ပြည်တွင်းကုန်သွယ်မှုသတင်း

       ၂၀၂၅ခုနှစ်၊ ဇူလိုင်လ(စတုတ္ထပတ်)တွင် မကွေးမြို့တွင် အခြေခံစားကုန်များဖြစ်သော  ပေါ်ဆန်းမွှေး(ရွှေဘို)တစ်ပြည်လျှင် ကျပ်(၆၄၀၀)၊ ဧည့်မထဆန်(မနောသုခ)တစ်ပြည်လျှင် ကျပ် (၃၄၀၀)၊ ဧရာပဒေသာ(ကုန်ဇောင်း)ဆန်တစ်ပြည်လျှင် ကျပ်(၅၈၅၀)ဖြင့် အရောင်းအဝယ်ဖြစ်လျက်ရှိပါသည်။

          စားအုန်းဆီတစ်ပိဿာလျှင် ကျပ်(၇၀၁၀)၊ မြေပဲဆီတစ်ပိဿာလျှင် ကျပ်(၁၆၀၀၀)၊ နှမ်းဆီတစ်ပိဿာလျှင် ကျပ်(၁၃၀၀၀)၊ ကြက်သွန်နီတစ်ပိဿာလျှင် ကျပ်(၁၃၀၀)၊ ကြက်သွန်ဖြူ (ရှမ်းစ) တစ်ပိဿာလျှင် ကျပ်(၉၅၀၀)၊ သကြားတစ်ပိဿာလျှင် ကျပ်(၅၅၀၀)၊ အာလူးတစ်ပိဿာ လျှင် ကျပ်(၄၅၀၀)၊ ငရုတ်သီးခြောက်(အရှည်) တစ်ပိဿာလျှင် ကျပ်(၁၁၀၀၀)၊ ကုလားပဲခြမ်း တစ်ပိဿာလျှင် ကျပ်(၇၅၀၀)၊ မြေပဲဆံတစ်ပိဿာလျှင် ကျပ်(၈၇၀၀)၊ ရိုးရိုးဆား တစ်ပိဿာလျှင် ကျပ်(၁၅၀၀)၊ အာပြဲခြောက်တစ်ပိဿာလျှင် ကျပ်(၃၅၀၀၀)၊ ကြက်ဥတစ်လုံးလျှင် ကျပ်(၄၅၀)၊ ဘဲဥတစ်လုံးလျှင် ကျပ်(၆၀၀)တို့ဖြင့် အရောင်းအဝယ်ဖြစ်လျက်ရှိပါသည်။

          ဇူလိုင်လ(တတိယပတ်)ဈေးနှုန်းနှင့်နှိုင်းယှဉ်ချက်အရ စားအုန်းဆီဈေးနှုန်းမှာ အနည်းငယ် ပြန်လည် မြင့်တက်လာပြီး ကြက်သွန်နီနှင့် မြေပဲဆီဈေးနှုန်းမှာ အနည်းငယ်ကျဆင်းကြောင်း၊ ကျန်စားသောက်ကုန်ဈေးနှုန်းများမှာလည်း ပြောင်းလဲမှုမရှိဘဲ တည်ငြိမ်လျက်ရှိကြောင်းနှင့်  မိုးစိုက် ဆီထွက်သီးနှံ(မြေပဲ၊ နှမ်း)များ ထွက်ပေါ်လာပြီး ဈေးကွက်အတွင်းဝင်ရောက်မှုရှိ၍ မြေပဲဆီဈေးနှုန်း မှာ ကျဆင်းရခြင်းဖြစ်ကြောင်း၊ ကြက်သွန်နီမှာ ပြည်ပဝယ်ယူမှုနည်း၍ ဈေးနှုန်းကျဆင်းရခြင်းဖြစ် ကြောင်း သိရှိရသည်။

DOCA(မကွေး)

     မကွေးတိုင်းဒေသကြီး၊ သရက်မြို့နယ်အတွင်းရှိ မီးသွေးဖုတ်ကျေးရွာ၊ မြင်ဘာြခံကျေးရွာတို့မှ ထွက်ရှိသည့် ပန်းထိမ်မနိုင်(ခေါ်)ပန်းထိမ်ငိုပန်းမှာ လူကြိုက်များပြီး သုံးစွဲမှုများပြားလျက်ရှိကြောင်း သိရသည်။ နေပြည်တော်၊ တောင်ကြီး၊ ပြင်ဦးလွင်စသည့် အခြားမြို့နယ်များမှ ထွက်ရှိသော ပန်းထိမ်ငိုပန်းများ ဝင်ရောက်လျက်ရှိသော်လည်း သရက်မြို့မှထွက်ရှိသည့် ပန်းများသည် ညနေ ခူးပြီး နောက်တနေ့နံနက်တွင် ဈေးအတွင်းချက်ချင်းရောင်းချခြင်းဖြစ်သောကြောင့် ပန်းမှာ လန်း ဆန်းမှုရှိခြင်း၊ လှပခြင်း၊ ခိုင်ခံ့မှုရှိခြင်း၊ ဈေးနှုန်းချိုသာခြင်းတို့ကြောင့် လူကြိုက်များလျက်ရှိပါသည်။

      အဆိုပါပန်းများကို ပန်းထိမ်မနိုင်(ခေါ်)ပန်းထိမ်ငိုပန်းများဟု ခေါ်ဆိုရခြင်းမှာ ဤပန်းသည် အလွန်ရိုးရှင်းလှပပြီး အခက်အနွယ်များဖြင့် ပေါင်းစပ်ထားသဖြင့် အဆိုပါ ပန်းပုံစံအား ပန်းထိမ် ဆရာပင်ထုဆစ်၍ မရလောက်အောင် အခက်အလက်များမှာ သဘာဝအလျောက် ဖြစ်ပေါ်နေသည့် အတွက် ပန်းထိမ်ဆရာကပင် ငိုရလောက်အောင် ခက်ခဲရသောကြောင့် ဤပန်းကို ပန်းထိမ်မနိုင် (ခေါ်) ပန်းထိမ်ငိုပန်း ဟုခေါ်ဆိုရခြင်း ဖြစ်ကြောင်း တောင်သူတစ်ဦး၏ပြောကြားချက်အရ သိရပါ သည်။ လူကြိုက်များသော သရက်မြို့မှထွက်ရှိသည့် ပန်းထိမ်မနိုင်(ခေါ်)ပန်းထိမ်ငိုပန်းဈေးနှုန်းမှာ ၂၀၂၅ခုနှစ်၊ ဇူလိုင်လ(ပထမပတ်မှ တတိယပတ်)အထိ (၁၀)ခက်လျှင် (အသေး၊ အကြီးအလိုက်) ကျပ်(၃၀၀၀မှ ၃၅၀၀)၊ (စတုတ္ထပတ်)တွင် (၁၀)ခက်လျှင် ကျပ်(၂၅၀၀မှ ၃၀၀၀)အထိ ဈေးနှုန်း ရှိသောကြောင့် ယခုတစ်ပတ်တွင်း ယခင်တစ်ပတ်ထက် (၁၀)ခက်လျှင် ကျပ်(၅၀၀)ဈေးနှုန်း ကျဆင်း၍ အရောင်းအဝယ်ဖြစ်လျက်ရှိကြောင်း သိရှိရသည်။

DOCA(မကွေး)

      မကွေးတိုင်းဒေသကြီး၊ မကွေးခရိုင်၊ မကွေးမြို့နယ်ရှိ မကြီးကန်ကျေးရွာ၊ ဆားတိုင်ကန်၊ နွားကူး၊ စမ်းကန်ကျေးရွာများသည် စိုက်ပျိုးရေးအဓိကထားလုပ်ကိုင်ပြီး ပဲ၊ နှမ်း၊ ပဲစဉ်းငုံ၊ ပဲတီစိမ်း သီးနှံများကို ရာသီအလိုက် စိုက်ပျိုးလျက်ရှိကြောင်း သိရသည်။

   မကြီးကန်ရွာနေ ပဲစိုက်တောင်သူတစ်ဦး၏ ပြောကြားချက်အရ မိုးမြေပဲများ စိုက်ပျိုးရာတွင် စွန်တာနီ(လုံးဆံနီ)နှင့် ဗီယက်နမ်ရေဆင်း(လုံးဆံဖြူ)မျိုးများကိုသာ အဓိကထားစိုက်ပျိုးကြကြောင်း၊ ထွန်ကြောင်းဆွဲအစေ့ချစနစ်ဖြင့် စိုက်ပျိုးထားကြောင်း၊ ၂၀၂၅ခုနှစ်၊ မေလဆန်းတွင် စတင်စိုက်ပျိုး ပြီး ဇူလိုင်လ(တတိယပတ်)တွင် တူးဖော်ရိတ်သိမ်းကြောင်း၊ (၁)ဧကလျှင် မျိုးပဲဆံ(၂)တင်းခန့် ကုန် ကျကြောင်း၊ မျိုးအနေဖြင့် ယခင်နှစ်က မိမိယာခင်းမှထွက်ရှိသော မြေပဲများကို မျိုးအဖြစ်ဖယ်ချန်၍ စိုက်ပျိုးခြင်းဖြစ်ကြောင်း၊ ကုန်ကျစရိတ်အနေဖြင့် စက်မောင်းခ၊ လုပ်အားခ၊ ဆေးဖြန်းခ၊ ရိတ်သိမ်း ခူးဆွတ်ခနှင့် အခြားစရိတ်များအပါအဝင် စုစုပေါင်း ကျပ်(၁၁)သိန်းကျော်ခန့် ကုန်ကျကြောင်း၊ အထွက်နှုန်းအနေဖြင့် (၁)ဧကလျှင် မြေပဲတောင့် တင်း(၁၀၀)အထိ ထွက်ရှိပြီး ၂၀၂၅ခုနှစ်၊ ဇူလိုင်လ (စတုတ္ထပတ်)တွင် မြေပဲတောင့်တစ်တင်းလျှင် ကျပ်(၂၂၀၀၀)ဖြင့် ရောင်းချ၍ အကျိုးအမြတ်အနေ ဖြင့် (၁)ဧကလျှင် ကျပ်(၁၁)သိန်းခန့်ရရှိကြောင်း စျေးကွက်အနေဖြင့် ယာခင်းထဲသို့ ပွဲစားကိုယ်တိုင် တိုက်ရိုက်လာရောက်ဝယ်ယူကြောင်း သိရှိရသည်။

DOCA(မကွေး)

     မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေး၌ သံပုရာသီးနှင့် ရှောက်သီးများကို မြို့ပေါ်ရပ်ကွက်များနှင့် မြို့ပတ်ဝန်းကျင်ရှိကျေးရွာများမှ တနိုင်တပိုင်စိုက်ပျိုး ရောင်းချကြသည့်အပြင် သရက်၊ တောင်တွင်းကြီး၊ မင်းဘူး၊ မကွေးမြို့တို့မှလည်း မှာယူရောင်းချ ကြကြောင်း သိရသည်။

          ၂၀၂၅ခုနှစ်၊ ဇူလိုင်လ(စတုတ္ထပတ်)တွင် သံပုရာသီး(၁)လုံးလျှင် (အလုံး အကြီး၊ အသေး)ပေါ် မူတည်၍ ကျပ်(၅၀-၁၀၀)၊ ရှောက်သီး(၁)လုံးလျှင် ကျပ်(၁၅၀)ဖြင့် အရောင်းအဝယ်ဖြစ်လျက်ရှိပြီး ယခင်ဇွန်လ(ပထမပတ်)တွင် သံပုရာသီး(၁)လုံးလျှင် ကျပ်(၂၀၀)၊ ရှောက်သီး(၁)လုံးလျှင် ကျပ် (၃၀၀)ဖြင့် အရောင်းအဝယ်ဖြစ်ခဲ့၍ ဈေးနှုန်းနှိုင်းယှဉ်ပါက ယခုတစ်ပတ်တွင် သံပုရာသီး ကျပ်(၅၀- ၁၀၀)၊ ရှောက်သီး ကျပ်(၁၅၀)ဈေးနှုန်းကျဆင်းလာကြောင်း သိရသည်။ ယခုအချိန်တွင် မင်းလှ မြို့ပေါ် ရပ်ကွက်များနှင့် မြို့ပတ်ဝန်းကျင်ရှိ ကျေးရွာများတွင် သံပုရာသီး၊ ရှောက်သီးများ လှိုင်လှိုင် ထွက်ရှိချိန်ဖြစ်၍ ဈေးနှုန်းမှာ ကျဆင်းရခြင်းဖြစ်ကြောင်း သိရှိရသည်။

DOCA(မကွေး)

  မကွေးတိုင်ဒေသကြီး၊ မကွေးခရိုင်၊ မကွေးမြို့ပေါ်ရှိ ဈေးများတွင် ရာသီမရွေးစိုက်ပျိုးနိုင်သော သီးနှံတစ်မျိုးဖြစ်သည့် ရုံးပတီသီးများ နေ့စဉ်ဝင်ရောက် အရောင်းအဝယ်ဖြစ်လျက်ရှိကြောင်း သိရသည်။

          ၂၀၂၅ခုနှစ်၊ ဇူလိုင်လ(စတုတ္ထပတ်)တွင် အရောင်းအဝယ်ဖြစ်နေသောဈေးမှာ ရုံးပတီသီး လက်ကားဈေး တစ်ပိဿာလျှင် ကျပ်(၂၃၀၀)၊ လက်လီဈေး ကျပ်(၂၈၀၀)ဖြင့် အရောင်းအဝယ် ဖြစ် လျက်ရှိပြီး ယခင်(ပထမပတ်)တွင် လက်ကားဈေး ကျပ်(၂၅၀၀)၊ လက်လီဈေး ကျပ်(၃၀၀၀)ဖြင့် အရောင်းအဝယ်ဖြစ်ခဲ့၍ ဈေးနှုန်းနှိုင်းယှဉ်ပါက ယခုတစ်ပတ်တွင် ကျပ်(၂၀၀)ဈေးနှုူန်းကျဆင်း လာကြောင်း သိရသည်။ ယခုအချိန်တွင် မကွေး၊ တောင်တွင်း၊ မင်းဘူးမြို့နှင့် နီးစပ်ရာကျေးရွာတို့မှ ရုံးပတီသီးအထွက်နှုန်းများလာသောကြောင့် ဈေးနှုန်းကျဆင်းခြင်းဖြစ်ကြောင်း သိရသည်။

DOCA(မကွေး)