ပြည်တွင်းကုန်သွယ်မှုသတင်း

  မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့တွင် စိုက်ပျိုးရေးထွက်သီးနှံများအပြင် ဒေသ ထွက်ကုန်များစွာလည်း အရောင်းအဝယ်ဖြစ်လျက်ရှိရာ ထုတ်ကုန်များစွာအနက်မှ မြေပဲဆီသန့် ထုတ်လုပ်ရောင်းချမှုကို အဓိကထားလုပ်ကိုင်ကြပြီး ဒေသအနှံ့အပြားသို့ ရောင်းဝယ်ဖောက်ကား လျက်ရှိရာ ယခုအချိန်တွင်စားသုံးသူများမှ မြေပဲဆီသုံးစွဲမှုများပြီး ပြည်တွင်းပဲဆီ လိုအပ်ချက်များ မြင့်မားနေသောကြောင့် ဆီစက်များ အားလုံးနီးပါးလည်ပတ်လျက်ရှိရာ ဆီကြိတ်ခွဲထုတ်လုပ်ခြင်းမှ ထွက်ရှိသော မြေပဲဖတ်များလည်း ဈေးကွက်တွင် တွင်တွင်ကျယ်ကျယ် အရောင်းအဝယ်ဖြစ်လျက်ရှိ ကြောင်း ဆီစက်လုပ်ငန်းရှင်များထံမှ သိရသည်။

   ဈေးနှုန်းဈေးကွက်အနေဖြင့် ၂၀၂၅ခုနှစ်၊ ဇူလိုင်လ(တတိယပတ်)တွင် (ဆုံ)ပဲဖတ် တစ် ပိဿာလျှင် ကျပ်(၄၃၀၀-၄၂၀၀)၊ (စက်)ပဲဖတ်တစ်ပိဿာလျှင် ကျပ်(၄၅၀၀-၄၃၀၀)ဈေးဖြင့် အရောင်း အဝယ်ဖြစ်လျက်ရှိပြီး ယခင်ဇွန်လ(တတိယပတ်)နှင့်ဈေးနှိုင်းယှဉ်ပါက ဈေးကျဆင်း၍ အရောင်း အဝယ်ဖြစ်ကြောင်း၊ ဈေးကွက်အနေဖြင့် ပခုက္ကူဒေသထွက်(ဆုံ)ပဲဖတ်များကို ဒေသတွင်း စား သောက်ကုန် လုပ်ငန်းရှင်များမှ ဝယ်ယူမှုအပြင် (စက်)ပဲဖတ်များကို တိရိစ္ဆာန်အစားအစာအဖြစ် မွေးမြူရေးလုပ်ငန်းရှင်များမှ ဝယ်ယူခြင်းနှင့် မြန်မာနိုင်ငံအောက်ပိုင်းဒေသရှိ ငါးမွေးမြူရေးလုပ်ငန်း ရှင်များမှလည်း ဝယ်ယူကြောင်း သိရသည်။

          ပြည်တွင်းမွေးမြူရေး အစားအစာဈေးကွက်တွင် ပဲဖတ်ဝယ်လိုအားကောင်းခြင်းအပြင် စားသုံးမှုအနေဖြင့် ပခုက္ကူမြို့တွင် မြေပဲဆီထုတ်လုပ်မှုမှ ရရှိသောမြေပဲဖတ်ကို ပြည်တွင်းငါးမွေးမြူရေး၊ ဝက်မွေးမြူရေးလုပ်ငန်းများမှလည်း တိရိစ္ဆာန်အစာများတွင် ရောစပ်အသုံးပြုပြီး စိုက်ပျိုးရေး တောင်သူများမှလည်း သီးနှံစိုက်ခင်းများတွင် သွင်းအားစုအဖြစ် အမှုန့်ကြိတ်ပြီးသုံးစွဲရန် ဝယ်ယူမှု များလျက်ရှိခြင်းနှင့် မြို့ပေါ်ရှိ ဆီစက်လုပ်ငန်းရှင်များမှလည်း စက်ကြီးများဖြင့် ဆီပြန်လည် ထုတ် လုပ်ရန်အတွက် ဆုံပဲဖတ်ခွေများကို ပြန်လည်ဝယ်ယူမှုများ၍ ပခုက္ကူဒေသထွက်ပဲဖတ်များ နေ့စဉ် အရောင်းအဝယ်ဖြစ်ကြောင်း ဈေးကွက်မှသိရှိရသည်။

DOCA(မကွေး)

  မကွေးတိုင်းဒေသကြီး၊ ပခုက္ကူခရိုင်အတွင်း အစေ့ထုတ်ပြောင်း CP သီးနှံကို စီးပွားဖြစ် စိုက်ပျိုးလျက်ရှိသည်။ အစေ့ထုတ်ပြောင်း CP ကို ပြည်တွင်းမွေးမြူရေးလုပ်ငန်းများတွင် ကုန်ကြမ်း တိရိစ္ဆာန်အစားအစာအဖြစ် အသုံးပြုပြီး အပင်များကို ကျွဲ၊ နွား အစာအဖြစ် အသုံးပြုကြသည်။ ပြည်ပပို့ကုန်အဖြစ် ထိုင်း၊ တရုတ်နိုင်ငံများသို့လည်း နှစ်စဉ်တင်ပို့နိုင်၍ ပြည်တွင်းဈေးကွက်ခိုင်မာပြီး အရောင်းအဝယ်ဖြစ်လျက်ရှိသည်။ ဇူလိုင်လ(တတိယပတ်)အစောပိုင်းတွင် အစေ့ထုတ်ပြောင်း CP အရောင်းအဝယ်ဖြစ်မှုမှာ တစ်ရက်လျှင် ပိဿာ(၃၀)ဝင်အိတ်(၁၀၀ - ၁၅၀)ခန့် အရောင်းအဝယ် ဖြစ်ကြောင်း သိရှိရသည်။ ယခုအချိန်တွင် စိုက်တောင်သူများတွင် သီးနှံလက်ကျန်နည်း၍ ပွဲရုံများမှ သိုလှောင်ထားရှိသော အစေ့ထုတ်ပြောင်း CP သီးနှံများကိုသာ အရောင်းအဝယ်ဖြစ်ကြောင်း၊ ယခုနှစ်တွင် ဒေသတွင်းသီးနှံပေါ်ချိန်မှစ၍ လက်ရှိကာလအထိ အစေ့ထုတ်ပြောင်း CP သီးနှံမှ ဈေး အတက်အကျနည်းပြီး ဈေးအေး၍အရောင်းအဝယ်ဖြစ်ကြောင်း သိရသည်။
   ဈေးနှုန်းအနေဖြင့် သီးနှံပေါ်စ ၂၀၂၅ခုနှစ်၊ ဖေဖော်ဝါရီလတွင် ဒေသပေါက်ဈေး အစေ့ ထုတ်ပြောင်း CP တစ်တင်းလျှင် ကျပ်(၂၆၀၀၀-၂၅၀၀၀)ဈေးဖြင့် အရောင်းအဝယ်ဖြစ်ခဲ့ရာမှ ဇွန်လ (တတိယပတ်)တွင်  တစ်တင်းလျှင် ကျပ်(၂၇၀၀၀-၂၆၅၀၀)ဈေးဖြင့် အရောင်းအဝယ်ဖြစ်ပြီး ယခု ဇူလိုင်လ(တတိယပတ်)တွင် တစ်တင်းလျှင် ကျပ်(၂၈၀၀၀-၂၇၅၀၀)ဖြင့် ဈေးတက်၍ အရောင်း အဝယ်ဖြစ်ကြောင်း သိရသည်။ အစေ့ထုတ်ပြောင်း CP ကို ပြည်တွင်းသုံးစွဲမှုနည်းသော်လည်း ပြည်ပပို့ကုန်အဖြစ် အများဆုံးတင်ပို့ပြီး ထိုင်း၊ တရုတ်နိုင်ငံမှ တိရိစ္ဆာန်အစားအစာကုန်ကြမ်းအဖြစ် ဝယ်ယူမှုများ၍ ဈေးကွက်ခိုင်မာမှုရှိကြောင်း သိရှိရပါသည်။

DOCA(မကွေး)

စစ်ကိုင်းတိုင်းဒေသကြီး၊ မုံရွာခရိုင်၊ မုံရွာမြို့နယ်နှင့် အနီးတစ်ဝိုက်ရှိ ကျေးရွာများမှ ပန်းပင်စိုက်ပျိုးရေးလုပ်ငန်းများကို မိသားစုတစ်နိုင်တစ်ပိုင်မှ စီးပွားဖြစ် စိုက်ပျိုးလျက်ရှိ ကြပါသည်။ ၂၀၂၅ခုနှစ်၊ ဇူလိုင်လ တတိယပတ်တွင် မုံရွာမြို့ပေါ်ရှိ ဈေးများတွင် ရောင်းချနေသော ပန်းဈေးနှုန်းများအနေဖြင့် ခရေပန်း ( ၃) ကုံးလျှင် ( ၅၀၀)ကျပ်၊ သပြေပန်း ( ၁ )စည်းလျှင် ( ၅၀၀)ကျပ်၊ ကံကော်ပန်း ( ၃ )ကုံးလျှင် ( ၁၀၀၀)ကျပ်၊ ဂန္ဓမာပန်း အဖြူ၊ အညို ( ၁ )စည်းလျှင် ၁၅၀၀)ကျပ်၊ နှင်းဆီပန်းတစ်ပွင့်လျှင် (၈၀၀)ကျပ်၊ ပန်းတိမ်ငို ( ၁ )စည်းလျှင် ( ၁၅၀၀)ကျပ်၊ စပယ်ပန်း ( ၅ ) ကုံးလျှင် ( ၁၀၀၀)ကျပ်၊  သပြေ ငုတ်ကြီး(၁)ငုတ်လျှင် (၁၅၀၀)ကျပ်နှင့် သပြေ ငုတ်သေး(၁)ငုတ်လျှင် (၁၀၀၀)ကျပ်ဖြင့် ရောင်းချကြောင်း ပန်းရောင်းသူများထံမှ သိရှိရပါသည်။

Doca(စစ်ကိုင်း)

   မကွေးတိုင်းဒေသကြီး၊ မကွေးမြို့ပေါ်ရှိဈေးများတွင် မင်းဘူးမြို့၊ ကျောက်တန်းကျေးရွာမှ ထွက်ရှိသော ပန်းများဝင်ရောက်လျက်ရှိရာ ဇွန်၊ ဇူလိုင်လများတွင် လှိုင်လှိုင်ထွက်ပေါ်လျက်ရှိသော နှင်းပန်းများ အရောင်းအဝယ်သွက်လျက်ရှိကြောင်း သိရသည်။

  နှင်းပန်းမှာအဖြူရောင်ရှိပြီး ရနံ့မှာလည်း သင်းပျံ့ပျံ့မွှေးကြိုင်နေ၍ ဘုရားလှုမည့်သူများ နှင့်ပန်းအလှဆင်သူများ အဝယ်များပါသည်။ နှင်းပန်းတစ်ကြိမ်စိုက်ပျိုးလျှင် သုံးနှစ်သက်တမ်းရှိပြီး မိုးရာသီတွင် အဖူးအပွင့်များပိုမိုသန်မာ၍ ကျန်ရာသီများတွင် ပုံမှန်ရေသွင်းလျှင် ဆယ့်နှစ်ရာသီ ဖြစ် ထွန်းသော ပန်းတစ်မျိုးဖြစ်ပါသည်။ နှင်းပန်းကို မိုးကြိုပန်းဟူ၍လည်း လူသိများကြပါသည်။ မြေပြန့် ဒေသ၌ အများဆုံးစိုက်ပျိုးထားသည်ကို တွေ့ရပါသည်။ ၂၀၂၅ခုနှစ်၊ ဇူလိုင်လ(တတိယပတ်)တွင် ဖြစ်ပေါ်နေသော နှင်းပန်းဈေးနှုန်းမှာ နှင်းပန်းအခက်(၅)ခက်ပါတစ်စည်းလျှင် ကျပ်(၂၅၀၀)ဖြင့် အရောင်းအဝယ်ဖြစ်လျက်ရှိကြောင်း သိရသည်။ ဘုရားပန်းဈေးကွက်တွင် နှင်းပန်းရောင်းချရာ၌ တခြားပန်းများကဲ့သို့ တွင်တွင်ကျယ်ကျယ်ရောင်းချရကြောင်းလည်း သိရသည်။ သို့ဖြစ်ပါ၍ မိမိခြံဝန်း အတွင်းရှိ မြေဧကအနည်းငယ်ခန့်နေရာပေး၍ နှင်းပန်းစိုက်ပျိုးထားရှိလျှင် အိမ်ထောင်စုများအနေ ဖြင့် နေ့စဉ်ဝင်ငွေရရှိနေသည့်အတွက် အိမ်ခြံမြေများတွင် တိုးချဲ့စိုက်ပျိုးသင့်သော ပန်းတစ်မျိုးဖြစ်ပါ ကြောင်း ရေးသားတင်ပြလိုက်ရပါသည်။

DOCA(မကွေး)

    စစ်ကိုင်းတိုင်းဒေသကြီး ၊ ကန့်ဘလူခရိုင် ၊ ကန့်ဘလူမြို့မဈေးတွင် ဆန်၊ ဆီ၊ ဆေး၊ ဆား၊ အသား၊ ငါး၊ ဟင်းသီးဟင်းရွက်များနှင့် ရာသီပေါ်အသီးအနှံများ ရောင်းချလျက်ရှိရာ ဈေးရောင်းသူ များ ဈေးဝယ်သူများနှင့် နေ့စဉ်စည်ကားလျက်ရှိကြောင်း သိရသည်။

     ကန့်ဘလူမြို့မဈေးတွင်  စိုက်ပျိုးထုတ်လုပ်ရောင်းချသော စိုက်ပျိုးရေးမှို၊ ကောက်ရိုးမှို စသောမှိုများနည်းတူ သဘာဝငှက်စွပ်မှိုများ ဝင်ရောက်လျက်ရှိကြောင်း သိရှိရပါသည်။ ၂၀၂၅ ခုနှစ်၊ ဇူလိုင်လ တတိယပတ်အတွင်း ငှက်စွပ်မှို(၁၀)ကျပ်သားလျှင် (၃၀၀၀)ကျပ်နှင့် ငှက်စွပ်မှိုတစ်ပိဿာ လျှင် (၂၅၀၀၀မှ ၃၀၀၀၀)ကျပ်အထိ ဈေးကောင်းရရှိနေကြောင်း၊ ငှက်စွပ်မှိုသည် မိုးဦးကာလ မိုးဖြိုင်ဖြိုင်ရွာချိန်တွင် အထွက်များကြောင်း၊ ယခုအခါ ရှားပါးလာသည့်အတွက် ငှက်စွပ်မှိုများ အရောင်းသွက်လျက်ရှိကြောင်း သိရှိရပါသည်။  

DOCA(စစ်ကိုင်း)