ပြည်တွင်းကုန်သွယ်မှုသတင်း

   ကန့်ဘလူမြို့တွင်ရောင်းချနေသော သစ်သီးဝလံများမှာ ကန့်ဘလူမြို့နယ်၊ ကျွန်းလှမြို့နယ်၊ မြစ်ကြီးနားမြို့နှင့် မန္တလေးမြို့ရှိသစ်သီးပွဲရုံများမှ အသီးသီး ဝင်ရောက်လျက်ရှိသည်။

   ၂၀၂၄ခုနှစ်၊ မတ်လ ပထမပတ်တွင် ဖြစ်ပေါ်လျက်ရှိသော သစ်သီးဝလံဈေးနှုန်းများမှာ ပန်းသီး(ရိုးရိုး) အသေး(၁)လုံးလျှင် (၈၀၀)ကျပ်၊ ပန်းသီး(အိတ်စွပ်) အကြီး(၁)လုံးလျှင် (၂၅၀၀) ကျပ်၊ စပျစ်သီး(အလုံးကြီး) (၁)ပိဿာလျှင် (၁၄၅၀၀)ကျပ်၊ ပန်းသစ်တော်သီး (၁)လုံးလျှင် (၂၅၀၀)ကျပ်၊  ဖီးကြမ်းငှက်ပျောသီး (၁)ဖီးလျှင်(၁၅၀၀)ကျပ်၊ မြစ်ကြီးနားမှ ထွက်ရှိသော ခွန်စိမ်း ရိုးရိုး (၁)ဖီးလျှင် (၂၀၀၀)ကျပ်၊ ဖရဲသီးအကြီး (၁)လုံးလျှင်(၅၀၀၀)ကျပ်၊ မက်မန်းသီး (၁)ပိဿာ လျှင် (၄၅၀၀)ကျပ်၊ စတော်ဘယ်ရီသီး (၁)ပိဿာလျှင် (၁၂၀၀၀)ကျပ်၊ သခွားမွှေး (၁)လုံးလျှင် (၂၅၀၀)ကျပ်၊ လိမ္မော်သီး(ဆန်းကစ်) (၁)လုံးလျှင် (၂၀၀၀)ကျပ်၊ မာလကာသီး (၁)လုံးလျှင် (၅၀၀)ကျပ်ဖြင့် ရောင်းချရသောကြောင့် ယခင်အပတ် နှင့်နှိုင်းယှဉ်ပါက ယခင်အပတ်ထက်မြစ် ကြီးနားမှ ထွက်ရှိသော ခွန်စိမ်း ရိုးရိုး (၁)ဖီးလျှင် (၂၀၀၀)ကျပ်ဈေးနှုန်းမြင့်တက်ကာ စပျစ်သီး (အလုံးကြီး) (၁)ပိဿာလျှင် (၁၅၀၀)ကျပ်၊ ပန်းသစ်တော်သီး (၁)လုံးလျှင် (၅၀၀)ကျပ်၊  ဖီးကြမ်း ငှက်ပျောသီး (၁)ဖီးလျှင်(၅၀၀)ကျပ်ဈေးနှုန်းကျဆင်းပြီး ကျန်သစ်သီးဈေးနှုန်းများမှာ  ပုံမှန်အတိုင်း အရောင်းအဝယ်ဖြစ်လျက်ရှိကြောင်း ကန့်ဘလူမြို့တွင် ရောင်းချလျက်ရှိသော သစ်သီးဆိုင်များမှ သတင်းရရှိပါသည်။

DOCA(စစ်ကိုင်း)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူမြို့နယ်တာဝန်ခံရုံးအနေဖြင့် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားရေးဖွံ့ဖြိုးတိုးတက်ရန်”ဆိုသည့် ဌာန၏ မျှော်မှန်းချက်တာဝန်ကိုလည်း အကောင်အထည်ဖော်ဆောင်ရွက်လျက်ရှိရာ ကန့်ဘလူမြို့၊ မြို့မဈေးတွင် ငါးမျိုးစုံရောင်းချလျက်ရှိပြီး မတ်လပထမပတ်အတွင်း ဖြစ်ပေါ်နေသော ငါးလက်လီဈေးနှုန်းများမှာ ငါးရံ့အကောင် လိုက် တစ်ပိဿာလျှင် (၁၂၀၀၀)ကျပ်၊ တီလားဗီးယားအကောင်သေး တစ်ပိဿာလျှင် (၆၀၀၀) ကျပ်၊ တီလားဗီးယားအကောင်ကြီး တစ်ပိဿာလျှင် (၈၀၀၀)ကျပ်၊ ငါးကြင်း တစ်ပိဿာလျှင် (၉၅၀၀)ကျပ်၊ ငါးဖယ် တစ်ပိဿာလျှင် (၈၀၀၀)ကျပ်၊ ငါးမုတ်တစ်ပိဿာလျှင် (၆၅၀၀)ကျပ်၊ ငါးမြင်း တစ်ပိဿာလျှင် (၆၅၀၀)ကျပ်၊ ငါးဘတ် တစ်ပိဿာလျှင် (၁၉၀၀၀)ကျပ်၊ ငါးဂျောင်း တစ်ပိဿာလျှင် (၁၂၀၀၀)ကျပ်၊ ငါးအုံတုံ တစ်ပိဿာလျှင် (၁၀၀၀၀)ကျပ်၊ ငါးအုံတုံခုတ်သား တစ်ပိဿာလျှင်  (၁၈၀၀၀)ကျပ်၊ ငါးမြင်းခုတ်သား တစ်ပိဿာလျှင် (၁၀၀၀၀)ကျပ်၊ ငါးကြင်း ခုတ်သား တစ်ပိဿာလျှင် (၁၆၀၀၀)ကျပ်၊ ငါးဖယ်ခြစ် တစ်ပိဿာလျှင် (၁၈၀၀၀)ကျပ်၊  ပုစွန်ထုပ် တစ်ပိဿာလျှင် (၄၀၀၀၀)ကျပ်ဖြင့် အရောင်းအဝယ်ဖြစ်လျက်ရှိပါသည်။

          ငါးဈေးနှုန်းများအား ဖေဖော်ဝါရီလ စတုတ္ထပတ်နှင့်နှိုင်းယှဉ်ပါက ပုစွန်ထုပ် တစ်ပိဿာလျှင် (၇၀၀၀)ကျပ်ဈေးနှုန်းမြင့်တက်ကာ ကျန်ငါးဈေးနှုန်းများမှာ ပုံမှန်အတိုင်း အရောင်းအဝယ်ဖြစ်လျက်ရှိကြောင်း ကန့်ဘလူမြို့မဈေးအတွင်း ရောင်းချလျက်ရှိသောငါးဒိုင်များမှ သတင်းရရှိ ပါသည်။

DOCA(စစ်ကိုင်း)

    စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် ခရိုင်စီမံအုပ်ချုပ်ရေးအဖွဲ့၏ အစီအစဉ်ဖြင့် (၁.၃.၂၀၂၄) ရက်နေ့၊နေ့လယ် (၁၃:၀၀) အချိန်တွင် ကန့်ဘလူမြို့ပေါ်ရပ်ကွက်များရှိ သတ်မှတ်နေရာများတွင်လည်းကောင်း၊ (၂.၃.၂၀၂၄)ရက်နေ့၊ နံနက် (၀၈:၃၀) နာရီအချိန်တွင် ကန့်ဘလူခရိုင်စုပေါင်းတွင် ဌာနဆိုင်ရာဝန်ထမ်းများကိုလည်းကောင်း  မြို့နယ်အထွေထွေအုပ်ချုပ်ရေးဦးစီးဌာန၊ စားသုံးသူရေးရာဦးစီးဌာန စသည့်တာဝန်ရှိသူများ၏ကြီးကြပ်မှုဖြင့်    ကန့်ဘလူခရိုင်ဆီလုပ်ငန်းရှင်များအသင်းမှ စားသုံးသူပြည်သူများအား စားအုန်းဆီများကို ဈေးနှုန်းသက်သာစွာဖြင့် ရောင်းချပေးခဲ့ကြောင်း သိရှိရပါသည်။

      အဆိုပါ စားအုန်းဆီများကို သက်သာသောဈေးနှုန်းဖြင့် ရောင်းချပေးရာတွင် စားသုံးသူပြည်သူများအနေဖြင့် လွယ်ကူလျှင်မြန်စွာ ဝယ်ယူစားသုံးနိုင်စေရန်အတွက် ရည်ရွယ်၍ စားအုန်းဆီ (၁)ပိဿာလျှင် ၆၀၀၀ ကျပ်ဖြင့် လူတစ်ဦးလျှင်(၁)ပိဿာနှုန်း လက်ဝယ်အရောက် ရောင်းချပေးခဲ့ပြီး လူဦးရေ (၄၄၀၀)ဦးနှင့် ဝန်ထမ်း(၁၅၄၀)ဦးအတွက် စားအုန်းဆီ ၅၉၄၀ ပိဿာ ရောင်းချပေးခဲ့ကြောင်း ကန့်ဘလူခရိုင်၊ ဆီလုပ်ငန်းရှင်များအသင်းထံမှ သိရှိရပါသည်။

DOCA(စစ်ကိုင်း)

   စစ်ကိုင်းတိုင်းဒေသကြီး ကန့်ဘလူခရိုင်၌ ၂၀၂၄ ခုနှစ်၊ ဖေဖော်ဝါရီလ နောက်ဆုံးပတ်အတွင်း ရွှေဘိုပေါ်ဆန်းစပါးတင်း(၁၀၀)လျှင် ငွေကျပ် ၃၇၀၀၀၀၀ ၊ ဧရာမင်းစပါးတင်း(၁၀၀)လျှင် ငွေကျပ် ၂၇၅၀၀၀၀ နှင့် ရွှေဘိုပေါ်ဆန်းဆန်၂၄ ပြည်ပါ တစ်အိတ်လျှင် ငွေကျပ် ၁၃၅၀၀၀ ၊ ဧရာမင်းဆန်၂၄ ပြည်ပါ တစ်အိတ်လျှင် ငွေကျပ် ၁၂၅၀၀၀ ဖြင့်အရောင်းအဝယ်ဖြစ်ခဲ့ရာ  ယခင်အပတ်နှင့်နှိုင်းယှဉ် လျှင် စပါးဆန်းဈေးနှုန်းများမှာ တည်ငြိမ်နေပြီး  အခြားတိုင်းဒေသကြီးများသို့ ဆန်စီးထွက်မှုအနေဖြင့် မန္တလေးတိုင်းဒေသကြီးသို့ ဆန်အိတ်ရေ ၅၀၀အိတ်နှင့် ရန်ကုန်တိုင်းဒေသကြီးသို့ အိတ်ရေ ၂၀၀၀ စုစုပေါင်း ၂၅၀၀ အိတ် တန်အားဖြင့် ၁၂၅ တန် စီးထွက်ခဲ့ကြောင်း ဒေသခံဆန်စက်လုပ်ငန်းရှင်များထံမှ သိရှိရပါသည်။

DOCA(စစ်ကိုင်း)

     ပဲခူးတိုင်းဒေသကြီး၊ ပြည်ခရိုင်တွင် မိုးမြေပဲ၊ ဆောင်းမြေပဲဟူ၍ (၂)မျိုးရှိပါသည်။(၂၀၂၃-၂၀၂၄) ဘဏ္ဍာနှစ်တွင် မိုးမြေပဲစိုက်ဧက ၄၁၃၀၈ဧကအနက် ၄၁၃၀၈ဧကရိတ်သိမ်းနိုင်ခဲ့ပြီး အထွက်နှုန်းအနေဖြင့် တစ်ဧကလျှင် ၇၀.၁၇တင်းထွက်ရှိ၍ စုစုပေါင်းအထွက်တင်းမှာ ၂၈၉၈၇၇၇တင်းထွက်ရှိကြောင်းသိရပါသည်။ ဆောင်းမြေပဲစိုက်ဧက ၃၆၀၀၇ဧကအနက် ၁၆၅၀၀ဧကရိတ်သိမ်းနိုင်ခဲ့ပြီး တစ်ဧကအထွက်နှုန်းမှာ ၇၉.၂၁တင်းထွက်ရှိ၍ စုစုပေါင်းအထွက်တင်းမှာ ၁၃၀၅၆၁၈တင်းထွက်ရှိကြောင်းသိရှိရပါသည်။ ပြည်ခရိုင်မှထွက်ရှိသော မြေပဲဆန်များကို ပြည်မြို့ရှိဈေးကွက်များနှင့် ပွဲရုံများသို့ရောင်းချသည့်အပြင် အခြားတိုင်းများနှင့် မြို့နယ်များသို့လည်းတင်ပို့ရောင်းချကြောင်းသိရပါသည်။ ထိုသို့ဝင်ရောက်လာသော မြေပဲဆန်များကို ပြည်မြို့ရှိပွဲရုံများမှတစ်ဆင့် ဆီလုပ်ငန်းရှင်များက ဝယ်ယူကြသည့်အပြင် မကွေးတိုင်းနှင့် မန္တလေးတိုင်းတို့မှလည်းဝယ်ယူကြပါသည်။ မိုးမြေပဲနှင့် ဆောင်းမြေပဲလှိုင်လှိုင်ပေါ်ချိန်တွင် ပြည်မြို့ရှိဈေးကွက်များသို့ နေ့စဉ် အိတ် (၁၀၀၀/၁၅၀၀) ခန့်ဝင်ရောက်မှုရှိပြီး အရောင်းအဝယ်ဖြစ်မှုမှာလည်း ဝင်သလောက် အရောင်းအဝယ်ဖြစ်လျက်ရှိပါသည်။ မြေပဲဆန်များကို ဆီကြိတ်ရန်အတွက်လည်းကောင်း၊ မုန့်ပဲသားရေစာများထည့်သွင်းအသုံးပြု၍လည်းကောင်း၊ မြေပဲလှော်၊ မြေပဲဆားလှော်ပြုလုပ်၍လည်းကောင်း အသုံးပြုကြပါသည်။ မြေပဲဆန်ဈေးနှုန်းများမှာ ဈေးကွက်ပေါ်မူတည်ပြီး ဝယ်လိုအားကောင်းလျှင် ကောင်းသလို ဈေးမြင့်ပြီး ဝယ်လိုအားနည်းသွားလျှင် ဈေးနှုန်းအနည်းငယ်ကျဆင်းလာပါသည်။

          မြေပဲဆန်ဈေးနှုန်းများအနေဖြင့် ၂၀၂၃ခုနှစ်တွင်ဖြစ်ပေါ်ခဲ့သော အနိမ့်အမြင့်ဈေးနှုန်းများကိုဖော်ပြလိုက်ရပါသည်-

စဉ်               အမျိုးအမည်                                အနိမ့်                      အမြင့်

၁                 မြေပဲဆီကြိတ်ဆန်(နီ)                    ၅၅၀၀                     ၇၇၀၀

၂                  မြေပဲဆီကြိတ်ဆန်(ဖြူ)                   ၅၀၀၀                     ၆၃၀၀

၃                 မြေပဲလုံးဆန်(နီ)                           ၆၃၀၀                     ၈၅၀၀

၄                 မြေပဲလုံးဆန်(ဖြူ)                         ၅၃၀၀                     ၆၈၀၀

          ၂၀၂၄ခုနှစ်၊ ဖေဖော်ဝါရီလ နောက်ဆုံးပတ်တွင် ဆီကြိတ်ဆန်(အဖြူ)တစ်ပိဿာလျှင် ၆၂၀၀ကျပ်၊ ဆီကြိတ်ဆန်(အနီ)တစ်ပိဿာလျှင် ၆၇၀၀ကျပ်နှင့် လုံးဆန်(အဖြူ)တစ်ပိဿာလျှင် ၇၂၀၀ကျပ်၊ လုံးဆန်(အနီ)တစ်ပိဿာလျှင် ၇၈၀၀ကျပ်ဖြင့် ပြည်ဈေးကွက်၌ ဆီစက်များနှင့် ပဲကြော်၊ ပဲလှော်ဖိုသမားများအပြင် ရန်ကုန်၊ မန္တလေးဝယ်လက်များက လည်းဝယ်ယူမှုရှိ၍ တစ်နေ့လျှင် အိတ်၅၀၀ခန့်အရောင်းအဝယ်ဖြစ်သည်ကိုတွေ့ရပါသည်။ ယခင်ဇန်နဝါရီလ နောက်ဆုံးပတ်တွင် ဆီကြိတ်ဆန်(အဖြူ)တစ်ပိဿာလျှင် ၆၅၀၀ကျပ်၊ ဆီကြိတ်ဆန်(အနီ)တစ်ပိဿာလျှင် ၇၂၀၀ကျပ်နှင့် လုံးဆန်(အဖြူ)တစ်ပိဿာလျှင် ၇၀၀၀ကျပ်၊ လုံးဆန်(အနီ)တစ်ပိဿာလျှင် ၇၈၀၀ကျပ်ဖြင့်ရောင်းချခဲ့သဖြင့် ယခုဖေဖော်ဝါရီလ နောက်ဆုံးပတ်တွင် ဆီကြိတ်ဆန်ဈေးအနည်းငယ်ကျဆင်းလာပြီး လုံးဆန်(အဖြူ)မှာ တစ်ပိဿာလျှင် ၂၀၀ကျပ်သာဈေးနှုန်းမြင့်တက်ခဲ့ပြီး လုံးဆန်(အနီ)မှာ ဈေးငြိမ်နေသည်ကိုတွေ့ရပါသည်။ ယခုဖေဖော်ဝါရီလ နောက်ဆုံးပတ်တွင် မြေပဲဆီဈေးနှုန်းမှာ တစ်ပိဿာလျှင် ၁၃၈၀၀ကျပ်ဖြင့်ရောင်းချကြောင်းသိရှိရပါသည်။

DOCA(ပဲခူး)