မကွေးတိုင်းဒေသကြီး၊ မကွေးခရိုင်၊ မကွေးမြို့တွင် ကွမ်းရွက်ဈေးများကို ဧရာဝတီတိုင်း ဒေသကြီး၊ မြန်အောင်၊ ပဲခူးတိုင်းဒေသကြီး၊ ပေါက်ခေါင်း၊ ပေါင်းတလည်၊ စစ်ကိုင်းတိုင်းဒေသကြီး၊ ကန့်ဘလူ၊ မုံရွာမြို့ရှိကွမ်းခြံများမှ တိုက်ရိုက်တယ်ယူရောင်းချကြောင်း၊ ကွမ်းသီးများကို ထားဝယ်မြို့မှ မှာယူရောင်းချကြောင်း၊ ကွမ်းစားထုံး၊ နှပ်ဆေးနှင့်ဗမာဆေးကို မုံရွာနှင့် ပခုက္ကူမြို့မှ ဝယ်ယူရောင်းချကြောင်း သိရသည်။

      ကွမ်းရွက်ဈေးနှုန်းအနေဖြင့် ၂၀၂၅ခုနှစ်၊ ဇူလှိုင်လ(တတိယပတ်)တွင် ကွမ်းရွက်ဝါ(၁)ပိဿာ လျှင် ကွမ်းရွက်အကြီး၊ အသေးနှင့် ဝယ်ယူတင်သွင်းရသည့် နေရာဒေသသအလိုက် ကျပ်(၆၀၀၀-၇၀၀၀ -၈၀၀၀)၊ ကွမ်းသီးစိပ်(၁)ပိဿာလျှင် ကျပ်(၃၂၀၀၀)၊ ကွမ်းသီးခြမ်း(၁)ပိဿာလျှင် ကျပ်(၃၀၀၀၀)၊ ကွမ်းစားထုံး (၁)ပိဿာလျှင် ကျပ်(၄၀၀၀)၊ ကွမ်းစားနှပ်ဆေး(၁)ထုပ်လျှင် ကျပ်(၁၅၀၀)၊ ဗမာဆေး (၁) ထုပ်လျှင် ကျပ်(၁၀၀၀)ဈေးနှုန်းများဖြင့် ရောင်းချလျက်ရှိကြောင်း သိရသည်။

       ယခင်ဇွန်လ(ဒုတိယပတ်)နှင့်နှိုင်းယှဉ်ပါက ယခုတစ်ပတ်တွင် ကွမ်းရွက်မှာ ကျပ်(၁၂၀၀၀) ဈေးနှုန်းကျဆင်းခဲ့ပြီး ကွမ်းသီးခြမ်းနှင့်ကွမ်းသီးစိပ်မှာ ကျပ်(၂၀၀၀၀)ဈေးနှုန်းမြင့်တက်ခဲ့ကြောင်း၊ ယခု အချိန်တွင် ကွမ်းခြံများရှိကွမ်းရွက်များ၌ လှိုင်လှိုင်ထွက်ပေါ်နေချိန်ဖြစ်၍ ကွမ်းရွက်ဈေးနှုန်းမှာ ကျဆင်း ရခြင်းဖြစ်ပြီး ကွမ်းသီးမှာ ပြည်ပမှမှာယူမှုများသည့်အပြင် မိုးတွင်းကာလဖြစ်၍ လမ်းခရီးအခက်အခဲ ရှိသောကြောင့် သယ်ယူစရိတ်မြင့်မား၍ ဈေးနှုန်းမြင့်တက်ရခြင်းဖြစ်ကြောင်း သိရှိရသည်။

DOCA(မကွေး)

     မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေး၌ ခရမ်းချဉ်သီးကို မြို့ပတ်ဝန်းကျင်ရှိ ရွာတော်၊ ပန်းတော်ပြင်၊ ဥယျာဉ်၊ မယ်ဇလီတော၊ မလွန်စသည့်ကျေးရွာများအပြင် သရက်မြို့၊ တောင်တွင်းကြီးမြို့၊ မင်းဘူးမြို့နှင့် ရှမ်းပြည်နယ်၊ အောင်ပန်းမြို့တို့မှလည်း မှာယူရောင်းချ ကြကြောင်း၊ ဇူလိုင်လ(တတိယပတ်)အတွင်း ခရမ်းချဉ်သီးဈေးနှုန်းစတင်ကျဆင်းပြီး အရောင်းအဝယ် ဖြစ်လျက်ရှိကြောင်း သိရသည်။

          ၂၀၂၅ခုနှစ်၊ ဇူလိုင်လ(တတိယပတ်)တွင် ခရမ်းချဉ်သီး(၁)ပိဿာလျှင် (အလုံးအကြီး၊ အသေး) အလိုက် ကျပ်(၂၃၀၀-၂၅၀၀)ဖြင့် အရောင်းအဝယ်ဖြစ်လျက်ရှိပြီး ယခင်(ပထမပတ်)တွင် (၁)ပိဿာလျှင် ကျပ်(၃၀၀၀-၃၄၀၀)ဖြင့် အရောင်းအဝယ်ဖြစ်ခဲ့ရာ ဈေးနှုန်းနှိုင်းယှဉ်ပါက ယခုတစ်ပတ်တွင် (၁)ပိဿာ လျှင် ကျပ်(၇၀၀-၉၀၀)ဈေးနှုန်းကျဆင်းလာကြောင်း သိရသည်။ ယခုအချိန်တွင် မင်းလှမြို့နယ်အတွင်း ကျေးရွာများရှိ တနိုင်တပိုင်ခရမ်းချဉ်စိုက်ခင်းများမှ ခရမ်းချဉ်သီးများ စတင်ထွက်ပေါ်လာသည့်အတွက် ဇေယျာသီရိဈေးအတွင်း ခရမ်းချဉ်သီးဈေးနှုန်းမှာ ကျဆင်းလာရခြင်းဖြစ်ကြောင်း သိရှိရသည်။

DOCA(မကွေး)

       မကွေးတိုင်းဒေသကြီး၊ ပခုက္ကူခရိုင်၊ ရေစကြိုမြို့နယ်အတွင်း မိုးသီးနှံများဖြစ်သည့် ပဲစဉ်းငုံ၊ မြေပဲ၊ နှမ်း၊ ပဲတီစိမ်း၊ မတ်ပဲနှင့် အစေ့ထုတ်ပြောင်း CP သီးနှံများကို အများအပြား စိုက်ပျိုး လျက်ရှိပါသည်။ ရေစကြိုမြို့နယ်တွင် အစေ့ထုတ်ပြောင်း CP သီးနှံကို မိဖုရား၊ မဲကုန်း၊ ကိုင်း၊ နန်းဦး၊ ရေရှား၊ ကံဦးနှင့် ငတရော်ကျေး ရွာများတွင် ယခင်နှစ်က  ဧက(၅၀၀)ခန့် စိုက်ပျိုးခဲ့ပြီး ယခုနှစ်တွင် ဧက(၃၀၀)ခန့်သာ စိုက်ပျိုး ကြကြောင်းသိရှိရပါသည်။ အများဆုံးစိုက်ပျိုးသည့် CP မျိုးများမှာ 166၊ 808 နှင့် 339 မျိုးစေ့များကို စိုက်ပျိုးကြကြောင်းသိရှိရပါသည်။ မတ်လနှင့် ဧပြီလများမှာ စတင်စိုက်ပျိုးကြပြီး ဇူလိုင်လတွင် ထွက်ရှိကြောင်း၊ (၁)ဧကလျှင် ကုန်ကျစရိတ်အနေဖြင့် မျိုး၊ သွင်းအားစု ထွန်ယက်ခ၊ ရိတ်သိမ်း ချွေလှေ့ခအပါအဝင် စုစုပေါင်းကုန်ကျ စရိတ်အနေဖြင့် ကျပ် (၁၂)သိန်းခန့် ကုန်ကျကြောင်း သိရှိ ရသည်။

       အစေ့ထုတ်ပြောင်း CP(၁)ဧက ထွက်ရှိမှုအနေဖြင့် သွင်းအားစုသုံးစွဲမှု အပေါ်မှုတည်၍ အထွက်တင်းများ ကွာခြားလျက်ရှိကြောင်း၊ (၁) ဧကလျှင် အထွက်တင်း (၇၅) မှ (၈၅) တင်းခန့် ထွက်ရှိပါကြောင်း၊ ၂၀၂၅ခုနှစ်၊ ဇူလိုင်လ(စတုတ္ထပတ်)တွင် အစေ့ထုတ်ပြောင်း CP (၁)တင်းလျှင် ကျပ်(၂၉၀၀၀)ဖြင့် အရောင်းအဝယ်ဖြစ်လျက်ရှိကြောင်း၊ အစေ့ထုတ်ပြောင်း CP စိုက်တောင်သူ များအနေဖြင့် (၁)ဧကလျှင် အကျိုးအမြတ် ကျပ်(၉)သိန်းခန့် ရရှိကြောင်း၊ ပခုက္ကူမြို့ရှိ ပွဲရုံများသို့ တင်ပို့ရောင်းချကြောင်း၊ ယခုနှစ်တွင် အစေ့ ထုတ်ပြောင်း CP  စိုက်တောင်သူများမှာ  အကျိုးအမြတ် များရရှိပြီး တွက်ခြေကိုက်လျက်ရှိကြောင်း တောင်သူတစ်ဦး၏ ပြောကြားချက်အရ သိရှိရပါသည်။

DOCA(မကွေး)

       မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့မစည်ပင်သာယာဈေးနှင့် အမှတ်(၂)ဈေးတို့ တွင် အိမ်ရှင်မများအတွက် ဟင်းချက် စရာတစ်မျိုးဖြစ်သည့် မျှစ်စိမ်းများ  စတင်အရောင်းအဝယ်ဖြစ် လျက်ရှိပါသည်။ ရာသီပေါ်မျှစ်များကို ပခုက္ကူမြို့၏ အနောက်ဘက် ပေါက်နယ်ဒေသ၊ မန္တလေးတိုင်း ဒေသကြီး ကျောက်ပန်းတောင်း၊ ပုပ္ပါးနယ်နှင့် မြိုင်နယ်ဒေသမှ ထွက်ရှိသောမျှစ်များ ဝင်ရောက် လျက်ရှိကြောင်း သိရသည်။

          အိမ်ရှင်မများသည် မျှစ်ကို အမျိုးမျိုးပြုလုပ်၍ စားသုံးကြပါသည်။ မျှစ်စိမ်းများကို ဟင်းချို ချက်၍လည်းကောင်း၊ ကြော်၍ လည်းကောင်း၊ ထောင်း၍ လည်းကောင်း ပြုလုပ်၍ စားသုံး ကြပါသည်။ ၂၀၂၅ခုနှစ်၊ ဇူလိုင်လ(တတိယပတ်)တွင် မျှစ်ဈေးနှုန်းအနေဖြင့် မျှစ်စိမ်း တစ်ပိဿာလျှင် ကျပ် (၈၀၀၀) ၊ မျှစ်ငံ တစ်ပိဿာ လျှင် ကျပ်(၆၀၀၀)၊ မျှစ်ပေါက် တစ်ပိဿာလျှင် ကျပ်(၆၀၀၀)ဖြင့် ရောင်းချလျက်ရှိကြောင်း  သိရှိရပါသည်။

DOCA(မကွေး)

    မကွေးတိုင်းဒေသကြီး၊ သရက်ခရိုင်၊ သရက်မြို့ မြို့မစည်ပင်သာယာဈေးသို့ မြို့နယ်အတွင်း ရှိ ကျေးရွာများဖြစ်ကြသော သဲတောကျေးရွာ၊ ကံသာစုကျေးရွာနှင့် မီးသွေးဖုတ်ကျေးရွာတို့မှ ခြံထွက် ဟင်းသီးဟင်းရွက်များ နေ့စဥ် အရောင်းအဝယ်ဖြစ်လျက်ရှိကြောင်း သိရသည်။

     ၂၀၂၅ခုနှစ်၊ ဇူလိုင်လ(ပထမ၊ ဒုတိယ၊ တတိယပတ်)များတွင် ဆူးပုတ်ရွက် (၁)ပိဿာလျှင် ကျပ်(၉၀၀၀ မှ ၁၀၀၀၀)ဖြင့် အရောင်းအဝယ်ဖြစ်ခဲ့ပြီး ယခုဇူလိုင်လ(စတုတ္ထပတ်)တွင် (၁)ပိဿာ လျှင် ကျပ်(၈၀၀၀ မှ ၉၀၀၀)ထိရှိခဲ့၍ ဈေးနှုန်းနှိုင်းယှဉ်ပါက ယခုတစ်ပတ်တွင် ကျပ်(၁၀၀၀မှ ၂၀၀၀) ခန့်ထိ ကျဆင်းလာကြောင်း သိရသည်။ ဆူးပုတ်ပင်ကို သရက်မြို့နယ်အတွင်းရှိ ကျေးရွားများ၌ ခြံစည်းရိုးသဖွယ် စိုက်ပျိုးထားရှိခြင်းများဖြစ်ပြီး အညွှန့်အနုလေးများကိုသာ ခူးယူစားသုံးရခြင်းဖြစ် ပါသည်။ ယခင်ရက်သတ္တပတ်များတွင် မိုးရွာသွန်းမှုနည်းပြီး ပိုးအနည်းငယ်ကျရောက်၍ အညွှန့် တက်နှုန်းနည်းခြင်း၊ အထွက်နှုန်းနည်းကာ အောင်လံမြို့မှရောက်ရှိလာသည့် ဆူးပုတ်ရွက်များကိုသာ ဝယ်ယူစားသုံးရသည့်အတွက် ဈေးနှုန်းအနည်းငယ်တက်ခဲ့ရခြင်းဖြစ်ကြောင်း၊ ယခုတစ်ပတ်တွင် မိုးရွာသွန်းမှုများပြီး အညွှန့်လှိုင်လှိုင်တက်ကာ ပိုးမွှားကျရောက်မှုနည်းပြီး အထွက်နှုန်းပိုများလာ သည့်အတွက် ဆူးပုတ်ရွက်တို့ပေါများကာ ဈေးနှုန်းအနည်းငယ်ကျဆင်းလာခြင်းဖြစ်ကြောင်း သိရှိ ရသည်။

DOCA(မကွေး)