သတင်းနှင့် လှုပ်ရှားမှုများ

မြိတ်မြို့အတွင်း ဆေးဆိုင်များတွင် သက်တမ်းလွန်ဆေးဝါးများရောင်းချမှုမရှိစေရေး ရှောင်တခင်စစ်ဆေးခြင်း

၂၀၂၆ ခုနှစ် ၊ စက်တင်ဘာလ ၁၄ ရက်နေ့၊ နံနက် (၁၀း၀၀) နာရီအချိန်တွင် မြိတ်ခရိုင်ပြည်သူ့ ကျန်းမာရေးဦးစီးဌာနမှဦးဆောင်၍ စျေးကွက်အတွင်း သက်တမ်းလွန်ဆေးဝါးများ မရှိစေရေးအတွက် ဆေးဆိုင်များအား ရှောင်တခင်စစ်ဆေးဆောင်ရွက်ရာတွင် အထွေထွေအုပ်ချုပ်ရေးဦးစီးဌာန၊ မြန်မာ နိုင်ငံရဲတပ်ဖွဲ့၊ အစားအသောက်နှင့်ဆေးဝါးကွပ်ကဲရေးဦးစီးဌာန၊ စည်ပင်သာယာရေးအဖွဲ့နှင့် စားသုံးသူ ရေးရာဦးစီးဌာနတို့မှ ပူးပေါင်းပါဝင်ဆောင်ရွက်ခဲ့ကြောင်း သိရှိရပါသည်။

အဆိုပါ ရှောင်တခင်စစ်ဆေးဆောင်ရွက်ရာတွင် မြိတ်မြို့၊ ဆိပ်ငယ်ရပ်၊ မြစ်ငယ်ရပ်တို့ရှိ လက်လီ/ လက်ကားဆေးဆိုင်များတွင် ရောင်းချလျက်ရှိသော ဆေးဝါးများ၊ ဆေးပစ္စည်းများတွင် သက်ဆိုင်ရာ ထောက်ခံချက်များ မပါရှိသည့် တရားမဝင်ဆေးဝါးများနှင့် ဆေးပစ္စည်းရောင်းချနေမှုများ ရှိ/မရှိ၊ သက် တမ်းလွန်ဆေးဝါးများ ရောင်းချနေမှုများ ရှိ/မရှိစစ်ဆေးခြင်းနှင့် သက်တမ်းကုန်လွန်‌ဆေးများအား စဥ် ဆက်မပြတ် စစ်‌ဆေးဆောင်ရွက်၍ ရောင်းချမှုများ မရှိစေရေး ဆောင်ရွက်သွားနိုင်ရေးနှင့် သတ်မှတ် ဆေးဝါးရောင်းချမှုလိုင်စင်အလိုက် ခွင့်ပြုသတ်မှတ်ထားသည့် ဆေးဝါးများကိုသာရောင်းချရန်နှင့် ဆေး ဝါးများရောင်းချရာတွင်လည်း ဆရာဝန်ညွှန်ကြားချက်များဖြင့်သာ ရောင်းချရန်လိုအပ်သည့်ဆေးဝါးများ ကိုလည်း ဆေးစာညွန်ကြားချက်ပါရှိမှသာ ရောင်းချသွားနိုင်ရေး အသိပညာရေးဆွေးနွေးခဲ့ကြောင်း သိရှိ ရပါသည်။

DOCA (တနင်္သာရီ)

အွန်လိုင်းမှတ်ပုံတင်ထားသည့် ဆန်ရောင်းဝယ်ရေးလုပ်ငန်းရှင်ထံသို့ မြေပြင်ကွင်းဆင်းစစ်ဆေးခြင်း

သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ ဒု-ခရိုင်ဦးစီး မှူးနှင့် ဝန်ထမ်းသည် တိုင်းဒေသကြီးဦးစီးမှူး၏ လမ်းညွှန်မှု၊ ပခုက္ကူခရိုင်ဦးစီးမှူး၏ ကြီးကြပ်မှုဖြင့် ပခုက္ကူမြို့ ပေါ်ရှိ အွန်လိုင်းမှတ်ပုံတင်ထားသည့် လုပ်ငန်းရှင်များသည် မြို့နယ်အတွင်း ရောင်းချနေသော လုပ်ငန်း၊ နေရပ်လိပ်စာနှင့် ကုန်စည်များသည်မြေပြင်တွင် အမှန်တကယ်ကိုက်ညီမှု ရှိ/မရှိ မြေပြင် ကွင်းဆင်းစစ်ဆေးခြင်းကို(၁၈.၉.၂၀၂၆)ရက်နေ့၊ နံနက်(၁၀:၃၀)နာရီအချိန်တွင် အွန်လိုင်းမှတ်ပုံတင် ထားသည့် ဆန်ရောင်း ဝယ်ရေး လုပ်ငန်းရှင်ထံသို့ သွားရောက် ကွင်းဆင်းစစ်ဆေးဆောင်ရွက်ခဲ့ပါသည်။

ကွင်းဆင်းစစ်ဆေးရာတွင် ဒု-ခရိုင်ဦးစီးမှူးက အွန်လိုင်းစနစ်ဖြင့် ရောင်းချသည့်လုပ်ငန်းမှ မှတ်ပုံတင်ထားသည့်လုပ်ငန်းဖြစ်သည့် ဆန်းရောင်းဝယ်ရေးလုပ်ကိုင်သည့်လုပ်ငန်းရှင်ထံသို့ သွားရောက် ၍ အွန်လိုင်းရောင်းချခွင့် လုပ်ငန်းမှတ်ပုံတင် လျှောက်ထားစဉ်က ဖြည့်သွင်းထားသည့် နေရပ်လိပ်စာ၊ ရောင်းချရန် ကုန်စည်(သို့)ဝန်ဆောင်မှုအမျိုးအစား ကိုက်ညီမှုရှိ/မရှိ စသည်တို့ကို မေးမြန်းစစ်ဆေးခြင်း များ၊ အွန်လိုင်းရောင်းချမှုလုပ်ငန်းနှင့် စပ်လျဉ်း၍ မြေပြင်စစ်ဆေးခြင်း လုပ်ငန်းများကို လုပ်ထုံးလုပ်နည်း များနှင့် အညီစနစ်တကျဆောင်ရွက်လျက်ရှိပြီး မှတ်ပုံတင်လက်မှတ်ရရှိပြီးနောက် တာဝန်ဖောက်ဖျက်မှု မရှိစေရန်ကို မြေပြင်ကွင်းဆင်းဆောင်ရွက်ခြင်းများ လုပ်ငန်းစဉ်အတိုင်း စစ်ဆေးဆောင်ရွက်မည် ဖြစ်ပြီး တွေ့ရှိပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်နိုင်ကြောင်း၊ စားသုံးသူ ကာကွယ်ရေး ဥပဒေ၂၀၁၉အရလည်း အရေးယူခံရမည်ဖြစ်ကြောင်းနှင့် စားသုံးသူကာကွယ်ရေးဥပဒေပါ စားသုံးသူအခွင့်အ‌ရေးနှင့်တာဝန်များ၊ စီးပွားရေးလုပ်ငန်းရှင်၏ တာဝန်များ ကုန်အညွှန်းအမှတ်အသား ဖော်ပြခြင်းဆိုင်ရာအကြောင်းများကို အွန်လိုင်းစနစ်ဖြင့်ရောင်းချသည့် လုပ်ငန်းရှင်အားသိရှိနိုင်စေရန် အသိ ပညာပေး ဆွေးနွေးခဲ့ကြောင်း သိရှိရပါသည်။

DOCA(မကွေး)

ဈေးကွက်မရောက်မီ ကုန်စည်များအား ထုတ်ကုန်လုံခြုံစိတ်ချရမှုရှိစေရေး ဈေးကွက်စောင့်ကြည့်စစ်ဆေးခြင်း

သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူးနှင့်ပခုက္ကူ ခရိုင် ဦးစီးမှူး၏လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ ဒု-ခရိုင်ဦးစီးမှူးနှင့် ဝန်ထမ်းများသည် ထုတ်ကုန်များ လုံခြုံစိတ်ချရမှုရှိစေရေး၊ ကုန်စည်များတွင် ကုန်အညွှန်းအမှတ်အသားများပြည့်စုံစွာထည့်သွင်း ဖော်ပြ ထားခြင်းရှိ/မရှိ၊ စားသုံးသူများနေ့စဉ်အသုံးပြုလျက်ရှိသော ကုန်စည်နှင့်ဝန်ဆောင်မှုများ ဘေး အန္တရာယ်ကင်းရှင်းပြီး လုံခြုံစိတ်ချရမှုရှိစေရေး၊ ကုန်စည်များကို သတ်မှတ်စံချိန်စံညွှန်းများ၊ ညွှန်ကြား ချက်များနှင့်ကိုက်ညီမှု ရှိ/မရှိ ဈေးကွက်မရောက်မီ ဈေးကွက်စောင့်ကြည့်စစ်ဆေးခြင်းများ ဆောင်ရွက် လျက်ရှိပါသည်။ ဈေးကွက်မရောက်မီ စောင့်ကြည့်စစ်ဆေးရာတွင် မိတ်ဖက်ဌာနဆိုင်ရာများနှင့် ပူးပေါင်း၍ ဆောင် ရွက်လျက်ရှိ ပါသည်။

ပခုက္ကူခရိုင်ဦးစီးမှူးရုံးမှ ဒု-ခရိုင်ဦးစီးမှူးနှင့် ဝန်ထမ်းများသည် FDA၊ မြို့နယ်စည်ပင်သာယာရေး အဖွဲ့နှင့် ပူးပေါင်း၍(၁၇.၉. ၂၀၂၆)ရက်နေ့၊ နံနက်(၁၀း၀၀) အချိန်တွင် ပခုက္ကူမြို့ပေါ်ရှိ စားသုံးဆီ လုပ်ငန်း ရှင်မှ ထုတ်လုပ်သည့် ကုန်စည်များတွင် ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ပြည့်စုံစွာ ထည့်သွင်းဖော်ပြရန် ဈေးကွက်မရောက်မီစောင့်ကြည့်စစ်ဆေးခြင်းလုပ်ငန်းများ ဆောင်ရွက် ခဲ့ပါသည်။ ထိုသို့ ဆောင်ရွက်ရာတွင် လုပ်ငန်းရှင်များမှ မိမိတို့ထုတ်ပိုးသော ကုန်စည်များ၌ ကုန်အညွှန်း အမှတ်အသားဖော်ပြခြင်းနှင့်စပ်လျဉ်း၍ ပြည့်စုံစွာဖော်ပြရန် အသိပညာပေးပြီး စီးပွားရေး လုပ်ငန်းရှင် ၏ တာဝန်များ၊ ကုန်စည်နှင့်စပ်လျဉ်း၍ အာမခံချက်ပေးခြင်းဆိုင်ရာအချက်အလက်များနှင့် ကုန်စည် များအား ဈေး ကွက်အတွင်း ဖြန့်ဖြူးရောင်းချရာတွင် ကုန်အညွှန်းပြည့်စုံသည့် တံဆိပ်များကိုသာ ထည့်၍ ရောင်းချရန် လိုအပ်ကြောင်း ဒု-ခရိုင်ဦးစီးမှူးကဆွေးနွေးခဲ့ပြီး လုပ်ငန်းလည်ပတ်နေမှုအား လေ့လာခဲ့ပါသည်။ ဈေးကွက်မရောက်မီဖြန့်ဖြူးမည့် ကုန်စည်များတွင်သက်တမ်းကုန်ရက်စွဲ၊ ထုတ်လုပ် သည့်နေရာ၊ ပါဝင်သည့်ပစ္စည်းများအပြင်ဖော်ပြထားသော ကုန်အညွှန်းအမှတ်အသားများသည် မြန်မာနိုင်ငံစားသုံးသူကာ ကွယ်ရေးကော်မရှင်မှ ထုတ်ပြန်ထားသည့် ညွှန်ကြားချက် အမှတ်(၂/၂၀၁၉) အရ မြန်မာဘာသာဖြင့် ကုန်အညွှန်းအမှတ်အသား ပြည့်စုံစွာ ဖော်ပြထားသည်ကို စစ်ဆေးတွေ့ရှိရ ကြောင်း သိရှိရပါသည်။

DOCA(မကွေး)

ဦးစားပေးကုန်စည်ဖြစ်သော သောက်ရေသန့်အမျိုးမျိုးအား ဈေးကွက်စောင့်ကြည့်စစ်ဆေးခြင်း

သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏လမ်းညွှန်မှု၊ ခရိုင် ဦးစီးမှူး၏ ကြီးကြပ်မှုဖြင့် ပခုက္ကူခရိုင်ဦးစီးမှူးရုံးမှ ဒု-ခရိုင်ဦးစီးမှူးနှင့် ဝန်ထမ်းများသည် စားသုံးသူ ပြည်သူများဘေးအန္တရာယ်ကင်းရှင်းပြီး လုံခြုံစိတ်ချရမှုရှိသော သောက်ရေသန့် အမျိုးမျိုးအား ဝယ်ယူ သုံးစွဲနိုင်ရန် ရည်ရွယ်၍(၁၆.၉.၂၀၂၆)ရက်နေ့၊ နံနက်(၀၉:၃၀)အချိန်တွင် ပခုက္ကူမြို့၌ သောက်ရေသန့် အမျိုးမျိုး ထုတ်လုပ်ဖြန့်ဖြူးရောင်းချသည့် လုပ်ငန်းရှင်များထံသို့ မိတ်ဖက်ဌာနများနှင့် ပူးပေါင်း၍ ဈေးကွက်စောင့်ကြည့်စစ်ဆေးခဲ့ပါသည်။

ထိုသို့ဈေးကွက်စောင့်ကြည့်စစ်ဆေးရာတွင် စားသုံးသူပြည်သူများ ဘေးအန္တရာယ် ကင်းရှင်း စေရန် အတွက် ဈေးကွက်အတွင်းရောင်းချနေသော သောက်ရေသန့်အမျိုးမျိုးနှင့် ပတ်သက်၍ မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉) ကုန်စည်အုပ်စု (၈)ခုတွင် ပါရှိရမည့် အချက်အလက်များ ပြည်စုံစွာဖော်ပြထားမှု ရှိ/မရှိ ကွင်းဆင်းစစ်ဆေးပြီး မိမိတို့ ရောင်းချသည့် ကုန်စည်များ တွင် ကုန်အညွှန်းအမှတ်ဖော်ပြရမည့်အချက်များ ပြည့်စုံစွာပါရှိရန် လိုအပ် ကြောင်း၊ ပြည့်စုံမှုမရှိသေးသည့် ကုန်စည်များကိုလည်း ကုန်စည်များလာရောက်ပေးပို့သည့် လုပ်ငန်းရှင်များအား ပြည့်စုံစွာဖော်ပြရန် လိုအပ် ကြောင်း ပြောပြရန် အသိပညာပေးခဲ့ပါသည်။ ကွင်းဆင်းစစ်ဆေးမှုအရ သောက်ရေသန့်အမျိုးမျိုးတွင် သက်တမ်းကုန်ရက်စွဲ၊ ထုတ်လုပ်သည့်နေရာ၊ ပါဝင်သည့်ပစ္စည်းများအပြင် ဖော်ပြထားသော ကုန်အညွှန်းအမှတ်အသားများသည် မြန်မာနိုင်ငံ စားသုံးသူကာကွယ်ရေးကော်မရှင်မှ ထုတ်ပြန်ထားသည့် ညွှန်ကြား ချက်အမှတ်(၂/၂၀၁၉)အရ မြန်မာဘာသာဖြင့် ကုန်အညွှန်းအမှတ်အသား ပြည့်စုံစွာဖော်ပြထားသည်ကို စစ်ဆေးတွေ့ရှိရကြောင်း သိရှိရပါသည်။

DOCA(မကွေး)

ပြည်ခရိုင်အတွင်းရှိ စားသုံးသူကာကွယ်ရေးဆိုင်ရာအသိပညာပေးဟောပြောဆွေးနွေးခြင်း

သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ ပြည်ခရိုင်ဦးစီးမှူးရုံးအနေဖြင့် ရပ်ကွက်/ ကျေးရွာနေ စားသုံးသူပြည်သူများနှင့် တိုင်းပြည်၏ အနာဂတ်မျိုးဆက်သစ်များဖြစ်သောကျောင်းသား/ကျောင်းသူများအား စားသုံးသူကာကွယ်ရေးဆိုင်ရာ အသိပညာများ ကျယ်ကျယ် ပြန့်ပြန့်သိရှိနိုင်စေရေး ရည်ရွယ်၍ခရိုင်အတွင်း မြို့နယ်များရှိ ရပ်ကွက်/ ကျေးရွာများနှင့် အခြေခံပညာကျောင်းများတွင် အသိပညာပေးဟောပြော ဆွေးနွေးခြင်းများကို အင်တိုက်အားတိုက် လုပ်ဆောင်လျက်ရှိရာ၂၀၂၆ခုနှစ်၊ ဩဂုတ်လ(၁၆)ရက်မှ(၃၁)ရက်အတွင်း ပြည်မြို့နယ် တာဝန်ခံနှင့် ဝန်ထမ်းများသည်ကသဲဈေးတာဝန်ခံရုံးနှင့်ပြည်သာယာရပ်ကွက်သို့လည်းကောင်း၊ရွှေတောင်မြို့နယ် တာဝန်ခံနှင့်ဝန်ထမ်းများသည််ရွှေတောင်မြို့၊ အ.လ.က(ကြာနီကန်) ကျောင်းသို့လည်းကောင်း၊ ပန်းတောင်းမြို့နယ်တာဝန်ခံနှင့်ဝန်ထမ်းများသည်အ.မ.က(မူလွန်)ဝန်လိုကျောင်းသို့လည်းကောင်း၊ ပေါက်ခေါင်းမြို့နယ်တာဝန်ခံနှင့်ဝန်ထမ်းများသည် ပြန်ကြားရေးနှင့်ပြည်သူ့ဆက််ဆံရေးဦးစီးဌာန တွင် Talk Show အစီအစဉ်ဖြင့်လည်းကောင်း စားသုံးသူကာကွယ်ရေးဆိုင်ရာ အသိပညာပေး ဟောပြောခြင်းများ ဆောင်ရွက်ခဲ့ပါသည်။

အဆိုပါအသိပညာပေးဟောပြောခြင်းများဆောင်ရွက်ရာတွင်စားသုံးသူအခွင့်အရေးများနေ့ဖြစ်ပေါ်လာပုံ၊ စားသုံးသူအခွင့်အရေးနှင့်တာဝန်များ၊ ကုန်အညွှန်းအမှတ်အသား ဖေါ်ပြခြင်းဆိုင်ရာ အချက်များ၊ နစ်နာဆုံးရှုံးမှုရှိပါကတိုင်ကြားနိုင်သည့် နစ်နာသည့် စားသုံးသူ၊ နစ်နာသည့်စားသုံးသူ၏ မိသားစုဝင်များ၊ နစ်နာသည့်စားသုံးသူနှင့်ဆက်နွယ်‌သော ပုဂ္ဂိုလ်များ၊ အစိုးရဌာနအဖွဲ့အစည်းများ၊ စားသုံးသူကာကွယ်ရေးဆိုင်ရာအသင်းအဖွဲ့များကတိုင်ကြားနိုင်ကြောင်းနှင့်တိုင်ကြားနိုင်မည့် နေရာ များဖြစ်သည့်သက်ဆိုင်ရာဦးစီးမှူးရုံးရှိ CICCရုံးခန်း၊ Consumer Call Center(1535)နှင့် www.doca.gov.mmမှတစ်ဆင့်တိုင်ကြားနိုင်ကြောင်း၊စားသုံးသူ ကာကွယ်ရေး ဥပဒေပါ ပြစ်မှုပြစ် ဒဏ်များအကြောင်း၊ သက်ဆိုင်ရာဌာနများက စားသုံးရန်မသင့်ဟု တားမြစ် ထုတ်ပြန်ထားသော ကုန်စည်များအား ရွေးချယ်ဝယ်ယူခြင်းမပြုရန် ကုန်အညွှန်းအမှတ်အသား ပြည့်စုံစွာ ပါဝင်သော ကုန်စည်များကိုသာ ရွေးချယ်ဝယ်ယူကြရန် အသိပညာပေးဟောပြောခြင်းများ ဆောင်ရွက်ခဲ့ ကြောင်းသိရပါသည်။

DOCA(ပဲခူး)

ပြည်ခရိုင်အတွင်း ဈေးကွက်မရောက်မီကုန်စည်များကို စောင့်ကြည့်စစ်ဆေးခြင်းများ ဆောင်ရွက်လျက်ရှိ

သတင်းနှင့် လှုပ်ရှားမှုများ

စားသုံးသူပြည်သူများအား ထုတ်ကုန်လုံခြုံစိတ်ချရမှုရှိစေရေး ဘေးအန္တရာယ်ရှိသော ကုန်စည်များ ဈေးကွက်အတွင်းမှ ပပျောက်စေရေးနှင့် စားသုံးသူကာကွယ်ရေးဥပဒေ ပြဌာန်းချက်ပါ ကုန်စည်များတွင် မြန်မာဘာသာဖြင့် ကုန်အညွှန်းအမှတ်အသား ဖေါ်ပြထားမှုအခြေအနေ တို့နှင့် စပ်လျဉ်း၍ သက်ဆိုင်ရာ မိတ်ဖက်ဌာနများနှင့် ပူးပေါင်း၍ ဈေးကွက်စောင့်ကြည့်စစ်ဆေးခြင်း လုပ်ငန်းများဆောင်ရွက်လျက်ရှိရာ၂၀၂၆ခုနှစ်၊ ဩဂုတ်လအတွင်း ပြည်မြို့နယ်တာဝန်ခံနှင့် ဝန်းထမ်းများသည်ရွှေကူရပ်ကွက်၊ပွဲစားတန်းလမ်းရှိ“ဦးစိန်ခို”တိုင်းရင်းဆေးလုပ်ငန်း၊ယုဇနလမ်း၊ခရမ်းကုန်းရပ်ကွက်ရှိ “အိုလံပစ်”မုန့်လုပ်ငန်း၊ မက္ခရာမင်းသားကြီး၊ မောင်ပျိုလမ်း၊ ခေတ္တရာ စက်မှုဇုန်(၁)လမ်းရှိ“OK-1”နှင့်အောင်ဆန်းပြည်သာယာရပ်ကွက်ရှိ“ပစ်တိုင်းထောင်” မုန့်လုပ်ငန်းသို့ လည်းကောင်း၊ ရွှေတောင်မြို့နယ်တာဝန်ခံနှင့်ဝန်ထမ်းများသည် အနောက်လက်ခုတ်တန်းလမ်းရှိ “ရွှေဧကရီ”စည်းလုံချည်လုပ်ငန်း၊ သရက်တောရပ်ကွက်၊ နှပ်တန်းလမ်းရှိ “နေဝင်းသူရိန်” ယိုစုံ လုပ်ငန်း၊ ကျောင်းကြီးအိုးတန်းလမ်း၊ ယွန်းတန်းရပ်ကွက်ရှိ “LaPyae”သောက်ရေသန့် လုပ်ငန်း နှင့် ယုဇနလမ်း၊ စံပြရပ်ကွက်ရှိ “ရွှေမဟာ” ယိုစုံလုပ်ငန်းသို့လည်းကောင်း၊ ပန်းတောင်းမြို့နယ် တာဝန်ခံနှင့်ဝန်ထမ်းများသည်‌ ဒေါင်းမြတ်နားရွာရှိ “ထက်ကောင်းမွန်” ပဲကြော်လုပ်ငန်းနှင့် ဝန်လိုရပ် ကွက်ရှိ “သဘာဝအရသာ” ယိုစုံလုပ်ငန်းသို့လည်းကောင်း၊ ပေါက်ခေါင်းမြို့နယ် တာဝန်ခံနှင့် ဝန်ထမ်းများသည် အမှတ်(၄)ရပ်ကွက်ရှိ “ဒေါ်ဆိတ်မ” ဣစိ္ဆတံ မုန့်လုပ်ငန်း သို့လည်းကောင်း သွားရောက်၍ ဈေးကွက်မရောက်မီ ကုန်စည်များတွင် ကုန်အညွှန်း အမှတ်အသားပါ ဖော်ပြချက် များပြည့်စုံမှန်ကန်စွာဖော်ပြမှုရှိစေရေး၊ သက်ဆိုင်ရာဌာန၏ ထောက်ခံ ချက်များရယူ၍ ဈေးကွက်ဖြန့်ဖြူးရောင်းချမှုရှိစေရေး ဈေးကွက်စောင့်ကြည့် စစ်ဆေးခဲ့ပါကြောင်းနှင့် စောင့်ကြည့် စစ်ဆေးခဲ့သည့် ကုန်စည်များတွင် ကုန်အညွှန်းအမှတ် အသားဖေါ်ပြချက်များနှင့်ကိုက်ညီမှုရှိ ပါကြောင်းသတင်း ရရှိပါသည်။

DOCA(ပဲခူး)

၂၀၂၆ခုနှစ်၊ ဩဂုတ်လအတွင်း ပြည်ခရိုင်ရှိ ဈေးကွက်ရောက်ပြီး ကုန်စည်များကို စောင့်ကြည့်စစ်ဆေးခြင်းလုပ်ငန်းများ ဆောင်ရွက်လျက်ရှိ

သတင်းနှင့် လှုပ်ရှားမှုများ

စားသုံးသူပြည်သူများအား ထုတ်ကုန်လုံခြုံစိတ်ချရမှုရှိစေရေး ဘေးအန္တရာယ်ရှိသော ကုန်စည်များ ဈေးကွက်အတွင်းမှ ပပျောက်စေရေးနှင့် စားသုံးသူကာကွယ်ရေးဥပဒေပါပြဌာန်း ချက်အရကုန်စည်များတွင်မြန်မာဘာသာဖြင့် ကုန်အညွှန်းအမှတ်အသား ဖေါ်ပြထားမှု အခြေအနေ တို့နှင့်စပ်လျဉ်း၍ သက်ဆိုင်ရာမိတ်ဖက်ဌာနများနှင့် ပူးပေါင်းကာ ဈေးကွက်စောင့် ကြည့်စစ်ဆေးခြင်း လုပ်ငန်းများဆောင်ရွက်လျက်ရှိရာ၂၀၂၆ခုနှစ်၊ ဩဂုတ်လ(၁၆)ရက်မှ (၃၁)ရက် အတွင်း ရွှေတောင်မြို့နယ် တာဝန်ခံနှင့်ဝန်ထမ်းများသည် ကြာနီကန်ရပ်ကွက်အတွင်းရှိ ကုန်စုံဆိုင်များနှင့် ယွန်းတန်းရပ်ကွက်ရှိ ဆေးဆိုင်များတွင်ရောင်းချလျက်ရှိသည့် ကလေးအာဟာရ ဖြည့်စွက်စာ အမျိုးမျိုးကိုလည်းကောင်း၊ ပေါက်ခေါင်းမြို့နယ်တာဝန်ခံနှင့် ဝန်ထမ်းများသည် အမှတ်(၃/၅) ရပ်ကွက်အတွင်းရှိ ကုန်စုံဆိုင်များနှင့်ပေါက်ခေါင်းမြို့ပေါ်ရပ်ကွက်ရှိဆေးဆိုင်များတွင်ရောင်းချလျက်ရှိသည့်ကလေးအာဟာရဖြည့်စွက်စာအမျိုးမျိုးကိုလည်းကောင်းသွားရောက်၍ ဈေးကွက် ရောက်ပြီးကုန်စည်များတွင် ကုန်အညွှန်းအမှတ် အသားပါ သတ်မှတ်ချက်များနှင့် ကိုက်ညီမှုရှိသော ကုန်စည်များကို တင်သွင်းရောင်းချခြင်း ရှိ/မရှိ၊ သက်ဆိုင်ရာဌာန၏ ထောက်ခံမှုရှိ/မရှိ ဈေးကွက် စောင့်ကြည့် စစ်ဆေးခဲ့ပါကြောင်းနှင့် စစ်ဆေးခဲ့သည့် ကုန်စည်များတွင် ကုန်အညွှန်းအမှတ်အသား ဖေါ်ပြချက်များနှင့် ကိုက်ညီမှုရှိပါ ကြောင်းသတင်းရရှိပါသည်။

DOCA(ပဲခူး)

၂၀၂၆ခုနှစ်၊ ဩဂုတ်လအတွင်း ပြည်ခရိုင်ရှိ အထူးဈေးကွက်စောင့်ကြည့် စစ်ဆေးခြင်းများဆောင်ရွက်လျက်ရှိ

သတင်းနှင့် လှုပ်ရှားမှုများ

၂၀၂၆ခုနှစ်၊ဩဂုတ်လတွင်း ပြည်ခရိုင်အတွင်းရှိမြို့နယ်များတွင် ကုန်စည်အမျိုးအစား အလိုက်ရည်ညွှန်းဈေးသတ်မှတ်ထားသည့်ဈေးနှုန်းအတိုင်းရောင်းချမှုရှိစေရေး၊ အလေးချိန်၊ အချိန် အတွယ်ပြည့်စုံ မှန်ကန်စွာရောင်း ချမှုရှိ စေရေးနှင့်ဈေးကွက် အတွင်းကုန်ပစ္စည်း ပြတ်လပ်မှု မရှိစေရေးတို့အတွက် ရည်ရွယ်၍ပြည်မြို့နယ်တာဝန်ခံနှင့် ဝန်ထမ်းများသည် ရွာဘဲရပ်ကွက်ရှိ ကုန်စုံဆိုင်များသို့ စားသုံးဆီအမျိုးမျိုးကိုလည်းကောင်း၊ ရွှေတောင်မြို့နယ်တာဝန်ခံနှင့် ဝန်ထမ်း များသည် မြို့မဈေးကြီးအတွင်းရှိ ကုန်စုံဆိုင်များသို့ စားသုံးဆီ အမျိုးမျိုးကိုလည်းကောင်း၊ ပန်းတောင်းမြို့နယ်တာဝန်ခံနှင့်ဝန်ထမ်းများသည် ပန်းတောင်းဈေးအတွင်းရှိ ကုန်စုံဆိုင်များသို့ စားသုံးဆီ အမျိုးမျိုးကိုလည်းကောင်း၊ ပေါက်ခေါင်းမြို့နယ် တာဝန်ခံနှင့်ဝန်ထမ်းများသည် ပေါက်ခေါင်းမြို့မဈေးကြီး အတွင်းရှိ စားသုံးဆီအမျိုးမျိုး ရောင်းချနေသည့် ဆိုင်များသို့ မြို့နယ် ရဲတပ်ဖွဲ့၊ မြို့နယ်ထွေအုပ်၊ မြို့နယ်လဝက၊မြို့နယ်မွေးကု၊မြို့နယ်စီမံကိန်း အဖွဲ့တို့ဖြင့်သွားရောက်၍ အထက်ဖော်ပြပါ ရည်ရွယ်ချက်အတိုင်း ရောင်းချမှုရှိ/မရှိ စစ်ဆေးခဲ့ရာ ဈေးနှုန်းမြင့်တင်ရောင်းချမှု မရှိဘဲအလေးချိန်၊အချိန်အတွယ်မှန်ကန်ပြည့်စုံစွာဖြင့်ရောင်းချလျက်ရှိကြောင်းသတင်းရရှိပါသည်။

DOCA(ပဲခူး)

ရွှေတောင်မြို့တွင်ဈေးကွက်စောင့်ကြည့်စစ်ဆေးခြင်း‌ဆောင်ရွက်

သတင်းနှင့် လှုပ်ရှားမှုများ

ပြည်ခရိုင်၊ ရွှေတောင်မြို့နယ်ရှိ စားသုံးသူရေးရာဦးစီးဌာနမှ ဝန်ထမ်းများသည် ပြည်ခရိုင်၊ အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်ကျန်းမာရေးဦးစီးဌာန၊ မြို့နယ်အထွေထွေ အုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြန်မာနိုင်ငံရဲတပ်ဖွဲ့၊ မြို့နယ်မွေးမြူရေးနှင့် ကုသရေးဦးစီးဌာနတို့နှင့် ပူးပေါင်း၍ ၂၀၂၆ ခုနှစ်၊ စက်တင်ဘာလ၊ (၁)ရက်နေ့တွင် ရွှေတောင် မြို့နယ်ရှိ ဆေးဆိုင်နှင့် အလှကုန်ဆိုင်များအား ဘေးအန္တရာယ်ကင်းရှင်းရေးအတွက် ရှောင်တခင် ကွင်းဆင်းစစ်ဆေးခြင်းဆောင်ရွက်ခဲ့ပါသည်။ အဆိုပါစစ်ဆေးခဲ့ရာတွင် ဆေးဆိုင်၊ အလှကုန်ဆိုင်များအား ကုန်အညွှန်းအမှတ်အသားပြည့်စုံသည့် ကုန်ပစ္စည်းများသာ ရောင်းချရန် သက်တမ်းလွန် ကုန်ပစ္စည်းများရောင်းချခြင်းမပြုရန် မှာကြားခြင်း၊ စားသုံးသူအခွင့်အရေးနှင့် စီးပွားရေး လုပ်ငန်းရှင်၏ တာဝန်များအကြောင်း ရှင်းလင်းဆွေးနွေးခြင်းဖြင့် စစ်ဆေးခြင်းလုပ်ငန်းများ ဆောင်ရွက်ခဲ့ကြောင်း သိရသည်။

DOCA(ပဲခူး)

တောင်ငူခရိုင်ဦးစီးမှူးရုံးတွင် “စားသမျှ၊သောက်သမျှတို့ လုံခြုံဘေးကင်းကြစေဖို့” ခေါင်းစဉ်ဖြင့် Thursday Talk အစီအစဉ် ကျင်းပပြုလုပ်

သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံးတွင် ဝန်ထမ်းများ စွမ်းဆောင်ရည် မြှင့်မားစေရန် ဗဟုသုတတိုးပွားစေရန်နှင့်HRကဏ္ဍတိုးတက်မြင့်မားစေခြင်း၊ ဦးစီးဌာန၏ လုပ်ငန်း များ အောင်မြင်စွာ အကောင်အထည်ဖော် ဆောင်ရွက်နိုင်ရေးအတွက် ရည်ရွယ်၍ “Thursday Talk” အခမ်း အနားကို ၄.၉.၂၀၂၆ ရက်နေ့ မွန်းလွဲ ၁၃:၃၀ နာရီတွင် ကျင်းပပြုလုပ်ခဲ့ပါသည်။ အခမ်းအနားသို့ တောင်ငူခရိုင်ဦးစီးမှူးရုံးမှ ဒုခရိုင်ဦးစီးမှူး ဦးဆောင်၍ ဝန်ထမ်း (၁၅)ဦး တက်ရောက်ခဲ့ကြပါသည်။

အဆိုပါ အခမ်းအနားတွင် တောင်ငူခရိုင်ဦးစီးမှူးရုံးမှ ဦးဉာဏ်လင်းဟိန်း အငယ်တန်းစာရေးက ၂၀၂၆ ခုနှစ်၊ ဇွန်လ ၂၃ရက်နေ့ ထုတ် မြန်မာ့အလင်းသတင်းစာတွင် ပါရှိသည့် “စားသမျှ၊သောက်သမျှတို့ လုံခြုံဘေးကင်းကြစေဖို့” ခေါင်းစဉ်ဖြင့် စားသုံးသူပြည်သူများ နေ့စဉ်အသုံးပြု/စားသုံးနေရသောရေနှင့် အစားအစာတို့ ကျန်းမာရေးနှင့်ညီညွတ်ရန် ဘေးကင်းလုံခြုံ ရန် လိုအပ်ကြောင်း၊စားသောက်ဖွယ်ရာတို့ ဘေးကင်းလုံခြုံရေးဟူသည် စတင်ထုတ် လုပ်သည့်နေရာ မှ စားသုံးသူ၏ စားပွဲပေါ်သို့ ရောက်ရှိသည်အထိ ကွင်းဆက်တစ်လျှောက်လုံးတွင် ကောင်းမွန်သော အလေ့အကျင့်များဖြင့် ထိန်းသိမ်း ဆောင်ရွက်ကြရခြင်း ဖြစ်ကြောင်း၊စားသောက်ဖွယ်ရာ များ ဘေးကင်းလုံခြုံရေး၊ စားသုံးသူများဘေးအန္တရာယ်ကင်းရှင်းရေးသည် ထုတ်လုပ်သူများ၊ သယ်ယူပို့ ဆောင် ဖြန့်ဖြူးသူများ၊ရောင်းချသူများက ဥပဒေစည်းမျဉ်းစည်းကမ်း စံချိန် စံညွှန်းများနှင့်အညီ လုပ်ကိုင်ဆောင်ရွက်မှု၊ မိမိ၏အလုပ်နှင့် စားသုံးသူပြည်သူများအပေါ် စေတနာထား လုပ်ကိုင်မှု တို့အပေါ်တွင် တည်ရှိနေခြင်း၊ ထုတ်လုပ်သူ၊ သယ်ဆောင်ရောင်းချသူများနှင့် စားသုံးသူများပါ အစားအသောက် ဘေးအန္တရာယ် ကင်းရှင်းရေးတွင် ရှောင်ကြဉ်၊ လိုက်နာသင့်သည်များကို အစားအစာ လုံခြုံဘေးကင်းကြစေကြောင်းစသည့် အကြောင်းအရာများအား ဟောပြောဆွေးနွေး ခဲ့ရာ ဟောပြော ဆွေးနွေးချက်များအပေါ် ဒုတိယ ခရိုင်ဦးစီးမှူးနှင့် ဝန်ထမ်းများက အပြန်အလှန် ဆွေးနွေးပေးခဲ့ကြပြီး “Thursday Talk” အစီအစဉ် ကျင်းပခြင်းကို (၁၅:၃၀)နာရီ အချိန်တွင် ရုတ်သိမ်းခဲ့ပါသည်။

DOCA(ပဲခူး)

Languages

Main menu

သတင်းနှင့် လှုပ်ရှားမှုများ

မြိတ်မြို့အတွင်း ဆေးဆိုင်များတွင် သက်တမ်းလွန်ဆေးဝါးများရောင်းချမှုမရှိစေရေး ရှောင်တခင်စစ်ဆေးခြင်း

အွန်လိုင်းမှတ်ပုံတင်ထားသည့် ဆန်ရောင်းဝယ်ရေးလုပ်ငန်းရှင်ထံသို့ မြေပြင်ကွင်းဆင်းစစ်ဆေးခြင်း

ဈေးကွက်မရောက်မီ ကုန်စည်များအား ထုတ်ကုန်လုံခြုံစိတ်ချရမှုရှိစေရေး ဈေးကွက်စောင့်ကြည့်စစ်ဆေးခြင်း

ဦးစားပေးကုန်စည်ဖြစ်သော သောက်ရေသန့်အမျိုးမျိုးအား ဈေးကွက်စောင့်ကြည့်စစ်ဆေးခြင်း

ပြည်ခရိုင်အတွင်းရှိ စားသုံးသူကာကွယ်ရေးဆိုင်ရာအသိပညာပေးဟောပြောဆွေးနွေးခြင်း

ပြည်ခရိုင်အတွင်း ဈေးကွက်မရောက်မီကုန်စည်များကို စောင့်ကြည့်စစ်ဆေးခြင်းများ ဆောင်ရွက်လျက်ရှိ

၂၀၂၆ခုနှစ်၊ ဩဂုတ်လအတွင်း ပြည်ခရိုင်ရှိ အထူးဈေးကွက်စောင့်ကြည့် စစ်ဆေးခြင်းများဆောင်ရွက်လျက်ရှိ

ရွှေတောင်မြို့တွင်ဈေးကွက်စောင့်ကြည့်စစ်ဆေးခြင်း‌ဆောင်ရွက်

Pages

You are here

သတင်းနှင့် လှုပ်ရှားမှုများ

Pages