ပြည်တွင်းကုန်သွယ်မှုသတင်း

              မန္တလေးတိုင်း‌ဒေသကြီးအတွင်း စားဖိုစောင်သီးနှံမျိုးစုံစိုက်ပျိုးထွက်ရှိပြီး၊ ၂၀၂၄-၂၀၂၅ ခုနှစ် တွင်နနွင်းတက်စိုက်ပျိုးမှု ၂၈၉၉ ဧက၊ရိတ်သိမ်းမှု ၂၈၆၇ ဧက၊ အထွက်နှုန်း ၁၇၀၃.၆၉ တင်း၊ ထွက်ရှိ မှု ၄၈၈၄၄၇၁ တင်းဖြစ်ကြောင်း သိရှိရပါသည်။ မန္တလေးစျေးကွက်အတွင်း ၂၀၂၅ ခုနှစ်   နိုဝင်ဘာလ နောက်ဆုံးပတ်အတွင်း ဖြစ်ပေါ်လျက်ရှိသောပေါက်စျေးမှာ နနွင်းတက်တစ်ပိဿာလျှင် လက္ကားစျေး ၉၀၀ဝိ/- နှင့် ၁၀၀၀ဝိ/- ၊ လက်လီစျေး ၁၁၀၀ဝိ/- နှင့် ၁၃၀၀ဝိ/-ဖြစ်ပြီး၊ လက်လီစျေး နနွင်းမုန့် ၁၆၀၀ဝိ/-နှင့် ၁၈၀၀ဝိ/-စျေးတို့ ဖြင့်ရောင်းချလျက်ရှိကြောင်း သိရှိရပါသည်။ နနွင်းတက်စျေးနှုန်းမှာ ယခင်လပေါက်စျေးနှင့်နှိုင်းယှဉ်ပါက မန္တလေးစျေးချိုကိုင်းတန်းစျေးကွက်တွင် စျေးငြိမ်လျက်ရှိကြောင်း သိရှိရပါသည်။

DOCA  (မန္တလေး)

       ဧရာဝတီတိုင်းဒေသကြီး၊ မအူပင်မြို့နယ်တွင် ရာသီစာ ဟင်းသီးဟင်းရွက်သီးနှံများကို စိုက်ပျိုး၍ စီးပွားဖြစ်စိုက်ပျိုးကြောင်း ဗုံလုံသီး (ခေါ်) ပဲလင်းမြွေသီး စိုက်ပျိုးရေးလုပ်ငန်းမှာ အောင်မြင်ဖြစ်ထွန်း၍ နေ့စဉ်အပိုဝင်ငွေရရှိပြီး စီးပွားဖြစ်ထွန်း၍  မအူပင်မြို့နယ်၊ တလုပ်လပ် ကမ်းနားသဲသောင်မြေပေါ်တွင် စိုက်ပျိုးကြောင်း ဒေသခံတောင်သူများထံမှ သိရသည်။

      စိုက်ပျိုးမှု အနေဖြင့် ဗုံလဲသီး မျိုးစေ့ တစ်စေ့ကို ၂၀၀ကျပ်ဖြင့် ၁ဧကတွင် အစေ့ ၃၀၀၀ စိုက်ပျိုးပြီး ၂၀၂၅ခုနှစ် အောက်တိုဘာလက စတင်စိုက်ပျိုးခဲ့ပြီး ဗုံလုံသီးထွက်ရှိမှုမှာ  ၂၀၂၅ခုနှစ် မတ်လတွင် အသီးမျိူး ပြတ်မည်ဖြစ်ကြောင်း သိရသည်။ စိုက်ပျိုးမှု ကုန်ကျစရိတ် ဝါး၊ မျိုး၊ လုပ်သား၊ သွင်းအားစု ကုန်ကျစရိတ် ၃၀ ၀၀၀ ၀၀၀ကျပ် ခန့် ကုန်ကျကြောင်း သိရသည်။ စိုက်ပျိုးရာ၌ စိုက်ဘောင်စနစ်ဖြင့် ကျင်းတူးကာ တစ်ကျင်းနှင့် တစ်ကျင်း ငါးပေခန့်ခွာ ၍ မျိုးစေ့ချ စိုက်ပျိုးနိုင်သည်။ စိုက်ပျိုးပြီး (၁၀)ရက်ခန့်တွင် အပင်ပေါက်ပြီး နွယ်တက်ရန်အတွက် ဝါးခြမ်းများစိုက်၍ စင်ထိုးခြင်းကို ပြုလုပ်ပေးရန်လိုအပ်ပြီး ရေကိုနှစ်ရက်ခြား၊ သုံးရက်ခြားတစ်ကြိမ် ရေလောင်းပေးရန် လိုအပ်ပါသည်။ စိုက်ပျိုးပြီး တစ်လကျော်အကြာတွင် အသီးများ စတင်သီးကာ အသီးများကို ခဲဆွဲထားရန်လည်း လိုအပ်ပြီး ၁ဧကတွင် သီးနှံ အတောင့်ရေ လေးသောင်းနှစ်ထောင်အထိ ဆွတ်ခူးရရှိနိုင်ကြောင်း သိရသည်။ 

      ဈေးနှုန်းအနေဖြင့် စတင်ထွက်ရှိချိန်က ၁တောင့်ကို ၁၀၀၀/-၊ ကျပ်ဈေးကောင်းရရှိပြီး ယနေ့ဈေးနှုန်း တစ်တောင့်ကို လက်ကားဈေး ၃၀၀-၅၀၀ ကျပ်ဖြင့်သာ ရောင်းချရကြောင်း သိရသည်။ ရန်ကုန်သို့ အဓိက ထား တင်ပို့ရောင်းချပြီး စိုက်ပျိုးမှု အကျိုးအမြတ်အနေဖြင့် ငါးလတာအတွင်း အကျိုးအမြတ်နှုတ်ပြီး သိန်း ၁၀ နီးပါး ခန့် ကျန်ရှိနိုင်ကြောင်းကို စိုက်ပျိုးတောင်သူပြောကြားချက်အရ သိရသည်။

DOCA(ဧရာဝတီ)

                မန္တလေးဈေးကွက်အတွင်းသို့ ကျောက်ဆည်၊ စဉ့်ကိုင်၊ မြစ်သား၊ မတ္တရာ၊ ရွှေဘိုမြို့နယ် ဘက်မှ ငှက်ပျောသီးများ ဝင်ရောက်လျှက်ရှိပါသည်။ ငှက်ပျောသီးအမျိုးအစားများစွာ ရှိသည့်အပြင် ရခိုင် ငှက်ပျော၊ ဖီးကြမ်းငှက်ပျောနှင့် သီးမွှေးငှက်ပျောသီးများ မန္တလေးဈေး ကွက်အတွင်းသို့ အများ အပြားဝင်ရောက်လျှက်ရှိပါသည်။ ငှက်ပျောသီးသည် အာဟာရ ဓာတ်များ စွာပါဝင်သည့် အသီးတစ်မျိုး ဖြစ်ပါသည်။ ငှက်ပျောသီးမှာပါဝင်တဲ့  ပိုတက်စီယမ် ဓာတ်နဲ့ မဂ္ဂနီစီယမ်ဓာတ်တွေက နှလုံးကျန်းမာ ရေးအတွက်များစွာ အထောက် အကူဖြစ်စေပြီး အထူး သဖြင့် သွေးဖိအားကို  ပုံမှန်ဖြစ်စေဖို့   ထိန်းညှိ ပေးနိုင်ပါသည်။ ငှက်ပျောသီးကို ဘုရားကန်တော့ပွဲနှင့် ရိုးရာဘုရားကန်တော့ပွဲများတွင်လည်း အသုံးပြုကြသည်။ ငှက်ပျောသီးများမှာ အခွံနွှာ၍ အသင့်စားသုံးနိုင်သည့် အသီးဖြစ်သည့်အပြင် ငှက်ပျောပူတင်း၊ ငှက်ပျောသီးကြော်၊ ငှက်ပျောပေါင်း၊ ငှက်ပျောကိတ်မုန့်၊ စသည့်ဖြင့် နှစ်သက်သည့်အတိုင်း စားသုံးကြပါသည်။ ငှက်ပျောသီးတွင် အမျှင်ဓါတ်များစွာပါဝင်သည့်အတွက် ဝမ်းချုပ်ခြင်းအတွက် ကာကွယ်ပေးပြီး အစာအိမ်နှင့် အူလမ်းကြောင်း ကျန်းမာရေးအတွက် အကျိုးကျေးဇူးများစွာ ရရှိနိုင် မည်ဖြစ်ပါသည်။ ငှက်ပျောသီးတွင်ပါဝင်သော ကိုယ်ခံအားကောင်းစေခြင်း၊ ငှက်ပျောသီး စားသုံး ခြင်းဖြင့်အရိုးအဆစ်များကိုသန်မာစေပါသည်။ ဖီးကြမ်းငှက်ပျောသီး တစ်ဖီးလျှင်(၂၅၀၀/ ၃၀၀၀) ကျပ်၊ ရခိုင်ငှက်ပျောသီးတစ်ဖီးလျှင်(၂၀၀၀/၂၅၀၀)ကျပ်နှင့် သီးမွှေး ငှက်ပျောတစ်ဖီးလျှင်(၂၅၀၀/ ၃၀၀၀)ကျပ်ဖြင့် ဈေးနှုန်းဖြင့် အရွယ်အစားအကြီးအသေးအပေါ်မူတည်၍  ရောင်းချ လျှက်ရှိကြောင်း ငှက်ပျောသီးအရောင်းဆိုင်မှ သိရှိရသည်။    

DOCA(မန္တလေး)                                                                          

       ပြည်တွင်းစားဆီကြိတ်ခွဲမှုနှင့် ပြည်ပသို့တင်ပို့သည့်နှမ်းအား မန္တလေးတိုင်းဒေသကြီးအတွင်း ၂၀၂၅-၂၀၂၆ ခုနှစ်တွင် စိုက်ပျိုးမှု ၉၂၃၁၅၃ ဧက၊ရိတ်သိမ်းမှု ၈၉၈၀၅၂ ဧက၊ အထွက်နှုန်း ၅.၁၉ တင်းနှင့် အထွက်စုစုပေါင်း ၄၆၆၁၉၈၈ တင်းဖြစ်ကြောင်း သိရပါသည်။  မန္တလေးပွဲစား၊ ကုန်သည်စက်ပိုင်များ မဟာကထိန်တော်အသင်းတွင် ၂၀၂၅ ခုနှစ်ဒီဇင်ဘာလဒုတိယပတ်အတွင်း နှမ်းအမျိုးအစားအလိုက် ပေါက်စျေးများမှာ ၃တင်းဝင်အိတ် (၄၅ပိဿာပါ)တစ်အိတ်လျှင် နှမ်းဖြူ (ဂျပန်) ၂၈၅၀၀၀ ကျပ်နှင့် ၂၉၀၀၀၀ကျပ်၊နှမ်းဖြူ(ဗမာ)၂၆၅၀၀၀ကျပ်နှင့် ၂၇၀၀၀၀ကျပ်၊နှမ်းညို ၂၆၀၀၀၀ ကျပ်နှင့် ၂၇၅၀၀၀ကျပ်၊ တစ်ပိဿာစျေးမှာ နှမ်းဖြူ (ဂျပန်) ၆၃၃၃ကျပ်နှင့် ၆၄၄၄ ကျပ်၊ နှမ်းဖြူ(ဗမာ)၅၈၈၉ကျပ်နှင့်၆၀၀၀ကျပ်၊ နှမ်းညို ၅၇၇၈ကျပ်နှင့် ၆၁၁၁ကျပ် စျေးတို့ဖြစ်ပေါ်လျက်ရှိကြောင်း သိရပါသည်။ ယခင်နှစ်ကာလတူ ပေါက်စျေးမှာ တစ်ပိဿာလျှင် နှမ်းဖြူ(ဂျပန်) ၉၃၃၃ကျပ်နှင့် ၉၅၅၆ကျပ်၊ နှမ်းဖြူ (ရိုးရိုး) ၈၂၂၂ ကျပ်နှင့် ၈၅၅၆ ကျပ်၊နှမ်းညို ၇၀၀၀ ကျပ်နှင့် ၇၁၁၁ ကျပ်၊နှမ်းနီ ၇၇၇၈ ကျပ်နှင့်၇၈၈၉ ကျပ်၊ နှမ်းဝါ ၇၄၄၄ ကျပ်နှင့် ၇၅၅၆ကျပ်တို့ ဖြစ်ပေါ်ခဲ့ပြီး၊ ယခုနှစ်နှင့် ယခင်နှစ်ကာလတူ စျေးနှိုင်းယှဉ်ပါက မန္တလေးစျေးကွက်တွင်နှမ်းစျေးမှာ အနည်းငယ်ကျဆင်းသွားကြောင်း သိရှိရပါသည်။

DOCA(မန္တလေး)

         စျေးကွက်အတွင်းမြေပဲစျေးမှာ  ပြောင်းလဲမှုအနည်းငယ်သာရှိပြီး၊ယခင်နှစ်စျေးနှင့် နှိုင်းယှဉ်ပါက စျေးနှင့်နှိုင်းယှဉ်ပါက ယခုနှစ်စျေးမှာအနည်းငယ်ကျဆင်းသွားကြောင်း သိရှိရပါသည်။ မြေပဲမှာ စားသုံးဆီကြိတ်ခွဲခြင်းလုပ်ငန်းများနှင့် စားသောက်ကုန်တို့တွင် အသုံးပြုခြင်းတို့ကြောင့် ပြည်တွင်းစျေးကွက်နှင့် ပြည်ပသို့တင်ပို့သည့်သီးနှံဖြစ်ပြီး အရောင်းသွက်လျက်ရှိကြောင်း သိရပါသည်။ မန္တလေးတိုင်းဒေသကြီးအတွင်း ဆီထွက်သီးနှံမြေပဲအား မိုးနှင့် ဆောင်းရာသီများတွင် စိုက်ပျိုးပြီး၊ ၂၀၂၄-၂၀၂၅ ခုနှစ်မြေပဲစိုက်ပျိုးမှု ၆၃၈၆၂၆ ဧက၊ ရိတ်သိမ်းမှု ၆၃၇၄၄၇ ဧက၊ အထွက်နှုန်း ၄၆.၇၇ တင်း၊ အထွက် စုစုပေါင်း ၂၉၈၁၅၉၉၆ တင်းဖြစ်ကြောင်း သိရပါသည်။ မန္တလေးပွဲစား၊ ကုန်သည်စက်ပိုင်များမဟာကထိန်တော်အသင်းတွင် ၂၀၂၅ ခုနှစ် ဒီဇင်ဘာလဒုတိယပတ်အတွင်း ဖြစ်ပေါ်လျက်ရှိသည့် ပေါက်စျေးများမှာ မြေပဲတစ်ပိဿာလျှင် S1 လုံးဆန် ၈၃၀၀ ကျပ်နှင့် ၈၈၀၀ကျပ်၊S1 ဆီဆန်  ၇၇၀၀ ကျပ် နှင့်၇၈၅၀ကျပ်၊ Mတွဲလုံးဆန် ၈၃၀၀ ကျပ်နှင့် ၈၄၀၀ကျပ်၊M တွဲဆီဆန် ၇၈၀၀ ကျပ်နှင့် ၈၀၀၀ကျပ်၊ အနီလုံးဆန် ၈၁၅၀ ကျပ်နှင့် ၈၂၀၀ ကျပ်၊ ပြန့်ဆီဆန် ၇၇၀၀ကျပ်နှင့် ၇၈၀၀ကျပ် တို့ဖြစ်ကြောင်း သိရှိရပါသည်။ ယခင်နှစ်ကာလတူ တစ်ပိဿာစျေးမှာ S1 လုံးဆန် ၈၅၀၀ ကျပ်နှင့် ၈၇၀၀ ကျပ်၊S1 ဆီဆန် ၈၄၀၀ကျပ်နှင့် ၈၆၀၀ ကျပ်၊ အနီလုံးဆန် ၈၅၀၀ကျပ်နှင့် ၈၇၀၀ကျပ်၊ အနီဆီဆန် ၈၃၀၀ကျပ်နှင့် ၈၄၀၀ကျပ်၊Mတွဲလုံးဆန် ၈၉၀၀ ကျပ်နှင့် ၉၀၀၀ကျပ်၊ M တွဲဆီဆန် ၈၄၀၀ကျပ်နှင့် ၈၆၀၀ကျပ်၊ ပြန်ဆီဆန် ၈၆၀၀ကျပ်နှင့် ၈၇၀၀ကျပ် တို့ဖြစ်ပြီး၊ ယခင်နှစ်နှင့် ယခုနှစ်ကာလတူပေါက်စျေးနှိုင်းယှဉ်ပါက မြေပဲဆန်စျေးမှာ လျော့နည်းသွားကြောင်းသိရှိရပါသည်။

DOCA(မန္တလေး)