယ်ရေးကော်မရှင်က ထုတ်ပြန်ထားသော ညွှန်ကြားချက်အမှတ် (၂/ ၂၀၁၉) အရ ကုန်စည်အမျိုးအစားအလိုက် မြန်မာဘာသာဖြင့်ဖော်ပြရမည့် အမျိုးအမည်၊ အရွယ်အစား၊ အရေ အတွက်နှင့် အသားတင်ပမာဏ၊ ထားသိုသိမ်းဆည်းမှုအညွှန်း၊ ဓါတ်မတည့်ကြောင်း ဖော်ပြချက်တို့ကို မြန်မာဘာသာဖြင့် ကိုက်ညီပြည့်စုံစွာ ဖော်ပြပါရှိကြောင်း၊ ထုတ်လုပ်သည့်ရက်စွဲ၊ သက်တမ်းကုန်ဆုံး သည့်ရက်စွဲတို့ ဖော်ပြထားကြောင်း  စစ်ဆေးတွေ့ရှိရပြီး မုန့်တိုက်လုပ်ငန်းရှင်အား သက်တမ်းကုန်ဆုံး သည့်ကုန်စည်များနှင့် ကုန်အညွှန်းအမှတ်အသားပြည့်စုံမှုမရှိသည့်ကုန်စည်များ ဈေးကွက်အတွင်း ရောင်းချခြင်းမပြုလုပ်ရန်တို့ကို အသိပညာပေးဆွေးနွေးခဲ့ပြီး ကုန်အညွှန်းအမှတ်အသား ဖော်ပြခြင်း ဆိုင်ရာ လက်ကမ်းစာစောင်များ  ဖြန့်ဝေခဲ့ကြောင်း သတင်းရရှိပါသည်။

DOCA( ကချင်)

     စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ ဒေါ်ဖြူသွယ်လင်း (ဦးစီးမှူး) ဦးဆောင်၍ အငယ်တန်းစာရေး ဒေါ်မြတ်နိုးလွင်တို့သည် ၁၇-၉-၂၀၂၆ ရက်နေ့တွင် မိုးညှင်းမြို့၊  အာလဝီကုန်း ရပ်ကွက်ရှိ အွန်လိုင်းမှတ်ပုံတင်လက်မှတ်ရရှိပြီးဖြစ်သည့် အထည်အလိပ်၊ အဝတ်အထည်နှင့် ဆက်စပ် ပစ္စည်းများရောင်းဝယ်ရေး လုပ်ငန်းရှင်(၁)ဦးနှင့် တွေ့ဆုံ၍ အသိပညာပေးဟောပြောပွဲ ပြုလုပ် ဆောင်ရွက်ခဲ့ပါသည်။

     ထိုသို့ အသိပညာပေးဟောပြောရာတွင်  အွန်လိုင်းစနစ်ဖြင့် ရောင်းချခြင်းလုပ်ငန်းနှင့်ပတ်သက်၍ သိထားသင့်သောအချက်များအကြောင်း၊ စားသုံးသူအခွင့်အရေးနှင့် တာဝန်များအကြောင်း၊ စီးပွားရေး လုပ်ငန်းရှင်၏ တာဝန်များအကြောင်း၊ အွန်လိုင်းရောင်းချမှုလုပ်ငန်းများ နှင့်စပ်လျဉ်း၍ စိစစ်သင့်သည့် အချက်များ၊ ကုန်စည် သို့မဟုတ် ဝန်ဆောင်မှုနှင့်စပ်လျဉ်း၍ စားသုံးသူများစိစစ်သင့်သည့် အချက်အလက် များအကြောင်း၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ အမိန့်ကြော်ငြာစာအမှတ် ၅၀/၂၀၂၃ အရ အွန်လိုင်းစနစ်ဖြင့် ရောင်းချခြင်းလုပ်ငန်းကို အရေးကြီးဝန်ဆောင်မှုလုပ်ငန်းအဖြစ် သတ်မှတ်ထားရှိမှုအခြေအနေ၊ အွန်လိုင်းစနစ်ဖြင့် ရောင်းချခြင်းလုပ်ငန်းမှတ်ပုံတင်ခြင်းဆိုင်ရာ အမိန့် ကြော်ငြာစာအမှတ် ၅၁/၂၀၂၃အား လိုက်နာဆောင်ရွက်ရမည့်အကြောင်း၊ တရားမဝင် တင်သွင်းလာ သည့် ကုန်ပစ္စည်းများအား အွန်လိုင်းစနစ်ဖြင့် ရောင်းချခြင်းလုပ်ငန်းများ ဆောင်ရွက်ခြင်းမပြုရန်နှင့် စားသုံးသူကာကွယ်ရေးဥပဒေပါ ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ ပြည့်စုံစွာ ဖော်ပြထားသော ကုန်စည်များကိုသာ ဝယ်ယူရောင်းချမှုပြုရန်အကြော်ငး၊ အရေးကြီးကုန်စည်နှင့် ဝန်ဆောင်မှုဥပဒေပါ ပြစ်မှု၊ပြစ်ဒဏ်များ အကြောင်းတို့အား အသိပညာပေးဆွေးနွေးခဲ့ကြောင်း သတင်းရရှိပါသည်။

DOCA( ကချင်)