ဈေးကွက်အတွင်း မြေဩဇာဈေးနှုန်း ဈေးငြိမ်နေ
မိတ္ထီလာခရိုင်တွင် ဆန်စပါး၊ ပဲမျိုးစုံ၊ ဆီထွက်သီးနှံများနှင့် စားဖိုဆောင်သီးနှံဖြစ်သည့် ကြက်သွန်၊ ငရုတ်သီးနှံများ အများအပြား စိုက်ပျိုးသော ခရိုင်တစ်ခုဖြစ်ပါသည်။ ယခုအခါ သီးနှံများ ဖြစ်ထွန်းအောင်မြင်ရန် အသုံးပြုသည့် သွင်းအားစု မြေဩဇာဈေးများ ဈေးငြိမ်နေသည်ကို တွေ့ရှိရပါသည်။ ဇန်နဝါရီလ ပထမပတ် GBS (50kg) တစ်အိတ်လျှင် (၁၂၀၀၀၀) ကျပ်၊ ရွှေတောင်ပုလဲ (50kg) တစ်အိတ်လျှင် (၇၆၅၀၀) ကျပ်၊ အာမို (50kg) တစ်အိတ်လျှင် (၁၄၅၀၀၀) ကျပ်၊ GBS ပုလဲ (50kg) တစ်အိတ်လျှင် (၇၈၀၀၀) ကျပ်၊ ရွှေပွားပုလဲ (50kg) တစ်အိတ်လျှင် (၇၅၀၀၀) ကျပ်ဖြင့် အရောင်း အဝယ်ဖြစ်ခဲ့ပြီး ယခု ဇန်နဝါရီလ စတုတ္ထပတ်တွင် GBS (50kg) တစ်အိတ်လျှင် (၁၂၀၀၀၀) ကျပ်၊ ရွှေတောင်ပုလဲ (50kg) တစ်အိတ်လျှင် (၇၆၅၀၀) ကျပ်၊ အာမို (50kg) တစ်အိတ်လျှင် (၁၄၅၀၀၀) ကျပ်၊ GBS ပုလဲ (50kg) တစ်အိတ်လျှင် (၇၈၀၀၀) ကျပ်၊ ရွှေပွားပုလဲ (50kg) တစ်အိတ်လျှင် (၇၅၀၀၀) ကျပ်ဈေးရှိပြီး ယခင်အပတ်နှင့် နှိုင်းယှဉ်ပါက မြေဩဇာဈေးနှုန်းများ ဈေးငြိမ်လျက်ရှိပါသည်။ စိုက်ပျိုးရာသီချိန်မဟုတ်သည့်အတွက် အရောင်းအဝယ်ပါး၍ ဈေးငြိမ်နေကြောင်း သိရှိရပါသည်။
DOCA(မန္တလေး)
