ပြည်တွင်းကုန်သွယ်မှုသတင်း

    ၇.၃.၂၀၂၄ ရက်နေ့တွင်  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

      တောင်ငူမြို့တွင် အခြေခံစားသောက်ကုန်များဖြစ်သော မြေပဲဆီမှာ ယခင်ဇန်နဝါရီလတွင် တစ်ပိဿာလျှင် ၁၆၀၀၀ကျပ်ရှိခဲ့ရာမှ ယခုဖေဖော်ဝါရီလ နောက်ဆုံးပတ်တွင် တစ်ပိဿာလျှင် ၁၇၀၀၀ကျပ်ဖြင့် ဈေးနှုန်းမြင့်တက်လာပြီး စားအုန်းဆီကိုမူ တစ်ပိဿာလျှင် ၇၀၀၀ကျပ်ဖြင့် ရောင်းချလျက်ရှိပါသည်။

      ကြက်သွန်နီမှာ ယခင်ဇန်နဝါရီလတွင် တစ်ပိဿာလျှင် အသေး ၂၈၀၀ကျပ်၊ အလတ် ၃၂၀၀ကျပ်၊ အကြီး ၃၆၀၀ကျပ်၊ တရုတ်ကြက်သွန်နီတစ်ပိဿာလျှင် ၄၀၀၀ကျပ်ရှိခဲ့ရာမှ ယခုဖေဖော်ဝါရီလ နောက်ဆုံးပတ်တွင် တစ်ပိဿာလျှင် အသေး ၁၈၀၀ကျပ်၊ အလတ် ၂၀၀၀ကျပ်၊ အကြီး ၂၃၀၀ကျပ်၊ တရုတ်ကြက်သွန်နီတစ်ပိဿာလျှင် ၂၅၀၀ ကျပ်ဖြင့် ဈေးနှုန်းကျဆင်းလာပါသည်။

      ကြက်သွန်ဖြူမှာ ယခင်ဇန်နဝါရီလတွင် တစ်ပိဿာလျှင် အသေး ၁၂၀၀၀ကျပ်၊ အလတ် ၁၅၀၀၀ကျပ်၊ အကြီး ၁၇၀၀၀ကျပ်၊ တရုတ်ကြက်သွန်ဖြူတစ်ပိဿာလျှင် ၁၇၀၀၀ကျပ်ရှိခဲ့ရာမှ ယခုဖေဖော်ဝါရီလ နောက်ဆုံးပတ်တွင် တစ်ပိဿာလျှင် အသေး ၁၇၀၀၀ကျပ်၊ အလတ် ၁၈၀၀၀ကျပ်၊ အကြီး ၂၀၀၀၀ကျပ်ဖြင့် ဈေးနှုန်းအနည်းငယ်မြင့်တက်လာပြီး တရုတ်ကြက်သွန်ဖြူမှာ တစ်ပိဿာလျှင် ၁၅၀၀၀ကျပ်ဖြစ်၍ ဈေးနှုန်းကျဆင်းလာပါသည်။

        အာလူးမှာ ယခင်ဖေဖော်ဝါရီလ တတိယပတ်တွင် တစ်ပိဿာလျှင် အသေး ၂၀၀၀ကျပ်၊ အလတ် ၂၈၀၀ကျပ်၊ အကြီး ၃၂၀၀ကျပ်၊ တရုတ်အာလူးတစ်ပိဿာလျှင် ၄၀၀၀ကျပ်ရှိခဲ့ရာမှ ယခုဖေဖော်ဝါရီလ နောက်ဆုံးပတ်တွင် တစ်ပိဿာလျှင် အသေး ၂၃၀၀ကျပ်၊ အလတ် ၂၆၀၀ကျပ်၊ အကြီး ၃၀၀၀ကျပ်၊ တရုတ်အာလူးတစ်ပိဿာလျှင် ၃၅၀၀ကျပ်ဖြစ်၍ ဈေးနှုန်း လျော့ည်းလာခဲ့ပါသည်။  

      ငရုတ်သီးခြောက် အပု/အရှည်မှာ တစ်ပိဿာလျှင် ၁၃၀၀၀ကျပ်မှ ၁၆၀၀၀ကျပ်အထိဖြင့် ဈေးနှုန်းတည်ငြိမ်နေပြီး ငရုတ်သီးခြောက်အပွမှာ ယခင်ဇန်နဝါရီလတွင် တစ်ပိဿာလျှင် ၂၀၀၀၀ကျပ်မှ ၂၃၀၀၀ကျပ်ရှိခဲ့ရာမှ ယခုဖေဖော်ဝါရီလ နောက်ဆုံးပတ်တွင် တစ်ပိဿာလျှင် ၂၃၀၀၀ကျပ်မှ ၂၅၀၀၀ကျပ်ဖြင့် ဈေးနှုန်းအနည်းငယ်မြင့်တက်လာခဲ့ပါသည်။

      မြေပဲဆန်(အဖြူ)မှာ ယခင်ဖေဖော်ဝါရီလ တတိယအပတ်တွင် တစ်ပိဿာလျှင် ၆၇၀၀ကျပ်မှ ၇၂၀၀ကျပ်ရှိခဲ့ရာမှ ယခုဖေဖော်ဝါရီလ နောက်ဆုံးပတ်တွင် တစ်ပိဿာလျှင် ၈၀၀၀ကျပ်အထိဖြင့် ဈေးနှုန်းအနည်းငယ်မြင့်တက်လာပြီး မြေပဲဆန် (အနီ) တစ်ပြည်လျှင်၈၀၀၀ကျပ်၊ ကုလားပဲခြမ်းမှာ တစ်ပိဿာလျှင် ၆၂၀၀ကျပ်ဖြင့် ဈေးနှုန်းတည်ငြိမ်နေကြောင်းသိရှိရပါသည်။

DOCA(ပဲခူး)

      တောင်ငူခရိုင်၊ ဖြူးမြို့တွင် ဒေသထွက်ပေါ်ဆန်းဆန်မှာ ယခင်ဇန်နဝါရီလတွင် တစ်အိတ်လျှင် ၁၁၀၀၀၀ကျပ်ရှိခဲ့ရာမှ ယခုဖေဖော်ဝါရီလ နောက်ဆုံးပတ်တွင် တစ်အိတ်လျှင် ၁၃၀၀၀ကျပ်၊ ဧည့်မထဆန်မှာ ယခင်ဇန်နဝါရီလတွင် တစ်အိတ်လျှင် ၇၅၀၀၀ကျပ်မှ ၈၀၀၀၀ကျပ်အထိရှိခဲ့ရာမှ ယခုဖေဖော်ဝါရီလ နောက်ဆုံးပတ်တွင် တစ်အိတ်လျှင် ၈၅၀၀၀ကျပ်မှ ၈၇၀၀၀ကျပ်အထိ ဈေးနှုန်းမြင့်တက်ပါသည်။

      စပါးဈေးနှုန်းမှာ ယခင်ဇန်နဝါရီလတွင် ဆန်စက်အရောက် တင်း၁၀၀လျှင် ကျပ်၂၁သိန်းမှ ကျပ်၂၂သိန်းအထိရှိခဲ့ရာမှ ယခုဖေဖော်ဝါရီလတွင် တင်း၁၀၀လျှင် ကျပ်သိန်း၂၀ဖြင့် ဈေးနှုန်းကျဆင်းလာပါသည်။

     ဆန်ကွဲအကြီး (ရိုးရိုး) မှာ တစ်အိတ်လျှင် ၅၂၀၀၀ကျပ်ဖြင့် ဈေးနှုန်းတည်ငြိမ်နေပြီး ကာလာပေါလစ်တင်တစ်အိတ်လျှင် ယခင်ဇန်နဝါရီလတွင် ၆၂၀၀၀ကျပ်ရှိခဲ့ရာမှ ယခုဖေဖော်ဝါရီလ နောက်ဆုံးပတ်တွင် တစ်အိတ်လျှင် ၆၅၀၀၀ကျပ်အထိဈေးနှုန်းမြင့်တက်လာပါသည်။ ဆန်ကွဲအသေးမှာ ယခင်ဇန်နဝါရီလတွင် တစ်အိတ်လျှင် ၄၈၀၀၀ကျပ်ရှိခဲ့ရာမှ ယခုဖေဖော်ဝါရီလတွင် ၄၅၀၀၀ကျပ်၊ ဖွဲနုမှာ ယခင်လတွင် တစ်အိတ်လျှင် ၁၉၀၀၀ကျပ်ရှိခဲ့ရာမှ ယခုလတွင် တစ်အိတ်လျှင် ၁၇၅၀၀ကျပ်ဖြင့် ဈေးနှုန်းကျဆင်းလာပါသည်။

      မတ်ပဲ(ပိဿာ၃၀)မှာ တစ်အိတ်လျှင် ၁၄၅၀၀၀ကျပ်ဖြင့် ဈေးနှုန်းတည်ငြိမ်နေပြီး ပဲလွန်းဖြူမှာ ယခင်ဇန်နဝါရီလတွင် တစ်အိတ်လျှင် ၉၀၀၀၀ကျပ်မှ ယခုဖေဖော်ဝါရီလ နောက်ဆုံး ပတ်တွင် ၁၀၀၀၀၀ကျပ်၊ ပဲတီစိမ်းမှာ ယခင်ဇန်နဝါရီလတွင် တစ်အိတ်လျှင် ၁၁၀၀၀၀ကျပ်ရှိခဲ့ရာမှ ယခုဖေဖော်ဝါရီလ နောက်ဆုံးပတ်တွင် တစ်အိတ်လျှင် ၁၁၅၀၀၀ကျပ်ဖြင့် ဈေးနှုန်းမြင့်တက်လာကြောင်းသိရပါသည်။

DOCA(ပဲခူး)

      ပဲခူးတိုင်းဒေသကြီး၊ ပြည်ခရိုင်၊ ပေါက်ခေါင်းမြို့နယ်အနေဖြင့် ယခုအချိန်ဖြစ်သော ဖေဖော်ဝါရီလမှစ၍ နွေစပါးများစတင်စိုက်ပျိုးလျက်ရှိပါသည်။ ပေါက်ခေါင်းမြို့နယ်အနေဖြင့် လျာထားသည့် နွေစပါးစိုက်ဧကမှာ ၁၁၃၄၄ဧကဖြစ်ပြီး ယခုအချိန်ဖြစ်သော ဖေဖော်ဝါရီလ နောက်ဆုံးပတ်အထိ ၃၉၅၁ဧကစိုက်ပျိုးပြီးစီးပြီဖြစ်ကြောင်းသိရပါသည်။ ပေါက်ခါင်းမြို့နယ်တွင် အဓိကစိုက်ပျိုးသော စပါးမျိုးများမှာ GW-11 မျိုးနှင့် ထိုင်းနှံကောက်မျိုးတို့ဖြစ်ပြီး အခြားစပါးမျိုးများကိုလည်း အနည်းငယ်စိုက်ပျိုးကြောင်းသိရပါသည်။ နွေစပါးစိုက်ပျိုးရာတွင် ပျိုးထောင်စနစ်ဖြင့် စိုက်ပျိုးခြင်းနှင့် ကျဲခင်း စိုက်ပျိုးခြင်းဟူ၍ (၂)မျိုးစိုက်ပျိုးကြပါသည်။ နွေစပါးတစ်ဧကလျှင် စိုက်ပျိုးထုတ်လုပ်မှုကုန်ကျစရိတ်မှာ Seeder စနစ်ဖြင့်စိုက်ပျိုးပါက ၂၂၀၀၀၀ကျပ်ခန့်ကုန်ကျပြီး ပျိုးထောင်စနစ်ဖြင့် စိုက်ပျိုးပါက တစ်ဧကလျှင် ကျပ်(၄)သိန်းခန့်ကုန်ကျကြောင်းသိရပါသည်။ စပါးအထွက်နှုန်းအနေဖြင့် ကျဲပက်ခင်းနှင့် ပျိုးထောင်ခင်းတို့မှာ အထွက်နှုန်းတူသော်လည်း ကျဲပက်ခင်းမှာ ကုန်ကျစရိတ်နည်းသဖြင့် တောင်သူအများစုမှာ ကျဲပက်ခင်းကိုသာအသုံးပြု၍ စိုက်ပျိုးကြောင်းသိရပါသည်။ ယခင်နှစ် နွေစပါးရာသီတွင် ပေါ်ခါစ၌ တင်း(၁၀၀)လျှင် ကျပ်(၁၁)သိန်းဈေးနှုန်းဖြင့် စတင်ဈေးဖွင့်ခဲ့ကြောင်းသိရပါသည်။

DOCA(ပဲခူး)

     ပဲခူးတိုင်းဒေသကြီး၊ ပြည်ခရိုင်၊ ပြည်မြို့တွင် ဖေဖော်ဝါရီလ ပထမပတ်မှစတင်ကာ ပြည်မြို့၊ စည်ပင်သာယာဈေးကြီးနှင့် အခြားဈေးများတွင် သံပရာသီးများကို လှိုင်လှိုင်ရောင်းချနေပြီဖြစ်ပါသည်။ သံပုရာသီးအများဆုံးထွက်ရှိသော ဇီးအုပ်နှင့် နတ်တလင်းဘက်တို့မှ ပြည်မြို့မဈေးကြီးနှင့် အခြားဈေးများအပြင် ရန်ကုန်မြို့သို့လည်း တိုက်ရိုက်တင်ပို့ရောင်းချကြောင်းသိရပါသည်။ သံပရာသီးကို ပြည်မြို့အနီးတဝိုက်ကျေးရွာများတွင် တစ်နိုင်တစ်ပိုင်စိုက်ပျိုးကြသည့်အပြင် စီးပွားဖြစ်လည်းစိုက်ပျိုးကြပါသည်။ သံပုရာသီးပေါ်ချိန်ဖြစ်သော်လည်း ပေါ်ခါစဖြစ်၍  ဈေးကောင်းရပြီး သံပရာသီးအလုံးချော (အကြီး)တစ်လုံးလျှင် (၃၀၀-၃၅၀) ကျပ်၊ အနေတော်တစ်လုံးလျှင် (၂၀၀-၂၅၀) ကျပ်ဖြင့် အရောင်းအဝယ်ဖြစ်နေသောကြောင့် သံပရာသီးစိုက်တောင်သူများအနေဖြင့် ယခုနှစ်တွင် ဈေးကောင်းရ၍ တွက်ချေကိုက်လျက်ရှိကြောင်းသိရပါသည်။

DOCA(ပဲခူး)