၂၃.၁၂.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
နေပြည်တော်၊ ရန်ကုန်၊ မန္တလေး နှင့် ပုသိမ်မြို့ကြီးများ၏ အခြေခံစားကုန်(လက်လီ)၊ ပြည်ပပို့ကုန်၊ စက်သုံးဆီ နှင့် ရွှေဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယနေ့ ကာလတူ နှိုင်းယှဉ်၍ ပြုစုတင်ပြအပ်ပါသည်။
၂၂.၁၂.၂၀၂၃ ရက်နေ့တွင် တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။
၂၂.၁၂.၂၀၂၃ ရက်နေ့တွင် တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။
၂၂.၁၂.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
၂၀၂၃ ခုနှစ် ဒီဇင်ဘာလ တတိယအပတ်တွင် မော်လမြိုင်မြို့ သံလွင်ဈေးအတွင်း အခြေခံစားကုန်များဖြစ်သော ပေါ်ဆန်း(ဆန်)(သစ်) ၂၄ပြည်ပါတစ်အိတ်လျှင် ကျပ် (၁၀၅၀၀၀)၊ ဧည့်မထ(ဆန်)(သစ်) ၂၄ပြည်ပါတစ်အိတ်လျှင် ကျပ် (၆၇၀၀၀)၊ စားအုန်းဆီ တစ်ပိဿာလျှင် ကျပ် (၆၅၀၀)၊ မြေပဲဆီ တစ်ပိဿာလျှင် ကျပ် (၁၆၀၀၀)၊ ကြက်သွန်နီ(အသစ်) တစ်ပိဿာလျှင် ကျပ် (၅၀၀၀) ၊ ဂျင်း တစ်ပိဿာလျှင် ကျပ် (၇၀၀၀)၊ ကြက်သွန်ဖြူ(ရှမ်းစ) တစ်ပိဿာလျှင် ကျပ် (၁၆၀၀၀)၊ ကြက်သွန်ဖြူ(ကြူကုတ်) တစ်ပိဿာလျှင် ကျပ် (၁၄၀၀၀)၊ ဆား တစ်ပိဿာလျှင် ကျပ် (၈၀၀)၊ အာလူး တစ်ပိဿာလျှင် ကျပ် (၄၀၀၀)၊ မကျည်းသီးမှည့် တစ်ပိဿာလျှင် ကျပ် (၅၀၀၀)၊ ငရုတ်ခြောက်ရှည် တစ်ပိဿာလျှင် ကျပ် (၁၆၀၀၀)၊ နနွင်းတက် တစ်ပိဿာလျှင် ကျပ် (၈၀၀၀)၊ ပဲနီလေး (မြန်မာ) တစ်ပိဿာလျှင် ကျပ် (၈၀၀၀)၊ ကုလားပဲခြမ်း တစ်ပိဿာလျှင် ကျပ် (၇၀၀၀)၊ မြေပဲဆံ တစ်ပိဿာလျှင် ကျပ် (၁၂၀၀၀)၊ သကြား တစ်ပိဿာလျှင် ကျပ် (၄၄၀၀)၊ မွေးမြူရေးကြက် တစ်ပိဿာလျှင် ကျပ် (၁၂၀၀၀)၊ ဝက်သား တစ်ပိဿာလျှင် ကျပ် (၁၇၀၀၀)၊ ဆိတ်သား တစ်ပိဿာလျှင် ကျပ် (၃၀၀၀၀)၊ အမဲသား တစ်ပိဿာလျှင် ကျပ် (၁၇၀၀၀)၊ ငါးကြင်း တစ်ပိဿာလျှင် ကျပ် (၁၇၀၀၀)၊ ငါးမြစ်ချင်း တစ်ပိဿာလျှင် ကျပ် (၁၂၀၀၀)၊ ကြက်ဥ တစ်လုံးလျှင် ကျပ် (၂၂၀)၊ ဘဲဥ တစ်လုံးလျှင် ကျပ် (၃၀၀)၊ ကန်စွန်းရွက် တစ်စည်းလျှင် ကျပ် (၂၀၀)၊ ခရမ်းချဉ်သီး တစ်ပိဿာလျှင် ကျပ် (၂၅၀၀)၊ ပဲတောင့်ရှည် တစ်စည်းလျှင် ကျပ် (၅၀၀) ဖြင့် အရောင်းအဝယ်ဖြစ်ပေါ်လျက်ရှိပြီး၊ ဒီဇင်ဘာလ ပထမအပတ်အတွင်း အရောင်းအဝယ်ဖြစ်ပေါ်ခဲ့သော ဈေးနှုန်းထက် အနည်းငယ်ကျဆင်းနေကြောင်း ဈေးဆိုင်များထံမှ သိရှိရပါသည်။
DOCA(မွန်)
မြန်မာနိုင်ငံစက်သုံးဆီ တင်သွင်း/သိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ တိုင်းဒေသကြီး၊ ပြည်နယ်အလိုက် မြို့ကြီးများ၏ စက်သုံးဆီ ရည်ညွှန်းလက်ကားဈေးနှုန်းများအား နေ့စဉ်ထုတ်ပြန်ပေးလျက်ရှိပါသည်။
မော်လမြိုင်မြို့ရှိ စက်သုံးဆီဆိုင်များ ပုံမှန်ဖွင့်လှစ်ရောင်းချလျက်ရှိပြီး ဒီဇင်ဘာလ ပထမပတ်တွင် စက်သုံးဆီဈေးနှုန်းများမှာ ဒီဇယ် (ရိုးရိုး) တစ်လီတာလျှင် (၂၂၆၀) ကျပ်၊ ဒီဇယ် (ပရီမီယံ) တစ်လီတာလျှင် (၂၃၅၅) ကျပ်၊ ဓါတ်ဆီ(92) တစ်လီတာလျှင် (၂၅၆၀) ကျပ်၊ ဓါတ်ဆီ(95) တစ်လီတာလျှင် (၂၆၉၅) ကျပ်ဖြင့် ရောင်းချလျက်ရှိကြောင်း သိရသည်။
ယခု ဒီဇင်ဘာလ တတိယပတ်တွင် စက်သုံးဆီဈေးနှုန်းများမှာ ဒီဇယ် (ရိုးရိုး) တစ်လီတာလျှင် (၂၂၃၅) ကျပ်၊ ဒီဇယ် (ပရီမီယံ) တစ်လီတာလျှင် (၂၂၉၀) ကျပ်၊ ဓါတ်ဆီ(92) တစ်လီတာလျှင် (၂၄၉၀) ကျပ်၊ ဓါတ်ဆီ(95) တစ်လီတာလျှင် (၂၆၀၀) ကျပ်ဖြင့် ရောင်းချနေသောကြောင့် ယခင် ဒီဇင်ဘာလ ပထမပတ်နှင့် နှိုင်းယှဉ်ပါက ဒီဇယ် (ရိုးရိုး) တစ်လီတာလျှင် (၂၅) ကျပ်၊ ဒီဇယ် (ပရီမီယံ) တစ်လီတာလျှင် (၆၅) ကျပ်၊ ဓါတ်ဆီ(92) တစ်လီတာလျှင် (၇၀) ကျပ်၊ ဓါတ်ဆီ(95) တစ်လီတာလျှင် (၉၅) ကျပ် ဈေးနှုန်းအသီးသီးကျဆင်းလျက်ရှိကြောင်း စက်သုံးဆီဆိုင်များမှ သတင်းရရှိသည်။
DOCA(မွန်)
ကရင်ပြည်နယ်၊ ဘားအံမြို့ ကျေးရွာများမှ ဒေသခံတောင်သူများသည် ဟင်းသီးဟင်းရွက်နှင့် ရာသီပေါ်သီးနှံများကို မိသားစုအပိုဝင်ငွေရရှိရန်အတွက် တစ်ပိုင်တစ်နိုင် စိုက်ပျိုးလျက်ရှိရာ ဒေသအခေါ် ကိုင်းခရမ်းချဉ်သီး(ဗမာသီး)များကိုလည်း စိုက်ပျိုးထားရှိပါသည်။ ဒေသခံတောင်သူများ အနေဖြင့် မိမိတို့စိုက်ခင်းမှ ထွက်ရှိလာသော ခရမ်းချဉ်သီးများကို ဘားအံမြို့ပေါ်ရှိ ဈေးများသို့ လာရောက်ရောင်းချကြရာ ယခုနှစ်ရာသီ နိုဝင်ဘာလ နောက်ဆုံးပတ်တွင် တောင်သူရောင်းဈေး ၁ ပိဿာ ၃၅၀၀-၄၀၀၀ ကျပ် ဈေးနှုန်းများနှင့် စတင်ဖွင့်ခဲ့ပြီး ယခုလိုဆောင်းရာသီ ဒီဇင်ဘာလ ခရမ်းချဉ်သီးလှိုင်လှိုင်ပေါ်သည့်ရာသီတွင် တောင်သူရောင်းဈေး ၁ ပိဿာ ၂၀၀၀ မှ ၂၅၀၀ ကျပ် ဖြင့် အရောင်းအဝယ်ဖြစ်လျက်ရှိပါသည်။
ဒေသထွက် ကိုင်းခရမ်းချဉ်သီး(ဗမာသီး)ကို စားသုံးလျှင် အရသာမှာ လေးပင်ပြီး စား၍ အလွန်ကောင်းပါသည်။ ခရမ်းချဉ်သီးကို နံနံပင် ၊ ရှမ်းနံနံပင်၊ ပင်စိမ်းတို့ဖြင့် ငါးဟင်းချက်ရာတွင် လည်းကောင်း၊ ငါးခြောက်ဖြင့်လည်းကောင်း၊ ပုစွန်ခြောက်ဖြင့်လည်းကောင်း၊ ပန်ထွေဖျော်ပြုလုပ် ၍လည်းကောင်း၊ ခရမ်းချဉ်သီးအစိမ်းကို သုပ်စား၍လည်းကောင်း၊ လက်ဖက်သုပ်၊ ဂျင်းသုပ်များတွင် လည်းကောင်း၊ ခရမ်းချဉ်သီး အစာသိပ်အဖြစ်လည်းကောင်း အမျိုးမျိုးစားသုံးကြပါသည်။
ခရမ်းချဉ်သီး၏ ကောင်းကျိုးများအနေဖြင့်လည်း အသားအရေကျန်းမာလှပစေခြင်း၊ အရိုးအဆစ်သန်မာခြင်း၊ကင်ဆာကိုတွန်းလှန်နိုင်ခြင်း၊ သွေးတွင်းသကြားဓာတ်ကိုထိန်းချုပ်ပေးခြင်း၊ အမြင်အာရုံကောင်းမွန်စေခြင်း၊ ဆံသားကျန်းမာသန်စွမ်းခြင်း၊ ကိုယ်အလေးချိန်ကို ထိန်းချုပ်ပေးခြင်း၊ ဆီးကျောက်တည်ခြင်းနှင့် သည်းခြေကျောက်တည်ခြင်း မဖြစ်အောင် ကာကွယ်ပေးပါသည်။ ထို့ပြင်ခရမ်းချဉ်သီးတွင် ဗီတာမင် A ၊ ဗီတာမင် C ၊ ဗီတာမင် K ၊ ဖောလိတ်နှင့် ပိုတက်စီယမ်ဓာတ်၊ သံဓာတ်၊ မဂ္ဂနီစီယမ်၊ အမျှင်ဓာတ်၊ ရေဓာတ်များ ကြွယ်ဝစွာ ပါဝင်ပြီး အစိမ်းလိုက်စားသုံးနိုင်သလို ယိုအဖြစ်လည်းကောင်း၊ ခရမ်းချဉ်သီးဆော့စ်အဖြစ်လည်းကောင်း စားသုံးနိုင်ပြီး ယခုအခါတွင် ခရမ်းချဉ်သီးကို အလှကုန်ပစ္စည်းများတွင်လည်း ထည့်သွင်းအသုံးပြုကြကြောင်း လေ့လာသိရှိရပါသည်။
DOCA(ကရင်)
မကွေးတိုင်းဒေသကြီး၊ မကွေးခရိုင်၊ မကွေးမြို့နယ်တွင် ဈေးကွက်အတွင်းရောင်းချနေသော ဓါတ်မြေဩဇာနှင့်ပိုးသတ်ဆေးများမှာ စိုက်ပျိုးရာသီချိန်မဟုတ်တော့သဖြင့် အရောင်းအဝယ်အေးလျက်ရှိကြောင်း သိရှိရပါသည်။
၂၀၂၃ခုနှစ်၊ ဒီဇင်ဘာလ(ဒုတိယပတ်)တွင် မကွေးမြို့နယ်အတွင်းရောင်းချနေသော ဓါတ်မြေဩဇာဈေးနှုန်းများမှာ အာမို(၁၅:၁၅:၁၅)(50)Kg တစ်အိတ်လျှင် ကျပ်(၁၅၄၀၀၀)၊ MC (၁၅:၁၅:၁၅)(50) Kg တစ်အိတ်လျှင် ကျပ်(၁၄၃၀၀၀)၊ တက်တိုး (၁၅:၇:၈) (50) Kg တစ်အိတ်လျှင် ကျပ်(၇၅၀၀၀)၊ ရွှေပုလဲ(မြင်းကျား)(50)Kg တစ်အိတ်လျှင် ကျပ်(၆၀၀၀၀)၊ ပိုးသတ်ဆေးအမျိုးအစားများဖြစ်သည့် ပရိုမက်တင်(500CC)တစ်ဘူးလျှင် ကျပ်(၂၅၀၀၀)၊ ဆလက်ပက်စ် (500CC) တစ်ဘူးလျှင် ကျပ်(၂၁၅၀၀)၊ အီရာပရိုသရင် (500CC)တစ်ဘူးလျှင် ကျပ်(၂၄၅၀၀)နှင့် ဖို(စ်)တင်း EC(500CC)တစ်ဘူးလျှင် ကျပ်(၁၇၅၀၀)ဈေးနှုန်းတို့ဖြင့် ရောင်းချလျက်ရှိကြောင်း စိုက်ပျိုးရေးဆေးဆိုင်များမှ သိရှိရပါသည်။
DOCA(မကွေး)
မြန်မာနိုင်ငံစက်သုံးဆီ တင်သွင်း၊ သိုလှောင်၊ ဖြန့်ဖြူးခြင်းလုပ်ငန်း ကြီးကြပ်ရေးကော်မတီမှ တိုင်းဒေသကြီး၊ ပြည်နယ်များအလိုက် မြို့ကြီးများ၏စက်သုံးဆီ ရည်ညွှန်းလက်ကားစျေးနှုန်းများအား နေ့စဉ်ထုတ်ပြန်ပေးလျက်ရှိပါသည်။
မကွေးမြို့နယ်တွင် စက်သုံးဆီဆိုင်(၂၃)ဆိုင်ရှိရာ ဆိုင်များအားလုံး ပုံမှန်ဆိုင်ဖွင့်လှစ်ရောင်းချလျက်ရှိကြပြီး ၂၀၂၃-ခုနှစ်၊ ဒီဇင်ဘာလ(ပထမပတ်)နှင့်(ဒုတိယပတ်) စက်သုံးဆီစျေးနှုန်းများမှာ ဒီဇယ်ရိုးရိုး)၁)လီတာလျှင် ယခင်အပတ်တွင် ကျပ်(၂၂၆၀)ဖြစ်ပြီး ယခုအပတ်တွင်လည်း ကျပ် (၂၂၆၀)၊ ဒီဇယ်(ပရီမီယမ်)(၁)လီတာလျှင် ယခင်အပတ်တွင် ကျပ်(၂၃၁၅)ဖြစ်ပြီး ယခုအပတ်တွင်လည်း ကျပ်(၂၃၁၅)၊ ဓါတ်ဆီ(92)(၁)လီတာလျှင် ယခင်အပတ်တွင် ကျပ်(၂၅၁၀)ဖြစ်ပြီး ယခုအပတ်တွင်လည်း ကျပ်(၂၅၁၀)၊ ဓါတ်ဆီ(95) (၁)လီတာလျှင် ယခင်အပတ်တွင် ကျပ်(၂၆၂၀)ဖြစ်ပြီး ယခု အပတ်တွင်လည်း ကျပ်(၂၆၂၀)တို့ဖြစ်၍ ဈေးနှုန်းများ တည်ငြိမ်လျက်ရှိသော်လည်း ရန်ကုန်မှဆီခွဲဝေရရှိမှုနည်းပါးသည့်အတွက် ဆီဆိုင်များတွင် ကား၊ ဆိုင်ကယ်များ ယခင်ကထက်ပို၍ဝယ်ယူမှုများကြောင်း သိရှိရပါသည်။
DOCA(မကွေး)
