ပြည်တွင်းကုန်သွယ်မှုသတင်း

   ကယားပြည်နယ်၊ လွိုင်ကော်မြို့တွင် စက်သုံးဆီအရောင်းဆိုင်များ ပုံမှန်ပြန်လည်ဖွင့်လှစ် ရောင်းချနေကြပြီး ၂၀၂၅ခုနှစ်၊ နိုဝင်ဘာလ (၂၈)ရက်နေ့တွင် ဖြစ်ပေါ်နေသော စက်သုံးဆီဈေးနှုန်း များမှာ Octane(92) တစ်လီတာလျှင် (၃၃၅၀)ကျပ်၊ Octane(95) တစ်လီတာလျှင် (၃၄၃၀)ကျပ်၊ ပရိမီယမ်ဒီဇယ် တစ်လီတာလျှင် (၃၈၉၀)ကျပ်၊ ရိုးရိုးဒီဇယ် တစ်လီတာလျှင် (၃၃၇၅) ကျပ်ဖြင့် ရောင်းချနေကြောင်းသိရပါသည်။

   ယခင်တစ်ပတ်ဈေးနှုန်းများမှာ Octane(92) တစ်လီတာလျှင် (၃၄၆၀)ကျပ်၊ Octane(95) တစ်လီတာလျှင် (၃၅၃၅)ကျပ်၊ ပရိမီယမ်ဒီဇယ် တစ်လီတာလျှင် (၃၉၅၅)ကျပ်၊ ရိုးရိုးဒီဇယ် တစ်လီ တာလျှင် (၃၄၁၅) ကျပ်ဖြင့် ရောင်းချခဲ့ကြပြီး ဈေးနှုန်းများနှိုင်းယှဉ်ကြည့်လျှင် Octane(92) တစ်လီ တာလျှင် (၁၁၀)ကျပ်၊ Octane(95)တစ်လီတာလျှင် (၁၀၅)ကျပ်၊ ပရီမီယမ်ဒီဇယ် တစ်လီတာလျှင် (၆၅)ကျပ်၊ ရိုးရိုးဒီဇယ်တစ်လီတာလျှင် (၄၀)ကျပ်စီဖြင့်  ဈေးနှုန်းများကျဆင်းသွာကြောင်း စက်သုံးဆီရောင်းချသူများထံမှ သိရှိရပါသည်။

DOCA(ကယား)

   စားသုံးသူပြည်သူများ စားသုံးဆီဝယ်ယူစားသုံးရာတွင် ဘေးအန္တရာယ် ကင်းရှင်းသော စားသုံးဆီများကို သင့်တင့်သောဈေးနှုန်းဖြင့်  ဝယ်ယူစားသုံးနိုင်စေရန်နှင့် ပြည်တွင်းလိုအပ် ချက်များကိုဖြည့်ဆည်းပေးနိုင်ရန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီက ဆောင်ရွက်ပေးလျက်ရှိ ကြောင်းသိရပါသည်။

          ပြည်တွင်းလိုအပ်ချက်ကိုဖြည့်ဆည်းပေးနိုင်ရေးစားအုန်းဆီကို ပြည်ပမှဝယ်ယူတင်သွင်း ရာတွင် စားအုန်းဆီတင်ပို့သည့်နိုင်ငံများ၏ စျေးနှုန်းအတက်အကျပေါ်မူတည်၍ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများဖြစ်ပေါ်စေရေးကို ထိန်းကျောင်းဆောင်ရွက်လျက်ရှိသည်။

          ပြည်ပမှစားအုန်းဆီထုတ်လုပ်တင်ပို့သည့်နိုင်ငံများတွင် ဈေးကွက်နှင့် ဈေးနှုန်းဖြစ်ပေါ် မှုများအရ ၂၀၂၅ခုနှစ်၊ ဒီဇင်ဘာလ  ၁9 ရက်နေ့မှ 25 ရက်နေ့အထိ ရန်ကုန်အထိုင်ဈေး အခြေခံ လက်ကားရည်ညွှန်းဈေးနှုန်းမှာ စားအုန်းဆီတစ်ပိဿာလျှင်ငွေကျပ်၆,0၅0 ဖြစ်ကြောင်း စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီက အသိပေး ထုတ်ပြန်ကြေညာထားကြောင်း သိရှိရပါ​သည်။     

          ပြည်တွင်းဈေးကွက်အတွင်း အဆိုပါထုတ်ပြန်ကြေညာထားသည့် စျေးနှုန်းထက်   ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းအပါအဝင် မသမာသည့် လုပ်ဆောင်မှုများ ပြုလုပ်ပါက အရေးကြီးကုန်စည်နှင့်ဝန်ဆောင်မှုဥပဒေအရ အရေးယူဆောင်ရွက်သွားမည်ကြောင်းသိရှိရသည်။

          စားအုန်းဆီ အခြေခံလက်ကားရည်ညွှန်းဈေးနှုန်းကို အပတ်စဉ် သောကြာနေ့တိုင်း ထုတ် ပြန်ကြေညာလျက်ရှိပြီး စားသုံးသူပြည်သူများအနေဖြင့် စားသုံးသူရေးရာဦးစီးဌာန၏ Website: www.doca.gov.mm၊  Facebook Page  နှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်း၏ Facebook Page တို့တွင် ဝင်ရောက် ကြည့်ရှုလေ့လာနိုင်ကြောင်းသိရှိရပါသည်။

     ကရင်ပြည်နယ် ဘားအံမြို့တွင် နိုဝင်ဘာလ ပိုင်းမှစ၍ ဈေးကွက်အတွင်းသို့ ရေချိုငါးများ ပေါ များစွာ ဝင်ရောက်လာလျက်ရှိကြောင်း တွေ့ရသည်။ အခြေခံကုန်ဈေးနှုန်းများ မြှင့်တက်လာခြင်းဖြစ် ပေါ်နေသော်လည်း ဒေသထွက်ရေချိုတောငါးများ ဖြစ်သည့် ငါးစင်ရိုင်း၊ ငါးဘဲဖြူ၊ ငါးစင်စပ်၊ ငါးခုံးမ၊ ငါးသံချိတ် စသသည့် ငါးများမှာ တစ်ပိဿာလျှင် ပျမ်းမျှ (၁၅၀၀၀)ကျပ် မှ (၁၇၀၀၀)ကျပ်တို့ဖြစ် အရောင်းအဝယ်ဖြစ်လျက်ရှိကြောင်း သိရှိရပါသည်။

     ထို့အပြင် ဘားအံမြို့ရှိ ငါးဒိုင်များသို့ ဝင်လာသည့် မွေးမြူရေးငါးနှင့်ချောင်းငါးများဖြစ်သော ငါးတန်၊ ငါးမြစ်ချင်း၊ ငါးကြင်း၊ ငါးသိုင်းခေါင်းပွ၊ ငါးမုတ် စသောငါးများမှာ လတ်ဆတ်မှုရှိပြီး ဈေးနှုန်း မှာ (၁၂၀၀၀)ကျပ် မှ (၃၅၀၀၀)ကျပ် ထိ အမျိုးအစားအလိုက် ဈေးနှုန်းဖြစ်ပေါ် လျက်ရှိကြောင်းနှင့် အရွယ်အစားမှာ ပေါင်းစားစား၊ ချက်စားစား (၃၀)ကျပ်သားမှ တစ်ပိဿာကျပ်သား အရွယ်ရှိပြီး အရောင်းသွက်လျက်ရှိကြောင်းနှင့် အမဲသား၊ ဝက်သား၊ ဆိတ်သားများ ဈေးနှုန်းကြီးမြှင့် လာသောကြောင့် ငါးစားသုံးမှု သိသိသာသာ မြင့်တက်လာကြောင်း သိရသည်။

DOCA(ကရင်)

         ပွင့်လင်းရာသီ ဒီဇင်ဘာလတွင် ကရင်ပြည်နယ် ဘားအံမြို့ဒေသထွက် ကိုင်းခရမ်းချဥ်သီး  ဈေးကွက်အတွင်း အရောင်းအဝယ် ဖြစ်လျက်ရှိကြောင်း သိရသည်။

          ကိုင်းခရမ်းချဥ်သီးမျာကို အကြီး၊အသေး မခွဲခြားဘဲ လက်ကားဈေးနှုန်းတစ်ပိဿာလျှင် (၁၃၀၀၀) ကျပ်ဖြင့် ရောင်းချကြောင်း ပြောကြားခဲ့သည်။ ဈေးကွက်အတွင်း ကိုင်းခရမ်းချဥ်သီး ဈေးနှုန်းမှာ ကိုင်းခရမ်းချဥ်သီး အလုံးကြီး တစ်ပိဿာလျှင် (၁၅၀၀၀)ကျပ်၊ ခရမ်းချဥ်သီး အလုံးသေး တစ်ပိဿာလျှင်(၁၃၀၀၀) ကျပ်တို့ဖြင့် အရောင်းအဝယ် ဖြစ်လျက်ရှိကြောင်း သိရသည်။

DOCA(ကရင်)

      ကရင်ပြည်နယ် ဘားအံမြို့၏ ဈေးကွက်အတွင်း သံပရာသီးများ ဈေးကောင်းရလျက် ရှိကြောင်း သိရသည်။ သံပုရာသီးကို ဘားအံမြို့အနီးတဝိုက်ကျေးရွာများတွင် စီးပွားဖြစ်စိုက် ပျိုးကြသည်။ ဘားအံမြို့ဈေးကွက်အတွင်းသို့ဝင်ရောက်လာသော သံပုရာသီးများမှာ ဘားအံမြို့အနီး ရှိ ကျေးရွာများနှင့် ကြာအင်းဆိပ်ကြီး၊မော်လမြိုင်နှင့် ရေးမြို့တို့ မှ ဖြစ်သည်။ မြန်မာ သံပုရာသီး အိတ်ကြီးတစ်အိတ်လျှင် (၂၃၀၀၀၀)ကျပ်ဖြစ်ပြီး တစ်အိတ်တွင် အလုံးရေ ၁၅၀၀ မှ ၁၇၀၀ ကြားအထိပါရှိသည်။ သံပုရာသီးဈေးနှုန်းများမှာ သံပုရာသီးအလုံးကြီး တစ်လုံးလျှင် (၅၀၀)ကျပ်၊ အလုံးလတ် တစ်လုံးလျှင်(၃၀၀)ကျပ်နှင့် အလုံးသေးတစ်လုံးလျှင်(၂၀၀)ကျပ်ဖြင့် အရောင်းအဝယ် ဖြစ်ကာ ယိုးဒယားသံပုရာသီး တစ်လုံးလျှင်(၃၅၀)ကျပ် တို့ဖြင့် အရောင်းအဝယ်ဖြစ်နေကြောင်းနှင့် ကရင်ပြည်နယ်ဒေသအတွင်း သံပုရာသီး၊ ရှောက်သီးများကို ကရင်ပြည်နယ် ကြာအင်းဆိပ်ကြီး မြို့နယ်တွင်  အများဆုံးစိုက်ပျိုးကြကြောင်း သိရှိရပါသည်။

DOCA(ကရင်)